Ujang Nyambut Slip UPSR benung Apai Nepan Express Boat

Manah amat ga chara enggau jam enti ngatur hari penyampaian sijil dan hadiah serempak enggau pemutus UPSR pansut.

SK Jalan Arang Kuching udah ngatur pengerami penudi ujung taun nya kena 19/11/2009. Anak Apaienduq, tudah Ujang bisi nerima 3 tau ka 4 iti sijil ari sekula pagi nya, tak semina indai iya seduai Ayos ti changuk-changuk di belakang ngemata ka Ujang nurun niki, nurun niki ari panggau.

Nyau telunga-lunga Ayos seduai Indai di belakang, enda tekachit ka kamera taja pan sekali, nama deh tak nadai gambar siti meh tudah Ujang. Nama agi niki ka panggau nerima slip UPSR 2009, ti kumbai Cemerlang, arap ka sida cikgu bisi meri gambar pagila lusa. Slip UPSR kira OK bekedara ga anak A, ulih kena "nyaman" apai enggau indai iya, Dom di Bakun, Indai Du seduai Ini Du di Sibu, Aki seduai Ini di Taman Indah Sibu. Bala bukai pan ulih kena "saman" Ujang tang dudi ila.

Sinu ga meda Ujang ngambi pemutus UPSR 2009 tu tadi nadai di sempulang apai. Ukai nama laban apai iya benung bejalai ka pengawa di endur bukai, benung dalam express boat ari Sibu ke Kapit, selalu amat bejegau kin kia. Gaga sapa enda gaga nerima berita anak diri nurun niki ke panggau lebih agi di gerah sida cikgu, Ujang siku ari 10 iku, pelajar CEMERLANG UPSR 2009 ari SK Jalan Arang.

Akai dai, pulai ke Kuching ati sigi gaga tang mesti nyedia ka "saman" dulu, enti enda pia tentu mayuh agi "saman" datai. Janji tetap janji, sebedau kena tagih semua janji udah sedia ka magang. Nama agi, gaga amat meh anak gamal tudah Ujang, nerima bayar janji ti ngenyampau nya, sebaka enggau "saman" polis enggau JPJ, nadai tau enda dibayar !!!!!

Taja pan diri kena "saman", aku ngari ka kami sebilik ngenatai ka terima kasih ngagai bala Cikgu di Sk Jalan Arang sereta bala cikgu ba Tution Centre di MJC, laban ari sida iya magang ngasuh "surat saman Ujang" nya nyadi bisa.

Ribuan Penghargaan dan Terima Kasih kepada semua Guru dan Kakitangan SK Jln Arang kerana menyumbang kepada kejayaan anak kami dalam peperiksaan UPSR 2009

Cikgu Besau (r) Pn. Sharifah Nasihat Bte Tunku Mahmud
Cikgu Kisun Kimbun
Cikgu Peter Lajang
Cikgu Jilen Johes
Cikgu Toh
Cikgu Loh
Cikgu Lia

Gambar: Gamal Gaga pandang ngagai apai

Ujang berumban ngayan ka slip UPSR ngagai apai iya

Siti ari Upah Ujang

Kunsi bayam Upah UPSR 2009

Sekeda ari Sijil ti di terima Ujang pagi nya:-

Sijil Penghargaan Pelajar Cemerlang PraUPSR

Sijil Penghargaan Cemerlang

Tu kumbai orang suba "LIBING" (school leaving certificate)

Sijil Penghargaan sebagai Pengawas Sekolah

Rekod peribadi ari Sekula, terima kasih ngagai sekula lebih agi guru kelas, Cikgu Jilen

Surat Saman ari Ujang, Slip UPSR 2009

j

Sunny Hill Kindergarten Graduation Ceremony

Enda berasai, pejam enchelak pejam enchelak nyau ka apus ga taun. Siti tugas udah ka selesai, nerima ga tugas baru bulan satu ila - tugas ke tadika ka ambis, tugas ngagai primary satu enggau pom satu tetap deka nampung.

Minggu dulu kemari kena 15/11/2009, sempat ngulu pengawa bala budak nerima sijil. Ari pun ti mit baka nya meh asai asai meri peransang tudah ba sekula. Kelimpah ari nya, peluang kena ngerandau bala "Teachers" ti selalu amat di sebut Ayos.

Mimit mimit utai, "nuan enda nemu, teacher kami madah baka tu", "teacher kami nadai ngasoh ngaga homework" & "teacher Ayos madah Ayos good boy tadi Mum"

Ayos nerima scroll Certificate

Graduant nyau aus, sempat minta ai oren

Bala Graduant bebaris di luar Dewan

Teacher Jitos ngiga Graduant ti lesap ari baris

Graduant di pangku apai enda lama

Teacher duduk sebaris enggau bala Graduant, enggai ke sekeda Graduant lesap enselit

Jauh amat, nama utai peda nuan Ayos???

Graduant bergaya udah pansut ari Dewan



j

Makai malam Kaban baru Professional DCCI

Makan malam ti di atur DCCI kena 15/11/2009 tu tadi mujur amat. Kira 24 iti meja di jual ngagai bala kaban DCCI.

Mr. Kilat Briak nyadi Organisng Chairman lalu ngangau ka YB Dato Sri William Mawan nyadi Temuai ti di basa (GOH). Lantang amat ga ati lebuh ngulu pengerami makai malam nya, laban ti ulih betemu enggau dua iku Professor bansa Iban, Professor Dimbab Ngidang seduai Professor Jayum Jawan.

Kelimpah ari nya, tokoh orang dagang bansa Dayak, YBhg Datuk Amar Leonard Linggie seduai Datuk Stephen Wan Ulluk mega bisi datai. Tuai gerempung Dayak bukai ti bisi datai President SDNU Mr. Mengga Mikui, President SDGA Dr. Dusit Jaul. President DCCI Tan Sri Datuk Amar Leo Moggie bejaku ngenang penumbuh sereta lis pengawa ti udah sereta deka di atur DCCI di kena mantu Dayak dalam dagang.

GOH Dato Sri William Mawan bejaku ngelalu ka semua kaban DCCI ngerebut peluang bedagang ti udah di sediaka perintah.

DCCI

Sekeda bala kaban baru DCCI

YB Dato Sri William Mawan nerang ka sekeda utai ngagai Organising Chairman Mr. Kilat Briak


Prof. Dimbab Ngidang, Prof. Jayum Jawan semeja enggau YBhg. Datuk Amar Linggie ti nyadi President DCCI terubah


MC, Jen Janang


Unggal Barling Gimong, siku Orang Dayak ti mujur ukai semina di Sarawak tang mega ngerekai ke menua Vietnam enggau Kemboja ngenatai ka pemberi RM15,000.00 ngagai DCCI ti di terima YB Dato Sri William Mawan


Igat Ambrose Jarat nerima Certificate of DCCI Life Member ari YB Datuk Sri William Mawan


Siku ari indu Dayak ti nyadi Lawyer mega masuk nyadi kaban DCCI

President DCCI Tan Sri Datuk Amar Leo Moggie merindang bala mayuh enggau siti lagu ti amat SPECIAL

Jen Janang seduai Anggat (Christopher) begambar enggau Tan Sri Datuk Amar Leo Moggie

Delova, Apaienduq enggau Jacg begambar enggau Tan Sri Datuk Amar Leo Moggie

Bala sida Cikgu Apo pan sama enda muai peluang berandau enggau Tan Sri ngenang pejalai Dayak Cultural Safari ke Kalimantan

Steady amat Alley seduai Jessie bepeluang begambar enggau Tan Sri Datuk Amar Leo Moggie

Anggat begulai enggau Raymond & "kawan"

Taun 2008 The Little Iban Warrior tang 2009 Little Iban in RASCOM pansut dichelak Lt Col (rtd) Linus Lunsong Janti. Ngenatai ka pengaga ati ngagai nuan "madi"

Sekeda Pengawa Ngelansa Ujung Minggu (Part 2)

Sekeda berita nampung ti ke dulu (Part1), berita bukai dudi ga ngayan ba Penjurai tu.


1. Taman Permainan Kanak-kanak, Lachau

Rindu amat budak ngetu ba Lachau. Tiap kali ngetu, kitai ngelawa sekeda utai ti di jual tisi kedai kopi tang bala budak berumban ngelawa taman, nadai ngira jam 12.00, 1.00 tauka pukul 2.00. Enggi kami tu pan baka nya, Ayos semampai "remind" mesti ngetu ba Lachau awak Dad ngirup "kupi wo" enda ngantuk megai steering. Ni enda, nya peluang iya ngagai taman !!!

Apuuuu, tekenyit amat aku meda Taman Permainan Kanak-Kanak di Lachau nadai sekali-kali di intu ba pemersi. Sampah nyau kin kia, tong sampah udah penuh, jangka aku lebih seminggu sampah enda di buai.

Asai sepi aku Pasar Lachau nya tak kelang kelut mensia mansa, bala tourist ke Skrang tauka ke Lubok Antu pan semampai ngetu dia bai bala driver Tour Bus tauka Tour Van. Kati meh pengamah menua dia di teju baka nya aja!!!

Ayos berayun, nadai ngira panas sereta enggau ujan

Sekeda perengka main ba Taman Permainan Kanak-kanak

Sampah bebau busuk, lebih seminggu nadai dibuai, nyadi siti ari perengka ti di kena "decorate" pemersi Taman Kanak-kanak di Lachau

2. Nemuai serambau enggau musin Rian

Nyau pemuas tudah ti ngangau mai makai buah rian, enda nyamai ga ngelebu tudah. Ngerumban enda lama ga nemuai ke Kampung Entayan, Balai Ringin Serian. Diatu musin buah rian, nya meh tudah bendar amat ngangau nemuai.

Nangi ka diri ngelebu tudah ngangau, peluang amat ga nganjung makai buah rian. Sempat ga enggau tudah ngagai pun "ngumpul" buah enda kurang ari 10 igi temu lemai nya.

Paulus seduai Aki Enduq



Tu original "Komisioner" muka buah rian

"Tu aki sigi, bai seduai Ayos pulai legi" anak Paulus Mawang

Langkau mulung rian, pun rian semampai di jaga laban mayuh "pencuri", lemai nya bisi peda lari naban ka buah lensat

3. Taman Rekreasi Ranchan, Serian

Pantang amat mansa Serian, asal mansa sigi di tunjuk alai nyamai swimming. Sinu ga meda kaban aku tu, nyau alah belama meh kitai tu.

Ngetu ga enda lama ngulu ka tudah mandi, laban kaban ka buya-buya ringat enda di bai ngiga buah rian di pun ba Kampung Entayan.

Ayos mut mut madah rugi meli kasut "but" enda kena ngagai kebun rian, nya alai enggai enda enggai lepak enda lama ga swimming ba Ranchan Pool

Apa dah jadi dengan kemudahan tempat rekreasi????

Jimat nuan bejalai Ayos, keno ko orang tu siti ari Jambatan Maut ba Taman Rekreasi Ranchan!! Arap ka Indau Mau ngenatai ka berita tu ngagai authority ti ngemata ka taman nya!

Sekeda Pengawa Ngelansa Ujung Minggu (Part 1)

Sebulan dua tu tak amat berasai ngerampas ke ulu, berumban ke ili ngereja pengawa. Maya berumban nya pan sempat ngeranau utai di kiba di kanan ngena kamera, awak ka bisi disimpan di peda jemah ila. Tang taja pia, anak gambar asai-asai chukup beguna amat ga kena nyedia ka berita di kunsi enggau bala kaban belayan ti mansa sereta nemuai ngagai Penjurai tu.

Sekeda utai kena teresa kena lawadalam dua minggu tu:-


1, Nemuai ngagai Merekah Fajar

Ha ha jauh amat ga Dom nginjau hailang (Hilux) !!!!!! ehhhhh engka nadai hailang di Bakun kini, tang nadai hal, engka rindu ngena plat ari Kusingggg.

Merekah Fajar, kamah amat Hailang kena di Bakun, arap ka Dom mai kitai masu tayar sepiak tau meh !!!

MF, JPJ salah beri roadtax kah?????

Dom, tau pupuh aja 8489 nya !!!!!!

2. Ngulu Pengawa Sembiang berkat Ipar Segindi Ak Yu

Ngenatai ka pengaga ati ngagai nuan Ipar Segindi sereta bini, laban seduai kira udah bisi pemujur, nyengula ka 2 anak datai sereta mujur pansut ari Universiti.

Pemujur serentak 2 iku anak indu pansut ari Universiti, .....bisi ga nyadi batu pengeransing bala ti sama alai diau di RPR Jalan Landih Kuching, kelebih agi bala ti datai ari Ulu Babu Debak.

Mayuh amat ga bala datai ngulu malam nya, bisi di kelala bisi ga enda, tang jangka aku tentu diri sekaban magang.

Ipar Segindi sebilik gaga ka pemujur 2 anak pansut ari Universiti

Pengawa DCCI Ka Kaban di Kuching

Berita pengawa DCCI kena narit bala Dayak ti bedagang nyadi kaban DCCI. Nitih ka berita, pengawa serumpu makai lemai nya deka di atur ba siti hotel ti di empu Dayak di Kuching kena lemai 15/11/2009 tu ila.

Pembesai Dayak ti bisi di kangau jangka aku baka sida Tan Sri Leo Moggie ti lalu nyadi President DCCI kelimpah ari bala Menteri Dayak.

Naka ke diatu, meja kira 30 iti udah abis di jual ngagai bala raban professional Dayak ti bedagang.

Minta ampun laban ti mansut ka berita ti udah lama ba Surat Berita, ukai nama kebuah amat, laun macha, nyau ka sebulan baru macha "surat khabar lam". Pama meh bekunsi enggau bala bloggers ti semak enggau jauh nehhhhhhh.

Berita ti ayan dalam Borneo Post kena 15/10/2009