Selamat Hari Krismas & Selamat Taun Baru 2015

ngenatai ka 

Selamat Hari Krismas 

enggau 

Selamat Taun Baru 2015 

ngagai semua kaban belayan ti jauh enggau semak

besampi ngajih ka kitai semua gerai sereta lantang senang dalam semua pengawa ba taun ti deka datai tu ila lebih taun ti ti udah

ngena peluang tu mega, kitai sama ngelalau pangan diri enggau diri sebilik semampai bejimat nengah jalai raya kin kia awak kitai sama likun sereta mujur datai ba endur ti di tuju kitai

ari 

kami sebilik

Anthony Banyan

Mary Sintau

Cherrysca Dante

Cornellius Davies Igang

Christopher Dickson Nyawai

Carlson Dexter Jimbau

Carlos Dunstan Tading

cda

SDNU nerima temuai Dewan Adat Dayak ari Palangka Raya

Raban 24 temuai ari Dewan Adat Dayak Kota Palangka Raya udah datai ke Kuching 10 -12/9/2014 tu tadi. Penemuai sida betuai ka Bapak Dr. Mambang Tubil ti nyadi  Ketua Dewan Adat Dayak Kota Palangkaraya.


Tuju penemuai sida ke Sarawak laban deka meda sereta bebanding ka pemansang enggau pendiau pengidup Dayak ditu enggau Dayak ba menua Kalimantan. Mayuh pekara ti di kunsi enggau SDNU pengelama sida ia nemuai ke Kuching. 

SDNU nyambut penemuai sida tu enggau pengerami makai malam ba Penview Hotel kena lemai 10/9/2014. Menteri Pembangunan Sosial Sarawak ti nyadi President SDNU ngulu ka bala mayuh nerima sereta ngerami penatai raban Dewan Adat Dayak enggau main sereta adat asal Dayak Sarawak.

Maya ti di Kuching, sida sebuat lalu di bai nemuai ngagai Tun Jugah Foundation, Dayak Cultural Foundation kelimpah ari Muzeum Sarawak, Kuching Waterfront  enggau Konsol Jenderal Indonesia.

Pertukaran cenderahati dia antara SDNU deng Dewan Adat Dayak Kota Palangka Raya

 Dr. Mambang Tubil Ketua rombongan DAD Kota Palangka Raya

 Para rombongan DAD di bawa melawat ke Konsulat Jenderal Indonesia

 Bapak Agus Hariyanto, Wakil Konsulat Jenderal Indonesia di Kuching

 Rombongan DAD dibawa berkunjung ke Yayasan Kebudayaan Dayak

 Mendengar taklimat di Yayasan Kebudayaan Dayak

Rombongan DAD juga di bawa berkunjung ke Yayasan Tun Jugah dan diberi taklimat oleh Pengarah Penyelidikan Tun Jugah Dr. Robert Menua Salleh

 Berita keluar dalam Kuran Borneo Post pada 12/9/2014

Berita keluar dalam Kuran Utusan Borneo 12/9/2014


Note: Kuran(Bahasa Indonesia) =  Akhbar (Bahasa Malaysia)

cda

Pengambis Gaga Ati - Bala Anak Konvokesyen

Bulan ti pengambis gaga ati ba tubuh ti nyadi Apai enggau Indai sereta diri sebilik, sema jaku baka ti nganti indai pulai ari umai laban ti deka meda sekeda ayam di gumpul ari babas maya agi mit kelia. Lebih kurang baka nya mega nganti bulan sebelas tu tadi.

Terubah berita manah, nerima surat ari UNIMAS, madah ka anak ti terubah Enduq pass, surat kedua, madah ka ia di kangau interview SPA sereta nerima tawaran lalu kursus seminggu di Port Dickson, lalu surat ketiga madah ka ia layak Convo taun 2014 kena 2/11/2014.  

Nangkan ka nya, agi belala, tudah anak ti kedua Watt bejegau ba Johor Baru lalu deka raun ke Singapore kenu ko runding tudah, tang enda mukai-mukai di ansak mulai ka diri ke Kuching laban bisi interview terbuka sida INSTEP PETRONAS. Begaut ga pulai ke Kuching malamnya.

Pagi siti tumu, nurun mega tudah interview ba Merdeka Palace Hotel, tak changuk-changuk nganti sebedau jam 8 pagi seiku-iku. Engka mensia bisi ati sinu ka ia, taja result bedau pansut maya interview, kira mujur ga pejalai tudah iya pagi nya.

Kira dua minggu udah nya, tudah nerima SMS minta nyedia ka diri medical check up ba Hospital Normah lalu anjung result/transkrip sebedau INSTEP ulih meri tawaran. Dua minggu udah nya bedau ga transkrip datai, INSTEP udah ga meri tawaran lalu ngasuh lapor diri ngaggai INSTEP Petronas Trengganu.

Terima kasih sereta Puji Tuhan. Surat pengaga di terima tudah, madah ka iya deka Konvo ba Putrajaya International Conference Centre (PICC) kena 12/11/2014. 

Berita ketiga ba anak ti ke tiga Anggat, nerima mega surat madah ka ia pass ba final exam lalu madah ka ia layak Konvo kena 2/11/2014 ba Putera World Trade Centre (PWTC) Kuala Lumpur. Anggat enda kelalu gagit deka Konvo laban ia udah ngaga pemutus deka nampung belajar ngagai ke tinggi agi, tambah mega laban ia deka sama gaga ka tudah Enduq konvo ba UNIMAS ba hari ti sama.

 Makai malam enggau ati ti andal di sadang nerima insentif pelajar ari Saribas Kelab, tang enda mukai-mukai nadai seiku ari 4 iku anak ti layak nerima insentif pelajar sekula.

Konvokesyen Enduq Cherrysca Dante (2/11/2014)

 Enduq Cherrysca nerima scroll ari Tan Sri Datuk Patinggi Alfred Jabu Ak Numpang ti nyadi Timbalan Chancellor Unimas

 Bala graduan Unimas pansut ari Dewan

 Ayos seduai Ujang meri bungai pengaga ati ngagai Enduq ti baru pansut ari Dewan

Sida Ayos sebilik lalu di sempulang Aki seduai Aya Apai Mindu ti datai ari Sibu

Konvokesyen Watt Cornellius Davies (12/11/2014)

 Watt Cornellius

 Watt Cornelius ba PICC

 Ayos mega bisi peluang

 Watt seduai Mum

Berita ti ayan kena pansa

Ayan ba Sarawak Tribune

Ayan ba Utusan Borneo

Ayan ba Borneo Post

CDA

SDNU meri penuh kerjasama ngagai SPA Malaysia

Kenyau ari 30 October 2012, SDNU enggau naka pemendar mantu bala anak Dayak lebih agi sida ti datai ari luar bandar di pasuk ka nama dalam database SPA, ngicha ka bisi peluang di kangau ka interview maya pengawa bisi puang ba opis perintah ti di jaga SPA.

Puji Tuhan, laban Pengerusi SPA Malaysia YBhg. Tan Sri Mahmood Adam nemu sereta ngelala penusah ti di tuntung nembiak Dayak ba menua pesisir.

Beduduk ari nya, Tan Sri Mahmood Adam nerima penemu sereta langgur SDNU ti minta SPA nemuai ngagai menua pesisir ngerista nembiak ngena Roadshow, gerah tauka pesan radio. Kenyau ari bulan nya mega SPA udah ngada ka roadshow enda kurang ari 25 kali seluruh Sarawak. Pengawa tu deka ditampung baru sebarang maya nitih ka peminta ari pampang SDNU empu.

 Menteri Kanan enggau Menteri Pembangunan Sosial Sarawak Tan Sri William Mawan President SDNU nerima penemuai YBhg. Tan Sri Mahmood Adam Pengerusi Suruhanjaya Perkhidmatan Awam Malaysia (SPA) pagi 23/6/2014 serambau enggau pengawa meeting SPA & NGO Dayak

 Pengerusi SPA Malaysia YBhg. Tan Sri Mahmood Adam begambar enggau sekeda Ahli Jawatankuasa NGO Dayak

 Pengerusi SPA Malaysia YBhg. Tan Sri Mahmood Adam begambar enggau sekeda Ahli Jawatankuasa NGO Dayak

Berita ayan ba Borneo Post 2/7/2014

 Berita ayan ba Utusan Borneo 3/7/2014

 Berita ayan ba Borneo Post 18/12/2012

 Sekeda berita ari SDNU ti ayan ba Utusan Borneo 17/12/2012

Berita ari SDNU ayan ba Borneo Post 25/12/2012

Berita tu ukai ari SDNU, ayan ba Utusan Borneo 5/11/2012

cda

Raban Komiti Besai SDNU nemuai ngagai Kepala Menteri Tan Sri Adenan Satem

Raban Komiti Besai betuai ka President SDNU Tan Sri William Mawan Ikom ti lalu nyadi Menteri Kanan enggau Menteri Pembangunan Sosial Sarawak, udah meri basa nemuai ngagai Kepala Menteri Sarawak kena lemai 12.6.2014.

Penemuai nya, mandang ka pengaga enggau sukung SDNU ngagai Tan Sri Adenan Satem ti baru di padu ka nyadi Kepala Menteri Sarawak beduduk ari Pehin Sri Taib ngemadu ka diri sebedau di padu nyadi Governor Sarawak.

Rambau penemuai nya, mayuh pekara sempat di kerandau enggau kepala Menteri, sekeda jalai di kena SDNU bebantu ngangkat ka pendiau pengidup bala Dayak nitih ka singkang pemansang bansa bukai.

 Raban Komiti Besai SDNU  

 Kepala Menteri Sarawak Tan Sri Adenan Satem nerima penatai raban Komiti Besai SDNU betuai ka President SDNU Tan Sri William Mawan

Raban Komiti SDNU sebedau betemu enggau Kepala Menteri Sarawak

Sekeda raban Komiti Besasai SDNU

Berita ayan ba Borneo Post 13/6/2014

 Berita ayan ba Utusan Borneo 13/6/2014

Berita ayan ba Utusan Borneo 13/6/2014

cda

Round Table Talk - Majlis Professor Negara & NGO Dayak

"Tabi sereta basa semua, minta ampun, berita tu laun di pos taja iya udah nyadi dalam bulan Gawai suba"

Randau Majlis Professor Negara enggau NGO Dayak udah di atur ba seiti Hotel di Kuching kena 11-12/6/2014 tu tadi.

Mayuh bala kaban Majlis Professor Negara ari semua Universiti ti dalam mayuh bidang baka Pelajar, Sains, Ekonomi, Sosial, Politik, Kebudayaan, Agriculture & Ugama  bisi datai begulai enggau bala pengari NGO Dayak bekunsi ka penemu enggau peneleba.

Nitih ka Professor Dr. Jayum Jawan enggau Pengerusi Majlis Professor Negara, tuju randau nya di atur laban deka di kena YAB Datuk Seri Abdul Najib Tun Razak, Perdana Menteri Malaysia nyidi & mansik ari NGO Dayak sekeda penganggul enggau penusah ti tau di putar nitih ka penemu bala ti ukai dalam politik enggau ukai ari opis perintah. 

Terima kasih ngagai Majlis Professor Negara laban ti meri peluang SDNU ngenatai ka sekeda serabana ti balat amat nuntung bansa Dayak.

Kitai mega ngarap ka pekara ti udah di kerandau nya enda semina di lengka ka naka nya aja tang di pasuk ka ngagai Pelan Pembangunan Luar Bandar, Pelan Pembangunan Pendidikan Kebangsaan enggau Pelan Pembangunan Ekonomi Rakyat secara menyeluruh.

  

SDNU bisi ngenatai ka mayuh issues sereta jalai mutar di kena ngangkat ka pendiau pengidup Dayak ba menua pesisir

 Sekeda pekara ti di bantai SDNU ngagai Majlis Professor Negara

 Prof. Dr. Jayum Jawan, Anthony Banyan, Ir. Alice Jawan, Pn. Rita Insor, En. Ganchai Jinta & En. Lade Kulong

En. Stanley Bai, Anthony Banyan, Prof. Dr. Jayum, Bishop Aries Sumping Jingan, Mr. XXX & Prof. Dr. Japar S Bujang

cda

Pesan Gawai 2014

Selamat Gawai Dayak,

Pesan tu dituju ngagai semua  ti jauh enggau semak, arap ka semua kitai sama lantang senang maya Gawai enggau udah ngelebus Gawai.

Kitai mega sama besampi ka semua kitai, awak ka sama likun magang maya ti mulai ka diri ke rumah panjai enggau maya ti mulai ka diri ngagai alai pendiau kediatu. Sama bejaga ba jalai raya enggau sama bejaga ba Express enggau ba perau panjai kena kitai nagang sebarang penusah ti nyadi.

Bala sekeda engka nyamai Gawai tu ila laban nadai ngira pengawa nangkan ka nya, tang sekeda bala kaban udah tentu enda jenak tinduk laban bisi program tauka tanggung jawap ti berat udah nganti di panggai ngagai tanah bau sida, nitih ka berita di baruh nya.

Taja pia, enggau pengandal ati mega ngagai sida tu laban ti di pinta mantu ngiga jalai mutar ka sekeda penusah enggau penanggul di menua Sarawak. 

Terima kasih meh ngagai Majlis Professor Negara enggau Jabatan Perdana Menteri Malaysia laban ti enda belampung ati ngiga jalai mantu bala anak bansa Dayak lebih agi diatu musim Gawai.

Ba penemu aku, tu sekeda penanggul/masalah ti nuntung kitai Dayak:-

1.  Promotion/Ketua Jabatan Kerajaan (State/Federal) - Pegawai Dayak nadai diberi peluang megai important Dept/Post (Pengarah/Permanent Secretary/Pegawai Tentera/Police Commissioner/dll

2. Gawa Perintah (State/Federal) - anak Dayak nadai diberi peluang/kelonggaran baka ba Polis/Pembantu Perubatan/Jururawat/Pegawai Pendidikan/Guru sekolah/Guru pelatih/pegawai kastam/pegawai imigresen/kerani dll

3.  Belajar/Scholarship dalam dan luar negara - anak Dayak mega enda mayuh diberi peluang ba UNIMAS/UITM/UPM/Maktab

4.  Perlantikan ke badan berkanun/GLC - mimit/nadai pegawai Dayak di padu baka ba STIDC/SEDC/LCDA/ASSAR/BDC/CMM/Lembaga2/Yayasan/Petronas/Telekom dll

5.  Peluang Dayak ba Dagang/Contract/Tender - nama runding bala mayuh?

Kelimpah ari points di atas, enti bisi points/penemu bukai/cadangan tau  SMS/mantu kaban kitai 017-8051080

Maklumat

Perbincangan Meja Bulat (RTD) Sarawak II: Pemantapan Pembangunan Sarawak

Tarikh : 11-12 Jun 2014 @ 8.00 am - 5.00 pm

Tempat : Hotel Grand Continental Kuching

* Majlis Profesor Negara diberi mandat oleh YAB Perdana Menteri Malaysia membantu mengenalpasti permasalahan yang berlaku di kalangan rakyat di Negeri Sarawak serta mencari kaedah terbaik untuk menanganii atau penyelesaian masalah tersebut.

* Perbincangan Meja Bulat diketuai oleh YBhg. Prof. Dr. Jayum Jawan, Timbalan Ketua Kluster Politik, Keselamatan dan Hal Ehwal Antarabangsa.

 * Senarai  Resource Persons dari kalangan orang Dayak dari Universiti/Kumpulan Ugama/NGO/dll



cda

Sekeda pengawa ke Ulu ke Ili 1

Bebagi ka jam kena bejegau kin kia endang bisi pemedis enggau bisi pengerugi. Ngarap ka penguntung enda sigi nadai jalai.

Taja pia pemerti ati diri sebilik chukup amat beguna ka kitai ti ngereja pengawa ti baka tu. Enti di tanya endang jarang amat ga orang ti deka kiruh ke ulu ke ili tang nasib amat ga bisi kaling sanggup betitih lalu bebai kin kia. Puji sereta terima kasih ngagai Tuhan laban ti udah ngatur semua utai ti nyadi enggau nadai penusah sereta penanggul besai.

1. Makai Malam Di Saratok

Kami sebuat nasib betemu enggau Tuan Kunsil maya ti ngulu pengerami makan malam, ti di atur di Saratok kena 2.3.2014. Sempat ga berandau enggau Tuan Kunsil kena mulai pengingat maya sama gawa ba taun 2004-2007 suba.

Publicity Officer SDNU Mr Ganchai Jinta seduai SAO Saratok Mr Laga Kueh

2. Aum SIDS

Semua pampang SIDS (Bahagian Wanita SDNU) bisi datai ngulu Aum 2 taun sekali di Kuching kena 15.3.2014.  Nasib mega bisi peluang nunga aum sida nya ba Pen View Hotel ari pagi sampai lemai.

 YBhg Dato Sri Empiang, Pengerusi SIDS diatu serta Pengerusi lama SIDS

 Ir Alice Jawan sereta bala SIDS Sibu begulai enggau Pengerusi SIDS Dato Sri Empiang

YBhg Dato Temenggong James Jimbun enggau bala SEC SDNU

Seiku kaban SIDS ari Sibu begambar enggau Pengerusi SIDS YBhg. Dato Sri Empiang

sida 3 tu "ngipa bilun" ba Jln Batu Kawa pulai ke Sibu

3. Jabatan Perdana Menteri/SPA Roadshow di Kapit

Tu nampung pengawa ti udah di kerja kenyau 15/11/2012 suba. SDNU udah ngatur 13 kali Roadshow enggau SPA di kena mantu bala nembiak Dayak di luar bandar.

Tuju pengawa sdnu tu chukup amat terang laban di kena mantu nembiak ngerejista ba database SPA. Nitih ka penerang ari SPA semina nembiak ke bisi rejista aja di kangau interview ENTI bisi vacencies ba semua opis perintah FEDERAL.

Timbalan Pengerusi SPA meri penerang kena 7/3/2014 madah ka pengawa SPA/SDNU Roadshow tu udah mujur ngerista lebih 108,000 nembiak kena 31/12/2013 di banding enggau 44,243 (31/12/2012) sereta kurang ari 25,000 sebedau berita Roadshow di atur lalu di kemesai seluruh Sarawak.

Roadshow di Kapit sekali tu di atur Jabatan Perdana Menteri ti di pegai YB Datuk Joseph Entulu Belaun. Mayuh mega Ajensi perintah datai tang sayau mimit laban nembiak ti ngulu pengawa sehari nya enda lebih ari 150 nitih ka rekod ari SPA.   

Penanggul nya nyadi setegal ari segi publicity ukai nuju nembiak (peda fish tail ti di gantung ba wharf Express Kapit). Asai sepi aku nya meh hasil ia, enti kitai kurang bebasa enggau betanya ka penemu ari pangan diri. Sinu ga ninga berita bala ari Kapit ti bisi nanya ka kuing utai tang enda di peduli, kitai deka mantu mega enda di peduli kaban ti mangku pengawa tinggi di Kuala Lumpur. Asai sepi aku, kada enda manggai RM100,000 kos semua ajensi perintah ari Kuala Lumpur, Kuching enggau Sibu ti datai ngatur pengawa sehari nya.

Berita enda nyentuk

 

 Rekod SPA madah ka enda lebih ari 150 nembiak datai rejista pagi 7/3/2014

 

Sekeda ari pameran ari Opis Pengerai

Pameran ari  Institute Pertanian Semengok Kuching

Sebedau mupuk ke Sibu, ngetu enda lama ba rumah kaban

cda