Ngesah Pengawa PIBG

Pagi hari enam 24/10/2009, sempat ngelawa aktiviti PIBG ba SMK Jalan Arang. Sekula tu kira bisi 1700 nembiak diatu ari pom 1 ngagai pom 5 sereta bala pengajar enda kurang ari 85 ti betuai ka Pn. Fong.

Sekula tu kira 7 taun udah di buka, nya alai mayuh amat pengurang, taja pia sekula tu chukup pengelantang sereta nyamai alai nembiak laban ti mayuh amat pemansang baru di tambah ninting taun.

Terima kasih ngagai komiti PIBG laban ti ngangau ka apai indai nembiak ngereja pengawa gotong royong betanam ka kayu di sekula kena ngangkat ka pengelantang enggau pemanah sekeliling.

Tang siti pekara ke nyelai peda aku pagi nya, tak gaya mayuh agi bala pengajar ari apai indai, tambah mega kedir agi bala apai indai "AK" taja pan nembiak ngena "AK" enda sampai 500 ari 1700. Kebuah pekara nya nyadi nyangka laban hari Enam agi kerja bala orang dagang - kedai, workshop & supermarket.

Pn Fong, Pengetua SMK Jalan Arang benung nanam kayu

Sekeda apai indai mantu betanam ka anak kayu

Bala mayuh besaup nutup lubang ti kelalu besai di subak sholver

n

Happy Birthday to Ayos

Ayos bulan tu manggai ngagai 6 taun. Lama nganti gilir iya banding enggau bala akak iya ti bulan 4, bulan 8 enggau bulan 9. Enda ga sedar ngelama tu, Ayos birthday kena 25 Oct sama enggau siko indu Tuai Dayak Datuk Sri Tra Zehndra.

Apuuuuu tekenyit aku di padah ka Mum Ayos, madah Ayos deka mai cake ke sekula awak ka bala kawan enggau Teacher Jetos belagu happy birthday ngagai iya. Nama deh, tak nadai berunding panjai ga kaban ninga lalu mai Mum meli cake kena ngeransing ka tudah begulai sharing pengerindu enggau kawan dalam kelas.

Kelimpah ari nya ngerumban mega pangan diri mai bala anak ngagai KFC taja pan pengawa kiruh ke ulu ke ili, bejegau.

Happy Birthday ngagai nua Ayos !!!!

Ayos 6 taun 10 jam

Ayos 6 taun 12 jam

Ayos seduai Mum

Ayos Sebilik

Ayos, Ujang & Anggat

Reefballs (Terumbu Tiruan) Pasang Dalam Tasik

Menua Sarawak bisi nerima bantu ari UNDP ba pengawa nyaga enggau ngemata sereta ngangkat ka pengelikun semua utai idup dalam tasik ngena jalai nyedia ka alai belindung, besarang enggau narit pemakai ka penyu, ikan enggau batu karang. Pansik bala saintis nunjuk ka Reefballs ti di simpan dalam tasik udah di temu chara ti pemadu manah kena ngangkat ka pengelikun semua utai idup dalam tasik.

Dalam kandang 11 taun ti udah lalu, perintah Sarawak udah nerima enda kurang RM12 juta belanja di kena ngangkat ka pemanah palan pendiau utai idup dalam tasik, baka penyu di Pulau Satang enggau Pulau Talang-Talang, Coral Reef di pelilih Bekenu -Miri sereta ikan dugong di Lawas.

Naka ke diatu lebih 2000 igi reefballs udah di tanam ba dalam tasik ti enda jauh ari Pulau Satang. Reefballs tu di gaga bechuan ka "standard" ari Reefballs International ari menua USA. Nitih ka berita, mina siti company ari Sarawak di beri lisen ngaga enggau masang reefballs di tasik menua Sarawak enggau Sabah.

Ba renggat ke sekali tu enda kurang 500 igi reefball deka di pasang dalam tasik, enggau nya mega perintah Sarawak ngarap projek nya tau nulung ngangkat ka pemayuh ikan enggau penyu ba kandang menua nya. Awak ka tau ngangkat ka pengerindu nginti sambil melancung kelimpah ari mantu bala nelayan mit ti enda jauh ari pelilih nya.

Reefball di gaga nitih ka "standard" ti di kemendar ka Reefball International UNDP

Tapak ngelanchar ka Reefball ti enda jauh ari Pulau Satang kena pagi 19/10/2009



Tongkang ti ngelepas reefballs dalam tasik antara Pulau Satang & Pulau Talang-Talang

Speedboat nuju Tongkang ti mai Reefballs di tasik

Siti Reefball baru deka di lepas ke dalam tasik

Speedboat ti mai bala reporters - RTM, Borneo Post, Eastern Time etc

Ngetu begulai enggau Pegawai NREB Mr. Jiram Sidu seduai pegawai SFCSB

Kandang alai telu penyu di jaga awak ka netas

Bunga Bawang ari Pulau Satang

Begambar bebala mayuh enggau Datu Hj. Len Salleh, Abg. Narudin, Wilfred Stephen Landong sebedau mupuk ngejang ka Pulau Satang

Mr. Jiram Sidu seduai Mr. Wilfred Landong ngapit Datu Hj. Len Salleh di interview bala reporter ba pengujung pengawa tengahari nya

Sekeda utai ti kena pansa di Nengeri Sibu

Pasar Sibu diatu jauh amat udah likun sereta nyamai alai belelak enggau bebeli ka utai. Jalai alun udah nambah lantang, meruan manah, meruan atur enggau nambah signboard di kiba kanan jalai.

Lantang alai bebeli utai laban ngembuan market/tamu ti pemadu besai di menua Sarawak sereta udah mayuh supermarket ti enda bepambak ba siti endor baka 10 taun nyin suba. Kereta ba atas jalai kurang agi sekut tang semina bala driver di Sibu semampai deriba kereta enggau lori ti besai lubah ba lorong kanan, engka nganti 10 taun da meh sida bala deriba di Sibu ngubah runding ba senentang atur "cara memandu yang berkhemah iaitu ikut lorong yang betul jika tidak memotong".

Haa haaaaa, siti agi runding mensia nuju pemansang nyau nadai agi ngerunding ka pemeresi rampa menua. Sida tu ti ngemeran ka runding penyamai diri empu aja, balat amat ngerusak rampa menua ti ngelingi diri, sampah buai kin kia, minyak chelum ba workshop tuang ngagai parit seneka aja. Kati agi nganti 10 taun da ga sida tu ngubah runding diri????

Bala pangan lama suba pan bisi ga chara kediri kena merindang ati sesama diri, ukai nama, chara agi baru kelia lain ketegal bisi beranak mit tauka anak agi biak. Chara diatu jauh berubah merindang diri. Bekangau betesau ujung minggu nadai bebai ka nembiak agi. Nitih ka berita sida sebuat, bala anak udah ngati ka diri magang. Keno ko sida iya, ujung minggu peluang sida Datuk-Datuk tauka Datin-Datin "enjoy".

Ha ha ha, nasib aku sempat begulai enggau bala Datuk-Datuk & Datin-Datin ba rumah bakal Datuk & Datin ba Jalan Seladah. Chara merindang diri, nama deh ....... nebah guitar sereta belagu, sapa ti enda nemu tu peluang belajar macha tuge (code) enggau belajar belagu. Aku pan ngambi peluang ga ngajar bala ti nebah guitar nitih ka lagu aku !!!! Bulih tahan ga bala Datuk nebah guitar, sigi ngam, rebak taun sida Ringgo Star, Cliff Richard, Michael Jemat, Philip Bawel sereta Richmond Alan Morshidi pia ko Apai Louis nelai aku.

Sorry lah bala kaban, enggai ka bisi bala enda nemu, Datuk jaku Iban Aki, Datin jaku Iban, nya meh Ini. Nasib aku bisi peluang numpang bala Aki bala Ini merindang diri. Anang nganu aku kita waiiiiiiiii di Sibu.

Lebuh ti bisi mansa tu tadi, seninjik bendar ulih ngerampas be ambi ka gambar sekeda utai ti nyadi sereta utai ti enda patut tau nyadi.


1. Pengawa nambah ka pemanah Nengeri Sibu

Ngerebah ka bungai pasu

Mutung puchuk bungai pasu

2. Pekara ti tau ngerusak rampa menua

Minyak ari workshop Jalan Lanang pansut ke Sungai Batang Rajang

Minyak chelum sereta tebal ba nanga parit besai mua Li Hua Hotel Sibu

3. Merindang diri empu ujung minggu

Bandmen "Sibu Beteran (Veteran)" Apai Louis, Apai XXX, Apai Anggau, Apai Alek & Apai KKK

Apai Louis enggau lagu "Help me make it through the night" & "sayau Ukai Serambau"

Apai NNN enggau lagu "Maya Permisi Betemu Baru" & "Green-Green Grass"

Apai GGGG enggau lagu "Nuan meruan di ati aku" & "Wonderfull to night"

Apai Saing enggau lagu "Tusah ati tinggal bini" & "Semina duduk berimbai"


Nya iya bulih "Pegi setaun aja" enggau "Island in the Stream"

Apai Anggau enggau lagu "Nadai Indu ke deka ati", "Falling in Love" & "Agi idup agi Ngelaban"

Apaienduq, Tukang kajat di import, udah belagu tang bala Bandmen enda entu ulih nitih laban nadai belajar ngena mayuh CODE siti lagu !!!!

Sebedau belagu, makai dulu lah

Nganti pemakai pansut, ngirup ngemasah ka rekung dulu bala temuai tu

Baris penanyi standby deka belagu meh nya !!!

Rami Pampang SDNU Kin Kia

Berasai amat pengelelak tang ati semampai rindu ga begulu ke ulu begulu ke ili begulai enggau bala kaban ti jauh enggau ti semak, kelimpah ari begulai enggau diri sebilik. Pengawa mindah kin kitu, enti nadai beraban jangka aku kira enda nyadi, tang laban ti selalu amat beperansang pangan diri, semua pengelelak enggau pemuntau nadai agi di asai.

Nya meh, pemulai ari Safari 2009, mina semalam ngetu di Kuching, lalu nyemalau ke Sri Aman semalam udah nya nyemalau baru ke Sibu. Ari Sibu sempat ngulu pengawa kaban di Sarikei Makai malam kena 25.9.2009 begulai enggau Aya Bujang Paku Lawang ari Sibu, tang pulai malam baru ke Sibu udah tembu pengawa malam nya.

Dudi tu kemari kena 3/10/2009, berumban baru ke Sibu ngelawa sida Endun Belalai ngerami SIDS Pampang Sibu udah manggai 20 tahun. Ngenatai ka pengaga ati ngagai kita dia Endun Belalai, lalu pia mega kami sebuat meri besai terima kasih laban bisi ngangau. Enti ngangau makai, kami sebuat tau ulih merejuk, enda betangga gerinti nadai problem.

1. SIDS Sibu Manggai 20 Tahun

Ir Alice Jawan (AJE) Pengerusi SIDS Pampang Sibu mai Pengerusi SIDS YB Senator Dato Sri Empiang ngerembai ka tanda SIDS Sibu mmanggai 20 taun

Cake SIDS Sibu manggai 20 tahun

Raban SDNU ari HQ meri sukung ngagai semua pampang

Kaban lama betemu baru Ronald Ripid, Anthony Banyan & Brin Munsang

John Untam (Apai Alexander Banyan), Danggang & ?

Aram kitai poco-poco

Anthony Banyan, Apai Mun (Douglas Jerukan), Chambai Lindong & enda ingat !!!

2. Makai Malam SIDS Sarikei

Meja VIPs Wakil Datuk Norah Abd. Rahman & Tuan Resident Sarikei

Asai asai raban ari SADIA Sarikei

Ipar Jimmy Selan enggau raban SIDS Kanowit

Anthony Banyan begulai enggau Mr & Mrs Inting Nyami, Tuan DO Pakan

Bala Kumang Kebaya SIDS Sarikei, "sayau enda serambau" ko utai dinga ari tisi !!!!

Pengawa Diri Sebilik

Ngenatai ka Happy Birthday ngagai anak bujang taja pan diatu udah laun. Ukai nama laban seminggu tu tadi, nadai peluang mantai nitih ka hari. Taja pia nyambut sereta serumpu diri sebilik sigi nadai kala missed taja pan apai sida iya kiruh ke ulu ke ili.

Enda berasai anak mit ti nyabak, enga enga enga ..... 16 taun nyin suba diatu udah ba form 4, buntau ukai enda, chukup meraya ari kakak seduai abang ke tuai gi. Diatu, emmm meraya meh tang pengawa bukai. Happy birthday ngagai nuan Anggat, ari Dad & Mum.

Cake ke 16


Ayos nadai kala dudi pama meda cake



Cake orang claim iya magang, nya pengawa Ayos !!!




Watt, Ayos, Enduq, Anggat & Ujang

Anggat & Ujang maya ba McDonald