SDNU Nemuai ngagai Bala Tuai-Tuai Iban

Sekeda berita besangkut paut ti ayan ba Eastern Time 12.11.2007

Bala Komiti Besai (Supreme Executive Committee-SEC) betuai ka President SDNU, En. Nicholas Bawin udah mujur nemuai meri basa ngagai Yang Berhormat Datuk Patinggi Tan Sri (Dr) Alfred Jabu Anak Numpang. Penemuai raban SDNU mega di gulu Tuai Masyarakat YBhg Temenggong James Jimbun Ak Pungga.

Penemuai raban SEC SDNU, tu siti ari pengawa/aktiviti sida nyedia ka deka ngatur Aum Besai (Triennial Delegates Assembly) serta minta Yang Berhormat Datuk Pantinggi nyadi Tuai Temuai serta bejadi ka TGA kena 30/11/2007.

YB Datuk Patinggi benung ngenatai ka sekeda berita pemansang perintah ti bisi dalam program ngemansang ka menua pesisir

Lebuh ke nemuai nya, Datuk Patinggi bisi nerang ka program perintah ti deka ngemansang ka semua raban bansa nadai bechiping laban deka munas ka penyeranta sebedau taun 2020. Ari nya iya ngelalau SDNU ngepun ka penemu serta runding ke baru, nyadi ka pelasar begulai enggau perintah mutar sekeda penanggul ti nuntung bansa Dayak di menua pesisir serta bala Dayak ti pindah ke nengeri. Iya mega ngelalau SDNU, begulai enggau agensi perintah ngatur workshop serta seminar ka bansa Dayak ba pengawa dagang, kontrek, bumai betupi bedandang besai, pelajar sekula ti kena ngangkat ka pendiau pengidup semua bansa Dayak.

SDNU deka ngatur TGA (3 taun sekali) kena 1/12/2007, tang deka di penyadi maya makai lemai kena 30/11/2007. Executive Secretary SDNU, En Spencer Birai madah ka kira 200 delegates serta 450 observers deka datai ngulu TGA nya ila, ti ngari ka 32 pampang SDNU serta 23 pampang SIDS seluruh Sarawak.

Presiden SDNU En. Nicholas Bawin ngulu raban SDNU nemuai ngagai YBhg. Dato Sri Celestine Ujang Ak Jilan kena 15.11.2007