Dayak Borneo Serumpu

Ujung minggu nya, sempat ga ngelawa randau bala Dayak ti datai ari serata Pulau Borneo. Sida bisi bekunsi ka penemu ba pemansang Dagang, pamansang pelajar, pemansang main asal, penanggul mega pasal cherita lama bansa Dayak.

Nitih ka berita, enda kurang ari 43 tubuh raban Dayak ari Kalimantan ti betuai ka Chairman Dewan Adat Dayak Kalimantan Barat, Bapak Thadeus Yus. Raban Dayak ari Sabah mega enda kurang ari 15 tubuh sida iya ti ngulu randau nya. Randau ti terubah di atur lalu di gulu semua raban Dayak di Pulau Borneo.

1. Dayak Borneo Forum

Bapak Thadeus Yus Pengerusi DAD Kalbar, menyampai Ucapan dan Kertas Kerta mengenai Pembangunan Dayak di Kalimantan


Pengurusan Cheh Wu (CU- Credit Union) berkungsi pengalaman mengenai Koorperasi Dayak di Kalimantan


Para hadirin Borneo Dayak Forum

Salah seorang peserta dari Sabah

Bapak Kristianus Atok dengan berberapa orang peserta lain sedang mendaftar kehadiran

2. Majlis Makan Malam Sempena Borneo Dayak Forum

Bapak Aloysius Mering, pereka dan pengubah lagu Borneo Dayak Forum

Anak Dayak dari Sanggau Kalimantan Barat

Tiga orang perwakilan Dayak menyambut hari Ulangtahun serentak pada 8/8/2010

Penari-penari Dayak dari Sabah

Sebahagian rombongan Dayak dari Sabah

Ahli-Ahli Persatuan Perempuan Dayak Kalimantan Barat

Dua orang Perempuan Dayak Ibu Yasnita dari Persatuan Perempuan Dayak Pontianak

cda

Enduq ke KL

Puas bendar bebagi ka jam, nyau limpang ga ngulu ka Enduq ke KL dua malam. Pengawa ia berat ia enda ga tang enggai ga nyadi be-enda-enda. Asai chukup berat meh ati ngulu iya kin laban tambang,...........emmmm, tang sinu meda Enduq kediri taja pan di KL mayuh bala anak betunggal ulih nganjung iya kin kia.

Limpang mega, tang berumban amat, nadai peluang bejegau sengapa. Kira OK ga enda ibuh limpang ke bukai laban kena "economoney". Berasai gaga ga tudah tuai tegal bisi orang ngulu, tang bejegau sigi nadai masuk bup ia.

Apai Ansam ngambi ngagai KL Sentral

Baru terubah meda jalai di KL nadai kereta, entah nama kebuah???

Express ari KLIA ke KL Sentral

Betemu enggau YB Datuk & Datin Peter Nyarok ti sama flight ke KL

cda

PIBG SK Jalan Arang Kuching

Terima kasih ka bala Cikgu SK Jalan Arang, laban ti bisi ngangau ngagai Mesyuarat Agung Tahunan PIBG taja pan diri empu enda agi dalam Komiti nya.

Taja pan balat amat kisuk kin kia, nyau berumban ga tudah pangan ngelawa limpang enda lama laban pengawa nya berebak enggau penggawa siti da ka raban bansa Dayak ti datai ari seluruh Pulau Borneo.

Kebendar, kebuah berat amat ngenatai ka diri laban ti enggai ngelebu ka Ayos ti be rat-rat ngenatai ka pesan Cikgu, "Ibu Bapa mesti datang Mesyuarat"

AJK PIBG dengan Pn Sharifah Nasihat, Guru Besar SK Jalan Arang

Para Ibu Bapa yang hadir

Para Ibu Bapa yang hadir

cda

Pengawa Bejegau

Minta ampun ngagai semua kaban belayan, maya kita nyengguk Penjurai aku, uras kin kia, pukat empelawa kin kia. Nadai orang ngintu laban aku nadai tentu nguan rumah, lama bebitau sebelah temuda sebelah umai sereta ngabas damun. Nya meh kebuah Penjurai tu baka ti enda di keibuh dalam sebulan tu.

Sehari dua tu aku nguji, ngayan ka sekeda berita enggau gambar ti ulih aku bebitau ninting ujung minggu. Terima kasih ngagai bala kaban ti selalu nemuai taja pan Penjurai aku mayuh amat pukat empelawa enggau uras ba alai kita duduk.

Selamat nyambut hari "Mya Merdeka"

Sekeda Pengerami di Sibu

1. Serumpu Udah Gawai SDNU Unit Kpg Usahajaya

SDNU Unit Usahajaya, ngatur serumpu udah Gawai lemai 30/7/2010 tu tadi. Tuai Pengabang malam nya, YB Joseph Mauh Ikeh, ADUN Tamin sereta bala Tuai-Tuai Masyarakat enggau Tuai-Tuai rumah ti datai ari Sitak Tamin.

Pengawa nya di atur udah laun tegal mayuh bala Komiti Unit nya enggau ngatur pengawa bukai sepanjai bulan Jun enggau Julai tu tadi. Taja pan udah laun tang sida iya berat amat deka ngatur pengawa pengerami nya awak ka bisi alai serumpu begluai enggau ADUN Tamin, YB. Joseph Mauh Ikeh.

Bisi kebuah besai lalu enda lebu ga bala SDNU ngatur pengerami nya laban Tuai Pengabang, YB Joseph Mauh bisi nibar ka bantu RM3000.00 kena unit nya ngatur aktiviti taun tu.

Sempat ngenatai ka diri lemai nya laban maya nya kami sebuat bisi bitau bitau di Pasar Sibu. Beterima kasih ngagai Chairman SDNU Sibu, Mr. Chambai Lindong seduai Mr. William Baja laban ti keras amat ngangau datai lemainya.

YB Joseph Mauh seduai En. William Baja

Bala Tuai Rumah begambar enggau YB Joseph Mauh udah bekau nerima bantu lemai nya

Cikgu Henry Igo nerima Tanda Pengingat ari YB Joseph Mauh

Bala kaban SDNU ari Sibu Jaya

2. Thank You Dinner for BDCF

Terima kasih ngagai Apai Anggau (Cikgu WBJ) laban ti naban ngagai makai serumpu ka bala raban komiti Borneo Dayak Cultural Festival (BDCF).

Mulai ka pengingat, BDCF tu bepun ari Pekit Main Asal Gawai Dayak SDNU dalam taun 1998 ba palan Rumah Temuai Sibu. Pekit nya di penyadi YB Joseph Mauh (1998), YB Gabriel Adit (1999), i YB Joseph Entulu (2000) sereta penudi YB Alexander Nanta (2001) tang pengerami nya di atur enggau bantu ari En. Oliver Khoo, Chairman SRDC. Udah nya, dalam taun 2002 YB Robert Lau Hoi Chew (Chairman SMC) lalu mai SDNU ngatur pengerami ti terubah Borneo Cultural Extravaganza Festival.

Nitih ka berita, taun dudi tu genap 10 taun Cultural Festival di intu di Sibu taja pan SDNU udah ngepun ngena Pekit Main Asal. Pengarap ari raban SDNU ti ngepun ka pengawa nya, SDNU semampai di beri peluang ngatur pengerami kena mantai ka mayuh bengkah main asal Dayak. Berita ti di dinga ari bala kaban di Sibu, semakin mimit main asal Dayak di ayan ba BDCF di bandingkan main ti di bai ari menua Yangzhau, Cantong, tauka Yunan.

Akai dai, ni meh pengamat berita nya, kini? Jangka aku sigi enda bula. Tanya meh sida ti datai ari Sibu ti sempat meda BCF.

TR Tungku, En. Tedwin Beti, Cikgu Jadam enggau Mrs

Cikgu Jadam, Cikgu Saying, Cikgu Henry begulai enggau En. Sain seduai En. Baring Balai

Cikgu Serang seduai Mr. Tengku Geruna pekit ngirup Chinese Tea


Mr. Augustine Merikan merindang bala mayuh

aab