Lawatan Muhibah Dayak Kalimantan

Tu berita baru temu.

Bala Raban Dayak ari Kalimantan betuai ka Bapak Agustin Teras Narang ti nyadi Chairman Majlis Adat Dayak Nasional (MADN) deka datai nemuai ke Sarawak enggau Sabah kena 4 - 6 /12/2008 tu ila.

Lebuh di Sarawak, sida iya deka berandau enggau sekeda gerempung Dayak di Kuching kira jam 3.00 ngalihari, lalu malam nya deka di rami makai malam jam 7.00 lemai kena 4/12/2008. Sida iya deka meleka ke Sabah tengahari 5/12/2008 lalu datai baru 6/12/2008.

Nitih ka berita, raban MADN kira betubuh 150, di sadang ngena bilun ari Palangkaraya lalu datai di Kuching kira jam 12.15 tengahari. Semua gerempung Dayak (SADIA/DBNA/OUNA/KAS/RKS/SDGA/BGA/DCCI) di Kuching udah di pinta besaup nerima penatai Dayak ari Kalimantan.

SDNU udah numbuh ka Komiti, lalu madu ka Dr. Dusit Jaul, nyadi Chairman Komiti Pengatur Pengawa (Organising Committee).

Pekara silik tau betanya ari Sekretariat SDNU 082-570433

Makai Malam

1. Randau Dagang DCCI

"DCCI" dalam Kacha ka tandamata ngagai YBhg. Dato' Seri Idris Jala

Bala temuai ti bisi datai ngulu pengerami malam nya, YBhg. Tan Sri Datuk Amar Leo Moggie, YBhg. Datuk Amar Leanord Linggi, YBhg. Datuk Robert Jacob Ridu, Datuk Edmund Langgu, Datuk Douglas Sullang.

Pengawa nya mujur amat di atur, lalu bala komiti udah mega mujur bejual ka 48 iti meja, ti berega RM1,000.00 enggau RM400.00

Guest Speaker, YBhg. Dato' Seri Idris Jala, anak Dayak Kelabit, datai ari Bario bekunsi ka peneleba iya nyadi CEO Shell Sri Lanka enggau MD/CEO MAS. Terima kasih Dato' Seri laban ti nadai pengerangka bekunsi enggau bala Dayak "5 secrets to be a successful CEO", ba Business Development Talk on Bussines Turnaround To Achieve Big Result Fast.

Ha ha ha peda kitai, suba 2005 MAS Mati Anak Sarawak diatu MAS Megah Anak Sarawak, ila enti udah mujur mayuh untung, MAS Mana Ada Sarawak !!!! Akai dai pedih amat isi, ujung-ujung Airasia juga mari !!!

President DCCI, YBhg. Tan Sri datuk Amar Leo Moggie Irok

Guest Speaker, YBhg. Dato' Seri Idris Jala Managing Director & Chief Executive Officer MAS

YBhg. Prof Dimbab Ngidang, Mr. Anthony Belon & Mr. Terrence Temenggong

Mr. David M seduai Christopher G semampai meri sukung ka pengawa serumpu


Sekeda Raban Komiti Protocol - Edmund


Nya iya bulih - Elvis Presley Kuching !!!

Mr. Kilat Beriak enggau sekeda Raban Komiti Pengatur Pengerami Makai Malam DCCI

2. Hari Deepavali

Happy Deepavali

Terima kasih sereta Selamat Hari Deepavali ngagai Vice President Indian Association Kuching Mr. Raymond Noel laban ti ngangau makai ba Dewan Suarah Kuching kena lemai 8/11/2008. Manah amat ga pengawa sida Akih Raymond tu taja pan nadai mayuh tubuh sida iya di Kuching.

Mayuh bengkah pengerami di bantai malam nya, taja pan malam Deepavali tang bisi ga ngajat, joget serta tanda kipas China kena merindang kira 600 temuai ari 66 iti Meja.

Kelimpah ari nya bisi mega pengawa meri peransang pelajar ngagai nembiak India sereta cabutan tiket betuah. Menteri Pembangunan Sosial sereta Urbanisasi YB Dato Sri William Mawan Ekom nyadi Temuai ti dipebasa malam nya.

Malam nya mega Indian Asso. Kuching chukup betuah laban ti nerima bantu/Grant perintah ari KPSU RM20,000 sereta ari parti SPDP RM30,000. Ngenatai ka pengaga ati ngagai nuan Akih Raymond Noel, Vice President Indian Asso. Kuching sereta uncle Anthony Romanair ti nyadi President IAK. Mayuh amat ga duit nya enti di banding ka enggau populasi Indian di Kuching, ukai pia iya tang setegal IAK deka niri ka Rumah IAK.

President Indian Asso. Kuching Mr. Anthony Romanair begambar enggau President SDNU Mr. Mengga Mikui,

3. Makan Malam Tahunan SMK Jalan Arang

Ngenatai ka terima kasih ngagai Pn. Fong Pengetua SMK Jln Arang laban ti ngangau makai taja pan makai nya di atur ninting taun kena berterima kasih ngagai bala pengajar sereta kaki jari sekula.

Ha ha ha tu peluang majuh, nadai berunding dua tiga kali kaban, madah ka diri "Gurinti" datai ngagai Cikgu Elley Ngui.

Syabas dan tahniah daripada ibubapa, kepada semua guru dan kakitangan SMK Jln Arang kerana sekali lagi mengadakan acara tahunan bagi mengenang jasa dan pengorbanan semua guru kepada anak-anak didik pada tahun 2008. Semoga segala usaha semua guru SMK Jln Arang sekali lagi pada tahun ini tidak akan sia sia, iaitu keputusan PMR dan SPM akan terus cemerlang lagi !!!!

Pengetua SMK Jln Arang Pn. Fong Yut Kuen sedang menyampaikan ucapan Alu-aluan semasa Majlis Makan Malam tersebut.

Cikgu Yeo menyumbangkan sebuah lagu musik Hndustan tetapi senikata "ciptaan" beliau on the spot, semua yang hadir sungguh terhibur - Syabas Cikgu Yeo

Cikgu Evelyn Ah Hin dan Cikgu Dora Teo Siew Lan "menyepadukan suara" tidak mahu kalah kepada Cikgu Yeo mengegarkan Restoran tersebut

Bekebun, Bumai enggau Berikan

Tu meh maya orang bebantai ka hasil kebun, bumai enggau hasil pengawa berikan kelimpah ari bebantai ka perengka ti baru kena nambah ka hasil. Pengawa tu endang di atur opis Betanam, Betupi (DOA) begulai enggau Gerempung orang Bumai (Pertubuhan Peladang) ninting taun tang enda sama endur.

Seninjik bendar, alai pengawa tu di atur sekali tu, ba Stadium Tertutup Negeri Sarawak. Bisi peluang lah kami sebuat matau pengawa dia. Tambah mega bala kami sebuat ingin amat deka berati ka pengawa nupi keli, nya meh nyau makin ransing ka ngabas chara sekeda sida nupi keli ngena jalai mit. Ngelama tu semina ninga aja. Nya alai dua tiga hari sebedau "Pameran Pertanian" kami sebuat, nyau masuk kampung keluar kampung ngabas projek keli orang ti udah dulu.

" Dua anak Cowboy engka belajar ngangkut padi bukit ngena kuda" ehem ehem umai jauh di ulu sungai, jauh pawi (far away) pansa jalai


Haa haa haaa kira ulih kuda kena ngangkut padi di menua pesisir, nadai tusah nyadi driba tarit aja ba mulut, "gurinti" nitih kini aja bai


Ayos enti udah besai deka nupi kambin


Buah Nangka besai menang pekit peringkat Sarawak


Tangkal Getah betambah pelai enti ngena gas tauka ubat (chemical)


Sekeda perengka kena nupi keli



Tangki Canvas kena nupi keli


Nupi keli dalam tangki simen


Tangki Semin


Tangki kena grading keli sebedau di jual


Ai ari tangki keli tau nyadi baja sayur

Pengering sigi bisi tang nadai di anjung bumai bala anak bujang tu, tanah nadai rimba pan nadai kira punas meh "benih tuai" padi tunggal enggau padi pulut enti ngarap ka bala anak bujang tu

"DATAI SELALU"

Nama runding enggau sagam ati kita enggau leka jaku "Datai Selalu"? Kala meda dini "Datai Selalu" di tulis?

Emmmm, nya meh aku pan amat tetenguk deka nanya lebih silik pasal "Datai Selalu". Udah puas ti bebitau ba Market Besai Sibu meda buah dabai, daun mendai, daun sabung enggau tekuyung sungai, kami dua kaban aku pan lalu nuduk ka diri ba mua "Datai Selalu". Nama deh baka selama, kitai duduk datai mega orang betanya ka utai pakai enggau ai irup kitai.

Enda chamang-chamang terus nanya, ni Tukay kita? Saut tudah, "nyin Tukay Neo, ibu aku". Manah meh nya, kangau kitu, kami duai tu deka "bekelala" enggau Tukay Neo!!!

Pandak ka cherita, "Datai Selalu" tu siti ari kedai makai/kopi ti bisi ba Market Besai Sibu, ti empu siko indu Iban ti datai ari Singat, Batang Lassa Sibu.

Terima kasih ngagai nuan Pn. Elen Ak Maragat laban ti "mesra" amat, taja pan kami duai tu ti baka ke nundi nuan enggau mayuh amat utai tanya pagi nya. Minta ampun mega enti chara kami duai maya nya enda ngelantang ka nuan.

Bala mayuh, aku mai bala kita ngetu ba "DATAI SELALU" lebuh ti bisi rembus ke Sibu, lebih agi udah kita begiga ka sayur "bulu babas". Siti ari chara kitai nyukung bala tudah ke bedagang meh nya!

Nitih ka cherita Pn. Elen, iya udah ngepun ka pengawa Kedai Kopi kenyau ari maya agi di rumah panjai bekedai runchit, udah nya nguji bekedai kopi bejual ka panggang sayap enggau dagin babi ba "Pulau Babi". Iya mindah ngagai atas Market Besai kenyau ari 15.2.1997. Iya mega madah ka diri enggau liat ati ngereja pengawa dagang, ngiga belanja kena ngemesai ka dua anak, ti biak lelaki, agi ba pom 6, SMK Sacred Heart Sibu. Anak tuai indu, mega datai ngagai pom 6 tang diatu mantu iya ba "Datai Selalu"

Pn. Elen mesan bala kitai bukai lebih agi sida ke indu, tau ngepun ka pengawa bekedai kopi ngena chara ti mit, laban keno ko iya, tu meh "kemampuan" kitai ngiga pokok dulu. Iya mega bisi nyebut, nadai sekali-kali nesal ninggal ka rumah panjai ngepun ka kedai kopi maya nya suba. Ari ti bekedai mit nya, iya mega nguji nyua/nyewa rumah atas lot kedai, lalu di gaga bilik. Nyedia ka bilik Sewa. Ba penemu aku, kira udah mujur meh Pn. Elen Ak Maragat ngidup ka diri ngena chara dagang mit.

Bala mayuh, taja pan di peda udah mujur, bala tudah ti bisi dagang mit tu, endang iya bepanggai ba sukung kitai mayuh. Enti bala kitai enda nyukung sida, sapa agi?

Ngagai Pn. Elen sereta sida menyanak, aku ngenatai ka pengaga ati (Tahniah) sereta puji, arap ka nuan betambah mujur ari sukung atas "kesedaran" bansa kitai empu ngetu ba "DATAI SELALU" pagila lusa.

Pn. Elen Ak Maragat, ti bisi pengeliat ba pengawa dagang, semampai minta sukung minta tulung kitai mayuh nemuai ngagai kedai kopi bala kitai

Apaienduq ngambi peluang begambar enggau Pn. Elen seduai anak bujang iya ba mua "DATAI SELALU"

"DATAI SELALU" chukup strategik, ba Market Besai sereta Multi-Stories Car Park Sibu, bala kitai ngetu meh ba DATAI SELALU udah kitai bitau-bitau ba market tauka sambil kitai beranti ka pangan diri