Kubu Brook

Mayuh jangka aku bala sida ti diau ngelinggi menua Meluan, enda nyangka/sedar menua sida iya bisi ngembuan cherita lama. Jangka aku sida ke nembiak engka tak semina meda rumah nya rumah lama aja, sida ke tuai pan sama, engka tak nyebut "oh nya sangkai ba kerangan penyangkai Raja kitai". Ukai nama aku nyebut nya, laban aku nadai sekali-kali kala meda surat penerang/booklet Fort Brook di ayan ba endor nya tauka opis perintah di Julau. Arap ka sida ti patut nyedia ka booklet nya, tau berunding manah meh !!!

Kubu Brook, di Ng Meluan, siti ari kubu ti di gaga Rajah Brook kelia dalam taun 1932 di kena nagang penyarut di menua Sarawak. Siti da kubu di gaga ba nanga Batang Kanowit (diatu ba Pasar Kanowit) di kumbai Kubu Emma.

Kubu Brook semampai bekunchi pagar

Pintu masuk kubu


Pintu belakang kubu


Kubu peda ari tisi


Kerangan besai ba penyangkai kubu seberai Nanga Meluan



Nanga Meluan di peda ari penyangkai kubu

Housing Tribunal di Sarawak

Emmm tu berita manah ngagai bala kaban ti bisi penanggul nuntung. Agi ngasai ba kaban diri empu meli rumah di Taman Samarindah taun 2003 suba. Sampai diatu pan rumah nya apin alai diau, kebuah pia laban kaban enda sanggup nerima rumah di gaga enda nitih ka spec ba plan. Semua ramu serta kerja semimit pan enda ngipak ka rega - kayu luchak agi muda, agi bekulit, udah repuk semua nya lekat magang ba semua rumah di Samarindah.

Kala kes di bai ngagai Consumer Tribunal tang di asuh tribunal bai ngagai Court, akai dai agi tinduk jenak meh file laban chelap kena kesuh ka aircond kini ! Diatu nyau ka manggai 7 taun, agreement rumah, gaji kena potong tang nasib manah udah di ketu bulan 8, 2008 nyin kemari. Berasai amat ga mayar nyau semak 5 taun, nya kebuah nadai mayuh ga sida ti meli rumah sanggup bekelikuh enggau developer, "terima ajalah asal enda nyewa". Akai dai nya munyi iya, sanggup nerima rumah enggau quality ti enda patut enggau rega, sanggup meri uchu ichit rumah enda nitih ka spec ba plan !!!!!

Semadi udah di bai ngagai court nya baru developer deka mai berunding, lalu ngasuh narit summon. Asai asai enda mangat mudah nya ga, penguntung sigi nadai pama bai ngagai Court tang awak ka bisi muka mata sida developer. Bisi meh udah 2 kali berunding bai Court tang kaban nadai beganjak mimit claim ganti rugi, 50 sen ukai RM5000 pan enggai kurang, dini kitai ka deh enti nyau semak 7 taun udah nganti rumah ke tembu, duit udah ga kena developer majuh angin raun ke menua bukai kelimbah ari nambah ka pengeraja iya. Ba sida nya, majuh duit orang enda beradat, semimit pan nadai pemali asal diri empu "hati kuat sinang, apa saya duli lu"

Udah bekau kaban mai nya ngagai court, peda gaya diatu mayuh meri penguntung ka bala sida ti dudi meli rumah dia, kebuah pia, nyampau amat ga quality rumah udah berubah, terima kasih meh ngagai bala Mr. Tay (tauke Mayfair, Penview, Hoover,, Purnama ,,,), Cikgu Tay ari SK Merpati Jepang (sale manager, cikgu siku aja tu tau nyadi manager di Malaysia laban iya very hardworking!!!) serta Mr. Tan (Accountant iya mega tau mali nyadi Architect enggau Engineer, serba boleh licence pegai iya tu kini?) enggau bala di BHMF.

Sinu meda sekeda bala kitai nadai beduli ka quality rumah, terima aja kunchi, taja rumah lalu enda tembu sereta nadai CF sah ari Local Council, mayuh utai ganti sereta repair kediri empu siling, dinding, pagar, pintu, jendela, sink enggau tangki ai.

Developer mega nadai mayar late delivery ngagai semua sida ti meli taja pan rumah nadai tembu sampai 5 tauka 6 taun, taja pan dalam agreement developer mayar RM350-450 sebulan enti rumah enda tembu dalam 24 bulan.

Tesau sereta bantu meh kaban kitai ti bisi bebeli ka rumah ba Samarindah, awak ka sida nemu hak diri empu, nemu pekara ti patut di Claims ari developer enti asai rumah enda setimpal enggau rega.

Berita ayan ba Borneo Post 29.7.2009

Berita ayan ba Borneo Post 30.7.2009

Taman Samarindah

Plan rumah

Gambar di baruh tu, sekeda ari gaya rumah ba Taman Samarindah ti enda patut nyadi dibandingka enggau rega rumah nya.

Rumah setengah jalai lebih dua taun pan agi baka tu

Tu meh sekeda utai ti enda nitih ka plan ba atas siling semua rumah di Samarindah

Taja pan enda di peda, sanggup ka enda kitai nerima rumah ti di gaga baka tu!!!!

Kayu ramu agi kulit pan di lekat magang

Sekeda ramu udah repuk taja pan sida apin pindah laban rumah lalu enda tembu sampai diatu

Peda meh, kayu sengapa pan tau nyadi tiang

Nya iya bulih, tu meh kumbai perabung telanjai, manah agi langkau kebun kitai, ramu ngena tebelian

Ha ha ha ..... nama peda kita !!!!

Nehhh, kayu patah, kayu repuk, kayu muda di sanggit magang

Tangki besi ukai bisi dalam spec/agreement tang pasuk aja !!!!!

Nya iya, pengawa cincai-cincai magang kini !!!!

Apu neh perabung berbungai-bungai munyi leka lagu !!!!

Huuuuu, balat mai pengawa tuuuuu !!!!

Pagar kayu sengapa, mayuh udah repuk taja pan baru di pasang setaun, gurinti ukai selangan tauka tebelian

Tangki besi nadai dalam spec/agreement

Apuuuuu siling rumah baruh amat, kurang ari 9 kaki, nadai alai masang kipas

Bejalai ke Bakun (Part 2)

Tembu bejalai ka pengawa sebedau mupuk mulai ka diri ke Bintulu, kami sebuat lalu ngambi peluang, nemuai sereta matau menua kin kia. Nasib amat mega bisi peluang bejalai ke Bakun. benung pengawa nembu ka tekat rancak di gaga sebedau jalai ai di tutup.

Kala ke Bakun dalam taun 1998 suba tang ngena express boat ari Sibu ke Belaga. Ngandal ka diri meda Wong Pelagus maya express mansa tang sayau amat maya nya Wong Pelagus benung tenggelam laban Batang Rajang bah besai.

Sekali tu di Bakun nasib amat ga bisi bala di kelala, bisi mega orang ngulu matau semua endor projek Hydro Power Dam ti pemadu besai di Asia Tenggara. Dulu suba semina mansa mua tunnel nya pan semina mua tunnel ari ili aja tau di peda ari jauh dalam land cruiser laban enda di asuh Company Korea. Apu neh, terit amat ga undang-undang sida Korea !!!

Ngena peluang tu tadi nyau telunga-lunga ga asai ngemata ka bala ti gawa dia benung masang 3 iti turbine ti chukup besai, gaya peda/tilik ari tingkat 5, enda kurang mesai 2 iti court badminton alai siti turbine. Bisi ngambi gambar tang enda terang laban kelalu dalam masuk tanah.

Muai ai ari Ulu Batang Balui ngena 3 iti tunnel ti di gaga Company Korea dalam taun 1995 suba, dalam tunnel tu ulih bemotor ngena perau panjai beranjut ka pukat ngulih ka 50 -70 Kg ikan selemai



Ba atas tekat senentang lubang ai masuk nuju turbine


Tekat ti pemadu tinggi


Pintu ai benung di gaga

Mua ari ulu tekat, di sadang deka tenggelam magang

Tekat di peda muak ari ulu Batang Balui


Pala tekat


Turbine benung di pasang, gambar di ambi ari tingkat atas



Turbine ti nyau deka tembu di pasang




Bediri ba senentang tengah Batang Balui ti udah di isi tanah

Turbine House and Office Block


Turbine House ba baruh tekat

Begambar melakang ka tekat ba atas bukit ari ili

Andy ba mua qrts, nikal ngambi safety helmet ka kami sebuat


Makai malam begulai enggau bala Dom

Ngirup & makai lemai begulai enggau bala Andy

Notice Sports Carnival ti ayan ba mua Coffee House Bakun Resort

Bejalai ke Bakun (Part 1)

Kami sebuat bejalai ka pengawa ke Bintulu lalu terus ke Bakun. Pejalai ke Bakun asai-asai nadai tak ulih laju taja pan jalai agi baru sereta lurus. Kebuah pia laban jalai kin balat amat rosak lebih agi antara Tubau enggau Simpang Asap. Pejalai enda ulih laju tambah ka nangi bepansa enggau mayuh amat lori bebesai baka lori kayu enggau lori ngangkut veneer/lapis kayu kena ngaga plywood.

Terima kasih kami sebuat ngagai Dom (Kelvin Ensan) seduai Endi (Andy Stephen) laban ti mantu kami ngatur alai diau ba Bakun Resort. Enti nitih diau ba Bakun Resort mesti ka bisi booking tumu laban Bakun Management chukup berat ka hal pengelikun (Safety & Security).

Akai dai tekenyit amat ga kami sebuat, maya ti deka mandi begiga ka towel mandi tang sorry meh, towel mandi mai ka diri empulah enti ka diau ba Bakun Resort pia ko orang madah ka orang ti kala diau dia. Kami ni meh nemu nadai orang kala madah, pia ko orang.

Ha ha mandi mega kami sebuat tang bepalit sereta bebelit ngena baju, agi meh musu musu, ka pan enda. Mandi andal amat, tubuh udah masam sehari hari bepeluh kena jerebu embal ka mata panas terit, tang enda mukai mukai, buka ai nyau baka keching kemi keha..... akai dai deh deh, dua bulan Bakun nadai kala ujan, ai bukit semua udah rangkai pia ko orang madah ka kami orang !!!!

Simpang ke Sungai Asap

Jalai balat rosak antara Tubau enggau Bakun



Sekeda Jalai Bakun ti balat rosak



Kin kia babas angus tisi jalai nuju Bakun



Klinik ba Bakun Resort

Bakun Resort, RM60/room tang kitai mai towel mandi diri empu

Ba China Town Brangking, Rodgers begulai enggau Edwin Jugas

Dom ngulu ka happy hours ba Bakun China Town, camp alai pendiau bala ti datai ari menua China