Temuai

free link to home study courses guide
Online home study courses guide.

Friday, July 27, 2012

Urup Iban Dungging

Peluang belajar ka urup Dunging. Ngenatai ka terima kasih meh ngagai Professor Madya Dr. Bromley Philip ari UiTM laban ti meri peluang kami sebuat lebih agi kami dua Anggat (Christopher) sama ba group terubah belajarr ka Urup Dunging

Taja pan udah belajar sampai ke ujung, tang nadai neleba ka diri tentu jampat pengingat nya lari ila. Naka kediatu engka ulih ga nyepil mimit, utai ke mudah, sigi gaya meh nya sekula udah tuai. Jari nulis pan nyau begetar, nama agi ngiga tulis ti nyau alus di peda, kira jauh pawi (far away).

Udah tu minta bantu Professor Dr. Bromley baru kena mulai ka pengingat ba Urup Dunging, ukai nama laban software tau nadai ulih buka agi diatu.

Raban Uchu Dunging ti terubah betuai ka Edward Churchill seduai Edwin Jemat, berasai temegah amat ati laban ti udah nerima certificate udah belajar ka Urup Dunging ti kena serangkung (sponsor) YB Datuk Patinggi Alfred Jabu seduai YB Tan Sri Wiliam Mawan serambau enggau Forum Jaku Iban ti terubah dalam taun 2011 suba. Pengerami nerima Certifate ba UiTM kena 18/6/2012 tu kemari.

Edmund Renggie, Christopher Dickson, Anthony Banyan sereta John sama nerima certificate


Cikgu Edwin Jemat, Anthony Banyan sereta Edwin John mega nerima Certificate nembu ka pelajar Urup Dunging


Tan Sri William Mawan nerima buku ti besangkut paut enggau Urup Dunging ti di karang Prof Madya Dr. Bromley Philip empu


 Christopher Dickson nerima certificate ari Tan Sri William Mawan


 En. Edmund Renggie mega nerima certificate belajar ka Tulis Dungging


 Bala ari Borneo Post enggau Utusan Borneo ti sama nerima Certificate


 Jacqueline ari Utusan Borneo


En. Churchill Edward ari Borneo Post bejaku ngari ka bala ti sama belajar ka Tulis Dungging



aab

Wednesday, July 25, 2012

Randau Peluang Bedagang & Makai DCCI


DCCI ngatur randau kena 12/5/2012 ba Pullman Hotel, enggau tuju deka mai bala kaban DCCI nemu peluang enggau sekeda pengawa ti ulih tangkup ba SCORE.

Pemesai ari RECODA En. Dawend Jiwan ti ngatur sereta ngemata ka projek dalam kandang menua ti dibungkur SCORE bisi datai meri penerang ba randau nya kemari. Nasib ga semampai bisi peluang mendingka randaunya, lalu ulih ga betemu enggau kaban lama, En. Dawend Jiwan.

Tu sekeda ari pemansang ti bisi di perambu dalam kawasan SCORE:-

1.  Kuasa elektrik/hydroelectric
2. Industri ngena Petrolium
3.  Dagang Temuai/homestay program/kraft jari
4.  Kilang alluminium
5.  Kilang Besi
6.  Lombong pasir Silica/gelas
7.  Berikan Tasik/Betupi ikan sangkar ba tekat ai
8.  Kebun Betupi manuk/itit/kambin/chapi
9.  Industri Kayu
10. Industri Kapal di Tanjung Manis
11.  Ladang Sawit bedandang/mit

Ngenatai ka pengaga ati ngagai DCCI laban ti semampai mantaika sekeda peluang ngagai bala kitai Dayak ti ngereja pengawa bedagang, kontrak enggau supply kelimpah ari peluang bekerja.Bala ti bisi datai malam nya ukai semina bala kaban DCCI tang mayuh mega bala bukai ti sama nyukung sereta ti deka nemu enggau silik utai ti besangkut paut enggau pemansang bukai.




DCCI Outreach Randau 2012


Peluang ti bisi ba SCORE


President DCCI Tan Sri Leo Moggie seduai OC Kilat Briak sama enggau Speaker ari Recoda En. Dawend Jiwan

En. John Pillai sereta Anthony Banyan sama bisi datai ngari ka SDNU Taman Boulder Built

cda

Tuesday, July 24, 2012

Gawai Dayak Sanggau (Part 3 - Penudi)

Ba hari ketiga 8/7/2012, kami sebuat sekali agi ngetu ba Rumah Betang maya  pemulai kami nuju Tebedu. Terima kasih ngagai Ketua Dewan Adat Dayak Sanggau, Bapak Andeng, ti udah regah-regah nganti penatai kami ba pala tangga penatai rumah panjai.

Bala kami sebuat semimit pan nadai muai peluang begulu enggau bala sida, lebih agi bala sida raban komiti Gawai. Sekeda ari kami endang di sempulang niti ruai lalu ngetu ninting ruai laban di bai besepi ka pemakai enggau utai irup.

Nasip kami manah, nyau deka be entudi enggau bala komiti ti meresa pemakai ti di pekit, ni enda pemakai ti nyamai deh di beri orang ka kami. Kenu ko jaku ensepi, tang laban jam pan seigi udah semak pukul 11 pagi, nyau ukai ensepi tang makai manah bala sekeda. Rindu amat ga begulai enggau sida iya, semimit pan nadai bebelah bagi nerima penatai kitai ari Sarawak, laban kenyau ari 2009 suba sida iya udah nerima penemuai SDNU ke Sanggau maya Gawai Dayak enggau maya Safari Budaya (BDCHS).

Berita ti manah amat di dinga kin kia sepemulai kami sebuat ari ngabang ke Sanggau tu tadi, mayuh amat ga bala betanya, "ni maya SDNU ulih ngatur pejalai kin baru?"  Jangka aku kebuah bala betanya munyi nya, laban sekali tu nadai agi keliru enggau penemuai bala bukai ti berebak enggau SDNU.

Tusah ga ulah kitai mensia, bisi aja ngambi peluang beambi ulih untung diri empu lalu nyerebak orang awak ka bala mayuh keliru. Ba penemu aku peluang ti basa nya enda ulih lama enda ulih panjai laban lama laun pan bala mayuh tentu nemu. Pandai-pandai pan tua ngelalai ka pengawa enda manah, dudi nyau meh iya ayan lalu ngujung ka tua nyau siga ka bala mayuh, ngelari ka mua diri ari pangan ari kaban, sapa rugi deh?

Sekeda bala kitai ti bepangkat pan enda berasai di kena nama di kena pangkat lalu di kena kaban naburka berita kena narit bala mayuh sereta ngulih ka duit ukai semina sesen dua tang nyau beribu ringgit. Aku arap ka bala ti baka nya enda mayuh, lalu enda agi, awak ka kaul enggau bala Dayak sepiak nyin nadai belampung ati.

Bala Dayak ari Dewan Adat Dayak, bisi kala ngayan ka pengerawan ati ninga janji semaya bala kaban kitai ari sepiak tu, "deka bebai ka bala Dayak ari Sarawak ti kaya mantu ngerembai ka dagang enggau ngatur pemansang ti besai-besai di Kalimantan asal Bapak Governor ulih ngemendar ka pekara nya".

Akai dai uji ga kitai berunding, ni meh pemayuh bala Dayak ditu nyadi Tawkay Besai, semina ga seiku dua. Ari segi logic, nadai meh tawkay Dayak nya sanggup kin sedangkan peluang ditu pan agi mayuh alai Dayak bedagang, ungkup Dayak mayuh ditu, pan nadai umbas tubuh Dayak bebagi ka peluang nya, ba peda kitai. Nadai jalai orang dagang Dayak ditu sanggup mantu orang kin dalam kandang ke lima taun tu, udah nya engka ga kini!!


Mr. Lawrence Sigai seduai Ms. Jacqueline David sama berandau enggau Bapak Andeng


Sekeda ari ruai, alai pemakai ti di pekit lalu nya deka di sapu kami sebuat


 Mr. Edmund, Mr. Henry enggau Mr. N. Sudum ensepi lalu makai sekeda pemakai tradisional Dayak Sanggau


 Ms.Jacqueline ngasai besai nasit laban sempat begambar enggau Governor Kalimantan Barat serta bini iya, mega sama bela ayan Bapak Bupati Sanggau


Nya ia bulih, Ms. Jacqueline, Mr. Vincent Osaka sereta Mr. Anthony Banyan ensepi seiti da pemakai tradisional Dayak


 Raban SDNU betemu enggau bala Iban ari Putusibau, chukup pengaga sida iya betemu enggau bala menyadi bansa Iban ari Sarawak datai ngulu pengerami Gawai


 Bala mayuh bejalai nuju Rumah Betang ti baru deka di penyadi Gubenur Kalbar, Bapak Drs. Cornelis


Ms. Senia Jugi berati ka ngepan asal Dayak ti di gaga ari kulit kayu


Bapak Andeng Ketua Umum Dewan Adat Dayak Sanggau enggau Mr. Anthony Banyan


Selamat tinggal Sanggau, umur panjang ramai yang mahu datang lagi


 Berita ti ayan ba Utusan Borneo kena 10/7/2012


 Berita ti ayan ba Utusan Sarawak kena 4.7.2012


Berita ti ayan ba Borneo Post kena 10.7.2012

Berita ti ayan ba Betang Raya Post kena 7.7.2012

cda


Monday, July 23, 2012

Gawai Dayak Sanggau (Part 2)


Ba hari kedua raban SDNU di Sanggau, kena 7/7/2012, tu meh hari ti seigi di anti bala Dayak di Sanggau, laban tu meh hari ti udah di letak hari Gawai Dayak Sanggau ti di intu ninting taun. SDNU aja taun tu kali ke 3 udah di kangau ngabang ke Sanggau, seiti ari chara dikena negut ka kaul Dayak di Sanggau enggau Dayak ari Sarawak.

Ba peda mata kami sebuat, sekeda ari raban SDNU ti terubah nyenguk menua nya, nyau temati kutu meda pemanah atur ngintu Gawai Dayak sida Dewan Adat Dayak. Ni enda deh, Gawai Dayak di Sanggau tu tadi di penyadi Gubenur Kalimantan Barat, ti nyadi lambang penguat, pengering enggau penyerakup ati Dayak, ti  enda kurang ari 250 bengkah etnik Dayak.

Gawai Dayak di Kalimantan bedau di intu serentak baka kitai di Sarawak, kena 11 Jun tiap taun. Arapka sida iya pan bisi terunding deka berambu ka hari Gawai Dayak serentak enggau Dayak di Malaysia Jemah ila. Naka kediatu, ti hari Gawai Dayak ti udah temu, 25/5 (Pontianak), 7/7 (Sanggau) sereta 17/7 (Sintang). Ba Singkawang enggau Ngabang nyau ga enda ingat.


Bapak Gubenur menandatangi buku beliau "Sang Orator" untuk di bawa pulang oleh rombongan SDNU


Bapak Gubenur disambut dengan acara memotong buluh sebagai menandakan laluan yang sangat sukar telah selamat dilalui


Rt. Reverend Pangeran Ratu Suryanegara Sultan Sanggau & Anthony Banyan


Bapak Gubenur menunggu upacara pemberkatan secara adat Dayak Sanggau


Sebahagian tetamu undangan Dewan Adat Dayak dan undangan dari Malaysia bersama Bapak Gubenur dalam upacara adat


Bapak Drs. Cornelis benung menggal pala jani di kena nanda ka Rumah Betang nya di penyadi lalu disengkelan enggau darah


Para pengunjung Gawai Dayak Sanggau di perkarangan Rumah Betang semasa perasmian oleh Gubenur Kalbar


Bapak Thadeus Yus, Mantan Ketua Umum DAD Kalbar mewakili Presiden Majlis Adat Dayak Nasional Indonesia bersama isteri, Ibu Katherina Lies


Bapak Yohanes Ontot SekJen DAD Sanggau membacakan Laporan Sambutan Panitia Gawai Dayak Sanggau 2012


Merarau semua bala pengabang begulai enggau Bapak Drs Cornelis Governor Kalimantan Barat sereta Chairman Dewan Adat Dayak


Raban pengabang SDNU deka mupuk ngagai Rumah Betang alai Gawai Dayak Sanggau


Bapak Firmus dari Betang Raya Post menerima cendremata dari En. Richmond Alam Marshidi, semasa majlis makan malam SDNU bersama rakan pemberita di Sanggau


 Berita Gawai Dayak Sanggau ayan ba Utusan Sarawak (11/7/2012)


 Berita Gawai Dayak Sanggau ayan ba Utusan Borneo (11/7/2012)


Berita Gawai Dayak Sanggau ayan ba Utusan Borneo (10/7/2012)


Note: Berita tampung tu deka di bantai baru ba Part 3

cda

Thursday, July 19, 2012

Gawai Dayak Sanggau (Part 1)


Ngenatai ka pengaga ati ngagai semua raban 31 bala ti ngabang ngagai Sanggau kena 6 - 8/7/2012 tu tadi. Pa penemu aku enda tak bangat lebu ga bebayar RM250.00 seiku tubuh enti di bandingka enggau sekeda utai ti di temu, di asai enggau di peda. Puuuuuu kira "Bebaluuuuiii amat" meh nya.

Ba penemuai ngabang ke Sanggau nya, SDNU bisi di sempulang 2 iku pemesai ari Kementerian Pembangunan Sosial Sarawak lalu pia mega di sempulang reporter ari Borneo Post enggau Sarawak Tribune. Nya kebuah suah amat pansut berita nya ba Borneo Post/Utusan Borneo enggau Sarawak Tribune/Utusan Sarawak. Terima kasih ngagai Mr. Lawrence Sigai Duat seduai Ms Jacqueline R David laban ti mansut ka berita enggau gambar ngabang Gawai Dayak di Sanggau.

Pejalai ari Entikong ke Sanggau ngena kereta bebala mayuh kira 4 jam laban bala ti agi kurang nemu chara dreba ba jalai ti mit sereta balat amat bingkuk liuk.

Lemai datai 6/7/2012, bala Pengabang SDNU di jamu bala pemesai Dewan Adat Dayak Sanggau betuai ka Bapak Andeng sereta pemesai opis preintah ti betuai ka Bapak Paolus Hadi ti nyadi Sapit Bupati Sanggau. Kelimpah ari nya, seiku tuai ari Dewan Perwakilan Rakyat (DPR) Sanggau mega sama bisi ngulu makai malam nya.



List sereta nama bala ti sama Ngabang Gawai Dayak ba Sanggau
No
Car Owner
Reg. No
Participants No.
Participant

1

Mr. Ganchai Jinta


QAL9440

3
Mr. Ganchai Jinta
Mr. Jackson Ding
Mr. Rundang@Redizan


2

Mr. Narang Ringkai


QAE621

3
Mr. Narang Ringkai
Mr. Henery Ungkamat
Mr. Vincent Osaka


3

Mr. Michael Lias

QBA5600

2
Mr. Michael Lias
Mr. Awang Ak Juing
Mr.


4

Mr. Jack Baie Ak Saing


QAW9878

3
Mr. Jack Baie Ak Saing
Mr. Spencer Birai
Ms. Margaret Rozario


5

Mr. Lawrence Sigai


QAL822

3
Mr. Lawrence Sigai
Mr. Anthony Banyan
Ms. Jacqueline R David


6

Mr. Kennedy Michael

QAR8388

3
Mr.Kennedy Michael
Mr.Merdan Omar
Ms. Wencie Lantica


7

Ms Senia Ak Jugi

QAF8171

4
Ms Senia Ak Jugi
Ms. Manoi Ak Majau
Mr. Edmund Renggie
Mr. Newton Sudom Dundang


8

Mr. Donald Entegar

QSG

4
Mr. Donald Entegar
Mr Sebastian Sujang
Mr. Richmond Alan
Mr. Edwin Ak Silang


9

Mr. Henry Ak Simon Rimau

QAB8131
3
Mr. Henry Ak Simon Rimau
Ms. Corina Ak Tipin
Ms. Catherine Daeh


10

Mr. Willy Bohen

QAK5445
3
Mr. Willie Bohen
Mr. Kadir Ak Bambang
Mr. Belaja Ak Abong




31







 Bapak Andeng, Ketua Umum Dewan Adat Dayak Sanggau nerima tanda pengingat ari SDNU ti disuaka Pn. Senia Jugi


Bapak Paolus Hadi, Sapit Bupati Sanggau nerima tanda pengingat ari SDNU dikenataika En. Vincent Osaka


Tu sekeda ari "millionaire" 


Ngetu ba Balai Kerangan betukar ka ringgit ngagai rupiah


Begambar sebedau mupuk ari Tebedu ke Entikong


Agi beisi ka form


Bala mayuh bela ngisi form imigesen, insuran enggau roadtax kereta sentara nganti mupuk ba mua Boulevard Kuching


Note: Berita ngabang Gawai Dayak ba Sanggau deka di tampung baru ba Part 2

cda

Panggau Bujang Berani

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa