Nemuai Ngabas Menua Maya Ujung Minggu

Berasai agi belala belelak ujung minggu begulai enggau family, tak enda mukai mukai ga berita di terima ngena SMS ......."Indai XXX udah nadai lemai mari, iya deka di sengai bebala mayuh kena lemai 26.1.2008" Apuuu....puntan meh semaya deka mai bala nembiak ngabas utai baru di Kuching, tHE Spring tau ka Bulu Lebat pia ko kaban aku siko nyebut "Boulevard". Hah idai nadai meh daya. Pekara ti baka tu selalu amat nyadi, nasib meh bala budak chukup amat mereti.

Pengawa nadai tau di tinggal, endang baka selama mega, nurun kerja pagi 25.1.2008. Sepagi nya asai nadai kurang ari 20 kali bala kaban belayan ngering. Nyau beselingkut ngereja pangawa opis enggau besambut ka talipon, bala ti betanya ka pengamat "pesan pemati" ba radio Waifm.

1. Driving di Pasar Sibu

Nama meh penyadi "table test" ngambi "driving licence", bala driving instructor nadai ngajar enggau betul kini? Tau ka tu meh sikap kumbai kitai Malaysia "apa saya peduli lu? Lu lu lah, saya saya lah"

Ha ha ha amat meh nya enti kita berati ka sikap SEKEDA mensia memandu di menua Sibu!!! Arap ka kitai bela betesau enggau kaban belayan di Sibu mantu sida polis serta JPJ kempen "anang memandu nadai betimbang rasa"

Ingat meh ka Highway Code, sekeda atur ngena jalai ti kena kitai table test. Jangka aku Highway Code kena di Sibu sebaka enggau kena di Kuching, Miri, Kota Kinabalu, JB, KL tang nama kebuah di Sibu....... peda gambar!!!!

Ni jalai orang deka laju ulih ngelih? Lorong kiba motor sikal begadai gadai, lorong kanan alai convoy bebelas buah kereta, bas serta lorry nganjung bangkai ke pendam. Hai ya kawang ini macam manyak olang susah latang



Lorong Jalai ari Kiba Kosong, Atur jalai dini kena sida tu kini????

2. Nepan Perau Mudik Sungai

Emmm, ukai main gaga ga Ayos ti baru 4 taun ninga berita pulai ke menua, gagit amat ati ka nepan "parau". Kala ga tudah nepan perau maya pulai Gawai suba, nyangka nya agi ingat iya laban ti apin bulih 7 bulan nyin suba. Taja umur 4 taun, Ayos udah landik amat ga bejaku lalu jampat amat bisi "kawan baru" lebuh di rumah panjai.

Ha ha ha haaa, maya ke nepan perau, umbas iya ga nyaga Ayos, laban ati iya ti sigi ransing, kin kia iya bejugang ka meda kiba kanan.

Akai dai ni meh maya nasib tau berubah? Lebih tuuuujuh turun ngena bas serta lorry sungai. Berapa turun da kini, sida di rumah panjai ulu sungai ngasai ka jalai "Alun" nuntung ba kakitangga?

Merau ba musim ujan, ai sungai bisi ga dalam, lantang ati laban nadai bebatak ka perau tang apuuuuuu baka milo ice, ai kkeruuuh!!!!!

3. Mandi Sungai

Di Kuching mayuh alai endor mandi sungai - di Matang Wildlife Centre, Kubah NP serta di Ranchan Serian serta Wind Cave Bau, tang enda ga asai ba sungai menua diri. Ai sungai sigi gerinti beresi laban ari ulu nadai mayuh orang nadai mega PENCEMARAN.

Wanna to be a youngest Dayaks Diver by June 2008

Ha ha ha my target, June 2008, Possible !!!!!




"I say dad, let me try to swim"

4. Kaban Nadai Milih Bulu

Nadai utai enggai nyadi di dunya tu, kaban nyadi munsuh, munsuh nyadi kaban, kitai ga meda pun taun 2008 "blood thicker than water". Kati bala kitai di rumah panjai ke udah pechah dalam pun taun 90-han suba ulih "blood thicker than water" nitih ka ha ha ha ha? Aram meh kitai "Segulai Sejalai Sepenemu" nuju Penyerakup.

Nitih ka penemu bala bansa ke dulu maju di Malaysia baka Melayu enggau China, mina PENYERAKUP ulih mai siti-siti bansa mansang serta maju ba Politik, Ekonomi, Pelajar serta Budaya. Enti bansa udah "segulai + sejalai + sepenemu = Penyerakup", sokong ari bansa bukai semina nambah ka pengering aja kitai ga meda sekeda parti politik ti bisi ba Malaysia.

Sempama "Mayau enggau Ukoi nadai tau betemu, pama betemu lalu belaya". Kati tau bansa kitai ti belaya ngelama tu begulai baru kini, sekali ka ba politik tau ka di rumah panjai?

"Apuuuu, kami kawan nadai kira buluuuu, semua sigi ulih gulai, asal nadai bai ati jai, sama nadai kacau kawan, aku kawan iya , iya kawan aku, kira ulih meh"

Bejalai Negut ka Kaul Dayak

SDNU berasai temegah amat laban Majlis Adat Dayak Nasional Indonesia (MADN) bisi ngangau ka SDNU ke Pontianak ngulu pengerami siko ari bansa Dayak di chiri nyadi Gabenor Kalimantan Barat kena 14.1.2008 tu tadi.

Bala Komiti Besai serta kaban SDNU betuai ka Presiden Mr. Mengga Mikui mupuk ke Pontianak kena 13.1.2008 ngena bas ari Kuching. Sebedau mupuk kin, sida iya bisi nyedia ka tanda pengingat ti penumbas pemanah ti di gaga ari crystal. Bala komiti besai madah ka sida iya bepupu ka duit ari bala Komiti kena nangkup tauka meli crystal nya.

Hari Terubah (13.1.2008)

Lebuh ti datai di pontianak, bala raban SDNU di sambut enggau chukup basa ari bala tuai-tuai MADN. Lemai datai, siti Randau antara MADN enggau SDNU di atur ba Kapuas Hotel betuai ka Pengerusi MADN ti lalu nyadi Gabenor Kalimantan Tengah, Bapak Augustus Teras Narang lalu di bantu Pengerusi Dewan Adat Dayak Pontianak, Bapak Thadeus Yus seduai Bapak Atan.

Raban SDNU ngepun ka pejalai ke Pontianak ba sempadan Tebedu-Entikong

Penatai di Kapuas Hotel Pontianak lalu di sambut siko Tuai Dayak Bapak Andeng ti nyadi Secretary Perintah ba Sanggau


Makai malam begulai enggau Pengerusi MADN Indonesia Bapak Gabenor Augustus T Narang



Bapak Augustus T Narang di apit Bapak Atan (R) dan Bapak Thadeus Yus (L)



Randau begulai enggau Presiden Majlis Adat Dayak Nasional Indonesia ti nyadi Gabenor Kalimantan Tengah Bapak Augustus T Narang

Kaban Parliement Indonesia ari Pontianak Bapak Augustus mega bisi ngulu Randau malam nya

Bala SDNU begulai enggau Ibu Ibu ari MADN

Raban SDNU enggau Raban MADN begambar begulai enggau Bapak Augustus T Narang

Hari Ke Dua (14.1.2008)

Pengawa nyiri ka Bapak Cornelis, MH nyadi Gabenor Kalimantan Barat deka di atur ba Dewan Perwakilan Rakyat Daerah (DPRD). Semua bala ti di kangau di pinta datai ngagai Rumah Adat sebedau jam 9 pagi laban Bapak Cornelis HM deka di bai bejalai bebala mayuh ngena perau di iyas nuju DPRD.

Raban SDNU begambar begulai enggau Pengerusi Dewan Adat Dayak Kalimantan Barat Bapa Thadeus Yus ba Rumah Betang (rumah panjai) sebedau nuju ke Dewan Perwakilan Rakyat Daerah (DPRD)

Bala Kumang ari sekeda bansa Dayak di Kalimantan Barat enggau penuh tuchum nyembut penatai bala mayuh



Sekeda bala Panglima Perang Perintah ti sama di kangau ngulu pengerami



Raban SDNU begambar enggau bala kumang ti nyambut penatai bala temuai ti ngulu pengawa nyiri Gabenor

Begambar begulai enggau siko ari Panglima Perang Kalimantan Barat



Dewan Perwakilan Rakyat penuh alai bala temuai "undangan" ngulu pengawa nyiri Bapak Cornelis nyadi Gabenor ke baru Kalimantan Barat

Begambar begulai enggau sekeda Tuai-Tuai Iban

Raban SDNU sedia nurun ngagai pengerami makai malam ("Pisah Sambut") ba Istana Gabenor Pontianak


Crystal tanda pengingat SDNU ti deka di beri ngagai Bapak Cornelis, MH



Lagu puji serta "selamat" di tuju ngagai Bapak Cornelis MH, Gabenor baru Kalbar


Bala Komiti SDNU begulai enggau Bapak Thadeus seduai bini iya lebuh makai malam ba Istana

Presiden SDNU Mr. Mengga Mikui ngenatai ka tanda pengingat ngagai Bapak Cornelis ti baru di chiri nyadi Gabenor Kalimantan Barat


Sekeda surat berita di sadong ngagai mensia mayuh pagi nya

Hari Ke Tiga (15.1.2008)

Udah ngirup pagi bala raban SDNU sekali agi nemuai ngagai rumah panjai, Rumah Adat Dayak laban deka betemu enggau bala Dayak ti datai ari seluruh Kalimantan Barat. Nangkan nya bala raban SDNU nemuai ngagai Museum Provinsi Pontianak sebedau betemu enggau Drs John Itang, bansa Iban Kantu ti ngempu Menyadi' Production Co. Siti kompeni Dayak ti mansut ka VCD lagu lagu Dayak di Pontianak.

Semua crew Menyadi' Production Co, bisi ngulu randau ba siti restoran ti enda jauh ari Museum. Pak John Itang, madah ka sida iya amat temegah ati betemu enggau bala Dayak ari "Malaysia" laban mayuh lagu Iban ari Sarawak tu di dinga sida ari radio Sarawak lalu pia mega VCD lagu Iban lama udah di jual di Kalimantan.

Bala raban SDNU mulai ke diri ari Pontianak ke Kuching, enggau penuh pengarap serta peneleba ke baru pengudah ti di kangau ka bala raban Dayak ngulu pengawa siko anak Dayak di chiri nyadi Gabenor.

Bala raban SDNU, udah tentu ngasai ka pengawa nya chukup besai amat reti lalu tau amat muka runding serta mata bala Dayak di menua Sarawak nuju singkang pemansang menua enggau mensia.

Lemai nya sebedau mupuk jam 9 malam, bala raban SDNU di kangau Bapak Thadeus seduai bini iya makai malam ba rumah sida.

Siti ari VCD di keluar ka Menyadi' Production Co di kena mantu Calon Dayak ngulih ka penduduk nyadi Governor Kalimantan Barat

Raban SDNU belelak serta makai lemai ba rumah Bapak Thadeus sebedau mupuk ke Station Bas

Bala Bapak Thadeus sebilik begambar enggau sekeda raban SDNU

Penemuai ke Sanggau Kalimantan

Ehmm nasib meh bisi peluang nemuai ke Sanggau ujung minggu tu tadi. Penemuai kami sebuat laban bisi nerima kangau Pak Andeng ti nyadi Pegawai ba opis Pegawai Daerah Sanggau serta nyadi Chairman Dewan Adat Dayak pampang Sanggau.

Nadai mega nyengala berunding lama bala kami sebuat ngaga pemutus nemuai kin udah nerima "Kad Undangan" ari keluarga Pak Andeng. Kebuah nadai berunding panjai:- terubah setegal ti baru iya nerima "undangan", kedua laban deka meda chara pengawa bala din nikah kawin, lalu ketiga, laban deka ngena peluang nya bisi orang ngulu bejalai ngagai menua Sanggau serta pasar-pasar bukai baka di Balaikarangan, Sosok enggau Bodok.

Kami mega bisi peluang ngetu ba sekeda alai bala Dayak diau serta ngereja pengawa bedagang, terubah bertemu enggau bala Dayak ti benung Baum deka milih tuai nyadi pengari ba pengawa bepilih nyadi Residen 2008. Kami sebuat di kangau ka Chairman Dewan Adat Dayak Pontianak Pak Thadeus Yus, ti nemu berita penatai kami sebuat di Sanggau. Lemai nya kira bisi 300 Dayak begumpul ba Dewan siti sekula mission. Mayuh pekara sempat di kunsi enggau kami sebuat taja pan penatai kami ba ujung aum sida iya. Pasar Bodok kira 45 minit ari Pasar Sanggau.

Gambar begulai enggau Pak Andeng serta anak sida ti benung kawin ba atas pentas

Sempat begambar begulai enggau anak serta menantu Pak Andeng


Balai tau ka Dewan Gereja alai Pak Andeng ngatur pengerami kawin anak iya kena 5.1.2007 di Sanggau, Kalimantan


Presiden SDNU En. Mengga Mikui baru datai ngulu pengawa anak Pak Andeng ti kawin ba Balai Besai siti Gereja di Sanggau, ia benung nulis nama ba bup temuai

Pak Thadeus Yus, Chairman Dewan Adat Dayak Pontianak ngerah penatai raban SDNU ba Randau Tuai Adat Dayak ba Balai Gereja di Bodok.



Presiden SDNU, Mr. Mengga Mikui di beri peluang ngenatai ka berita ari SDNU ngagai bala Tuai Dewan Adat Dayak di Bodok


Raban SDNU betuai ka Presiden ngetu ba siti resort ba tebing Batang Kapuas ti enda jauh ari Pasar Sanggau, Pak Sahala duduk ba tengah

Credit Union, Koperasi bansa Dayak di Kalimantan kena nulung bala Dayak ba pengawa dagang enggau ekonomi serta pengawa bukai ti tau nguntung ka bansa


Presiden SDNU begulai enggau Pak Sahala nemuai ngagai siti workshop ngaga furniture di Sanggau


Ngetu ba Pasar SOSOK mansang ke Sanggau

Sekeda jelu siga baka ular sawa, ular ripung, kijang, rusa, serta tenggiling ti di jual nadai di sekat ba Balaikarangan

Bungai Rafflessia ti bedau ngerambai mega bisi di jual nyadi ka ubat tadisional enggau rega antara RM70.00 - RM90.00 sigi bunga di Balaikarangan. Bungai tu ba menua kitai ditu di jaga ngena undang-undang utai tumbuh nya alai nadai tau sekali di rosak, di jual serta di simpan



Pekara biasa kena rimbas mata, 5 tauka 6 penumpang nepan ba perabung bas

Misi Niki Tuchung Mt Kinabalu Siri 3

Hari Kelima 22.12.2003

Akaiiii dai, lembau amat nani ka diri, alarm clock ngerak ukai bisi ampun ampun, nyau ngemetar ba tisi pending. Ka pan enda angkat ga jam 1.30 pagi, ngangat ka asi, ngangat ka can food.

Udah manas ka semua pemakai enggau ai, nya baru ngerak Enduq, Watt serta Anggat. Kulap kulap meh mata tudah di gerak jam 2.00 pagi lalu di ansak makai. Ka pan enda, enggai ka lapar maya niki.

Umbas iya ga nyawa mansar ka diri makai ngelaban chelap pukul 2.00 pagi. Enti enda nelan, nadai daya ga niki ke tuchung ngabis ka kira 3000 kaki da. Bala anak tak amat pejam enchelak makai maya nya. Enti nadai kebuah ke berat, kira nadai kala tudah iya makai maya nya.

Enduq sedia ka mupuk niki jam 2.15 pagi


Anggat nyau udah putus asa niki ke tuchung taja pan tuchung udah di peda lalu semina tinggal kira 500m aja

Penjauh ari Timpohon Check point 8.5km enggau peninggi 4008 m ari sea level, kira 200m ka datai ba tuchung Kinabalu


Singkang penudi Anggat ngabis ka 20m nuju Tuchung nitih ka Enduq seduai Watt kira 30min dulu datai


Watt, penuh pengandal serta pengaga ngerembai ka Pua Kumbu ba Tanah Borneo ke pengambis tinggi, Tuchung Mt kinabalu



Enduq seduai Watt lama udah nganti Anggat ngenatai ke diri ba tuchung Kinabalu



Enduq, Watt serta Anggat pemadu gaga amat ati bediri ari belakang Dad iya ba tuchung Kinabalu, bukit ti selalu amat di pelandik sida kenyau ari 2002 suba



Anggat nukung ba selepak batu ngelari ka diri kena angin chelap, nganti Enduq seduai Watt ngisi minyak kena pulai ke Panar Laban


Alleluya, terima kasih serta puji Tuhan laban Enduq, Watt serta Anggat udah mujur niki ke tuchung Kinabalu




Tuchum gaga, penuh reti laban ti udah mujur datai ba tuchung Kinabalu, taja pan datai baru ba Timpohon Check Point jam 6.30 lemai ba hari ke dua

Ehmmm, tuchum tuchum ga asai, ninga tudah Guide ti nama Ricell madah bisi nerima radio call ari pejabat Sabah Park, ia tentu mega alit ati. Keno ko iya, "Boss, kamuq punyaq transport sudah sediaq dengan driver sekali. Manaq kamuq mauq pergiq, kasik tauk diaq sajaq" pia ko tudah Riceel, nembiak Dusun berumur 27 tahun. Sinu aku meda iya laban semua bag kami, jangka aku bisi 13kg, di bai iya magang. Nadai tentu nyamai mai utai berat nurun bukit gaya peda aku. Maya ngetu pan iya enda ngelengka ka bag sengapa. Nadai mega aku mayuh utai tanya ari iya, tang pending aku bisi ga ninga mimit mimit ari radio call iya munyi tu "kamu teman diaq orang beranak sampai bawah, suruh diaq orang jalan pelahan-pelahan takut cederaq, kami aku tutup opis sampai kamuq datang"

Certificate niki lalu datai ba tuchung Mt Kinabalu ari Sabah Park Office

Pengawa Watt ba Capitol Hotel Kota Kinabalu, kena ngenyenang ka diri empu taja udah lelak

Hari Keenam 23.12.2007

Apuuuuu idai nyau ka tinggal Airasia, nadai sedar flight diri empu 23.12.2007, asai asai ke pulai 24.12.2007. Tak agi belala amat asai, tambah mega laban Unggal Johnny enggau bala iya amat ngambi berat ka kami menyanak.

Puji Tuhan laban ti ngerak tumu lalu muka dokumen Airasia jam 10.00 pagi. Akai dai, enti enda dani jam 10.00 pagi ketegal call ari Unggal Johnny, pengudah iya meh enda ulih mulai ke diri ke Kuching 23.12.2007. Sema ulih pulai pan, tang tambang Airasia udah berubah jauh ari tickets asal kami 4 RM839.92 pulai mansang.

Ehmmm, taja pan sempat bekemas lalu berumban rumban ke KKIA, tang berasai amat nadai bebela pagi nya. Kasih amat ga bala Unggal Johnny sebilik ka mai ngirup pagi, tang enda mukai-mukai kami menyanak tak baka ke ngelari ka diri.

Enduq, Watt serta Anggat udah bisi ga mesu mesu madah ka diri ninga music tang agi slow music pia ko sida iya. Ha ha ha ha.....nemu meh aku utai ko sida iya tang ehmmm di asuh aku makai kediri ba airport KKIA, sida iya majak madah ka nganti datai KIA, terus ke Batu 7. Nyangka bisi utai special ba sida iya kini di Batu 7?

Mulai ngagai Unggal Johnny, minta ampun amat-amat kami menyanak ngagai family Unggal Johnny, lalu pia mega meri besai terima kasih laban sida sebilik chukup ngambi berat ka penemuai kami menyanak.

Pia mega terima kasih ngagai Director of Sabah Park En. Paul Basintal serta Pn. Sylvia laban ti mayuh nulung kami menyanak sekumbang ke ba Mt Kinabalu, niki serta nurun bukit, udah nya ngatur rest house, guides serta transport kena mulai ka diri ngagai Kota Kinabalu.

Agi belala bala anak Unggal Johnny begulai enggau sida Enduq


Bala family Unggal Johnny begulai enggau kami menyanak di Airport Kota Kinabalu