Temuai

free link to home study courses guide
Online home study courses guide.

Monday, March 29, 2010

Makai Malam SDNU Mukah

Ngenatai ka pengaga ati ngagai SDNU Mukah laban ujung minggu tu tadi, kena 27/3/2010 SDNU Mukah udah mujur ngatur pengerami makai malam di kena nyambut SDNU Pampang Mukah udah manggai 4 taun.

Kira 26 meja bisi di sediaka Komiti lalu diungkupka semua kaban enggau bala pangan SDNU ti ba pasar Mukah, Selangau enggau Dalat.

Timbalan Resident (TR) Mukah sereta DO Dalat sekeda ari pemesai perintah bisi datai ngulu pengerami malam nya. Bala Tuai Raban bansa, Penghulu sereta Konselor enggau Tuai Rumah mega sama bisi datai ngerami malam nya.

Nitih ka berita ari Chairman SDNU Mukah, En. Minjo Simanding, tu meh terubah iya pengawa Pengerami Makai Malam di atur SDNU Mukah.

Serambau enggau makai malam nya, mayuh bengkah pengawa bukai bisi di selit di kena merindang malam. Kelimpah ari belagu & poco-poco ka bala VIP, mega bisi ngenatai ka insentif pelajar sekula enggau sijil cemerlang ngagai bala nembiak.

President SDNU, En. Mengga Mikui di kangau ngulu pengerami nya tang ia di ari ka Vice President 1 sereta 3 kaban ti selalu kin kia ngulu pengawa SDNU.



Pengingat SDNU Mukah manggai 4 taun


SDNU Mukah enggau nyambut Earth Hour


Begambar pengingat Timbalan Resident Mukah sereta Pegawai Daerah Dalat


En. Jonathan B seduai En. Lancasty Narang begulai enggau TR Mukah & DO Dalat


Nerima tanda pengingat ari Chairman SDNU Mukah


Instructor ngajat SDNU Mukah


Sijil tembu belajar ngajat


Chairman SDNU Mukah En. Minjo Simanding


Selamat betemu baru ngagai Indai Danny (ari Kanowit) & Apai Danny (Ari Mukah)


Unggal Ladi Ak Chau sebilik


Bungai ari Mrs. Luke Sulai


Bungai dah ready


Sekeda bala Komiti Makai Malam


aab

Monday, March 22, 2010

Sekeda Pengawa SIDS Sarikei

1. Aum Ninting Taun

SIDS Sarikei, udah mujur ngatur Aum kena 20/3/2010 tu tadi ba siti Restoran di Sarikei. Pengawa nya di atur ari pagi sampai ka lemai. Kira bisi 250 ari 600 kaban SIDS Sarikei bisi datai kelimpah ari bala temuai bukai ti di kangau.

Ngenatai ka pengaga ati ngagai semua kaban SIDS Sarikei laban ti udah berupai amat nyingkang ari taun-taun ke udah. Pengaga ati mega ngagai Raban Komiti ti betuai ka Pn. Rossie Jita, ti udah berupai mujur ngatur sekeda pengawa ka bala kaban SIDS. Arap ka kita terus nyingkang mai semua kaban SDNU ba semua pengawa.



Komiti baru SIDS Sarikei sekali da betuai ka Pn. Rossie Jita


SIDS Sarikei benung Baum (AGM)


Bala kaban sereta temuai ti bisi datai ba Aum SIDS


Temuai, TR SI (rtd) Wilfred Uli ngenatai ka jaku puji sereta jaku peransang ngagai bala kaban sereta Komiti baru SIDS ti deka dipilih



Pengari SDNU ari Indu Opis, nerima Tanda Pengingat ari Pn. Rossie Jita


2. Seminar Berandau Nuju Pemansang

Pagi nya sebedau aum belabuh, bisi 3 iku Speakers ti udah di padu bejaku nerang ka jalai pemansang ka semua kaban SIDS.

Terubah bejaku, pengari ari Hospital Sarikei, besangkut paut ka pemansang pengerai ka orang indu sereta diri sebilik.

Pengari ari Otelo Telecommunication Sdn Bhd, bejaku nerang ka chara kitai ulih nambah ka penatai pemisi Serakup/Persatuan enggau diri sebilik ngena telefon jari.

Pengari Pemesai ari Land & Survey Dept Sarikei, bejaku nerang ka pemansang tanah lebih agi ti besangkut paut enggau Sarawak Land Code sereta Tanah Adat (NCR).


Pegawai ari Opis Land & Survey bejaku pasal pengawa pemansang tanah


Pegawai Pemasaran ari Otelo Telecommunication ari Kuching benung nerang ka pengawa sambil ngulih ka penatai pemisi (wang) ari telefon jari


cda

Friday, March 19, 2010

SDNU Majak Nyingkang

SDNU diatu majak nyingkang. Ngenatai ka pengaga ati ngagai raban Komiti Pampang SDNU Sibu sereta Komiti SDNU Unit Bukit Kemuyang Sibu laban ti udah ngerembai muka siti da Unit SDNU.

Pengerami Unit SDNU Bukit Kemuyang tu tadi kena 6.3.2010, laun di pansut ba Penjurai, arap ka sida ari Bukit Kemuyang bisi ngerampas meda berita sida sekali tu meh.

Lebuh pangan mansa Sibu enda muai peluang kengka anak kangau Mr. William Baja seduai Mr. Chambai Lindong, lalu ngemesur pangan diri nitih ari belakang.

Laun datai, bisi rugi mimit laban pengawa sida tu di peda mit tang besai amat basa. Penatai bala temuai di sambut ngena piring ngena ading, ngena bebendai enggau tabuh adat rumah panjai sereta di kelembung ngena pantun gaga/puji. Tukang pantung endang di ambi ari Kapit.




Piring nyambut penatai bala mayuh


Mr Chambai Lindong nerima Pom masuk SDNU ari Mr. Ampi, Tuai Unit SDNU Kemuyang


Pemantun di kangau ari Kapit ngulu nganjung buah nyur ti deka di tukup atas pinggai


Buah nyur tukup atas pinggai/chapak


Temuai menang nukup buah nyur atas pinggai (Pinggai enda pechah)


Sekeda bala temuai ti sama datai


Cikgu Saing

Tuesday, March 16, 2010

Supreme Executive Committee SDNU

1. SDNU Installation Dinner

Seninjik bendar ulih ngulu pengawa SDNU din ditu. Pengawa SDNU ti besai amat tu tadi kena 13.3.2010 ba TanahMas Hotel Sibu, pengawa ti nyiri ka Komiti Besai SDNU (Supreme Executive Committee - SEC bagi 2010-2012).

Nitih ka berita, tu kali kedua, pengawa ti nyiri ka Komiti Besai SDNU di luar Kuching dalam kandang ka 54 taun SDNU udah di tumbuh. Pengerami nyiri ka Komiti Besai SDNU ti terubah ukai di Kuching kena 29.3.2008 ba Mega Hotel Miri.

Temuai ti dibasa GOH YB Dato Sri William Mawan, Menteri Pemansang Sosial enggau Urbanisasi, ti datai bejadi ka dua-dua pengawa sereta pengerami nya di Miri suba enggau di Sibu tu tadi.

Chairman Pengatur pengawa malam nya, siku ari Komiti Besai ti lalu nyadi Chairman Pampang SDNU Rajang Basin Sibu, Major Moses Ripai. Pengerami tu mega ti terubah amat pengawa diatur begulai 3 iti pampang SDNU ti bisi di Sibu (SDNU Sibu, SDNU Rajang Basin Sibu & SDNU Sibu Jaya). Ngenatai ka pengaga ati ngagai semua pampang SDNU laban ti udah besaup ngatur pengerami ti mujur narit enda kurang ari 400 temuai ngulu makai malam nya.


Bala Komiti Besai SDNU begulai enggau YB Dato Sri William Mawan


Siku ari Komiti nerima Surat/Certificate mangku pengawa ari Yang Berhormat


Pangkung Tawak 7 kali tanda bejadi Pengerami


ExPemancha Jengging seduai "Gerama Engkabang" begambar begulai enggau sekeda Komiti Besai SDNU


Dr. John Brian ngerandau Mr. William Baja seduai Mr. Louis Jill


Mr. Steven Rom, Mr. Joshua Jabeng, Mr. William Baja & Major Moses


Raban Komiti SDNU Pampang Machan


Sekeda ari temuai datai malam nya, mega selalu nemuai ngagai "Penjurai Apaienduq" Salam ngagai kita menyanak waiiii !!!!


Raban ari Kanowit begulai enggau Pemancha Kudang


Mr. Casper Kayong enggau raban ari Kapit & Selangau


Mr. Anthony Kiai ari Bintulu gaga ka "Indai Aku"


Watt begulai enggau bala Indai Leonard


Bala Indai Alex


Mr. Nair Buan & Raban Komiti Wang



2. SEC Meeting

Belabuh ari taun 2007, SEC SDNU udah kala ngatur Aum/Meeting ba Bintulu enggau Miri lalu ke penudi tu tadi di Sibu.

Ngenatai ka pengaga ati ngagai semua kita ke bela besaup kiruh ngatur pengawa nya ti ukai di Kuching taja pan SDNU nyau bekeranjai betisai bekelimat enggau belanja, tang semua pengerami nya endang di sadang sereta di taga ka "self sponsored/financing".


Bala Komiti Besai 2010-2012 benung baum


Publicity SDNU ba mua TanahMas Hotel Sibu


cda

Wednesday, March 10, 2010

Serumpu Diri SeOpis


Ngenatai ka pengaga ati sereta terima kasih ngagai Mr Roy Mason laban ti enda sanggu mai serumpu ba rumah iya. Terima kasih mega ngagai sida sebilik, lebih agi ngagai Apak seduai Emak iya, ti sama enggau kami betundi bebuti lemai nya.

Emmmmm, bala kami sebuat lama enda begulai enggau pangan diri kenyau ari taun 2004 suba, bala anak pan jangka aku nadai agi ngelala bala anak pangan diri. Pama ga dalam 7 taun sida nadai begulai, kada enda lebih 7 taun sekeda, tentu nadai ngelala pangan diri agi.

Bala seopis nyau bekedebar pambar kira 7 taun ti udah lalu, diatu nyau begulai baru. Nya meh "angkara politik dalaman". Ha ha ha nadai ngachau, nyadi ka lalau pengidup kitai sebuat. taja pan mimit, ingat aja meh ambi nyadi ka pengingat, nyadi ka ajar - Begempung kitai teguh, pambar kitai luluh !!!



Organising Chairman - Ricky J


MC - Nixon mai reformasi 1iko ngut


Mr. Asan Odau ngelalu ka penatai bala - masu kaki



Mr. Nelson Seli, Apaienduq, Mr. Andrew Tukau & Mr. Semilan



Mr. Nine (9) ngelalu ka penatai Mr. Mengga Mikui



Mr. Munau & Mr. Edmund Renggie



Mr Uning



Nixon bertugas



Roy & Family members


Apai Roy, Mr Alfred Mason seduai Mdm. Audrey

Panggau Bujang Berani

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa