Gambar Bejalai Segau-Segau (Part I)

David Idu, di bantu Kumol seduai Rodgers meresa Roadtax ba Imigresen/Kastam Brunei di Sg Tujuh

Highway Brunei maya ti jarang amat kereta belimpas

Kedai Kopi Nyamai di Ng. Mendamit Limbang

Sub District Office, Ng Mendamit Limbang

SMK Ng. Mendamit Limbang

Nemuai ke Miri, Limbang & Lawas

Bejalai ka pengawa, diatu benung di Limbang. Nadai ingat sapa bagi kaban ti bisi di Limbang. Call kaban ba Maybank, iya benung permisi di Sibu, call kaban ba Immigresen, iya benung curse di Malaka.

Akai dai nadai siko kaban ulih giga, bai enggau bertungga ngirup kupi wo. Nasib ga kaban ti enggau ari Miri nemu kuing menua di Limbang - semua jalai di pasuk magang nyentuk ngagai Ng Medamit & Ulu Kubong, ketegal raun matau menua. Sekali tu bisi penimpang pangan diri laban ngenyadi ka camera HP. Nya meh kebuah gambar sebulan tu nadai nyengala. Camera udah masuk sepital !!! Ahhhh mayuh amat ga penanggul kaban tu, mai laptop andal amat ga rigang rigang ba Lobi Purnama Hotel ka ngabas dunya nyiber. Meda berita ApaiSerani, ApaiUmbart tang enda mukai mukai - keno wireless enda ulih masuk. Nama utai nya kini ApaiSerani? Tusah baka tu, nadai malu nanya sekali "bisi sibir kapir" ditu endun? Nama deh manah saut tudah, bisiiiiiii uncle ba "shuppieng kumplik" din.

He he he.. ba "sibir kapir dalam shuppieng kumplik" meh kaban nganjung tu. Gambar dudi ga ngirum.

Berita ari SDNU Sarikin Bau - Nemuai ke Kalimantan

Terima kasih ka kaban SDNU di Sarikin Bau, Unggal Pahang, laban ti udah meri berita aktiviti SDNU Sarikin. Program sida tu deka nemuai ke Kalimantan kena ujung minggu dudi nyin ila, tang taja pia, haribulan sida iya nyangka deka di insul ngagai tengan bulan April 2009, laban irau ka URUSAN SURAT KEIZINAN MELAWAT KE KALIMANTAN enda sempat di terima ari Pejabat Daerah/Camat Jagoi Babang.

Pesan ngagai bala kaban SDNU ti bisi berunding deka enggau nemuai kin tau rejister tumu (Nama, No. IC, No. Kereta, HP) laban semina limited seat aja di kangau kaban ari Kalimantan. Pekara ke silik tau tanya ari opis SDNU tel/fax: 082-570433 tau ka kuntik kaban kitai ti mantu Komiti Pengatur SDNU Sarikin 019-4673027.

Aturcara Lawatan Sambil Belajar SDNU ke Bengkayang dan Sengkawang
(27 – 29th March 2009)


27/3/2009

7.30 pagi (Waktu Malaysia)
- Bertolak dari Kuching/Sarikin/Jagoi Babang

9.00 pagi
- Sampai Jagoi Babang
- Kunjungan Hormat ke atas CAMAT Jagoi Babang

10.30 pagi
- Jagoi Babang/Sanggau
- Kunjungan Hormat ke atas CAMAT Sanggau

11.30 pagi
- Lawatan ke Public Jagong Paket

3.30 ptg
- Kunjungan Hormat ke atas Bupati Bengkayang,Bapak Drs. Jacobus Luna dan Dewan Adat Dayak (DAD)Kabupaten Bengkayang

4.30 ptg
- Bengkayang/Sengkawang

6.30 ptg
- Makan Malam bersama Bapak Libertus Ashi dan ahli-ahli Dewan Adat Dayak (DAD)

10.00 malam
- Acara bebas


28/3/2009

7.30 pagi
- Sarapan pagi

9.00 pagi
- Kunjungan Hormat ke atas Walikota Sengkawang

10.30 pagi
- Lawatan ke Public Air Aqua
- Lawatan ke Rumah Burung
- Lawatan ke Pantai Samudera

7.30 petang
- Makan Malam bersama Ketua Dewan Adat Dayak(DAD)Sengkawang dan Walikota Sengkawang

10.00 malam
- Acara Bebas


29/3/2009

7.30 pagi
- Sarapan pagi
- Beli belah
- Berangkat pulang Sengkawang/Kuching

Jako Gerah: Berita ari SDNU Sarikin madah ka penemuai ke Sengkawang & Bengkayang udah di ubah ngagai bulan 4, perkara silik, ila madah baru

Pengidup di Pesisir

Sinu meda pendiau pengidup tudah nembiak sekula ti diau di pesisir, tudah ti enda bemalam ba asrama, pagi lemai seruran mansa jalai bedebu tauka jalai luchak. Nasib meh nya kena pansa jalai batang, jalai ladang tauka jalai besai taja pan, bedebu di banding ka bejalai kaki ngelayang sungai neresa babas tauka kebun getah enggau dandang umai.

Kelia kala ngasai idup di menua pesisir agi ba "primary one - six", nurun sekula ngena selipar tepik, tanchut kumbai tanchut pin, buk palit ngena minyak chap tancho, baju burak nyadi kuning pama datai bulan 6, tang nasib sekula semak rumah panjai, bisi bala menyadi bebasu ka kengka anak gari selambar dua.

Lebuh aku ke mindah bulan dulu nyin kemari, tepansa ka bala anak sekula nepan hilux, ari jauh berati ka sida betutup ka idung tudah laban ti bentudi enggau trak. Udah hilux ngelih trak, gaga meh tudah nembiak lebih agi nyau betambah gaga sida iya tepeda ka aku kiting-kiting megai camera nuju ngagai sida. Negi ka jari tanda "Peace" ukai sekali ukai dua kali tang amat suah.

Sinu meda sida, nyau teringat ga ka nasib bala budak diri, puji Tuhan, udah bisi nyamai mimit ari bala tudah sida nya tadi. Ari nya aku lalu nagang driver, anang ngelih Hilux , sinu ka sida nembiak kena debu, semadi hilux nya ngetu baru tau ngelih.

Arap ka bala nembiak tu mujur ba sekula, kena ngubah nasib pengidup sida iya empu jemah ila

Jalai semampai luchak ba musim ujan

Penjauh di lawa 30 KM tang pejalai kami sebuat lebih 3 jam, entah ni meh maya penyamai enggau penyenang ulih di asai ka mensia mayuh ti diau ngelinggi menua nya.

Sekeda Pekara ti nyadi

1. Sebulan udah nya

Umbas ga penanggul kandang seminggu "kaban" aku mula masuk sepital (workshop). Ukai nama, tak senenjik tekena ka maya taun baru China, tudah kaban aku "ngerising" tak seminggu di teju pia aja. Seminggu nya nadai kena nganti, nurun kelang kelut ke opis, ke sekul ke opis pekara biasa dalam sehari. Akai dai ni bisi produktif enti lama baka nya.

Tang amat nasib ga seminggu udah nya bisi "anak pelanduk" 1591, di injau kandang sebulan, baru di anjung pagi 8.3.2009. Pama meh nadai agi kelang kelut kaban jamah iya.

Mua baru, tang enda "asai" sebedau sebulan nyin suba

Sebulan nginjau, nasib amat kena sangkung dalam insuran

2. Ngabas Bungai Buah

Kena mansut ka peluh, nemuai enda lama ngabas sebatang dua pun rian. Enda ibuh megai duku, bejalai aja ngulu lebak, niki bukit mimit pan udah chukup mansut ka sengah, sema jaku bedau pansut peluh. Umbas ga pengujung, baju baka kena tinggang ujang kemi kak nya meh iya.

Ha ha ha andal ga ati, tang sigi bedau ga arap endar laban sigi ukai maya rian bebungai maya tu.

Buah bukai baka asam sigi dulu belama. Ukai nama, bangat ransing ka meda rian diri empu bebuah laban mango masuk 6 taun pan lalu nadai mansut asil taja pan ninting taun bebungai kenyau ari umur iya 3 taun. Mula suba asai asai amat ransing ngintu mango tang diatu apu kala nadai ngabas sampai 4 bulan, bula nusi, batang melai mesai "batang tapang" - kati enda tapang baru 4 kaki tinggi deh!!!!

Ayos, ka nguji niki batang rian

Siti ari pun rian ti semak penatai

Ngetu belelak ba Rumah Kebun Apai Lee Lek (tengah)

Aum BGM SIDS

Ngenatai ka pengaga ati ngagai semua kaban Serakup (SIDS), ti baru udah BGM kena 27/2/2009 tu tadi. Mayuh raban datai, ninga berita aja ga aku tu tadi laban ti nyau tepejuh ke Miri.

Berita manah di dinga aku, pengudah BGM tu, semua kaban SIDS di pinta nyadi kaban SDNU, enggau nya mega semua kaban SIDS, lalu SETUJU nitih ka atur ba Constitution SDNU laban SIDS nya siti ari pampang SDNU nitih ka rekod register ba ROS kenyau ari taun 1957 kelia.

Manah amat meh nya, awak ka semua kaban SDNU nadai bebagi nyitak diri. Ngelama tu berupai amat ga bala kitai BEBAGI DIRI, enda nyalah baka rumah panjai, bini anak ngurung diri di bilik (SIDS) magi diri ari orang ke lelaki, orang lelaki diau aja di ruai nadai tau masuk enggau nemu hal ba bilik ti di wan SIDS.

Sekali tu mujur amat ga di dinga, nyau pemuas muas President SDNU empu Mr. Mengga Mikui di saup bala komiti bukai ITUK amat nerang ngagai raban komiti SIDS pasal undang-undang ba Constitution.

Salam sereta gaga ati, ngagai semua kaban SIDS ari Lundu nyentuk ka Limbang.

Gambar ari Endun Belalai: YB Datuk Rohani di apit President SDNU Mr. Mengga Mikui seduai Ketuai SIDS YB Senator Dato Sri Empiang Jabu

Gambar ari Endun Belalai: Raban Pengari SIDS Sibu betuai ka Ir. Alice Jawan

Gambar ari Endun Belalai: Raban Pengari SIDS Sibu begulai enggau YB Dato Sri Empiang

Gambar ari Endun Belalai: Raban Pengari SIDS Miri

Gambar ari Sebugey: Raban Pengari SIDS Saratok

Sarawak Dayak Graduate Association (SDGA)

Dr. Joseph Jawa nemuai ngagai YB Datuk Patinggi Tan Sri Alfred Jabu

Taja pan laun, tang deka ngenatai ka pengaga ati ngagai raban Komiti baru SDGA ti betuai ka Dr. Dusit Jaul. Raban Komiti tu di pilih lalu di chiri ba AGM kena 21/2/2008 ba Telang Usan Hotel. Arap ka komiti baru tu ulih ngatur mayuh agi pengawa pemansang pelajar ka raban bansa mega.

Komiti lama betuai ka Dr. Joseph Jawa Kendawang ti lalu nyadi President SDGA kedua udah bekau Prof. Dimbab Ngidang ngemadu ka diri dalam taun 2007 nyin kemari. Ngagai raban Komiti ti betuai ka Dr. Joseph Jawa mega, ngenatai ka pengaga ati ngagai kita laban ti ulih mai bala mayuh datai pagi nya, lebih agi temuai ti di basa ti muka aum pagi nya, YB Datuk Patinggi Tan Sri Alfred Jabu ti lalu besemaya mantu SDGA RM20,000.00 kelimpah ari RM50,000.00 ti udah di semaya dulu suba.

Raban Komiti baru SDGA

President: Dr. Dusit Jaul
Deputy President: Dr. Elli Luhat
Secretary General: Stanley Lingoh Gara
Deputy Secretary General: Jona Kerani
Treasurer: Johnny Jalin
Deputy Treasurer: William Howell

Exco members:
1. Dajai Mancha
2. Edwin R. Tawie
3. Utap Sebau
4. Dr. Thomas Buan
5. Winston Bale
6. Diana Ningkan
7. Albert Julin
8. Edmund Daging
9. Elli Lawai
10. Dr. Alexander Sayok
11. Eli Luntai

Sekeda pekara ti kena lansa YB Datuk Patinggi Tan Sri Alfred Jabu

Pekara ti kena lansa YB Datuk Patinggi Tan Sri Alfred Jabu lebuh ti muka aum SDGA