The Little Iban Warrior

PENGAWA NGELANCHAR KA BUP

YB. En. Alexander Nanta nerima bup ari Tuan Lt Col (Rtd) Linus Lunsong, lalu seduai di perati ka YB Dr Stephen Rundi seduai YBhg. Dato Sri Celestine Ujang. Berita nya di ambi ari Borneo Post kena 25 August 2007

Bup ti di tulis Tuan Lt Col (Rtd) Linus Lunsong Janti ti datai ari rumah panjai Bukit Aup Sibu.

Tuan Lt Col (Rtd) Linus Lunsong ngenatai ka jaku pengelalu serta meri sekeda penerang iya ba nulis bup ti mai cherita iya ari mit sampai ka pengawa iya ba soldadu lebih agi maya penyamun komunis benung balat ngeruga bala rayat

Tuan Lt Col (Rtd) Linus Lunsong nyain bup iya ti di beli bala mayuh ti sama ngulu pengerami lemai nya. Bisi mega datai Cpt (Rtd) Meran Ubong ti bediri ngerimbai iya

Menyadi indu Tuan Lt Col (Rtd) Linus Lunsong (tengah) mega datai ngulu pengerami ti besai amat reti ka sida sebilik.





Ngenatai ka pengaga ati ngagai nuan, Tuan Lt Col (Rtd) Linus Lunsong Janti, tegal ti bisi pengeransing ati serta penemu nulis bup "The Little Iban Warrior" ti baru udah di lanchar ka YB En. Alexander Nanta Linggi ba siti Hotel ke tebilang kena 24 Ogos 2007. Mayuh bala pemesai baka YB. Dr Stephen Rundi, YBhg. Dato Sri Celestine Ujang, YBhg. Temenggong James Jimbun, Ass. Prof. Dr Tan Seliong enggau ngulu pengerami ngelanchar ka bup maya nya kelimpah ari bala pemesai soldadu dulu suba baka Lt Col (Rtd) Fathol Zaman Bukhari, Lt Col (Rtd) Fabian Wong, Major (Rtd) Peter Runin, serta Cpt (Rtd) Meran Ubong.

Nitih ka berita ari Tuan Lt Col (Rtd) Linus Lunsong, siti bup berega RM25.00, bala mayuh tau mesan terus ngagai iya HP 019-8272505. Bup nya diatu udah di chelak baru (reprint) laban nitih ka peminta bala mayuh lebih agi bala sida ti deka nemu pengawa serta pemedis pengidup rambau penyamun komunis suba.

Bala Hero ti nadai Ayan
(Gambar Ambi ari Surat Berita)

Ngagai bala kita bujang berani, kami besampi minta Petara meri pengerai ka kita belama. Kami mega besampi ngagai Petara minta kita semampai di kenang generasi baru, kita meh orang ti nagang munsuh/komunis ngerekai di menua Sarawak serta di Malaysia kenyau ujung taun 50 ngagai taun 1975 kelia. Kami mega ngarap ka perintah meruan ngenang kita belama lebih agi maya Malaysia ngintu hari Merdeka.

Temuai ari Pontianak

PENATAI BALA TEMUAI

Nemuai ngagai Datuk Patinggi Tan Sri (Dr) Alfred Jabu, Sapit Kepala Menteri serta Menteri Pemansang Infrastruktur enggau Penyambung Sarawak di Wisma Bapa Malaysia kena 28 Ogos 2007 sebedau mulai ka diri ke Pontianak

Nemuai ngagai Tun Jugah Foundation serta ninjau pengawa ba Gallery Pua Kumbu Datin Amar Margaret Linggi kena 27 Ogos 2007. Ibu Monica Sita benung nunjuk ka chara nenun pua kumbu ngagai dua temuai indu.

Prof. Dr. Mashudi M.Pd. duduk ngerimbai Dr Rosli, Sapit Dekan Faculty Social Sc. Unimas enggau Drs. Clarry Sada, pengatur penemuai sida ari Pontianak ke Kuching. Penemuai ke UNIMAS kena 27 Ogos 2007

PENGAWA NGATUR PEJALAI NEMUAI

Unggal Clarry Sada ngetu ba Ruaikitai Cafe lalu berandau enggau Peter John

Unggal Clarry Sada (duduk - kiba) begulai enggau Raban Komiti SDNU

Bala Pemesai ari Universitas Tanjungpura udah berambu deka nemuai ke Kuching kena 26 -29 August tu ila. Sida tu ti betubuh 38 iko ti nyadi lecturers ba universiti nya deka datai di Kuching betuai ka unggal Clarry Sada. Unggal Clarry bisi rembus ke Kuching kena 3 August tu laban ti ngatur pejalai sida sebuat ngagai UNIMAS serta ngatur program ke bukai. Seninjik amat, maya unggal Clarry di Kuching iya bisi limpang minta bantu mai ngatur penemuai sida ba mayuh bengkah alai ti tau meri penemu serta alai ti tau ngelantang ka runding kelimpah ari bekunsi ka peneleba di Kuching. Ari nya aku lalu mai unggal Clarry nemuai ngagai UNIMAS betemu enggau Prof. Dimbab Ngidang seduai Ass. Prof. Dr Kasing Apun.

Siti berita manah, ari unggal Clarry Sada, ari pemayuh tubuh sida iya, enda kurang 10 iko bansa Dayak, lalu Clarry empu serta 3 iko da pemesai bansa Iban.

Selamat datai nemuai ke Sarawak ka bala nuan ari Pontianak unggal Clarry. Lalu pia mega kami meri SALAM MESRA ngagai bala ibu-ibu dan bapak-bapak pensyarah.

Sg Machan

Perengka Pemindah

Semua rumah panjai ba menua kandang Sungai Machan mina ulih di lawa ngena perau. Ba kitai ti diau di nengeri lebih agi bala nembiak, merau ke ulu ke ili nyadi ka siti ari pemerindang ati. Tang ba orang ti mendam diau di rumah panjai, tu siti ari penanggul enggau pemedis berat ti agi nuntung bala mindah kin kia.

Sistem Tagang Sungai Mangut

Opis Betanam Betupi udah ngemendar ka Sungai Mangut alai endur ngibun ikan sungai. Nitih ka atur Sistem Tagang, kandang menua nya enda tau alai berikan dalam pengelama dua taun belabuh ari ikan mula di lepas ka ba sungai. Lebih 100,000 iko anak ikan sungai udah di lepas ka menua nya dalam bulan Semilan 2006 suba.

Kerangan

Sekeda alai ti tau merindang ba menua Machan, mayuh kerangan besai serta ai mega chelap serta chiru. Sepemanjai sungai kiba kanan agi mayuh pun kayu ti ngelindung pancharmata panas baka engkabang, ensurai, mega pituh, buah kayu nya tau nyadi ka pemakai jelu idup, burung enggau ikan.

Lubuk alai belajar nyemerai

Emmm, nya meh siti ari kaki rantau di ai Machan. Sungai tu agi bersi serta chiru taja pan agi bisi pengawa kerja batang di menua seradak Sg Machan. Ai sungai semina keruh dalam kandang 3 hari pengudah ujan.

Ari setegal sungai ti chiru, menua agi bersi serta likun, serta agi nyamai alai begiga ka mayuh bengkah hasil ari babas, dia meh JKKK Rh Sandai udah berambu deka nyedia serta ngatur Program Homestay ba menua tu. Program Homestay tu udah diperambu lalu nyangka deka di lanchar ka sebedau 2008 ila. JKKK Rh Sandai, ngarap ka Program Homestay tu tau amat mantu ngangkat ka pendiau pengidup, ekonomi, sosial, serta pelajar diri serumah serta semua rumah panjai pelilih Machan.