Komiti Besai SDNU tu meh terubah iya ngatur pengawa baka Miting, Seminar/Randau, Rami Makan Malam ngerembai ke menua bukai kelimpah ari Kuching taja pan SDNU ti ditumbuh kena 10 May 1956, diatu nyau ka manggai 53 taun.
Tuju ngatur pengawa ti baka tu, awak ka bala ba pampang bisi peluang begulai enggau Komiti Besai SDNU. Kelimpah ari nya laban deka mantu perintah ngerembai ka berita pasal polisi Perintah, Pemansang sekula, Pemansang Ekonomi, Pemansang Culture sereta Pemansang-pemansang Perintah ke bukai.
Nitih ka berita ari Mr. Mengga Mikui, bala kitai mayuh di pinta besaup mega nyukung pengawa SDNU ti deka ngangkat ka penyerakup bala Dayak lebih agi Penyerakup bansa Iban. Iya mega bebula ka berita "Pengawa SDNU tu di kena mechah ka bala kitai Dayak lebih agi bala Iban sereta udu enggai begulai enggau Tuai Dayak". Mr. Mengga Mikui minta bala kitai mayuh tau mansik dulu pengamat berita enti kitai bisi ninga pagila lusa.
Komiti Besai SDNU mega ngenatai ka bejuta terima kasih ngagai YB Dato Sri William Mawan laban ti semampai siru sanggup mantu sereta bebendar meransang bala Komiti Besai SDNU ngatur pengawa bekempit "Segulai Sejalai sereta Sepenemu" enggau opis-opis perintah.
1. Makai Malam
Yang Berhormat Dato Sri William Mawan Ikom , Menteri Pemansang Sosial serta Urbanisasi Sarawak ti megai sereta ngemata ka Pemansang Gerempung (NGO), nyadi Temuai (GOH) serta bejadi pengawa malam nya.
YB Dato Sri William Mawan seduai Mr. Mengga Mikui di apit YB Andy Chia seduai pengari YB Datuk Peter Chin Fah Kui
Political Secretary Mr. Paul Igai mega meri sukung ka Raban Komiti SDNU
Pampang tu betuai ka Igat Jatan Abas sereta di bantu bala nembiak ti bisi pengelandik megai pengawa ba kompeni. Taja pan sida tu bala nembiak tang sida tu penuh sukung ari orang ti tuai serta mayuh peneleba bejalai ka pengawa.
Ngenatai ka pengaga ati sereta peransang ngagai raban kita Igat Jatan ti berani matak jalai ngepun ka pengawa ke besai baka tu. Arap ka kita enda mudah undur enti maya kena keremba kena pansa sekeda penangul. Randau dulu kita kediri, udah nya minta bantu sekeda bala tuai SDNU di Miri tauka di indu opis di Kuching.
YB Dato Sri William Mawan sereta President SDNU Mr. Mengga Mikui begulai enggau Bala Kaban Pro-Tem Komiti SDNU bejadi ka Pampang SDNU Taman Tunku
3. Seminar Pemansang Dayak
Bala kitai Dayak, arap meh kitai bekunsi ka penemu, bekunsi ka peneleba sereta bekunsi ka pemujur ngagai bansa lebih agi kaban belayan kitai ba siti-siti menua nunda ka semengat sida sebuat tu.
Lebuh Seminar tu, Mr. Mengga Mikui President SDNU mantai ka jurai "SDNU Framework", Dr. Dusit Jaul Komiti SDNU mantai ka jurai "A Good Leadership", Mr Lugon Tigong mantai ka jurai "Bekebun Mit ngena jalai Dagang", Dr John Brian ngenatai ka jurai "Peluang Bedagang" lalu Dr. Ellie Luhat mantai ka jurai "Hobi Bekebun Betupi di rumah kena nambah ka penatai Pemisi serta kelimpah bejurai ka penguntung namam kayu jatropha"
Cpt (Rtd) Meran Ubong serta bala raban ti datai ari Kapit
SDNU mega berasai temegah laban bisi ga berita pansut ba lambar terubah lalu di sempulang ka enggau gambar raban Komiti Besai begulai enggau Temuai ti dipebasa.
Eastern Time 31.3.2008
Utusan Sarawak 31.3.2008
Borneo Post 31.3. 2008
2 comments:
Apu..ni cerita newspapa ari Minggu suba? Besai enda nama SDNU di mua Borneo Post!
Ha ha ha nadai meda niuspapa, ngalau ka aku Mon. Aku ujung minggu selalu bejegau jauh!!!!
Post a Comment