Projek Pemansang ba Pasar Mit di Pesisir

PASAR PAKAN

1. Stadium Sukan

Pelilih menua Pakan ngasai ka penguntung ti besai, setegal perintah udah ngaga Stadium Sukan ti baru di penyadi Menteri Pembangunan Sosial dan Urbanisasi Sarawak, YB Dato Seri William Mawan kena pagi 28 Sept.2007. Mayuh mensia datai ngulu pengerami pagi nya kelimpah ari bala Tuai-Tuai Masyarakat, bala Pemesai ari opis-opis perintah ari Pakan, Julau, Bintangor, Sarikei serta mega ari Kuching.

Mensia mayuh di Pakan di pinta besaup enggau perintah
ngangkat ka pendiau pengidup serta nyaga ngibun semua pemansang ti di tumbuh ka perintah ka semua raban bansa awak meri penguntung ka semua rakyat.








Menteri serta wakil-wakil opis perintah ngemata ka tandatangan nyerah ka Stadium ari Kontraktor En Musa Giri ngagai En. Adrian Luang wakil Majlis Daerah Meradong

Bala Pemesai opis perintah enggau Menteri begambar ba mua Grandstand

2. Jalanraya

Lama udah enda nemuai ke Pakan kandang 4 taun tu kenyau ari pasar tu di angkat nyadi siti district. Mayuh pemansang udah nyadi ba pelilih Pakan , jalairaya udah ga di tar ari Simpang Jalai Bintangor-Sarikei. Enti suba pejalai 2 jam tang diatu mina kira 30-45 minit aja ari simpang.

Jalan simpang Pakan baru di tar, logging truck patut sama nyaga jalai ari rosak, nagang mai over load

Jalan KJD (Kanowit-Julau-Durin), benung di upgrade ngagai Trans-Borneo highway standard

3. Market/Tamu

Sebedau mansang ngagai Stadium, sempat ngirup kopi ba kedai, lalu ngambi peluang mega ngabas Market/Tamu ba ujung pasar. Mayuh bengkah utai ari babas di jual ba Tamu dia. Berasai megah amat ati meda bala ti bejual dia tebal agi bansa kitai. Arap ka semengat bejual utai ke mit tau nyadi pemun nyadi orang dagang mega.




4. Dewan Masyarakat

Dewan tu di jangka ka agi baru amat, di peda ari design enggau pemersi dalam enggau luar. Iya mega beseberai enggau pasar.

Udah pengawa bejadi Stadium, tengahari nya semua bala ti datai lalu bisi di sedia ka utai di kena merarau. Nyadi kami sempat di bai merarau ba Dewan Masyarakat Pakan. Pemakai pansuh manuk, pansuh ikan enggau bulu babas bisi kena ngemantup ka tetenguk bala kami sebuat.






5. Opis - Opis Perintah Pakan

Bala kami sebuat, sama nadai sempat nemuai ngagai opis perintah, taja pan orang ti udah lama di kelala, Mr. Inting Nyami ti nyadi Tuan DO Pakan. Taja pia, ngenatai ka pengaga ati ngagai nuan Mr. Inting Nyami, ti mangku pengawa nyadi Do. Maya bukai ga bala kami mansa nuan dia, arap ka ulih nyedia ka tekuyung minyak sungai munyi ko cherita nuan maya nya kemari.









PASAR JULAU

Pemulai ari Pakan, raban kami lalu di bai ke Kanowit. Tang sebedau datai di Kanowit sekeda bala kami limpang ngetu ke Pasar Julau. Sempat ga ngiga alai "Posing".

Ngingat diri maya agi ngena perau kelia, Jelatung meh alai sekeda kitai ngemas ka diri sebedau niki ke pasar. Diatu, pekara nya nyadi ka cherita aja.

Penyangkai/Jelatung, taja pan Pasar Julau udah lama datai jalairaya, tang perau agi nyadi ka perengka pemindah kin kia lebih agi bala ti datai ari ulu Kanowit serta semua pampang sungai Kanowit ari kiba mudik.

Kedai terubah ba Pasar Julau

Amat lelengau, dini Jelatung alai mandi serta perau sangkai?

PASAR MACHAN

Emmmm, pemulai ari Kanowit, peluang amat ngabas Pasar Machan. Nganti ke pagi siti deka makai mee kampua. Pasar Machan tu, di pansa ke ulu ke ili ke Julau enggau ke Pakan sebedau taun 1975 kelia, tang di jangka ka diatu, 99% orang Pakan enggau 60% orang Julau nadai kala
nemuai ke Machan kenyau ari 1975. Ukai nama, Pakan enggau Julau udah datai Jalairaya, sida muntang amat diatu ulih terus ke Sibu, Bintangor tauka Sarikai, nadai agi ngili tauka ngulu ai mansa Machan tauka Kanowit.

Projek Waterfront ari KDC
ba mua kedai lama, projek pemansang ba 9th Malaysia Plan

BETONG

Pusat Internet Desa Betong

Lebuh ke mansang nemuai ke Pakan, nasib bisi peluang ngetu ba Pusat InternetDesa di Betong. Pusat tu di atur Kementerian Tenaga, Air dan Komunikasi Malaysia(KTAK), lalu bisi 3 pegawai ke nyaga, ngemata serta ngelatih bala ti nguji, belajar serta deka nemu pasal internet enggau komputer. Dua iko pegawai dia Iban, lalu siko da pegawai Volunteer ari Jipun. Nitih ka berita ari tiga pegawai nya, pusat lalu endor tu ka kelalu mit, computer mina 5 iti aja, nya alai selalu penuh di tapat ka bala nembiak sekula ke begiga ka references ari internet.

Berandau enggau tiga Pegawai ba Pusat Internet Desa Betong (En. Unong Jubin, En. Daichi Hirano & Francis Benet)

Dua nembiak sekula secondary benung ngiga refences ari internet

Bala nembiak sekula primary benung ngena internet

Sekeda Pengawa nuju Pemansang

1. Ngemansang ka Kaul

Serumpu ba First Family Cafe kena ka lemai 21.9.2007, tu kemari kena bala raban ruaikitai.com, pemerindang, author/publisher, serta NGO bekelala enggau pangan diri. Apu mayuh ga bala datai, tau amat begelumu dia baru ila, meri sukung ngagai tauke FFC.

Unggal Johnny Anak Chuat berandau enggau sekeda bala ti bisi datai

Hai Ivy, nama pengawa Winnie

Oh Cikgu tinggi amat tungku nya.......

Maya lepa pengawa ujung minggu, kena bala belelak, bala kaban bekangau baru serumpu ba rumah Igat Bujang Lanjau. Pemakai dua iti amat special laban resipi bai ari Jipun - kemiding enggau paku ikan di idang stail Jipun. Shoshi/umai bisi ga tang enda mayuh.

Bujang Lanjau seduai Apaiumbart - jimat angus dinding!!

Ai tahu nya kaban !!!!

2. Ngemansang ka Tanah

Bekebun, siti ari jalai mansut ka peluh, excercise serta mansut ka hasil jemah ila.

Pun Mango kira 3-4 taun

Heeeeee Scuba Diver benung di pantai

Ngasai pemedis kerja bumai bekebun

Ngepun ka minat bekebun kelimpah ari meransang nembiak rajin ba pengawa sekula nuju pemandai, laban sekeda pengawa bekebun tu chukup pemedis ngulih ka pengidup.

Jalai Nuju Pengerai

Poliklinik ti baru

Mayuh amat ga ubah pemansang udah di peda, enti 10 taun nyin suba lembau amat kitai nganjung diri ke sepital enti kena sakit/angat mimit. Kebuah ke besai keno ko runding kitai, makin balat agi sakit setegal lama betusun tusun nganti gilir diri berubat. Aku setuju, laban maya nya suba, environment di klinik chukup enda ngelantang ka pendiau serta ati kitai. Mensia mayuh, klinik angat, kipas regup regup, lantai simen, agu kamah mayuh ngena, indu misi/staf mangah serta macham macham komplen. Tang diatu semua utai nya nyadi ka cherita/sejarah/pengingat laban poliklinik baru diatu....apuuuuuuu bala menyadi, aircond, tile, TV, agu sebaka enggau hotel, indu misi/staf wah senyum magang mansa kitai. Enda berasai tudah ke sakit tau nambah mimit gerai sebedau betemu Lutur!!!!

Nya meh, ubah singkang pemansang, enti banding ka kelia agi ampit ga enggau orang bebai ka botol diri empu ke klinik awak ka bisi kena mai ubat pulai. Asai ke bemimpi ngingat ka utai ti nyadi suba banding ka enggau diatu, tak semua utai bisi magang umbas kena merindang bala ti benung sakit.

Nya meh nitih ka berita, perintah bendar amat deka ngangkat ka pengerai semua peringkat mensia nadai ngira di nengeri enggau di ulu sungai. Kebuah pia, ari rakyat ke bepengerai ulih ngepun ka rakyat nyadi productive, innovative, creative, constructive serta tau ngujung ka penatai pemisi menua kitai ngerembai. Rakyat pan betambah maju, betambah mansang.

Ba peringkat global, enti enda salah ingat, kala aku ninga United Nation (UN) bisi Programme Healthy Cities. Tuju program nya di kena mai mensia nuju pengerai ba runding/mentality, tubuh, pengelikun nadai jenayah nadai pencuri/gangsters, nadai gum/dadah, pemeresi diri, pemeresi angin menua, jalai raya, sungai serta mayuh bengkah utai bukai. Menua kitai enda mega tinggal ari program UN nya, sekumbang ti udah mai program Healthy Cities ke Malaysia, kitai amat temegah ati laban di Malayia mina kitai, bisi nengeri begelar KUCHING HEALTY CITY ari United Nation dalam taun 2005 suba.

Pengelantang alai nganti ba poliklinik

Sekeda perengka kena nuju pengerai

Kayau kayau ba Negeri Kuching

UNIMAS

Limpas aja Langkau Jaga, kaban ari Jipun lalu ngerara, keno ko iya, "hait, what they have at UNIMAS? They have golf courrrrssse?" Saut aku ga, hait, yes sir, mini golf course. Nya meh gaya kitai baru nemuai ngagai endor siti-siti, sigi mayuh utai di rara, tambah mega campus baru UNIMAS siga amat cante !!!!

Gambar ari Opis Chancellor, pemulai nemuai ari Dr. Kasing Apun ba International Relation Unit, Chancellery UNIMAS

Kaban ari Jipun, Mr Kazuhiko Morioka ti nyadi Senior Volunteer JICA bepalan ba Opis Kepala Menteri Sarawak di Wisma Bapa Malaysia

Sekumbang 8 bulan udah di Sarawak, mayuh bengkah menua alai ia nemuai laban deka mansik pemakai kitai di Sarawak ti tau di export ke Jipun, baka ke Song, Kanowit, Sibu, Sarikei, Tanjung Manis, Mukah, Bintulu & Miri. Nitih ka berita ari Mr. Kazu, mina bisi 4 sida volunteer JICA di Sarawak- Betong, Song & Miri lalu 4 da volunteer di pinta perintah deka datai bulan Nov. nyin ila.

FIRST FAMILY CAFE

Kedai ti baru amat di buka ba Tabuan/Stutong betentang enggau Kompleks Kastam. Bala kami sebuat tu, terubah ngetu ba kedai cafe nya. Ngenatai ka pengaga ati ngagai Isaka K, ti berani nguji muka kedai makai.

Arap ka bala kitai bela ngetu makai ngirup dia meh lebuh maya lapang tauka maya ke bisi tepejuh ke Tabuan/Stutong. Kira meri sukong ka pangan meh nya..... Pemakai ti bisi dia, nadai ga nya tak bangat kurang. Ari nyaga pemersi jangka aku, bulih ga tahan munyi ko urang.

Emmmm...... nganti mee datai, gining kiba gining kanan tepeda ka botol kichap, lada, mangkuk chabi dalam sarang plastik. Ohhh chukup bersi waiiii !!!

Nya iya udah datai,
MEE GURING BASAH,
emmmm sedap amat !!!!

Nambah ka Penemu enggau Peneleba

Mansang ke Kuala Lumpur kena 3 Sept 2007, udah ngelebus rami nyambut "Malaya Merdeka 50", bekau pengerami endang mayuh kin kia. Nisau jalai agi di peda utai kena ngias jalai kin kia, sayau mega enda sempat meda pengerami ti besai ba Stadium Merdeka. Taja pia, ngena peluang tu aku deka mai kita bekunsi sekeda berita ngelansa:-

1. Kursus di INTAN Bukit Kiara KL

Nasib manah bisi peluang kursus ari 4-6 Ogos 2007, kena nambah ka anak penemu enggau anak peneleba ba senentang "Penilaian 'Outcome' Program & Projek Pembangunan". Arap ka penemu baru tau mantu ngereja pengawa ka dudi hari mega.

Tu kali kedua dalam taun tu kursus ba INTAN (Institut Tadbiran Awam Negara) di Bukit Kiara Kuala Lumpur. Sebedau Gawai 21-27 May mega bisi peluang ba INTAN enggau belajar "Perancangan dan Pengubalan Projek Pembangunan"

Gambar bala ti kursus ba INTAN

Serambau enggau kursus nya mayuh amat ga courses serta conferences ti serentak ba INTAN taja pan enda sebaka pengelama.

Bala ari Sarawak bisi ga di peda dua tiga iko taja pan enda segulai. Maya ke kursus nya, bala kami sebuat di atur diau ba Eastin Hotel di Pusat Dagangan Seksyen 16 Petaling Jaya, penyauh 15 minit ngena bas ke INTAN. Kelimpah ari nya bisi ga bala bukai diau ba Crystal Crown Hotel.

Eastin Hotel Pusat Dagangan
Seksyen 16 Petaling Jaya

2. Bejalai di Kuala Lumpur

Berasai gaga amat mega kandang ka 4 bulan tu, di beri peluang nyau ka ninting bulan ninjau menua di Kuala Lumpur. Lama ga udah enda nemuai ka Kuala Lumpur, mayuh utai udah berubah, jalai betingkat tingkat ke atas, pia mega betingkat tingkat ke dalam tanah. Munyi leka lagu Unggal Ganing seduai David, aku nyau enda nemu tungga kuing!!!

Maya ti ba Kuala Lumpur, asai asai ti bejalai ba menua bukai meda beda pemansang Kuala Lumpur enggau menua diri, Kuching, Sibu tauka Miri. Kala ga mansa runding diri empu, "Sarawak enggau Malaya nyau baka langit enggau tanah ba bida pemansang menua", akai dai, salah amat ga runding udu ka manding ka semua utai ti di pansa mata !!!

Petronas twin Tower KL, kala ga lalu ngagai tkt 41, berasai nyilu tapak kaki

3. Terowong Smart

Terowong Smart ke tembu di gaga lalu belabuh di kena dalam bulan May nyin kemari. Udah makai lemai kami duai kaban aku benasib amai laban ti di ambi petunggal aku bejalai ngosong petunggal aku ari Opis Pelajar ti serempak bisi di Kuala Lumpur.

Pemulai ari Grand Continental kami mansa KLCC, udah nya nguji ngena Terowong ti panjai enda kurang ari 3 KM. Terowong betingkat 3 tu amat ngalit ka ati, laban ti nyadi jalai besai kelimpah ari kena muai ai maya musin ujan ba sekeda tempat ba Kuala Lumpur.

4. Nemuai ngagai Opis JICA

Udah lepa pengawa ba INTAN, nasib mega di beri peluang nemuai ngagai opis JICA (Japan International Cooperation Agency) ba Tkt 29 Menara Citibank Jln Ampang KL. Penemuai kia, endang di sambut bala pemesai ti gawa dia, lalu bisi di beri jaku penerang ti silik amat pasal pengawa di kerja JICA ka menua Malaysia serta semua menua ti baru deka mansang di serata dunya.

Ari jaku penerang nya, kitai di Sarawak, mayuh amat penemu serta pengawa sida JICA patut di titih lalu di pinta datai kena kitai ngambi peluang bantu ari menua Jipun ba perengka teknologi, penemu runding serta bala volunteer ti landik ba siti-siti pengawa.

Gambar makai tengahari begulai enggau bala Jipun

5. Kaban Belayan di "Malaya"

Ninting kali ke bisi tepejuh ke Kuala Lumpur, sempat ga nemuai ngagai bala kaban belayan. Nitih ka berita ari sida iya, mayuh amat ga bala nembiak kitai Iban gawa di Malaya, ukai semina gawa ba perintah tang mega gawa ba kompeni-kompeni luar besai enggau mit. Diatu, enti bejalai ba tungga ke belakang pudu jail, nadai tusah ngiga bala nembiak jako Iban ba mua kedai enti di banding ka enggau 20 taun ti dulu suba. Pia mega ba endur bukai baka di Port Dickson, Johor Bahru serta Ipoh jangka aku sama magang. Ba senentang tu ngarap ka sida iya ngibun ulah serta nyaga nama manah bansa kitai meh.

Emmmm, terima kasih ka bala anak buah, laban ti ngulu ka raun serta nganjung ke hotel, umbas iya ga hotel di Petaling Jaya, tusah amat ga ngiga lebih agi maya malam. Sinu meda tudah di keduan nyidi alai hotel maya ujan lebat penapat inat, jalai ga banjir kilat kin kia.

Gambar bala uchu serumpu di Jln Hang Tuah KL





Pekara bukai serta gambar-gambar, barang maya lantang ga aku ngerintai awak ka di kunsi kitai.