Temuai

free link to home study courses guide
Online home study courses guide.

Tuesday, May 22, 2018

Gawai 2018



Selamat Hari Gawai 

ngagai semua kaban belayan ti jauh enggau semak. Maya Gawai tu meh peluang kitai betemu enggau diri serumah sereta bekelala enggau bala anak nembiak rebak baru ti lama enda di peda.

Ngena peluang tu mega
aku besampi minta berekat awak ka Gawai taun tu terus meri pemujur ka bala anak kitai ti benung belajar & sekula sereta meri pengelantang ka bala kitai ti gawa.

Besampi mega ka kitai
awak ka semampai likun ba jalai raya maya mansang enggau pulai Gawai ke menua/rumah panjai






Tuesday, April 10, 2018

PRU 14 Malaysia di kena Nuju Pemansang Semua Raban Bansa



Tabi basa ngagai semua.

Minggu tu Parliament Malaysia udah ga direrak kena 7/4/2018 tegal meri jalai rakyat Malaysia milih wakil rakyat ba Parliament sekali dalam 5 taun. Bala opis perintah endang udah kiruh lalu udah sedia bejalai ka pengawa maya bepilih tu. Bala orang politik mega udah kiruh ngayan ke diri tegal sekeda ti deka/lobi nyadi calon. 

Aram meh kaban belayan sama berunding panjai, kitai anang ngambi mudah pekara bepilih besai tu, kebuah ia, pengudah bepilih tu meh sapa sapa parti/group ke menang deka di PADU MEGAI PERINTAH MALAYSIA

Enti udah di padu megai perintah lalu sida ia meh empu tanggung pengawa:-

(1) Ngatur Pemansang (Development Projects) Bandar/Pesisir enggau chara ke setimpal (balance),
(2) Ngatur pemansang Ekonomi & Dagang Malaysia, 
(3) Ngatur/ngubah Polisi/undang-undang Perintah nyengkaum semua bansa di Malaysia, 
(4) Ngatur Pemesai baka State Secretary/Financial Secretary/Director of Government Departments/Mayors/Chairman of statutory bodies/BODs/mangku pengawa nombor SATU ba semua Opis Perintah/GLC, 
(5) Ngatur ungkup semua bansa ba dagang/contracts/scholarship/lisin, 
(6) Ngatur ngambi nembiak bekerja/trainning ba sekeda institusi/IPG, hospital, Maktab Rendah Sains Mara, Kolej enggau Universiti, 
(7) Ngatur/ngambi nembiak bekerja ba semua opis perintah enggau bala pengajar nyangkaum sekula di pesisir,
(8) Ngatur/bebagi ka peluang mangku pengawa, pangkat ke besai ba SOLDADU & POLIS Malaysia, sekeda pegawai bansa kitai sama HEBAT/pintar/berani serta bisi pelajar tinggi baka bansa bukai

Ba penemu aku, selama tu sekeda bala ti nyadi calon nyau semina deka ngudah ke aja, selalu ngena manuk lepas lalu di sabung nyadi CALON, ngujung ka kualiti SEKEDA wakil rakyat kitai pan jauh tinggal ari orang bukai. Enti kualiti wakil rakyat kitai nya enda setimpal enggau wakil rakyat bansa bukai, nya meh ngujung ka sekeda pemansang ba menua kitai enda di perambu lalu nadai BATANG PEMANSANG ti mai impak ke besai. 

Lansa penemu aku sekali tu, ukai semina calon wakil rakyat ba Parliament aja tang calon Wakil Rakyat ADUN, Wakil Rakyat ba Majlis Kerajaan Tempatan (Councillors), Temenggong, Pemanca, Penghulu enggau Tuai Rumah.

Ba senentang pekara tu, Tuai-Tuai kitai ba semua parti politik anang nangi mai bala/nembiak Dayak, tu sekeda ari perkara ti tau nyadi ka lalau ngiga calon kitai AWAK KA bisi pengelebih:- 

(1) Ia ti ngembuan/di peda "walk the talk" ukai semina nemu planning enggau bejaku aja,
(2) Ia ti ngembuan pelajar tinggi sereta bisi bekaul enggau mensia mayuh, 
(3) Ia ti udah pegari ngereja pengawa ba opis perintah/opis luar/NGO,
(4) Ia ti udah bisi pemujur ngatur ruang bilik diri empu/serumah ba pelajar sekula, unity & pendiau pengidup,
(5) Ia ti ngembuan peneleba mangku pengawa ke besai tang udah penchen/retire,
(6) Ia ti ngembuan pengarap/ugama ke tegap awak ka nyadi tungkat/lalau bejalai ka pengawa enda bechiping, enda betebing, enda amu sereta sereta semampai belalau ka pengelurus dalam ia bejalai ka pengawa

Nyadi kitai ke pengundi mega patut nemu "ni bagi batang besi enggau ni batang kayu taja dua-dua udah di sapu chat"  kena kitai "ngelala" calon ke patut di titih lalu dipilih nyadi ka PENGARI KITAI.

Bala nembiak ke udah manggai atau lebih ari umur 21, enda sempat diatu,  rejsita meh kita dulu ari diatu, awak sama mantu ngatur pemansang menua jemah ila.

Terima kasih

Apaienduq

Monday, April 9, 2018

Baru Tetemu ka jalai ngagai Penjurai Apaienduq







Tabi basa sereta selamat betemu baru

Asai udah berapa taun tesat, pagi tu tetemu ka jalai masuk Penjurai Apaienduq.

Arap ka jalai tawas belama awak badu tesat, lalu arap ka terus mujur belama ngagai semua kitai ti jauh enggau semak




Ayos maya Misa hari minggu

Panggau Bujang Berani

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa