Temuai

free link to home study courses guide
Online home study courses guide.

Thursday, June 26, 2008

Kangau Ngabang Gawai ke Sanggau


Tabi semua bala menyadi, aku ngenatai ka berita manah, ti di terima ari Dewan Adat Dayak, Sanggau, Kalimantan.

Dewan Adat Dayak Sanggau deka ngatur Gawai, mayuh pupu raban bansa Dayak di Borneo udah di kangau ngulu pengerami nya.

Semua bala kitai Dayak ari Sarawak mega nerima kangau Dewan Adat Dayak. Nya alai barang sapa bala kita ti bisi ati deka ngena peluang tu, nemuai ke Sanggau tau nanya pekara ke silik ari kaban kitai ba hp 019-4673027 (Mr. Spencer Birai)

Penerang Pasar Sanggau:-

- Pejalai dua jam setengah ari Tebedu
- Jalai manah tang mit sereta bengkok-bengkok

- Population, majority bansa Dayak
- Bupati (Resident) Pak Andeng
- Hotel RM45 - RM95/malam

Haribulan Gawai: 5 Julai 2008 (Saturday)

Jam betolak ari Kuching: 9.00 pagi



Surat tesau ari Sanggau



Program Gawai di Sanggau


Monday, June 23, 2008

Workshop SDNU


SDNU udah mujur ngatur workshop di Kuching kena 21.6.2008 tu tadi. Kira bisi 30 bala ti bisi pengirau ka rega minyak niki ti meri pemedis ka bala di menua pesisir sereta ulu sungai bisi datai ngulu pengawa nya.

Tuju workshop nya, di kena Mantu Perintah Mutar ka penusah ti balat amat nuntung semua mensia ti diau di menua pesisir tang lebih agi sida ti diau di ulu sungai.

Nitih ka penerang ari SDNU, semua penemu sereta pemutus ari workshop nya deka di pejurai, udah nya iya deka di anjung ngagai Jabatan Perdana Menteri, Kementerian Perdagangan Malaysia, Menteri-Menteri Dayak, semua opis-opis perintah kelimpah ari bala Wakil Rakyat ti bisi besangkut paut enggau penusah sereta penanggul ari setegal rega minyak niki.



Sekeda ari bala ti enggau Workshop



Mr. Lichu ari Serian mega enggau ngulu



Group 2: Mr Johnnical Linggang nerang ka sekeda batang penemu ngagai Dr. John Brian, Mr. Encharang Agas, Mr. Suluk Tawie & Mr. Gunong Enteri



Friday, June 20, 2008

Ngabang Gawai Dayak



Surat Tesau ari Penatia (Komiti) Gawai Kampung Sebujit


1. SDNU Bebagi Tubuh



Endang baka selama, bala raban SDNU selalu amat di kangau kaban belayan lebih agi kaban ari Pampang ngulu pengawa ti bisi di atur ba pampang seluruh Sarawak.

Sekali tu, pekara ke sebaka mega nyadi laban pengawa berami ny
au berepak hari sereta berepak jam. Nya alai sekali agi, bala Komiti Besai SDNU bebagi tubuh ngulu. Sekeda ngulu pengerami Gawai Terbuka Malaysia di Kuching lalu sekeda nemuai ke kampung-kampung kelimpah ari ngabas bala ba pampang ti bisi pengawa.

Udah bekau ti bebagi tubuh nya, nasib mega kaban bisi ngampit ka alai, lalu nyengkaum pangan dalam list nemuai ngabang ngagai Kampung Sebujit, Seruas, Kabupaten Bengkayang ti enda jauh ari Sarikin Bau.

Nasib amai ga bisi peluang nemuai, pama meh ngabang ngagai mayuh bengkah raban bansa Dayak. Enda tentu nyamai ga bulih peluang baka tu.

Berasai lantang amat ga ati, laban ti ninga berita kaban ari Sarikin mai nemuai ngagai bala kaban sida iya di sepiak ngintu Gawai


2. Adat ti enda Sebaka



Udah putus randau, lalu setuju sapa bagi ti sanggup nemuai ke Kampung Sebujit, bala kami sebuat pan lalu di padah ka pekara ti patut di bai.

Nya alai, enda mega tekenyit bala kami sebuat di asuh nyedia sereta mai segulung "Kain Ensumba" sereta gula pasir. Nadai mayuh leman mega kami sebuat lalu begiga ka dua iti pekara nya.


3. Sarikin



Kedai di Kampung Sarikin



Mat Rempit - barang hasil kerja jari bisi di jual



4. Pejalai Sarikin - Seruas


Seruas tu kira pejalai 45 minit ari Sarikin ngena 4WD. Ari Sarikin ngena Private Road datai ngagai antara menua (sempadan) kira bisi 15 minit. Jalai enda berapa manah lebih agi enti musin ujan. Ngelebus Sempadan jalai bisi ngena primex tang balat amat belubang sereta mit.



Begambar bebala mayuh ba sempadan begulai enggau bala ABRI


Selamat Tinggal Kampung Sebujit, jika panjang umur saya akan berkunjung lagi



Sekeda ari Jalai ti Merentas Sungai



Gaya jalai ngelebus Sempadan



Sangkai ba pengkalan Perau ari Ulu Pasar Seruas



Lankasty Narang bejajai di Pasar Seruas



Transport di atur untuk semua pelawat, seronok bagi mereka yang pertama kali menggunakan perahu menyusuli sungai !!!!!



5. Kampung Sebujit, Seruas, Kabupaten Bengkayang



Kampung Sebujit, pendiau raban bansa Dayak Bidayuh. Kampung tu kira pejalai dua jam setengah mudik sungai Seruas, udah nya masuk ngagai dua iti da pati sungai Seruas,
ngena perau panjai enjin 15 kuda.

Nasib semampai manah, ai sungai maya nya numbas iya ga pemesai, lalu ngujung ka pejalai kami sebuat mujur amat, nadai bebatak lalu nadai bedarat/bejalai kaki baka temuai ari RRI ke dulu enggau Muzeum Nasional ti dudi ari kami. Keno ko kaban kami siko, Unggal Salam, madah ka kami sebuat ngabang, sigi bisi utai nyelai tau nyadi. Kira aku engka amat meh nya, "semina sungai nuju kampung Sebujit" aja ga besai tauka kembai sehari nya.



Jang Rangga (baju merah), nembiak Iban ti gawa ba RRI orang ti terubah betemu maya kami baru datai ba Kampung Sebujit



Randau atau Rapat Umum nyedia ka pengerami Gawai Nyobeng ba Kampung Sebujit



Bala Pengabang di Sambut enggau Adat Asal Dayak Bidayuh Kalimantan


Nyambut Pengabang enggau darah ukoi sereta Tikau telu manuk


Bala Temuai di beri peluang belelak sereta berandau


Nerima Tanda Pengingat ari Pengari Gabenur Kalbar



Merentas Jambatan Buluh - bejalai kaki pulai hari siti





Friday, June 6, 2008

Berita "Pulai Menua" (Gawai 2008)



1. Plan Mupuk Tumu Pagi



Ngira diri tumu pagi 29/5/2008 mupuk ari Kuching. Abis laun 4 pagi keno ko jaku, ngicha ka enda "belaya" dalam pejalai. Ukai nama, enti agi malam, tinduk maganglah bala anak Keling. Kira enti dani pan, ngetu ngirup pagi di Simpang Sri Aman. Udah nya taulah sedia diri "ka andi chungai" di Ulu Melupa, nya ga sigi target. Nya meh plan mula. Tang, akai dai enda mukai-mukai, mata ka amat ga tinduk, ujung-ujung tedani pukul 7 pagi. Apuuuu nyau pukul 8.30 meleka ari rumah.

Emmm nasib ga kaban ke "ka andi chungai" nadai mayuh ulah, mujur mega pejalai, nadai penyarut sepemanjai pejalai pagi nya.




2. Sungai Belong Melupa



Tu meh siti pengerindu bala budak, bejalai ngetu lalu bemalam ba mayuh menua. Ka pan enda kitai ga mayuh "Dalam Adat" sebaka jaku In-Laws. Ngetu ba rumah panjai kaban belayan maya nya tau rindu lalu tau mega ngasuh ngelesi. Ha ha nasib manah endar, nadai utai ngasuh gelesi laban orang mereti ka kitai bisi "penti pemali"





Mandi ba Sungai Belong, Melupa Saratok





3. Christie Patrick Anong


Ngenatai ka pengaga ati ngagai nuan Dom, laban ti udah mujur "Gawai" ngepun ka diri niri ka ruang bilik, haaaa NIKAH meh nya.

Ngagai Apai Dom seduai Indai Dom, kami sebilik mega ngenatai ka pengaga ati ngagai seduai laban ti udah mujur nambah ka pemayuh tubuh ba bilik kita, bulih menantu !!!





Selamat Melah Pinang ka seduai Dom






Apai Indai Dom sereta dua entua iya ngemata motong kek






Apai Watt seduai Douglas ari Sibu







Cikgu Ampi & Temuai ari Ng Derau (Doug)







Adin sereta bala aya ti datai ari jauh






Stidi Mr MC, Apai Adin (Peter Libu)






4. Machan Kanowit



Sekali agi ga bala kaban ti "ka andi chungai" chukup gaga, ninga berita "nepan parau".... nepan perau meh nya. Keno ko niang aki kelia, nya meh "tiksi Brunai". Jangka aku, niang aki nya, gurinti ampit nepan perau tambang di Brunei baka perau tambang ba Pengkalan Sapi, Waterfront di Kuching diatu. Enti enda pia, nadai sida iya nemu leka jaku teksi Brunei deh.





Tempat Kereta Parking ti baru di gaga Kanowit District Council ba Pasar Machan agi puang







Nepan perau mudik Machan





5. Gawai Dayak di Rh. Sandai




Agi Nyedia ka Perais Pekit Gawai





Nyeradak Ai Pengayu






Endun Florence ngelalu ka bala mayuh sebedau sembiang berkat







Sembiang Berkat Bilik






Raban Team Machanster ngabang ba Rh Sandai kena 2/6/2008












Panggau Bujang Berani

Panggau Bujang Dara Endu Endun

Menua Apai Indai Aki Ini

Pupu Menua

Pupu Bansa