Berita Gawai ari Sanggau di Kalimantan

Tabi sereta basa ngagai semua, tu siti berita manah ti baru di dinga/terima aku ari bala Dayak di Sanggau Kalimantan. Berita pasal Gawai Besai sida iya, nitih ka berita sida iya, Dewan Adat Dayak (DAD) Sanggau deka ngangau ka bala Dayak ari Sarawak.

Bala Komiti Gawai sereta DAD Sanggau madah ka diri ngagai SDNU, deka bepadah tauka nesau ngabang ujung minggu tu ila.

Ngagai bala kitai Dayak di Sarawak, tu meh peluang kitai nemuai kin begulai enggau sida SDNU. DAD udah lama bekaul enggau SDNU ba pengawa adat enggau main asal bansa Dayak. Barang sapa ti deka enggau ngabang Gawai ke Sanggau tau nanya pekara ti silik ari Executive Secretary SDNU, En. Spencer Birai HP: 010-8320433/offc: 082-570433.

Ngena peluang tu mega, ngenatai ka berita ari SDNU, ngelalau bala kitai Dayak ti deka nemuai ke Kalimantan tau bejimat lalu bejaga laban bisi sekeda bala kitai ngambi peluang beambi ulih lalu besadung ka surat "undangan" ari Dewan Adat Dayak tauka Majelis Adat Dayak Nasional Indonesia. Pekara ti baka tu udah kala nyadi tang bala kitai nadai sedar utai ti baka nya tau nyadi.

Invitation Card from Dewan Adat Dayak (DAD Sanggau)

Program of Gawai Opening (7/7/2011) and Gawai Closing (9/7/2011)

sdnu

Pekerja Pembinaan Gagal Mematuhi Peraturan NIOSH

Siku ti gawa kontrak plaster rumah tinggi nadai ngena sebarang safety gear. Asai asai sepi aku sayau meh siti ari undi kitai Dayak enti sema sebarang utai ti enda di sadang tau nyadi ba iya tu. Ukai mina undi di sayau, kati iya nadai sekali-kali terunding ka bini anak iya semampai nganti pemulai iya gawa. Enti bebadi, sapa agi di anti tudah anak iya ila deh???

Gambar nya di ambi ba siti Construction Site ba Jln Song Kuching, arap ka iya ti gawa janggit-janggit nya ukai siku ari pengundi Dayak mega.

Kerja ba endur tinggi nadai ngena sebarang "safety gear", nama utai patut ba NIOSH?
(Mohon pihak berkuasa yang berkenaan memantau dan membuat pemeriksaan mengejut di mana-mana tapak pembinaan di Sarawak, seperti yang dilakukan di Semenanjung)

Pembinaan kedai Tiga Tingkat juga perlu peraturan keselamatan pekerja-pekerja binaan

cda

Gamal Nurun Sekula Udah Gawai

Mayuh utai nyadi, sigi disampi, sigi di giga, nya meh di kumbai kitai "berubah manah" utai ti deka utai ti karap ka semua kitai lebih agi maya ti agi sekula kelia.

Sebedau Gawai tu tadi chukup gaga ga bala nembiak laban ti permisi sekula panjai tambah mega berebak enggau Gawai. Ayos ukai semina gaga ka diri deka permisi lalu madah ka diri mandi sungai, tang chukup betambah pengaga laban ti mai nick tie pulai ke rumah di beri Cikgu.

Sangka tak nama-nama, masuk kereta madah ka diri "Cikgu meri Ayos NITAI, kena Ayos sekula udah cuti ila, laban Ayos nyadi Penolong Ketua Darjah". Dalam ati sapa enda "senyum" meda tudah iya di pilih nyadi siku tuai dalam kelas. Aku semina tesaut ka Ayos, "nuan di pilih Cikgu nyadi Penolong Ketua Darjah, nyangka Cikgu meda Ayos sigat sereta good boy".

Posing Bujang Sigat

Posing mua sigat tang mata, gaya jampat ringat

Posing anak pengakap

cda

Temuai Ngelebus Gawai

Taja pan Gawai udah ngelebus, tang sekeda bala kaban belayan ti mansa bisi nemuai ngabas pangan diri serambau enggau agi mut Gawai.

Penemuai tudah enda ga tak bangat enda sedia, ni utai ti ulih adu, lalu adu meh, mansuh enda ga bangat nyamai tang enda tusah di kerja asal tulang ka.

Berasai amat temegah ati mega kami sebilik laban kaban lama Mr Tang Hung Yi sebilik ngenatai ka diri lalu pia mega 2 iku Engineer AirAsia ti benung di Kuching begulai enggau Igat Jay Sibat bisi mega datai kelimpah ari Dom ari Bakun, Ifis (Bonface) seduai Galang ari KL ti benung pulai Gawai di Machan.

Enda di tinggal mega bala petunggal bukai ti semak alai diau - Sigie Jagom, Indai Raymond & menantu sereta bala uchu.

The family members of Mr. Tang Hung Yi of Kung Phin Villa Jln Bayan Kuching

Mr Tang Hung Yi and my nephews Paulus Kendawang (Kpg Antayan), Galang (KL/Machan), Boniface (KL/Machan)

Makai tengahari belauk ka pansuh manuk & pansuh ngut

Mr Tang & family members enjoyed the "pansuh manuk & pansuh ngut" and other Gawai foods

Nephew, Jay Sibut and his two Airasia Engineer friends En. Zul and En. Amir from KL 1st time enjoyed the "pansuh manuk"

Sekeda bala diri sebilik ti datai Indai Raymond enggau bala uchu

Sigie Jagom mega bisi datai

Ayos ngemata tang iya masuk ke 3 raun

cda

Pengawa Ninting Taun

Enda ga berasai, ninting taun semampai betambah tuai. Dalam ati agi belala biak, ngicha ka agi ulih enggau bekejengkak maya ba rumah panjai, agi ulih betekechit maya sebelah babas, agi bekejanggit merejuk mandi ba lubuk ai sungai, tang apa kedaya, udah atur Petara.

Parai sida ke tuai ganti tubuh ke dudi, Pechah periuk tanah ganti enggau rice cooker, ni ka nyadi di ganti enggau periuk tanah, nyau surut ga pengidup kitai, suba udah ngasai biak diatu enda ulih lalai, majak tuai. Pengidup diatu tetap/seruran ngatur pengidup bala anak jemah ila, ngicha ka sida mansang lima singkang lebih ari niang aki kitai kelia.

Endang baka selama, bala anak pan semampai ngingat ka sekeda hari ti alai sida iya bebagi sereta bekunsi ka kek. Ba tubuh kitai nadai meh utai baka nya nyenggala beguna, tang ba sida iya, besai amat meh reti, nya meh kebuah sida iya begiga ka kek ka diri empu belama. Tu tadi limpang mega nitih utai ti tuju sida iya. Mujur ga laban sida menyadi bisi magang, sama beping wing kin kia. Puji Tuhan !!!!

Entah, nama pengawa Ujang seduai Ayos tu???

Kapa ga Ayos seduai Ujang nuduk ka "dian" ngemayuh nya???

Akai kai......baru udah nyebut leka sembiang, nya tuju kek tadi!!!

Agi ka meda api ba "dian" ga Ayos neh!!!

Ba KFC aja sida Ayos serumpu, tau enda ibuh ke bukai

Puji sereta terima kasih ngagai nuan Tuhan laban ti semampai ngemata, ngiring, ngering sereta ngibun pengidup kami menyanak

Ha ha tu belakon aja, agi rindu meda api, bendar nat ka diri ka nyepu api "dian"

Agi belakon, nyau kembai besai kuyu Ayos nyepu 8 iti api "dian"

cda

Ramah Tamah Gawai

Terima kasih ngagai Big Boss, laban ti mai semua bala ti sama alai kerja, ngintu Gawai ba Ramah Tamah Gawai kena 9/6/2011 tu tadi. Berumban mega tudah pangan mulai ka diri ke tempat alai gawa, ngicha ke sama ampit, meri sukung ka tudah ti ngatur nya.

Udah manah meh nya, Ramah Tamah Gawai kena orang bebasa ka kitai. Selama tu asai-asai nadai kala orang ngasuh ngatur ramah tamah ka kitai. Kitai empu meh ti suah agi kiruh ngatur nya sesama diri, ukai meh nya di atur ba opis. kala serumpa ba rumah pangan diri kelimpah ari ba kedai (sebaka enggau seturen).

Kelimpah ari nya, ba tingkat Indu Opis pan udah berambu, benung ngatur Ramah Tamah Gawai kena 30/6/2011 tu ila. Terima kasih meh ngagai Pengarah, Tuan Hj, arap ka semua pengawa di atur sereta di perambu dalam opis nadai agi bechiping ati. Pengawa ke udah balat amat ga bechiping, mungkang nadai ngungkup ka bala kami sebuat, tang nya pengawa Boss ke dulu.

Pen. Pengarah Kanan Hj Abang Mohktar bejaku ngepun ka Ramah Tamah Gawai

Ha ha tu ukai Keling Kumang tang nginjau baju orang kena posing

Kunsi Kek, bisilah tuju kek nya!!!

Sekeda ari bala seOpis ti bisi datai

Ukai selalu

aab

Sekeda Pengawa Lepas Gawai (Part 3)

1. Majlis Perkahwinan Anak Saudara Hashim Ahmad di Jempol Negeri Sembilan (4/6/2011)

Setinggi-tinggi tahniah kepada Saudara Hashim dan Isteri ke atas perkahwinan anak lelaki mereka pada 4/6/2011. Terima kasih juga kerana sudi menjemput kami, maklumlah lama juga sudah tidak merasa juadah istimewa semasa majlis kahwin, mana tidak awal-awal lagi kawan cakap "ya ya saya datang".

Kawan punya pasal, sejauh mana pun datang juga sekiranya keadaan mengizinkan dan kena pada waktu dan tempatnya.

Saudari Hasmawati Hasbullah dan Kakak Mahani Bandi, saya mohon maaf kerana tidak dapat memenuhi undangan yang sama sebelum ini, maklum ajalah, tak kena waktu dan tempatnyalah tu. Walau bagaimanapun, tahniah juga dari saya sekeluarga kerana kalian telah berjaya "memperbesarkan keluarga".

Rakaman kenangan bersama Saudara Hashim Ahmad dan Isteri

Anggat (Christopher) & Apai Boy @ Gaung (Edwin Jugas)

Para Tamu Undangan

Sebelum meninggalkan Majlis, sempat merakamkan gambar di hadapan rumah Saudara Hashim Ahmad

2. Nemuai ke Masai Johor (4/6/2011)

Ngena peluang enda lama sereta berumban kin kia, sempat ga nemuai ngagai bala kaban belayan ti diau di Masai sereta gawa di Johor. Ka enggau enggai nemuai bepanggai ba diri empu, kebuah pia laban utai ti di kena mindah sereta kaban ngulu nyidi jalai sigi udah bisi, tang semina ngira ngering diri buntau sereta lelak.

Nama deh, udah ti nemuai ngagai kaban di Jempol Negeri Sembilan kira jam 1.30 tengahari, lalu mechut mupuk ke Johor. Pejalai ke Johor sigi nadai nyenggala bebatang tang semina deka betemu enggau bala kaban beserebak enggau musim ngabang.

Datai di Masai kira jam 7.oo lemai, nyengguk ba dua buah rumah, udah ga kenyang. Ngabang, nyawa nadai utai di anjung agi, segelas dua, sekerat dua kerat nyau semadi laban ti sigi lelak enggau buntau. Enda berasai, agi belala ga berandau betundi jam pam udah dini hari 1.30 pagi. Mupuk ari Masai mulai ke diri ke Port Dickson jam 2.00 pagi, nasib bisi spare driver, anak Bujang pangan - Anggat.

Bala uchu Igang (Anak Jugas, Anak Masing, Anak Sebi)

Mangi Masing menyanak

Anggat, Indai Sima, Sima, Manggi Masing

Sempat nemuai ke Masai - Indai Nancy, Linang & Apai Nancy

Sama serumpu ba rumah Apai Nancy


Gaung @ Edwin Jugas seduai Igoh Jampong diri sepetunggal nadai kala betemu tang semina kala ninga nama pangan diri (Indai seduai diri menyadi)

Anggat terubah mai motor ba PLUS Highway (JB-Seremban)


Tisi jalai PLUS Highway semak simpang Pasir Gudang

R&R di Machap Johor

Nganti "uda Kupi Wo" (order Kopi O) ba Machap

Lori Sawit pala nyenguk parit

Kancil nguji ka merejuk parit berimbai enggau paip besai

cda

Sekeda Pengawa Lepas Gawai (Part 2)

1. Bandaraya Melaka (2 & 3/6/2011)

Sentara ti nganti jam chukup, alai Enduq ke ngangau baru ngagai Melaka Manipal Medical College, tau kumbai abis ga Bandaraya Melaka alai bepusin ke ulu, bepusin ke ili, ke atas enggau ke baruh. Nyau pengujung iya ngetu ga enda lama ngisi minyak, aus, naka-naka ga pemanas Bandaraya Melaka enti di banding ka enggau Bandaraya Kuching.

Akai dai nasib ga Bandaraya Melaka nadai tak bangat jem jalai kin kia sepagi sampai ka tengahari nya. Enti jalai jem udah 100% enda ulih ke ulu ke ili. Hari ke dua baru ngasai ka bisi jem, tang engka salah jalai pasuk kini, laban ti deka nguji bejalai tengah pasar lama.

Ngetu ngirup pagi ba gerai enda jauh ari Kota A Famosa

Sekeda endur ti di pansa

Model Kapal Layar ti enda jauh ari Kota A Famosa

Tichak Kok Go di tubi "anak buah" di Sungai Udang Malaka

Peda ari Terminal 1, Seremban

2. Hutan Lipur Bendol Negeri Sembilan (3/6/2011)

Ba hari ke dua bejegau, pemulai ari Melaka nuju Seremban kami sebuat lalu ngetu ba Hutan Lipur Bendol. Kira dua kali ga udah ngetu dia, sekali tu ngetu laban ti mungkang di pansa tambah mega sengaja deka beduan bala kera, nabur ka sekeda roti ari kereta, nyau beterudus sida mansang.

Ari Bendol kami sebuat lalu terus ngagai Seremban, ngetu ba Terminal 1, alai Bus Express sereta shopping complex. Ngetu ngirup meh ke bendar sebedau pulai ke Port Dickson.

Sungai Bendol kala bah tunggal sereta kala naban ka mayuh nyawa mensia

Berebut ka pemakai di tikau ari kereta, sida tu enda nemu dini alai bebeli ka roti ka diri empu


Penyu besai ba Bendol


Anggat seduai Aya Gaung ngetu ba Hutan Lipur Bendol, Negeri Sembilan

cda