Baum & Serumpu di Sarikai

Pengawa mindah kin kitu, bisi penguntung sereta bisi ga pengerugi, baik ka ba mata wang tauka ba jam/hari, tang enti berati ka enggau silik/dalam, tentu meh mayuh agi ga penguntung ti enda ulih sukat enggau mata duit.

Beduduk ari penemu ti baka nya meh raban Komiti Besai SDNU ngatur alai Baum/Meeting 3 bulan sekali ba sekeda endur ari Kuching, Miri, Bintulu, Sibu sereta Sarikai nitih ka aum sereta pengawa ba siti-siti endurnya. Dalam kandang 4 taun tu, raban Komiti Besai SDNU udah baum sereta ngatur mayuh bengkah pengawa ti besai ukai semina di Kuching aja.

Pengawa besai di luar Kuching ti terubah baka Installation Dinner di Mega Hotel Miri, Installation Dinner di Tanahmas Hotel Sibu, SDNU Youth Wing Launching Dinner di Dewan Suarah Bintulu.

Nyadi pengawa ti penudi endar tu tadi Aum Besai SEC SDNU di Sarikai kena pagi 12/2/2011. Endang baka selama, udah tembu baum siang hari, malam sigi di atur pengawa serumpu awak ka meri peluang berandau ka utai bukai sereta begulai sereta bekelala enggau bala mayuh.

Dua bengkah pengawa nya mujur amat, di atur raban SDNU enggau SIDS Sarikai, sereta ngena peluang tu, ngenatai ka terima kasih meh ngagai SDNU & SIDS Sarikai. Arap ka sekali da agi begulai enggau kita.

President SDNU Mr Mengga Mikui

Mdm. Rossie, Mr Augustine Merikan seduai Mr Stephen Dass

Mr Joshua Jabeng, Mr Anthony Banyan, Mdm Celia Mai


Mdm Gumas enggau sekeda raban SIDS ti ngatur pengawa

Ngetu ngirup

Serumpu makai malam ba rumah Mdm Rossie

aMr & Mrs Thony Badak

Mr & Mrs Edward Awan

Peluang ngelala bala Ipar datai ari Betong

Dr John Brian

Baru datai Mr. Langkasty Narang, Mr. Edmund Renggie & Mr. Augustine Merikan

aab

Kelvin & Prescilla Betunang

Ngenatai ka pengaga ati ngagai akih Kemarau Ak Rima sereta sida sebilik laban anak tuai iya, Kelvin Ak Kemarau enggau Prescilla Ak Jimbin udah mujur ngepun ka ruang bilik baru. Seduai betunang tu tadi kena 4/2/2011 ba Taman Kopodim Jalai Matang Kuching, rumah apai indai Priscilla.

Nitih ka berita, Apai indai Priscilla datai ari Kampung Serikin Bau, alai tamu ujung minggu, lalu apai indai Kelvin datai ari Kanowit.

Ngenatai ka pengaga ati mega ari kami sebilik ngagai Igat Kelvin seduai Endun Prescilla, arap ka seduai sama mujur dalam pengidup enggau pengawa bepun ari malam nya. Penggerami malam nya di gulu bala kaban belayan ti datai ari jauh enggau semak, lebih agi bala pangan seduai iya ari UNIMAS.

Kelvin Ak Kemarau seduai Prescilla Ak Jimbin betunang

Apai Feli ngepun ka sembiang berkat seduai ti betunang

Berasuk ka Tinchin tunang ba mua apai indai sereta bala mayuh

Kena ngujung ka randau seduai lalu bebelah ka Cake

Seduai beambu isan ngena adat Iban enggau Bidayuh

Indai Kelvin ngulu ka bala kaban mai "hantaran tunang"


Mr MC ngepun ka pengerami betunang

Maya makai - pemakai Bidayuh enggau pemakai Iban


Adat basa nyambut penatai "Buka Kuta"

Ex- Pemancha Jantan ari Machan datai ngulu pengerami

Bell Bennet Agan sama datai

aab

Sekeda Utai Tanam Tisi Rumah

Betanam ka sekeda pun buah, awak ka kena ngelindung kenu ko jaku. Enti pun udah besai, kadang-kadang sayau ga ka nebang. Enti nda di tebang mayuh amat ga penanggul tau datai - baka semut, nyamuk, urat/akar tau ngerusak parit/pagar.

Nadai hal, pun nyur pama udah numbas iya, tau nyadi upa ga ila pia ko anak jaku kena ngemantup ka ati diri sayau ka paung. Kedua kebuah ti betanam ka nyur nya laban di kena ka nanda/ngingat ka "utai"

Rambutan 6 bulan udah di tanam kena 12.6.2010 suba

Rambutan tanam 12.6.2010

Pun Sabung baru seminggu udah di tanam baru udah mansut ka daun muda

Pun Engkudu kira 3 bulan udah di tanam


Jambu Lipa kira 4 bulan udah di tanam


Pun Bungkang kira 3 minggu udah di tanam


Pun "Dragon Fruit"


Daun pait - "tutup bumi"


Paung "Biru Pelanduk"


Paung "Aloe Vera" ari Pontianak


Pun "Tongkat Ali" bedau sempat di tanam (gambar dudi ga nyimpan)

cda

Serumpu Makai Malam

Tu sekali da ga berita pasal makai, enti makai nengali nadai ka madah ka orang, enti temu orang di sebut orang ke ulu ke ili. Di sadung nadai putus nyau baka e-mail, ulih forward kin kia. Pengawa makai bebala mayuh, tau aja padah ka orang, keno ko orang awak ka orang ngining orang makai utai pakai panduk orang.

Ha ha ha tu pengawa Nixon G Mang seduai Edmund Renggie bebai ka bala serumpu, keno ko, di kena nginggat ka pun taun sereta alai bala betemu betanya ka berita laban alai bala ti bekerja ti enda sebaka endur. Dalam planning seduai deka nengali 25-35Kg awak tunu segala, tang salah maya, bala mayuh agi ti cuti panjai. Kengka bala ti ulih, sama datai lemai nya nyerumba orang ti makai kong hii fatt chai.

Nyamai magang !!!!


Apai Sirin (Jonthan Bangau), Gat Belabot, Kemarau Rima & Ex-Pemancha Jantan

Boniface Giri baru bekelala enggau Nixon G Mang

Ex-Pemancha Jantan, Jonathan Bangau, Brangking Unang, Gat Belabot & Kemarau Rima

g

Bonniface Giri ngepun ka sampi merekat pemakai sereta pengawa serumpu lemai nya

Maurice Giri sama datai

Ex-Pemancha Jantan mega bisi nemuai

Duruk ari "bakal pengantin" Kelvin Ak Kemarau

Tetak lalu suap, kala orang enda meda!!!!

Dua Nixon Jr. "peace, pulai tau ngagai pukul 2 !!!!!"

Gat Belabot seduai Narang Ringkai ninuk ninga ka cherita ari Asan

"hello, datai jampat, kami udah start tu" ko Asan Odau


Peluang Ayos main api


Jonidi nampung tugas

Chef Akin Tohip seduai Chef Jonathan Lat nyedia ka resepi pansuh ikan & ngut


Roy belabuh nunu & mansuh

aab

Makai Malam Kanowit Welfare Association (KWA)

Pasal makai, nadai kala nulak. Sekali tu taja pan enda di kangau baka selama, datai mega kesatu laban nyawa bangat bam makai, kedua deka betemu enggau bala kaban bukai, ketiga laban deka meri sukung ngagai gerempung.

Makai lemai malam nya di gulu YB Datuk Alex Nanta Linggi, MP Kapit ti lalu nyadi Temuai ti di basa. Malam nya mega iya ngenatai ka bantu perintah RM5,000.00 di kena KWA ngatur pengawa lebih agi betulung maya PENUSAH NUNTUNG ORANG ti datai ari KANOWIT.

Maya ti bejaku nya, YB Datuk Alex N Linggi mega nesau bala ti datai ari Kapit mai ngepun ka siti gerempung di kena nyangga penusah ti nyadi sebarang maya ka bala ti datai ari Kapit ti diau di Kuching enggau naka penyampat.

Penyanding penemu KWA, Prof Madya Dr. Tan Seliong ngenatai ka jaku ba bala mayuh, KWA sigi di tumbuh awak ka bisi bebantu ka SEMUA ORANG KANOWIT TI NYADI KABAN LEBUH MAYA KENA TUNTUNG PENUSAH.

Taja pan gerempung tu di sebut Kanowit Welfare Association, tang asai sepi aku, iya NADAI KALA DI BUKA ngagai semua orang ti datai ari Kanowit, kebuah aku ti nyebut munyi nya laban penyampau membership/kaban, gaya nadai nambah ari taun 2003 nyin suba. Raban LEBIH AGI CHAIRMAN Komiti pan nadai kala berubah kenyau ari iya udah di tumbuh sereta di regista enggau ROS.

Dalam taun 2004 nyin suba, kala ga aku ngenatai ka anak runding ngagai Chairman KWA maya di kangau ka sida iya ngulu makai lemai, minta iya nesau bala ti datai ari Kanowit enti baum bepilih ka raban Komiti baru. Nyangka nya meh kebuah pangan diri nadai kala agi di kangau kandang 3 taun tu. Taja pia, pangan tetap penyukung SETIA KWA. Ngarap ka diri di ulih numpang perau nya meh hari dudi, ni nemu, penusah nuntung kitai ukai ulih tilik ngena beliau, ukai bisi di rekod ba almannac, iya tau datai sebarang maya.

Ngenatai ka pengaga ati ngagai KWA laban ti udah mujur ngempuru ka sekeda orang Kanowit malam 30/1/2011 tu tadi. Arap ka taun dudi ila anang ngelaung ka bala bukai ti sama datai ari Kanowit meh.

YB Datuk Alex Nanta Linggi nerima pengaga ati ari KWA

Penyanding Penemu (II) KWA Dr. Joseph Jawa di apit Jonathan Lat seduai Anthony Banyan kelimpah ari Aday Anyut, Ricky Jonathan Alek enggau Donald ari UPM Bintulu

Prof Madya Dr Tan Seliong Penyanding Penemu (I) KWA


Edmund Renggie ari Saribas Kelab sereta Langkasty Narang ari Antayan Kelab

aab