Operasi Ngerapuh 21 Bujang Berani Iban

Ngenatai ka besai terima kasih ngagai Robert Rizal sereta bala bloggers bukai ti mula ngepun ka penemu mai bala Bujang Berani Iban ti lesi bebadi di Malaya pulai ka menua Sarawak.

Penemu ti manah nya tentu mega nadai ulih nyadi enti enda di sukung ari bala tuai di Sarawak enggau tuai di peringkat Malaysia. Kebuah pia, mayuh pekara berat ti besangkut paut deka diadu lebih agi laban semua rekod nya agi disimpan di menua England sereta alai pendam bala Bujang Berani tu ngachir kin kia ari Singapore sampai ke Perak.

Lemai 27.7.2011 nyadi ka siti da cherita baru ba bansa Iban, laban kitai Iban baru bisi siti Pendam ti alai bala Bujang Berani diengkah begulai taja pan pemarai sida iya nyau sekeda udah manggai 58 taun. Tu mega nyadi ka siti cherita Lama (SEJARAH) ka semua bansa menua Sarawak, semina bansa Iban aja dikangau berjuang ngetan ka Malaya. Reti iya dia pemerani sida iya ukai bujang berani "kampung" (menua diri empu/jaguh kampung) baka sekeda bujang berani ti dilaung-laung lalu diangkat ka ba nama jalai enggau nama sekula !!!!

Maya lemai nya, sepengudah sarang rangkah di simpan dalam lubang, nyau enda berasai leka UJAN NYAU GEMISAI tang enda lama. Amat agi bisa meh bulu sida Bujang Berani nya, nyangka nya kena sida iya madah ka diri "terima kasih" ngagai semua bala kitai ti berat keran lalu kiruh mai rangkah sida iya pulai ke menua diri empu meh nya.

Selamat datai bala kita 21 Bujang Berani Iban, kami besampi ngagai Allah Taala, minta berkat ka semengat kita likun di menua surga

Sekeda bala kaban belayan 21 Bujang Berani Iban

Tambai Malaysia kena ngebap sarang Rangkah 21 Bujang Berani Iban


Mr. Stephen Jok Ak Tandang ti baru manggai 7 taun maya madi ia Niang Kpl. Adrian mati betempuh dalam taun 1953 kelia

Seiku ari kaban belayan bala Bujang Berani

Sarang Rangkah 21 Bujang Berani Iban udah sedia tama tanah

Bala VIPs ti sama datai nanda ka hari ti nyadi Pengingat taja pan utai ti udah nyadi 58 taun ti udah lalu

Mr. Maurice Giri (ngena nick tie) , anak menyadi Niang Kpl. Adrian Tandang

Temenggong Bujang Berani Kanang Ak Langkau ngulu ka pengawa "Miring" sebedau rangkah bala Bujang Berani disimpan

Rangkah bala Bujang Berani disimpan bereta udah pengawa "Miring & Bebiau Rapuh"

Nutup lubang rangkah bala Bujang Berani, maya tu meh LEKA UJAN LALU GEMISAI LABUH !

Terima kasih ka pengiruh bala soldadu ti nampung pengawa bala Bujang Berani ti udah lesi bebadi ti nadai ampit penyamai enggau pengelantang menua kitai diatu

Mr. Stephen Jok Ak Tandang ninggalka ka bungai penyinu enggau penyayau ngagai niang menyadi ia Bujang Berani Kpl. Adrian Ak Tandang

Terima kasih ngagai bala kita ti kiruh nyediaka "pemulai" bala Bujang Berani ke menua Sarawak, tang taja pia arap ka ulih ngadu ka sekeda pekara ti SILAP GAGA - KPL. ADRIAN AK TANDANG

Ini Pili (Indai Bonny), seiku ari menyadi Bujang Berani niang Kpl. Adrian Ak Tandang ti datai ari Ng. Geremai Kanowit

Robert Madang @ Robert Rizal benung berandau enggau Mr. Stephen Jok seduai Mr. Boniface Giri (anak menyadi Bujang Berani niang Kpl. Adrian Ak Tandang)

l

Berita ti ayan dalam Borneo Post diambi ari PGB Warrior (Lt. Con. Robert Rizal)

List nama bala Bujang Berani Iban diambi ari PGB Warrior (Lt. Con. Robert Rizal - http://pgbwarrior.blogspot.com/search/label/OpNgerapuhStranded)

aab