Ceramah Motivasi (Part 2) SMK Pakan

Tampung berita ari Part 1. Enda kurang ari 400 nembiak Pom 3 enggau Pom 5 di asuh datai ngulu Ceramah Motivasi kena 25/9/2010 ba Dewan SMK Pakan.

Terima kasih sekali da ngagai Tuan DO En. Inting Nyami sereta SOA En. Dana Ungki laban ti udah ngumpul bala ti datai ari Kuching, Sibu, Kanowit sereta Miri. Terima kasih mega ngagai bala Penceramah, ti udah chukup bersedia taja pan Ceramah Motivasi ka nembiak serebak enggau Ceramah Motivasi - Membina Modal Insan di tuju ngagai bala apai indai ti seranta ari pelilih menua Pakan.

Sekeda bala penceramah enda ulih datai ba last minute, beduduk ari nya siku-siku penceramah ngenatai ka enda kurang ari 3 topik kandang ke 2 hari nya. Terima kasih mega ngagai Raban ari Dayak Association Miri (DAM) ti betuai ka En. Alex Isut seduai Mrs lalu di sempulang En. Mathew Bension seduai Pn. Gloria limping ti sama datai lalu sama bekunsi ka peneleba enggau penemu ngagai nembiak sereta bala apai indai.

Maya ngepun ka Ceramah pagi nya, En. Mathew Bension, En. Alex Isut, En. Anthony Banyan sereta En. Mabong Unggang

Sama ngering ka semengat sebedau ceramah belabuh


Bala Nembiak Pom 5


Bala Nembiak Pom 3

Ikrar ngetan enggau nambah ka pengerajin

Nyadi Tuai macha Ikrar nambah ka pengerajin belajar nuju pemutus peresa ti manah

Bala nembiak, ngalih ka lemai


Penatai bala Penceramah di sambut wakil Pengetua SMK Pakan

aab

Anggat Manggai 17

Selamat hari pengada ka nuan Anggat. Emmm enda berasai 17 ga udah nehhh. Baka selama makai diri sebilik tang sekali tu 2 iku absent, Watt seduai Ujang enda ulih pansut ari Asrama, tegal hari sekula.

Taja pan Watt seduai Ujang enda ulih datai, tang tetap minta sangkung KFC. Nadai Jaku ga, ka pan enda, nyangkung ga "take away" lalu anjung ngagai siku, ngagai siku meh lemai nya, awak ka bela ampit kunsi sida menyadi.

Ha ha ha look so simple but meaningful as it is a 17th birthday cake for Anggat

Ayos mai ngarau ba KFC

Panjai tuchum taja selalu claim birthday cake orang

Emmm benung betugas nyaga Ayos

cda

Ceramah Motivasi (Part 1) - SK Nanga Pakan

Ngenatai ka pengaga ati sereta terima kasih ngagai Tuan DO, En. Inting Nyami sereta bala Kunsil lebih agi En. Dana laban ti ngemerat ka pemansang pelajar sekula enggau ngemansang ka pelajar ngangkat ka pendiau pengidup bala ti seranta (Miskin Tegar) di rumah panjai.

Program "Ceramah Motivasi" renggat terubah kena 19/9/2010 tu tadi ba nembiak SK Nanga Pakan. Program tu di atur Pejabat Daerah Pakan begulai enggau PIBG sereta di bantu SDNU HQ.

Pemesai ari Opis Pelajar ti bisi datai En. Mabong Unggang ari Kuching, En. William Baja ari Sibu enggau En. Suai Kirak ari Kanowit. Raban SDNU ari HQ betuai ka En. Anthony Banyan lalu di sempulang En. Langkasty Narang seduai En. Edmund Renggie. Mega bisi datai ngulu pengawa nya En. Boos Tutong, siku orang dagang ti lalu nyadi Coordinator program kena 19/9/2010 (Sk Nanga Pakan), 25/9/2010 (Pelajar Pom 3 & 5, SMK Pakan) enggau 25-26/9/2010 (Ibu Bapa Miskin Tegar)

Ngari ka SDNU, mega ngenatai ka terima kasih ngagai Tuan DO sereta bala Kunsil laban ti enda belampung ati ngangau ka SDNU begulai ngerembai ka penemu ngagai bala Dayak ti seranta di menua pesisir.

Arap ka sida iya anang jera ngangau maya dudi hari ila, lalu pia mega arap ka Pejabat Daerah bukai tau nyunto Pejabat Daerah Pakan ngatur pengawa ti ngemansang ka pelajar sekula enggau pelajar ngangkat ka pendiau pengidup di menua pesisir.

Guru Besar, bala nembiak, bala Penceramah & Pemesai

En. Suai Kirak, En. Mabong Unggang, En. William Baja dan En. Edmund Renggie

En. Suai Kirak

En. William Baja

Para pelajar

En. Mabong

Bala nembiak


En. Suai Kirak nerima pengingat ari Guru Besar


SAO En. Dana ngenatai ka pengaga ati ngari ka DO En. Inting Nyami

cda

Terebai (Part 3)

Terebai nampung pejalai ari Bintulu ke Kuching ba hari ke tiga. Pejalai endang sebaka enggau jalai mansang, pia ko Pilot tang ulih limpang ba sekeda endur aja. Reti iya heli sigi meruan route diri empu kin kia kini nya.

Maya ti pulai ke Kuching, nadai mantah ga pilot, dibai mansa Pasar Kanowit, Pasar Machan enggau Pasar Julau sebedau nuju ke Maludam enggau Lingga.

Kira ke ngenatai ka terima kasih meh ngagai Cpt. Sureza laban ti kemerah amat maya ti dalam heli, lalu nadai sanggu madah ka siti-siti utai ti di tilik ari atas.

Nunsong Ebah enggau Bennet Baja seduai anak nurun ke Airport Bintulu

Sedia berangkat mulai ka diri ke Kuching

Camera enggau GPS sedia ka dulu

Pasar Kanowit

Pasar Machan

aab

Terebai (Part 2)

Hari kedua, kami sebuat terebai baru, ninjau menua di Ulu Sg Meluang Ulu Tinjar. Endur nya di temu alai ikan TAPAH NGABAN ninting taun. Kira jam 11.00 pagi , kami sebuat lalu terus nuju ke Mt. Mulu enggau Mt. Buda sebedau ke Limbang deka ngisi minyak heli enggau minyak kami sebuat kira jam 2.00 lemai.

Nganti heli mansa ba Miri


Heli kena kami sangkai ba rumput ba Ulu Tinjar


Kaban begaut limpang ngesuh laban heli ngisi minyak enda lama di Miri pulai ari Ulu Tinjar sebedau mupuk ke Limbang



Bukit Batu enda jauh ari Gua Mulu enggau Gunung Buda



Gua Mulu di peda ari jauh

aab

Terebai (Part 1)

Lama ga udah enda ensepi terebai, agi mit suba bendar kami terebai ngena tali tau ka ngena akar ari tebing lubuk. Sida ti berani agi nyau betiki ka puchuk/ujung dan ensurai, minta puji kini!!!! Merejuk baka Sukma baka Olimpik nya meh kami sebuat suba.

Sekali tu, terebai di bai kaban, nguji ngena heli twin engine, asai asai kurang ga nangi. Kala ngena heli single engine tak suah agi nyau temepap munyi propeller.

Nasip ga bisi peluang bejalai ka pengawa ngena heli ari Kuching ke Bintulu lalu bemalam di Miri. Pagi ari Miri ngabas menua di Dulit Range Ulu Baram. Nikal baru ke Miri ngisi minyak lalu ke Limbang mansa Gunung Mulu enggau Gunung Buda. Makai tengahari sereta ngisi minyak heli di Limbang enda lama.

Lemai nya ari Limbang, terebai baru mansa Gunung Buda enggau Gunung Mulu mulai ka diri ke Bintulu sebedau pukul 6 lemai.

Terima kasih ngagai Pilot, Cpt. Surezza laban ti offer duduk semak iya. Peluang besai meh nya asai sepi aku. Kala ga bisi offer duduk ba penduduk Co-Pilot ngena Forker lebuh pengawa sida di Miri Airport tersilap nyimpan nama. Tiket ari Miri pulai ke Sibu, tang engkah sida ba boarding pass Miri-Bintulu.

Lebuh ti transit Bintulu kaban pan nadai kebut-kebut laban ti enda nemu nama utai ti nyadi, baka selama duduk dugau dugau macha. Enda lama udah nya, "boleh tengok pass Encik". Kenapa ko aku ga, "emmmm tuan sudah tiba di Bintulu, seat ini untuk penumpang dari Bintulu ke Sibu" Ohhhh sori, saya ke Sibu bukan ke Bintulu ini teket saya......amat ga teket aku sigi ke Sibu tang boarding pass naka Bintulu. Sori saya tak beli teket sampai Bintulu...agi nyaut kaban enggai ngalah ka diri, semadi meda indai tuai nya beberap ka anak kira umur setahun. Angkat ga kaban tang mati mati enggai nurun ari bilun.

Nyau pemuas bekelikuh enggau Ground staff, kira bisi 5 minit, Capt/Pilot pan lalu pansut, betanya "what s the problem?" ..."Cpt. Encik ini penumpang dari Miri sampai Bintulu, tapi mengikut teket, dia memang ka Sibu, tapi seat semua penuh" ....."alright I want detail report on this problem, Mr. XXX, I hope you don't mind to seat with us in the front, our co Pilot will wait for the next flight"....orait sir, ko saut kaban, this is a guldien chaaance for me to seat at Co-Pilut Seat. think kiyu sir.

Ha ha ha nya cherita lama ti nyadi kandang dalam taun 1997-1998 suba. Maya nya suba 6 iku dalam siti bilun ari Kuching ke Sibu pan kala. Sekali maya ka pulai ke Sibu, udah masuk departure lounge, di kangau orang pansut asuh ngambi teket first flight pagi siti kena nikal ke Kuching baru pan udah nyadi. Macham-macham meh utai ti tau nyadi.

Anthony Banyan, Cptn Surezza, Nunsong Ebah & Bennet Baja at Kuching Airport

Masuk hari pertama sudah dapat sijil Pilot tapi tiada lesen terbang, layak jadi penumpang

Pama meh, ila meli bilun ti mit, tupi dulu, lama lama ulih meh tepan, ulih terebai belakang kira

Pulau Saduka enda jauh ari Pasar Lingga, mayuh baya, endur benak belabuh

Jambatan Durin, Jalai baruh jambatan nya ti bisi kena rimbas pending udah di tukar nadai betanya, ngagai "Jalan Nyim Sin Na" suba Jalan Stabau-Salim nitih ka nama menua dia ti kedir agi di wan bansa Dayak Iban

Persahabatan Tiga Keluarga dari Dua Buah Negara

Bapak Thadeus Yus dan keluarga yang datang dari Pontianak telah menjemput keluarga saudara Narang dan keluarga saya ke Majlis Makan Malam bersama keluarga beliau di salah sebuah restoran di Kuching sempena Ulang Tahun beliau yang ke 53 pada 22/8/2010 yang lalu.

Anak-anak Bapak Thadeus dan anak-anak saya telah menjadi sahabat sejak 23/12/2006 yang lalu. Persahabatan saya dan saudara Narang dengan Bapak Thadeus serta Ibu Lies pula telah pun bermula pada suatu Majlis Munas Dewan Adat Dayak pada pertengahan bulan September 2006 di Pontianak.

Terima kasih kepada Bapak Thadeus dan sekeluarga kerana menjemput kami, keluarga saya dan keluarga Saudara Narang. Mereka sekeluarga sebenarnya, dalam perjalanan pulang bercuti dari Bangkok melalui Kuching sebelum meneruskan perjalanan menggunakan kereta sendiri ke Pontianak pada 23/8/2010.

Dalam pada masa yang sama, mereka juga turut menjemput dua kelurga ini untuk berkunjung ke Pontianak pada bulan Oktober yang akan datang sempena dengan Majlis Perkahwinan anak sulung mereka, Martin.

Makan malam itu, sangat meriah sekali. Hubungan persahabatan yang rapat di antara ibu bapa tiga keluarga nampaknya mendapat sambutan dari anak-anak walaupun dipisahkan oleh sempadan antarabangsa, bagi dua buah negara yang berlainan tetapi rumpun yang sama.

Semoga persahabatan tersebut akan berterusan untuk selama-lamanya. Salam manis dari keluarga saya dan keluarga Saudara Narang dari Kuching untuk keluarga Bapak Thadeus di Pontianak.

Persabatan di antara Tiga buah Keluarga

Ayos menerima Kek dari Bapak Thadeus

Keluarga Bapak Thadeus dan Ibu Katherina Lies

Ibu Lies, Indai Enduq n Indai Bob

Anak-anak Bujang

Tiga keluarga berehat di kedai kopi

aab

Limpang Berumban ke KL

Puas bendar bebagi ka jam, nyau limpang ga ngulu ka Enduq ke KL dua malam 12-14/8/2010 tu tadi. Pengawa iya, ya berat ya enda ga tang enggai ga nyadi be-enda-enda. Asai chukup berat mega ati, laban tambang diatu .........emmmm, tang sinu meda Enduq kediri taja pan di KL mayuh bala anak betunggal ulih nganjung iya kin kia.

Limpang......, tak berumban amat, nadai peluang bejegau sengapa. Kira OK ga enda ibuh limpang ke bukai laban kena kabut "economoney". Di KL, sempat ga ngagai Kedai Buku UM enggau Syarikat Kamal.

Berasai gaga ga tudah iya, tegal bisi orang ngulu, bai bejegau ke bukai enda lama, sigi nadai masuk bup ia.

Pulai udah nya, berasai amat, tang asai-asai sigi udah nemu, nya kebuah enda ngena Airasia. Enti ngena Airasia jangka aku, terebai RM640 setegal mai barang enggau buku kira 52 Kg. Nyau bepurus dada asai udah nya.

Apai Ansam ngambi ngagai KL Sentral

Baru terubah meda jalai di KL nadai kereta, entah nama kebuah???

Express ari KLIA ke KL Sentral

Betemu enggau YB Datuk & Datin Peter Nyarok ti sama flight ke KL

aab

Watt Dah 18

Taja pan semampai kiruh kin kia, enda ga tak nyengala ngeleka ka sekeda pekara ti nyadi ba diri sebilik, lebih agi ka bala anak. Enda berasai nyau manggai 18 ga tudah Watt kena 11.8.2010 tu tadi.

Nyau berumban ga begumpul ka sida menyadi laban ti enda segulai pendiau tegal nitih ka singkang pemansang orang bukai ba sekula. Watt seduai Ujang diau ba Asrama taja pan alai sama di Kuching. Nadai bekangau ka bala tang semina sida menyadi besepu ka candles pemulai ari KFC.

Lemai nya, hari biasa, berumban baru mega beranjung ka Watt seduai Ujang pulai ke Asrama baru sebedau jam 10 malam.

Puji Tuhan laban semua pengawa lemai nya mujur magang. "Selamat Hari Pengada ka nuan Watt"

Ayos nganti pemakai ti datai

Watt, Anggat & Ujang

Ayos ti lebih ari sida menyadi ba semua utai

Watt besua ka pemakai enggau Mum iya

cda