Sekeda Pekara ti kena Pansa 2008 (Part 2)

Utai Nyelai kala nyadi (Pelik Tapi Benar), kitai tau pechaya tau ga enda pechaya ka utai ke nyadi ba mua mata. Pekara ti nyelai nya sempat di ambi gambar, awak nyadi ka pengingat.


1. Tekuyung Jepun mali diri utai Tumbuh











2. Aggu/Jamban enda bedinding







3. Nyaga Pengelikun diri

Nya siti ari ulah Ayos maya meda kartun "Power Rangers"

4. Ha ha Selamat taun baru

Manuk lepas

Manuk

Makai tunu nganti jam 12.00 tengah malam

Sekeda Pekara ti nyadi Semak Ujung Taun (Part 1)

1. Temuai Jauh

Taja pan agi kiruh laban pemati niang Bibi Ak Draman tang nadai mega penanggul bebagi ka jam kin kia. Nasib amat manah laban nadai tak bisi program mindah jauh. Kena tengahari 24.12.2008, nerima kangau ari John di Pontianak, madah ka ipar iya deka nemuai ka Sarawak. Sepiak ati gaga tang sepiak ati irau ninga berita penatai temuai. Temuai ti deka datai, ukai ari Pontianak tau ka Jakarta tang ari Guanzau China. Terima kasih ka nuan John "Mualang" laban ti introduce kami menyanak ngagai "kaban baru" Mdm. Sylvia Mcbride seduai anak iya. Mdm Sylvia endang asal ari Jakarta tang kira 17 taun udah diau di Guanzau laban laki iya bansa American gawa di Guanzau.

Mdm. Sylvia Mcbride seduai anak iya aja ke Sarawak, ari Pontianak. Laki Sylvia, Mr. George mulai ka diri ke Jakarta setegal takut nadai flight ke Jakarta lalu enda sempat pulai ke Guanzau kena 28/12/2008. Flight Kuching ke Pontianak mina sekali dalam sehari.

Penemuai Mdm. Sylvia ke Sarawak, manah amai laban ngulu ka anak iya, Aileen ngumpul berita enggau gambar kena iya nyediaka thesis. Aileen diatu belajar ba US nembu ka pelajar degree lalu thesis iya bisi bekaul enggau pantang(tattoo) kitai Iban.

Lebuh di Kuching, Mdm. Sylvia seduai Aileen, lalu di bai kami menyanak nemuai ngagai sekeda endur ti manah di menua Kuching. Seduai iya mega sempat nemuai ke menua Batang Ai enggau Lemanak ngabas rumah panjai ti bisi alai ngaga "demo" bepantang ngena chara lama kena 27-28/12/2008 lalu di ulu ka kaban aku Lancasty Narang.

Seduai iya pulai ke Pontianak kena 30/12/2008, ke Jakarta 31/12/2008 udah nya ke Guanzau 1/1/2009 .

Lt. Col. (rtd) Linus Lunsong nyua ka The Little Iban Warrior ngagai Aileen maya betemu makai

Terubah makai lauk Iban - kemiding, sup salai & Terung, kasam ikan ba Ruai Kitai


Mdm. Sylvia seduai anak iya AileenMcbride ba Pengkalan Sapi Kuching

2. Nurun ke Semester II

Kena 27/12/2008, beguai nurun ke Airport laban anak aku ngerumban fight jam 1.55 pm. Ba Airport mayuh amat ga bala nembiak betusun ba counter AirAsia. Nadai kakang aku lalu nanya sekeda sida nembiak, udah nya nanya ga bala sida ke bukai. "kami pulai ke KL tu uncle, aku ba Kolej Masterskill, iya ba U", Udah nya sempat ngerandau orang di sepiak, anak iya mega di Kolej Masterskill Kuala Lumpur, diatu masuk final semester.

Emmm, ke bendar anak aku, agi ba ASASI SAINS UITM, Semester I, result/pointer iya kira OK, ari atas 3.5 laban iya sigi amat rajin belajar. Nitih ka timetable sida iya, register ba kolej kena 28/12/2008 lalu lecture pan belabuh 29/12/2008. Akai dai... nadai ngira ujung taun meh nya !!!

Que up ba Counter AirAsia


Bala anak Bujang nganjung Enduq di Airport Kuching

3. Pemutus Peresa PMR

Ngenatai ka pengaga ati ngagai bala nembiak ti udah mujur ba PMR ti baru pansut 28/12/2008 tu tadi. Ngagai bala nembiak ti kurang mujur, ukai reti iya nya pengujung kita ba sekula tang nya meh nyadi ka pun iya kita nambah ka pengeliat, usaha enggau pengerajin kelimpah ari nukar runding nitih jalai ke betul, ti selalu di padah ka bala pangajar.

Rindu mega ninga berita datai ari bala, sekeda anak sida bisi ngembuan 7A, 5A & 4A taja pan sekeda sida iya datai ari rumah panjai, bisi mega sekeda sida iya diau di nengeri bekerja. Taja pan sida iya kerja ukai nyengala tetap tang sida iya enda sekali kali neju ka pemansang pelajar bala anak. Enti kitai sama ngembuan penemu baka tu, tau amat ngujung ka bala anak kitai Iban di menua pesisir tau mujur nitih ka singkang anak orang di nengeri.

Taja pia, bala anak di nengeri pan mayuh amat kurang mujur taja pan apai indai bendar ngansak anak belajar. Penanggul nya nyadi tentu datai ari anak nya empu ti sigi nadai ngasi ka jaku ajar jaku ansak apai indai.



4. Tangki Ikan Pechah

Nasib amat ga maya nya baru ka relax di rumah, tak enda mukai-mukai tepeda ka tangki Fibreglass bisi engkeching ai pansut. Akai dai tusah amat ga berunding ni gaya nutup tangkis pantis, ukai nama, chukup nangi ka utai ti dalam nya. Patin bisi 7 iko, Telapia Merah 3 iku, Koi 2 iko enggau ikan Sultan 2 iko.

Bala anak nadai ulih berunding lama lalu muang ka ai ari tangki awak ka ulih mindah ka semua ikan ngagai tangki bukai. Ukai nama, kebuah ka bayam ikan !!!

Ikan patin panjai 19 inchi enda kurang ari 3.5 Kg

Ikan patin ti penudi di pindah ngagai tangki bukai

Pengerami gaga kena padam berita Sinu

1. Berita Gaga

Kandang ke seminggu tu, kitai suah amat di kangau ka bala kaban belayan, mai makai tegal nikah kawin ba hotel, ba restaurant enda kurang mega di rumah panjai ti jauh enggau semak. Bisi maya berebak hari enggau jam, nadai chara bukai mega ka pan enda siti datai tumu lalu siti nitih dudi enti endor sama di Kuching. Reti iya selemai 2 iti pengerami di gulu, nadai utai di kemalu kumbai orang bam ka makai, ka pan enda. Tusah amat ga ka nyebut diri empu "aku enda ulih datai laban ngulu kawin anak sanu". Ke bendar, enggai "mengecewakan jemputan" bala kaban meh nya.

1.1 Kawin Anak Dr. Joseph Jawa Kendawang

Ngenatai ka pengaga ati ari kami menyanak ngagai Dr. Joseph Jawa Kendawang sereta Indai Bibi laban anak seduai ti tuai Dr. Presilla udah mujur niri ka rumah tangga enggau Reynolds J. Tindin ari Betong kena 20.12.2008 ba Holiday Inn Hotel.

Ba pengerami nya mayuh amat ga bala ari Kanowit, Sibu kelimpah ari Betong bisi datai meri sukung ka Dr. Joseph Jawa laban ti agi benung tinggang ulit niang indai iya ti baru nadai kena 9.12.2008 tu tadi di Sibu.

Ngenatai ka pengaga ati ngagai Dr. Pressila AJoseph Jawa seduai Reynolds J Tindin

Mr. Jonathan Tindin (Apai Penganti Lelaki), Mr. John Kendawang, Mr. Louis Jill Jayan & Anthony Banyan



Cikgu Paulus Vitus, Mr. Tonny Paulus, Anthony Banyan & Mr. Louis Jill Jayan

1.2 Kawin Anak Mr. Morris Unung (Rajah Court Hotel Kuching)

Ngenatai ka pengaga ati ari kami menyanak ngagai Apai Sidi sereta Indai Sidi laban anak seduai ti nombor dua udah mujur niri ka rumah tangga enggau siku Indu Bidayuh kena 20.12.2008 ba Rajah Courts Hotel.

Sama besampi kitai ngajih ka seduai begulai lantang senang lalu jampat bulih teresak bulih anak.

(Gambar deka di pasuk dudi)



1.3 Kawin Anak Mr. Stephen Anyi (Rajah Court Hotel Kuching)

Ngenatai ka pengaga ati ngagai nuan Mr. & Mrs. Stephen Anyi laban anak seduai udah mujur niri ka rumah tangga enggau siku orang bujang ari bansa China Foochow ti datai ari Sibu. Pengerami makai malam kena 22.12.2008.

Selamat panjai umur ngagai Ammy seduai Tiong, ngajih ka seduai jampat beranak beteresak.




1.4 Kawin Anak Mr. Aman (Ipar Draman Ak Nyaring/ Saratok)

Ngenatai ka pengaga ati ari kami menyanak ngagai nuan Ipar, Mr. & Mr. Aman laban anak seduai udah mujur ngatur diri niri ka rumah tangga kena 21/12/2008 tu tadi.

Kami menyanak minta ampun besai laban enda ulih ngenatai ka diri ke rumah panjai di Melupa Saratok kena 21.12.2008.

Ngajih ka anak seduai mujur dalam semua pengawa, lebih agi jampat beteresak beranak.

(Gambar deka di pasuk dudi)



1.5 Kawin Anak Francis Juti (Bintulu)

Ngenatai ka pengaga ati ari kami menyanak ngagai Ipar, Mr. & Mrs. Francis Juti di Bintulu, laban anak seduai Stephen udah mujur ngepun ka rumah tangga kena 27.12.2008 tu tadi.

Kami menyanak minta ampun besai laban ti enda ulih ngulu pengawa kita. Taja pia ngajih ka anak seduai mujur sereta lantang senang dalam semua pengawa ke jemah ila.

(Gambar deka di pasuk dudi)



2. Berita Sinu

Emmm, pandak ka cherita, bala kaban belayan rami kin kia tang enda mukai-mukai udah rami malam nya, pagi siti lalu nerima berita sinu ari Saratok. Berita penusah bebadi ba jalai alun di Petra Jaya Kuching. Penusah nyadi kena lemai 21/12/2008 kira jam 11.00 malam, tang mina di temu berita kira jam 8.00 pagi 22/12/2008. Nama deh tak padam magang meh pengaga ati bala kaban belayan setegal penusah nya naban ka nyawa tudah Sylvia Ak Draman @ Bibi. Niang Bibi di sengai lemai 22, 23 & 24/12/2008 ba Taman Tabuan Supreme. Iya udah di anjung ke kubur kena ngalih hari 25/12/2008.

Apai Bibi @ Draman Ak Nyaring sembiang ka Niang Bibi

Bala menyadi sereta anak petunggal Apai Bibi


Gambar ti ayan ba Estern Time kena 23.12.2008, semua Gambar di baruh ayan ba Chinese Daily News













Kereta Ba Balai Polis Simpang Tiga

Raun Kin Kia

Bejalai kulu kili, kena ngemantup ka bala nembiak limpang maya permisi sekula. Semak sebulan permisi sekula tang bala nembiak teperam di rumah, setegal kitai ti kiruh amat enggau pengawa ti enda tentu menuku. Sinu meda bala nembiak, tang nasib sida iya mereti amat ka pengiruh kitai.

Nama deh, tak dua minggu beturut ngiga alai ngerendam diri. Mula nuju ke Matang Wildlife Centre di Rayu kena 13.12.2008 tu tadi tang enda mukai mukai, endur nya di tutup ngagai mensia mayuh. Sungai nya di temu enda selamat alai mandi laban bisi kala di peda aki jagu (baya meh nya) ngeredai diri. Nyau pengujung anak lubuk ba Sungai China di kenyadi alai berendam. Sekeda kaban aku mutap mandi ba "lubuk" nangka pala patung. Heem heem nya meh cherita ti amat kebuah nyau betangkan minggu ngiga lubuk alai berendam sampai ka tungga Puncak Borneo.

1. Mandi di Sungai China Matang

Mansuh manuk & ngut kelimpah ke nunu kena nganti bala nembiak mandi "lubuk" nangka pala patung

Mandi ba Sungai China tang ngelebus rumah orang ngicha ka nadai kena ai parit ari rumah

2. Mandi di Hot Spring Ulu Sungai Sarawak (Kpg Annah Rais)

Rumah & kedai alai masuk ngagai Hot Spring

Jalai nuju sungai ti bisi Hot Spring

Mandi ba ulu Sungai Sarawak Kiba ti bisi Ai Angat (Hot Spring) pansut ari kerangan/pasir


Mandi ba ai chelap udah bekau mandi ba ai angat (keruang) di belakang


Seradak Sungai Sarawak Kiba lebih jauh ari Kpg Annah Rais

Terima kasih ka nuan Ibu, siku indai tuai ba Kpg Annah Rais ti ngerandau kami menyanak ngena jaku Iban

Ngenatai ka Pengaga Ati

Ngagai semua bala kaban belayan ti jauh enggau semak, aku meri

SELAMAT HARI KRISMAS

sereta

SELAMAT TAHUN BARU 2009


Ngagai bala Bujang Dara ti deka nikah ujung taun tu, aku mega meri

SELAMAT MELAH PINANG SERETA NGAJIH KA KITA PERIDI

BAKA PISANG DI KELULUNG TAMBAK



Ngagai bala nembiak, aku mega meri

SELAMAT MULAI KA DIRI KE UNIVERSITI, KOLEJ ENGGAU SEKULA

meransang kita, enda mantul enda tenur ngulih ka sempun penenggau jalai pengidup ke dudi hari ila,

Ngajih ka kitai sama bela gerai, panjai umur sereta lantang senang dalam semua pengawa

Ngagai bala ti benung permisi niki ngagai Mt. Kinabalu (18-20/12/2008) arap ka kita enda mantul ngenatai ka diri ba tuchung, udahnya pulai enggau likun.

Ngagai menyadi aku, Gabriel menyanak, ti benung pindah ngagai rumah baru di Taman Crystal Sibu Jaya lalu mangkung tiang 21/12/2008, kami menyanak besampi ka kita menyanak gerai sereta lantang senang dalam semua pengawa, sereta chelap lindap diau ba rumah baru, minta ampun laban enda ulih ngesah pengawa kita!!!

Penemuai Majelis Adat Dayak Nasional Indonesia

(Souvenir Program Book for the Dinner on 4.12.2008)

SDNU berasai temegah amat ati laban ti di pinta Majelis Adat Dayak Nasional Indonesia (MADN) ngatur program penemuai di Kuching pia jaku President SDNU Mr. Mengga Mikui maya Majlis Makai Malam ba Dewan Suarah Kuching kena 4 Dec 2008

Chairman pengatur pengawa penemuai MADN ke Sarawak, Dr. Dusit Jaul ngenatai ka terima kasih ngagai bala ti nadai ngira pengelelak sereta a, nyedia ka penemuai bala kaban MADN ari 4 - 7/12/2008.

Peda mata negelama tu, SDNU naka ulih mai semua gerempung Dayak begulai sama nyambut penatai bala MADN, tang ke sakali tu, nyangka gerempung Dayak bukai benung kiruh enggau pengawa bukai, kira nadai meh sida iya besaup mantu SDNU nerima penatai bala Dayak ari Kalimantan. Arap ka dudi ila, meri saup meh ngereja pengawa anang neju ka sebengkah gerempung aja.

Berunding meh kitai ka jaku Bapak Agustin Teras Narang ti di pansut ka iya maya ba Randau Dayak Borneo enggau Majlis Makan Malam:-
(i) "kalau bukan sekarang, kapan lagi? Kalau bukan kita, siapa lagi?"
(ii) "Sangat Berdosa orang Dayak kalau orang Dayak sendiri tidak memikir untuk memajukan orang Dayak sendiri"

Bala MADN datai ke Sarawak enggau Sabah laban deka begulai ngiga jalai negut ka kaul semua Dayak di Pulau Borneo. Kelimpah ari nya mai kitai besaup ngangkat ka pemansang bansa Dayak ba Kebudayaan, Ekonomi enggau Pelajar.

SDNU udah pegari ba Dayak di seluruh Kalimantan

"Semua" Gerempung Dayak di Sarawak (ba Merdeka Palace Hotel) ngelalu ka penatai raban MADN

Bala pengatur pengawa Secretariat SDNU ba Merdeka Palace Hotel

Bala Petugas ti ngemata ka Scretariat SDNU ba Merdeka Palace Hotel

His Excellency the Governor of Central Kalimantan
and the Chairman of MADN Bapak Agustin Teras Narang arrived at Merdeka Palace Hotel

1. Randau Dayak Borneo

Tu nyadi ka Randau ti terubah di atur bansa Dayak antara SDNU enggau MADN kena lemai 4/12/2008 ba Dewan Perpaduan Merdeka Palace Hotel Kuching. Randau tu di kena ngepun ka pengawa begulai ngangkat ka pendiau pengidup bansa Dayak di Sarawak, Kalimantan, Sabah sereta Brunei.

Batang randau besangkut paut enggau Pemansang Kebudayaan (Main Asal), Ekonomi sereta Pelajar.

Bapak Lewis, Bapak Agustin T Narang, Dr Dusit Jaul, Mr. Mengga Mikui & Dr. John Brian

SDNU & MADN Delegates attending the First Randau Dayak Borneo

2. Pengerami Makai Malam

Makan malam kena 4/12/2008, di atur kena nyambut penatai bala raban MADN. Lebih 750 bala Dayak bisi ngulu pengerami nya. Komiti pengatur pengawa mujur bejual ka 73 meja ti berega RM400.00 ngagai gerempung sereta bala pemesai Dayak.

Makai malam nya mega alai mantai ka sekeda main asal Dayak di Sarawak enggau main asal sekeda Dayak ari Kalimantan.

Lebuh ti bejako malam nya, Bapak Agustin Teras Narang nyebut mai semua Dayak besaup ngangkat ka pengidup Dayak "kalau bukan sekarang, kapan lagi? Kalau bukan kita, siapa lagi?"
Aram meh kitai sama ngingat sereta berunding ka reti jaku nya, mai kitai segulai sejalai sepenemu ngangkat ka bansa Dayak ti semina bisi ba Pulau borneo tu aja.

The arrival of the Chairman of MADN Bapak Agustin Teras Narang at the Welcome Dinner at Dewan Suarah Kuching

MADN & SDNU Leaders witness the Miring Ceremony to seek the blessing from Petara

President SDNU Mr. Mengga Mikui menyampaikan Cenderahati kepada Pengerusi MADN Bapak Agustin Teras Narang

Lelanjang Tangkung Kenyalang

Ngajat Iban ari Kalimantan - Beutek?

3. Nemuai ke Tun Jugah Foundation

Rombongan MADN di ketuai oleh Bapak Agustin Teras Narang berpeluang melawat ke Yayasan Tun Jugah serta Gallery Pua Kumbu Mendiang Datin Amar Margaret Linggie dan telah di beri taklimat oleh Dr. Robert Menua, Mdm. Janet Rata, Mr. Janang Ensiring.

Turut hadir semasa lawatan tersebut, President SDNU Mr. Mengga Mikui dan Penyelidik Kanan Tun Jugah Foundation Dr. Peter Kedit.

Dr. Robert Menua dan Dr. Peter Kedit bersama Bapak Agustin Teras Narang

Mdm. Janet sedang memberi penerangan kepada rombongan MADN

Mr. Jantan Umbat and Anthony Banyan took the opportunity to record precious moment with members of MADN from ethnic Dayak Iban

Bapak Agustin T Narang sharing his idea with Dr. Robert Menua and Dr. Dusit Jaul

4. Malam Mesra SDNU & MADN

SDNU sangat terhutang budi dan jutaan terima kasih kepada bekas President SDNU, YBhg. Dato Sri Daniel Tajem dan keluarga kerana sudi memberi laluan menggunakan kediamannya untuk mengatur Majlis Mesra dengan 150 ahli rombongan MADN pada malam 6/12/2008.

Semua ahli SDNU Cawangan Taman Boulder Built telah di beri tanggungjawap membuat persediaan untuk acara tersebut.

Mr. Francis Linggi Nyaran adalah orang penting kerana menjadi juruacara pada Majlis Malam Mesra SDNU-MADN di kediaman YBhg. Dato Sri Daniel Tajem



Mr. Anthony Belon and Dr. Siun say a grace for the food and the historical occasion

Perbincangan lanjut SDNU dan MADN untuk berkerjasama memajukan bidang Kebudayaan, Ekonomi dan Pendidikan Dayak

Bapak Agustin T Narang tertarik dengan perbincangan Bapak Thadeus Yus dengan YBhg. Dato Sri Daniel Tajem


Sebahagian dari Ahli MADN dan ahli SDNU

Dayak Family Gathering - Augustine Merikan, Agustin Teras Narang & Lankasty Narang

(Keluarga Augustine Teras Narang)

5. Randau Dayak Borneo II

Ba Randau terubah, kelalu singkat setegal penerebai bala raban MADN ari Palangkaraya bisi penanggul.

Ari peminta bala kaban SDNU enggau kaban MADN, Randau kedua lalu di atur ba hari penudi kena 7/12/2008, awak ka meri peluang panjai berandau ka sekeda penanggul ti nuntung bala raban Dayak di Malaysia enggau di Indonesia.

Group photo of MADN & SDNU

His Excellency Bapak Agustin Teras Narang recieving a gift from Mr. Mengga Mikui

Bapak Thadeus Yus seduai bini iya sempat di bai nemuai ngagai rumah Maurice Giri sebedau nganjung seduai ke Holiday Inn Hotel

6. Diri Sebilik tauka Tanggungjawab

Pengorbanan ngagai diri sebilik, lebih agi ngagai bala anak. Besampi ngagai Allah Taala, minta berekat sereta penerang Iya ngagai bala anak, awak ka bala anak berunding sereta mereti ka pengawa apai indai sida iya ka bansa enggau menua. Puji sereta terima kasih ka Nuan Tuhan.

Selamat Hari Pengada ka nuan Ujang, Dad minta ampun laban meri tumpu lebih ka pengawa ngadu ka penatai bala kaban kitai Dayak ari Kalimantan, serebak enggau Hari pengada nuan

Ujang seduai Ayos ngati ka diri laban apai sida kelalu kiruh

Limpang ngerampas begulai enggau bala nembiak kena ngingat ka pengada Ujang

His Excellency the Governor of Central Kalimantan Bapak Agustin Teras Narang and Anthony Banyan (Upah ti Besai ngereja pengawa - "Ulih bekelala & Begaul rapat")