Borneo Dayak Cultural Heritage Safari 2009 (Part 1)

Pengerami ngelepas ka raban Borneo Dayak Cultural Heritage Safari 2009 (BDCHS 2009) tu tadi udah di penyadi pengari Menteri Pemansang Sosial enggau Urbanisasi Sarawak, En. Sebastian Sujang kena 19/9/2009. President SDNU En. Mengga Mikui sereta bala kaban SEC SDNU bukai mega bisi datai, kelimpah ari bala pengari sereta pembesai ari Kementerian Pembangunan Sosial dan Urbanisasi Sarawak (KPSU) sereta RTM. Bala pembesai ari opis Consulate General Indonesia mega bisi datai maya ti ngelepas ka raban BDCHS ba mua DUN sereta datai nganti ba CIQ di Entikong Kalimantan Barat.

Berita raban Safari, kira 44 tubuh ti enggau bekejang ari mua Dewan Undangan Negeri ngena 17 buah kereta 4x4 nuju sempadan di Tebedu, di sempulang kereta enggau Police outriders motor cycle.

Pejalai sereta menua ti kena pansa BDCHS 2009, ba hari terubah Kuching-Tebedu-Entikong-Sosok-Sanggau, hari kedua Sanggau-Sosok-Bengkayang-Ngabang-Singkawang, Singkawang-Mempawah-Sungai Pinyuh-Pontianak. Pejalai pulai Pontianak-Sosok-Balai Kerangan-Entikong-Tebedu-Kuching.

BDCH Safari mega di rami sereta di sukung bala pembesai bansa Dayak ti chukup tebilang suba, YBhg. Tan Sri Datuk Amar Leo Moggie enggau bini, YBhg. Dato Sri Daniel Tajem, YBhg. Dato Sri Edmund Langgu enggau bini.

Pengari ari Secretariat baru ngangau ka bala mayuh sereta pembesai sebedau pengerami ngelepas ka raban BDCHS 2009



Bala mayuh di beri penerang ti silik kena nagang sebarang penusah sereta penanggul nuntung maya bejalai beraban di tengah jalai



Sekeda ari kereta ti enggau BDCHS 2009 betunda udi

En. Sebastian Sujang seduai En. Mengga Mikui benung meri penerang ngagai bala reporters pengudah raban BDCHS 2009 bekejang nuju Tebedu


Tuai BDCHS 2009, Dr. John Brian benung berandau enggau pengari ari Majlis Adat Dayak Nasional (MADN) En. Clarry Sada

Kereta Polisi (POLRI) ari Sanggau udah sedia nyambut sereta deka ngiring pejalai BDCHS ari Entikong ke Sanggau dalam pejalai 4 jam

Bala ngetu ba stesen minyak terubah sebedau datai di Sanggau

Siku ari raban BDCHS Helbert Ubong berandau enggau bala ari MADN

Bala Kumang Dayak nyambut penatai raban BDCHS 2009 ba Dewan Gereja di Sanggau maya pengerami Makai malam

Siti ari main asal anak Dayak ti bisi di bantai maya pengerami Makai Malam di Sanggau

Bala anak Dayak di Kalimantan di latih ngena pakayan sereta semua bengkah main asal Dayak kenyau sida agi mit

Dr. John Brian ngenatai ka tandamata SDNU ngagai Wakil Bupati Sanggau

Tan Sri Leo Moggie ngenatai ka tandamata ari DCCI ngagai Wakil Bupati Sanggau

Begambar bala mayuh di Sanggau

Dayak Cultural Safari

Ngenatai ka pengaga ati ngagai raban bala Dayak ti enda belampung ati ngelimpang ka diri matau menua ngagai Kalimantan Barat ari Kuching ke Tebedu, Sanggau, Bengkayang, Singkawang lalu terus ke Pontianak. Program sida tu siti ari aktiviti ti di atur SDNU begulai enggau Kementerian Pembangunan Sosial dan Urbanisasi Sarawak.

Program tu mega siti tuju deka negut ka kaul begulai enggau bansa Dayak di Kalimantan lebih agi enggau Majlis Adat Dayak Nasional (MADN) tau ka siti ari gerempung Dayak ti ngemata ka semua adat enggau pengidup bansa Dayak di Indonesia.

Beserempak enggau tu mega, program tu di kena SDNU nyundang program MADN nemuai ke Kuching kena 4 Dec 2008 tu kemari ti betuai ka Gabenur Kalimantan Tengah, Bapak Agustin Teras Narang ti lalu nyadi Pengerusi MADN.

Nitih ka berita, naka ka diatu kira bisi 18 buah kereta udah mutus enggau dalam pengawa tu ti deka di lepas ka Menteri Pembangunan Sosial dan Urbanisasi Sarawak YB Dato Sri William Mawan ba mua Dewan Undangan Negeri Sarawak kena pagi 19/9/2009 tu ila.

Yang Berhormat Menteri mega deka begulai enggau bala tu ba siti Pengerami Makai malam ti deka di gulu Pengerusi MADN sereta Gabenur Kalimantan Barat Bapak Cornelis di Pontianak kena 23/9/2009.

Ha ha ha asai asai enda aku muai peluang tu, ngiga kaban alai numpang, megai bendera ke orang pama meh. Sebedau kin kira kira belajar dulu chara begaya, laban pama datai din kira udah dalam klas "jutawan". Bala bukai ti bisi runding deka enggau Safari tu tau meh enggau taja last minute asal bisi Passport.

Jalai mansang & pulai

Berita ayan ba Borneo Post

Makai Malam SDGA di Kuching

Ngenatai ka pengaga ati ngagai bala komiti SDGA, tegal ti udah mujur ngatur pengerami makai malam kena 22.8.2009 tu tadi beserimbai enggau pengawa sida iya ngenatai ka insentif pelajar ngagai bala nembiak ti udah mujur ba peresa pom 6, pom 5 enggau pom 3.

Pengerami nya mega di gulu YB Dato Sri William Mawan, Menteri Pemansang Sosial enggau Urbanisasi Sarawak sereta YB Datuk Joseph Entulu, Sapit Menteri Pemansang Menua Pesisir Malaysia begulai enggau kira 800 bala bukai.

Pengerusi Pengatur Pengawa, En. Edwin R Joseph seduai President SDGA, Dr. Dusit Jaul bisi ngenatai ka jaku pengelalu sereta ngerintai ka pemujur sereta langgur SDGA ngagai mensia mayuh kelimpah ari YB Dato Sri William Mawan.

Rindu sereta berasai amat ga pengaga ati laban ti meda sekeda bala kaban ti datai, nadai kala ngelaung ka nama-nama pengawa ti di atur bala gerempung Dayak, taja pia bisi mega kaban ti jarang amat meri sukung ngagai gerempung Dayak laban runding tudah "ngasai ka diri sebilik nadai bulih penguntung" ari nya. Ukai mina kitai ti nyadi rakyat biasa tu, sida ti di kumbai Tuai/Pemimpin enggau Pegawai/Pemesai mega agi bisi ngembuan penemu baka nya, ngujung ka sida semampai salah penemu salah runding lalu ngelaung/boikot sereta nyerang bala ti mangku pengawa nyadi komiti. Aku arap ka bala ti agi ngembuan penemu ti baka nya tau mansik tau nyidi dulu meh, anang lalu mantai ka penemu ti jauh nyibir laban nya ukai mina ngerusak kaban belayan tang tau ngerusak nama kitai empu enti majoriti urang nemu pengawa sida ti nyadi komiti nya manah mantu perintah sereta tau nguntung ka bansa.

Siti berita ti manah amat malam nya, YB Datuk Joseph Entulu udah ngisi peminta nyadi kaban SDGA "life member". YB Datuk, taja pan nuan laun nyadi kaban SDGA, nadai meh penanggul, semua kaban SDGA mereti laban kita semampai kiruh kin kia. Nuan nyadi "life member" pan udah pama meh, nunjuk ka sukung nuan ngagai SDGA ti seruran deka nyaup perintah ngangkat ka tikas pelajar anak Dayak di menua pesisir.

Ngagai bala anak Dayak ke bukai, anang beanti-anti tau ka belak-lak nyadi kaban SDGA, rejister online pan tau, pia ko President Dr. Dusit Jaul.

YB Dato Sri William Mawan nerima pengingat Gambar Lama ari Dr. Dusit Jaul

YB Dato Sri William Mawan ngenatai ka peransang pelejar ngagai siko nembiak ti mujur ba peresa pom 6 taun 2008

En. Jumat ari opis LCDA ngari ka anak iya nerima peransang pelajar ba peresa pom 5, taun 2008

Sekeda tusun nembiak ti sama nerima peransang pelajar ari SDGA di Kuching

Dr. Dusit Jaul nerima pom nyadi kaban SDGA ari Dr. Linton ngari ka bala pengajar ari SMK Tun Razak Kuching

Berita ayan ba Borneo Post

Berita ayan ba Borneo Post kena 25/8/2009


l

Anniversary SDNU Taman Boulder Built

Ngenatai ka pengaga ati ngagai bala Komiti SDNU Taman Boulder Built ti betuai ka En. John Pillai laban ti udah mujur ngatur pengerami ninting taun makai lemai kena 2/8/2009 tu tadi. Pengaga sereta temegah ati mega laban pengerami kita nya di gulu YB Datuk Yong Khon Seng, kaban Parliament Padawan ti nyadi Sapit Menteri Pengawa Berat Malaysia.

Ngagai bala temuai, aku minta ampun laban ti laun ngenatai ka berita pengerami nya ba Penjurai tu, ukai nama laban ti selalu amat bejegau nurun niki. Pengerami enggau sekeda pengawa ti nyadi bukai pan agi bisi laun di engkah aku ditu. Sebarang maya pagila lusa aku mantai awak ka bisi di kunsi enggau bala temuai ti nyenguk Penjurai tu.

GOH YB Datuk Yong Khoon Seng ngulu ka bala Komiti Besai SDNU sereta Komiti Pampang Taman Boulder Built benung mutung kek kena ngingat ka hari penumbuh SDNU Boulder Built



Raban Komiti SDNU Boulder Built betuai Ka En. John Pillai (bediri)



Anggat (Christopher Alexander) nerima lucky draw ari Pn. Juliana (Mrs Mengga Mikui)



Raban ari Taman Landih betuai ka En. Gad Sugod begulai enggau En. Anthony Banyan sereta En. Francis Mancha

Raban SIDS Pampang Kuching betuai ka Pn Monica Sita

Siko ari penyanyi SDNU Boulder Built

Bala Komiti pengatur pengawa nyedia ka diri deka nyambut penatai bala mayuh sereta GOH

En. John Pillai, En. William Langgong, YB Datuk Yong Khoon Seng, En. Mengga Mikui & En Anthony Banyan benung nganti jam ti manah masuk ngagai dewan

Kena ngering ka tulung enggau isi (Muscle) ba pengujung pengawa



Berita ayan ba Eatern Time 4/8/2009


Berita ayan ba Borneo Post 4/8/2009

Graduan Bergaya

Ukai main gaga ngena baju enggau topi segi, nyau semak seminggu udah nginjau baju tang semampai nadai peluang nganjung pangan diri ngeransing ka baju nya "belakun" ba taman. Kengka peluang bisi, gaga amat kaban aku tu mai baju & topi nurun lemai nya.

Enda lebu sekali, nginjau baju, tu sekeda ari mayuh styles and actions maya begambar ba Taman di MJC, sentara nganti abang iya pulai ari class tution malam.

Tambah mega baju di injau ari Tadika Sunny Hill, ngena awak ka bisi lalu begambar di luar ari sekula tauka klas. Pengeransing kaban aku tu begambar ukai main laban deka ngeso gambar ngagai Teacher Jitos sebedau Malam Graduan.

Kitai ti apai indai endang bisi juluk mega, semampai besampi sereta ngiring bala anak datai ngagai tingkat pelajar ti pemadu tinggi kena nitih ka singkang pemansang dunya. Kelimpah ari nya, tu siti ari jalai kitai besaup mantu Tuai-Tuai kitai ti mai besaup ngenatai ka juluk ati mai mansut ka siku graduate ari sepintu bilik ukai semina 10 iku graduate sekayu rumah.

Ayos (Carlos Dunstan) Bujang handsome apai iya

Nya iya makin nyadi !!!!

Ati lantang meh nya, tang selalu ka matau ayam taja pan udah bulih upah siti Buku Cherita Begambar enggau siti buku Doeremon !!!



Ukai tau lubah, apin tembu Ujang ngemas baju, Ayos udah kejuk-kejuk !!!!!!

Ha ha ha, Ayos deka nyadi Iban Bulih !!!!!

Emmm Bujang handsome apai iya meh tuuuuu

Pengerami Sirin (Shirellyn Tumie) Bertunang

Ngenatai ka pengaga ati ngagai Apai Sirin seduai Indai Sirin, laban anak tuai seduai udah mujur ngepun ka pejalai dalam pengidup ka baru. Anak seduai iya betunang kena 29.8.2009 tu tadi. Ngagai Sirin seduai tunang iya Amos Ngau mega, Selamat Betunang ngagai seduai sereta Selamat mujur ngepun ka pengidup ka baru, arap ka seduai mayuh teresak mayuh anak.

Mayuh bala kaban belayan bisi datai ngulu pengawa malam nya, sekeda temuai VIP ti datai, YB Datuk & YBhg. Datin Peter Nyarok. Sekeda bala kaban belayan datai ari Saratok, Marudi, Miri, Bintulu, Simunjan sereta Sri Aman kelimpah ari Kuching.

Taja pan pengawa nya di atur ba Taman Rumah di nengeri tang enda kurang ga pengerami bisi di atur kena merindang bala mayuh, pama meh asai ti di rumah panjai nya meh iya, rami amat ga bala. Raban ari Marudi bisi ga ngayan ka kajat Kayan tang ukai ngena Bin idup (Live Band meh nya)

Sirin & Amos Ngau

Ngerasuk Tinchin tanda pengerindu kena ngepun ka jalai melaki bini di kemata ka apai enggau indai seduai iya ba mua bala mayuh

MC Edward Thomas ngangau ka Tuai Sembiang, temuai VIP YB Datuk & YBhg. Datin Peter Nyarok baru datai sebedau sembiang belabuh



Sembiang berkat ka seduai ti betunang, Ayos ngambi peluang segau segau ba mua camera man



Apai Sirin benung bejaku



Entua Sirin ari Long Bedian Marudi



Aki Sirin ari Saratok ngenatai ka jaku geliga



Menyadi biak Entua Sirin ari Miri ngena jaku Iban enggau jaku Kayan



Apai Sirin seduai Isan ari Marudi


Sirin seduai Tunang enggau bala kaban



Bala temuai mayuh


Apai Jennet duduk ngulu ka bala temuai ari Saratok

Technician Akibiak ari Saratok sigi di impuut (imported !!!)


Bala temuai ari Marudi & Miri



Apai seduai Indai Titol & Apaienduq

Apaienduq, ApaiXXX (MC) & Apai Jess sama ngerichah ka lemai