Sarawak Dayak Graduate Association

Kena ujung minggu 26/4/2008, bala Komiti Sarawak Dayak Graduate Association (SDGA) ti betuai ka Dr. Joseph Jawa Kendawang udah mujur ngatur pengawa "Brainstorming" ba alai ngelantang ka ati Ranchan Pool Serian.

Kira bisi 30 iko bala kaban SDGA bisi ngulu pengawa nya ti deka ngiga penemu di kena ngemansang ka SDGA awak ka tau mega nulung semua bala ti nyadi kaban iya. Bala Kaban ti bisi datai semua pupu raban bansa Dayak nyengkaum YBhg. Dato Sri Daniel Tajem, YBhg. Datuk Amar Leonard Linggie Jugah, Mr. Ding Sling, Mr. Allan Griffin, Dr. Ellie Luhat sereta bala kaban SDGA ti datai ari KL, Miri enggau Bintulu.

Mayuh pekara bisi di pejurai sereta di kerandau di kena ngangkat ka SDGA nyadi siti gerempong ti tau mantu bala kaban sereta semua pupu raban bansa di Sarawak. Bala kaban SDGA ti bisi mantai ka kertas Jurai YBhg. Datuk Amar Leonard Linggie, Dr. John Brian ari KL, Dr. Dusit Jaul ari INTAN Kuching, Ass. Professor Yap Yin ari UiTM Kuching, Mr. Norman Lim, Mr. Phillip Tero kelimpah ari Dr. Joseph Jawa Kendawang, President SDGA seduai Mr. Robert Malong ari UNIMAS.

Dr. Joseph Jawa Kendawang di apit Speakers YBhg Datuk Amar L. Linggie seduai Mr. Norman Lim

YBhg. Dato Sri Daniel Tajem, Mr. David Manjah, Mr. Anthony Banyan & Mr. Ding Sling

Mr. Enggong Aji & Mr. Johnny Jalin

Mr. Stanley Lingguh, Mr. David Manjah

Ass. Prof. Yap Yin

Mr. Norman Lim & Mr. Elley Lawai



Mr. Musin Lamoh, Mr Robert Menua & Dr. Ellie Luhat

Ceramah Motivasi Pendidikan

Pengawa SDNU ukai semina mantu ngangkat ka kaul ba Penyerakup, Adat & Main Asal, Ekonomi aja, tang mantu mega ba pemansang pelajar sekula lebih agi mantu dalam "Developing Human Capital" nitih ka Stretegy 1 ba Lumpar Lima Taun Malaysia ke 9 (9MP). Nitih ka strategy nya "Human Capital and R & D capability" pekara ke lumur satu kena ngangkat ka ekonomi menua Sarawak. Menua deka betambah mansang enti rakyat ngembuan penemu (knowledge) ke mayuh sereta ngembuan pemandai (skills) ngereja pengawa.

Nya alai kenyau ari SDNU udah di tumbuh dalam taun 1956, SDNU endang sigi bisi juluk, ti deka ngangkat ka pemansang pelajar sekula ka bala anak Dayak. Ngelama tu nyangka pekara nya enda berapa di kemerat iga, taja pan Bagi Indu SDNU (Women Division of SDNU - SIDS) bisi ngatur sereta nyedia ka Peransang Sekula enggau Tabung Pelajar.

Manah mega berita sekali tu, laban SDNU HQ bisi udah belabuh di kangau ke menua Pesisir kenyau ari 2007 kemari bebagi sereta bekunsi ka penemu ngangkat ka pemansang pelajar sekula enggau chara ngada ka CERAMAH PENDIDIKAN DAN KERJAYA LUAR BANDAR kelimpah ari nyedia ka internet service kena bepinta ka nyambung pelajar ngagai Universiti.

Ba senentang ceramah tu, nitih ka berita, SDNU amat pandak runding laban ti suntuk belanja kena nganjung bala penceramah nitih ka peminta sida sekula enggau PIBG. Nya alai kediatu SDNU amat ngarap ka bala penceramah tu mantu ngena chara VOLUNTEER sereta lalu belanja tanggung diri empu magang. Tang ni pengelama sida tu sanggup ngereja pengawa VOLUNTEER sereta nanggung belanja diri empu di kena mantu ngangkat ka pendiau pengidup bala kaban belayan kitai di menua pesisir deh? Nya alai sama berunding meh kitai mantu SDNU awak ka SDNU ulih mantu bala kaban belayan kitai ke agi diau di menua pesisir.

Pengawa ke baru amat nyadi, sekeda bala SDNU amat "prihatin" lalu nyaut kangau Raban Special Study Group Miri (SSG) begulai ngadu ka Ceramah Pendidikan Luar Bandar di Saratok kena 12/4/2008 di SK Lichok.

Ceramah di pinta PIBG SK Ng Machan sereta SDNU Pampang Machan udah mega di pejalai ka kena 19.4.2008 ba Dewan Masyarakat Machan. Bala raban SDNU udah mujur ngada ka ceramah nya taja pan nadai di saup ari raban SSG Miri ti sama hari ngada ka ceramah ba sekula bukai. Lebuh nya, raban SDNU ari HQ betuai ka President Mr. Mengga Mikui, Vice President III (Youth Leader) Dr. Dusit Jaul, Secretary General Mr. Anthony Banyan, Publicity Officer Dr. John Brian sereta Mr. Helbert Ubong Ngumbang. Kelimpah ari Kuching, Chairman SDNU Pampang Sibu mega sama mantu nyadi siko ari Penceramah.

Nitih ka berita ari Pakan, PIBG SMK Pakan begulai enggau SDNU Pampang Pakan mega udah bisi mesu ngangau ka SDNU HQ ngada ka Ceramah Pendidikan dan Kerjaya Luar Bandar serambau enggau makai lemai Gawai peringkat Pakan sereta bejadi ka Pampang baru SDNU kena 24/5/2008 tu ila.



SK Lichok Roban Saratok

Pegawai Pendidikan Daerah Roban

Guru Besar SK Lichok

Mr. Martin Entamin

Sekeda Temuai ti di kangau

Bala nembiak ti datai

Pegawai Pendidikan Daerah nerima Pengingat ari YDP PIBG

Dr. John Brian nerima Pengingat ari Guru Besar SK Lichok

Mr. Johnny Chuat nerima Pengingat ari Cikgu

Bala Penceramah begambar enggau Pegawai Pendidikan sereta bala Cikgu

Bala Raban Pegari Production betuai ka Mr. Johnny Chuat

Sempat ga meda lambai bala Ibanstan ba kebun bunga
mayuh mensia mayuh ga rengka

SK Nanga Machan

Bala Pengajar begulai enggau Mr. Augustine Jayan seduai TR Barnabas Kadom
nyambut penatai bala Penceramah




Seelaaaamaaaat paaaaagiiiii Cikguuuuuuuuuuu !!!



Bala temuai ti di kangau, bala nembiak sereta apai indai
ba Dewan Masyarakat Machan



YDP PIBG SK Nanga Machan En. Drisa Bol



Guru Besar SK Ng. Machan En. Ahba Ahamad



Pegawai Pendidikan Daerah Kanowit Mr. Augustine Jayan





Bala Temuai sereta bala Pengajar ngetu merarau ba Makmal Computer



Cikgu Cikgu sila makan, jangan malu




Bala Penceramah begulai enggau sekeda bala Cikgu sereta Exco SDNU Pampang Machan

Komiti Besai SDNU Udah di Chiri

Komiti Besai SDNU endang udah ngatur program ka taun 2008 enggau 2009 kenyau ari Komiti tu terubah Miting SEC di Bintulu kena 29 Dec 2007 suba. Raban Komiti tu ti betuai ka Mr. Mengga Mikui udah di pilih bala delegate lebuh maya bepilih Tiga Taun Sekali (TGM) kena 1 Dec 2007.

Komiti Besai SDNU tu meh terubah iya ngatur pengawa baka Miting, Seminar/Randau, Rami Makan Malam ngerembai ke menua bukai kelimpah ari Kuching taja pan SDNU ti ditumbuh kena 10 May 1956, diatu nyau ka manggai 53 taun.

Tuju ngatur pengawa ti baka tu, awak ka bala ba pampang bisi peluang begulai enggau Komiti Besai SDNU. Kelimpah ari nya laban deka mantu perintah ngerembai ka berita pasal polisi Perintah, Pemansang sekula, Pemansang Ekonomi, Pemansang Culture sereta Pemansang-pemansang Perintah ke bukai.

Nitih ka berita ari Mr. Mengga Mikui, bala kitai mayuh di pinta besaup mega nyukung pengawa SDNU ti deka ngangkat ka penyerakup bala Dayak lebih agi Penyerakup bansa Iban. Iya mega bebula ka berita "Pengawa SDNU tu di kena mechah ka bala kitai Dayak lebih agi bala Iban sereta udu enggai begulai enggau Tuai Dayak". Mr. Mengga Mikui minta bala kitai mayuh tau mansik dulu pengamat berita enti kitai bisi ninga pagila lusa.

Komiti Besai SDNU mega ngenatai ka bejuta terima kasih ngagai YB Dato Sri William Mawan laban ti semampai siru sanggup mantu sereta bebendar meransang bala Komiti Besai SDNU ngatur pengawa bekempit "Segulai Sejalai sereta Sepenemu" enggau opis-opis perintah.

1. Makai Malam

Pengerami makan malam udah mujur di atur SDNU pampang Miri ba siti Hotel. Pngawa nya beserambau enggau pengerami nyiri ka Raban Komiti Besai SDNU sereta penumbuh Komiti SDNU Pampang Taman Tunku.

Yang Berhormat Dato Sri William Mawan Ikom , Menteri Pemansang Sosial serta Urbanisasi Sarawak ti megai sereta ngemata ka Pemansang Gerempung (NGO), nyadi Temuai (GOH) serta bejadi pengawa malam nya.

YB Dato Sri William Mawan ngelalau Raban Komiti Besai SDNU nan ka penyerakup dalam SDNU sereta bala temuai ti datai minta meri sukung ka SDNU ngatur pengawa ti tau mantu ngemansang ka rakyat

Raban Komiti Besai (SEC) SDNU udah di chiri mangku Pengawa ngagai 2009/2010

President SDNU Mr. Mengga Mikui ngelekat ka Selampai SDNU ngagai YB Dato Sri William Mawan ti udah nyiri ka Komiti Besai SDNU

Mutung Kek kena ngingat ka SDNU udah di tumbuhka dalam taun 1956 kelia

YB Dato Sri William Mawan nerima bup "Terabai Pechah" ari Mr. Joseph Tawie



YB Dato Sri William Mawan seduai Mr. Mengga Mikui di apit YB Andy Chia seduai pengari YB Datuk Peter Chin Fah Kui



Political Secretary Mr. Paul Igai mega meri sukung ka Raban Komiti SDNU

Mr & Mrs Gilbert Liman ari Sibu datai meri sukung ka pengerami SDNU

Pn. Serawa seduai Mr. Mathew Benson enggau bala Raban Komiti Besai Gerempung Dayak Miri (DAM)

Sekeda bala kaban Mr. Musin Lamoh ti ngulu pengerami makai malam

Mr. Bana Jimbat ari RTM Miri benung ngerandau Mr. mengga Mikui President SDNU seduai Dr. John Brian Publicity Officer SDNU udah lepas pengawa ke Nyiri ka Raban Komiti Besai SDNU

2. Bejadi Ka Pro-Tem Komiti SDNU Pampang Taman Tunku Miri

Pampang SDNU Taman Tunku meh pampang SDNU ke 33 ti pengambis baru di tumbuh di Sarawak.

Pampang tu betuai ka Igat Jatan Abas sereta di bantu bala nembiak ti bisi pengelandik megai pengawa ba kompeni. Taja pan sida tu bala nembiak tang sida tu penuh sukung ari orang ti tuai serta mayuh peneleba bejalai ka pengawa.

Ngenatai ka pengaga ati sereta peransang ngagai raban kita Igat Jatan ti berani matak jalai ngepun ka pengawa ke besai baka tu. Arap ka kita enda mudah undur enti maya kena keremba kena pansa sekeda penangul. Randau dulu kita kediri, udah nya minta bantu sekeda bala tuai SDNU di Miri tauka di indu opis di Kuching.

YB Dato Sri William Mawan sereta President SDNU Mr. Mengga Mikui begulai enggau Bala Kaban Pro-Tem Komiti SDNU bejadi ka Pampang SDNU Taman Tunku

3. Seminar Pemansang Dayak

Ngenatai ka pengaga ati sereta terima kasih ka kita ti ngatur pengawa ti amat manah ka bansa kitai. Pengawa kita tu ti nadai ngira pengerugi hari, duit ringgit sereta jam ti tau kena begulai enggau bini anak tauka uchu. Kitai sama meh besampi ngagai Petara minta berkat ba pengerai ba pengawa kita ke manah kena ngangkat ka pendiau pengidup bansa ke jemah ila.

Bala kitai Dayak, arap meh kitai bekunsi ka penemu, bekunsi ka peneleba sereta bekunsi ka pemujur ngagai bansa lebih agi kaban belayan kitai ba siti-siti menua nunda ka semengat sida sebuat tu.

Lebuh Seminar tu, Mr. Mengga Mikui President SDNU mantai ka jurai "SDNU Framework", Dr. Dusit Jaul Komiti SDNU mantai ka jurai "A Good Leadership", Mr Lugon Tigong mantai ka jurai "Bekebun Mit ngena jalai Dagang", Dr John Brian ngenatai ka jurai "Peluang Bedagang" lalu Dr. Ellie Luhat mantai ka jurai "Hobi Bekebun Betupi di rumah kena nambah ka penatai Pemisi serta kelimpah bejurai ka penguntung namam kayu jatropha"

Bala Komiti ngerijista penatai bala mayuh Mr Naga, Mr. Spencer Birai enggau Mr. Jonathan Tinggom

Uchu Keling seduai Lucas Khamex Chairman SDNU Pampang Miri bekunsi ka berita pengawa SDNU ti pansut ba Kenyalang

Dr. Ellie Luhat benung nunjuk ka buah jatropha tan lama ditunu

Donny Joseph sereta bala bukai ti sama ngulu Seminar Dayak Agenda



Cpt (Rtd) Meran Ubong serta bala raban ti datai ari Kapit

4. Berita Ayan ba Newspaper

Bala Komiti Besai SDNU ngenatai ka pengaga ati ngagai bala Pengerembai Berita (Reporters & Newspapers) laban ti bisi datai ngulu pengerami malam nya.

SDNU mega berasai temegah laban bisi ga berita pansut ba lambar terubah lalu di sempulang ka enggau gambar raban Komiti Besai begulai enggau Temuai ti dipebasa.

Eastern Time 31.3.2008




Utusan Sarawak 31.3.2008



Borneo Post 31.3. 2008