Bejalai ke Menua Bukai (Part 4)

1. Lapok Tinjar

Pasar Lapok meh pasar ti pemadu baru di menua Sarawak. Cherita Pasar Lapok sebaka sekali enggau penumbuh Pasar Selanggau enggau Pasar Andau Balingian. Pasar Lapok tumbuh ketegal jalai besai rembus lalu Jembatan meraka Sungai Tinjar kira dalam taun 1996, tang maya nya semina kedai rumah kayu tauka langkau arau aja. Jalai besai ti di gaga kompeni batang udah rembus ngagai Lapok urung dalam taun 1980han tang udah nya lalu di bali JKR ngagai jalai besai (public road).

Kedai baru Lapok, di diri urung taun 2003 ngagai 2004.

Jalai masuk Pasar Lapok ti penuh enggau luchak taja pan udah di tar

Kedai ba Pasar Lapok ti balat amat debu enggau tanah rangkai, arap ka "local Council" bisi udah di tumbuh awak ka ulih nyaga pemersi sereta ngatur pemansang ka Pasar Lapok ka dudi ila

Sampah kin kia, sapa patut mutar ka penanggul tu laban Pasar Lapok ti pemadu semak enggau Loagan Bunut ti nyadi penarit bala temuai

Apuuuuuu, tu meh penama ngagai Pasar Lapok, sampah serta luchak keliling "Bangunan Market"

YB Dato Jacob Dunggau bisi nemuai ngagai mensia mayuh di Lapok kena pagi 22.1.2009

Jalai nuju Lapok

Jalai nuju Lapok

2. Pasar Beluru Bakong

Pasar Beluru Bakong

3. Nemuai ngagai bala Ipar

Cousin Ann seduai Evelyn

Ipar Juman seduai Ipar Norman

Bejalai ke Menua Bukai (Part 3)

1. Bejalai ke Batu Niah enggau Pasar Sepupuk

Dua iti Pasar tu endang selalu di lawa agi taun 1993 ngagai 1999. Terubah bejalai ke Niah dalam taun 1987, bisi ga nyengguk Gua Niah. Maya nya kelia agi ngena perau. Siti pekara ti semampai di kingat, nepan perau perintah kena charge $10.00 siko, nama deriba enda ga ingat. Asai asai enda tentu patut ga nepan perau perintah di pinta tambang laban nya sigi ukai passenger boat. Ha ha nadai hal pekara mit, asal bisi utai kena pulai ngagai Batu Niah.

Apu neh untung amat bala di Niah, siti jalai ngagai Pasar Sepupuk Jalai Tan Sri Sim Khing Hong, engka ari Niah meh penatai aki ini Tan Sri Sim tu kelia, ila aku nanya orang Niah TTL

Sempat ga kaban nemuai ngagai Pejabat Daerah Kecil Sepupuk Niah betemu enggau wakil Kunsil (SAO)

2. Nemuai ngagai bala Petunggal

Maya lepa pengawa, bala petunggal din dia ngasuh nemuai, nama agi peluang nya deh "ngabang" ngagai bala sida iya, udah ke rumah siku, ngagai rumah siku. Pandak ka cherita, ha ha ha nya pengujung ngena gari "recycle" lah hari siti, nasib kaban bisi berus ngeli spare!!!!

Apaienduq begulai enggau Empauk Nanggai, Senah seduai Tili nemuai ngagai Embam AK Bundak ti sama aki ini tang jarang betemu mua enggau pangan diri

Bejalai ke Menua Bukai (Part 2)

1. Pasar Marudi

Dani pagi kira tumu mimit laban deka meda ulah mensia ngalu. Ba pasar bukai baka di Kapit, Kanowit, Julau, Saratok tauka di Batu Niah, pama ujung minggu sigi penuh pasar laban mensia ke datai ngalu. Sekeda bejual sekeda mensia nganjung mata lalu sekeda sengaja nurun ke pasar laban deka ngurut utai ke begelung.....mee. Tang pagi nya peda mata nyau pemuas segau segau ari hotel ke kedai kopi siti ngagai kedai kopi siti, pasar Marudi jauh nyelai ari pasar bukai, kurang amat ga mensia taja pan ujung minggu. Enda mega nemu nama kebuah tang nyangka laban ke agi tengah bulan kini lebih agi bala ti kerja ba kem batang. Bala di rumah panjai nyangka agi ngelimat ka belanja laban hari selalu ujan tambah ka getah enggau lada, rega udah jauh amat nurun.

Sebedau datai ke Marudi, suah amat ga ninga bala sida ti tuai, belandik ka Marudi alai sida ke kerja Kem Batang dalam taun 70han suba. Maya sekula bisi ga ninga jerita/History Marudi alai Bansa Iban enggau Bansa Kayan Kenyah bebanchak babi nanda ka sempekat badu bebunuh dalam bulan April taun 1899. Dalam taun nya mega terubah lumba perau tauka regata belabuh di atur kena ngangkat ka kaul semua raban bansa di Sarawak.

Signboard besai ba mua opis perintah

Tengah Pasar Marudi

Town Square Pasar Marudi

Mount Mulu Hotel


Selamat tinggal Marudi

Asian Bridge di peda ari Express Boat

2. Nemuai ngagai Kaban Lama

Apong Siri seduai Apaienduq

Charlie, Adul enggau Brangking Unang lebuh nemuai ngagai Apong Siri

Bejalai ke Menua Bukai (Part 1)

Lebih seminggu nadai ngabas Penjurai laban ti bejegau. Maya ti bejegau nadai ga peluang nemuai, ukai nama laban laptop dah kena "rampas" budak. Ba hotel pan nadai peluang ngabas Penjurai laban selalu laun datai. Nyadi nya meh kebuah Penjurai nyau penuh kulat penuh debu.

1. Hari Terubah

Maya baru datai di Miri, amat berasai gauk deka betemu enggau bala kaban. Lebuh maya nya sigi jam jam orang gawa nya alai mina 6 bala kaban ti ulih datai berandau ba kedai kopi. Enda berasai bisi ga lebih 2 jam.

Pulai group terubah, datai ga kaban ari group bukai, ngambi lalu naban bejegau ke Bus Terminal Miri. Apuu jam agi pukul 5 lemai, lalu di bai kaban duduk berimbai enggau utai berasap. Nama agi deh, peluang amat nya, nelan liur ensium bau asap.

Jatan Abas, Donny Joseph & Apaienduq nganti kaban bukai datai di Ming Cafe Miri

Utai ti tau ngasuh nelan liur diri ba Terminal Bus Miri

2. Hari Kedua

Tumu dani kami dua sekaban, laban udah semaya enggau orang ti ngambi pukul 7 pagi. Pagi nya mansa Stesen minyak, driver becherita, tanah tusur naban ka 2 nyawa tang bangkai lalu apin ulih ambi.

Program pagi nya deka nuju Marudi, ngena express ari Kuala Baram. Info salah terima, Express meleka jam 7 pagi tang kami di padah express meleka jam 7.30 pagi, 11.30 pagi enggau 3.00 lemai.

Stesen Minyak ba kaki Bukit

Tanah Tusur

Terminal Express Boat Kuala Baram

Terminal Express Boat Marudi

Teachers Qtrs SK Pengelayan Marudi


SK Pengelayan kena bah

Masuk Tadika

Apuuuu, sigi gaya ga datai ba pun taun, belabuh baru ga kiruh bala kitai. Peda gaya ukai mina kiruh ba sekula tang ba kedai, ba pasar enggau suppermarket amat tak penuh dedat, alai apai indai ngulu ka bala anak bebeli ka baju tanchut sereta perkakas sekula. Ba menua pesisir pan enda kurang. Berita pansut ba surat berita pan di peda apai indai beranjung ka bala anak ke sekula ngena perau bisi mega ngena express ai.

Akai kai, kada bisi tadika nembiak kitai di menua pesisir? Nadai masuk tadika reti iya masuk Taun satu di pesisir sebaka enggau nembiak di nengeri masuk tadika meh nya. Tu siti ari "persoalan & tanggungjawab" semua kitai, mantu ni chara tadika di tumbuh ba menua pesisir tauka ninting rumah panjai.

Ba taun baru 2009, hari terubah sekula di buka mega hari terubah tadika di buka. Nyau enda ingat dini alai opis sida Sunny Hill Kuching. Ha ha ha, ni enda, 6 taun nyin suba bisi ngabas tadika. Sekali tu rindu ga mulai ka pengingat betemu enggau bala cikgu, lebih agi Cikgu Maria ti agi ingat ingat enda ka kaban aku Indaienduq, ha ha ha sigi gaya.


1. Hari Terubah

Pengeransing nurun ke Tadika

Apai Indai baru datai register ba kelas

Mood Ayos mula di tinggal ba kelas


Mua Ayos berubah setengah jam udah ditinggal laban nitih ka sekeda nembiak ti semeja


Sekeda bala Apai Indai ti ngemata ba luar kelas


Ayos minta Mum iya duduk senentang pintu kelas ti ulih peda ari dalam

Sekeda nembiak ngangau ka Apai Indai lalu sekeda enggai ngelengka ka panggal

2. Hari Ketiga

Ayos ransing nurun ke Tadika ba hari ketiga, dani sebedau jam 7.00 pagi

Jam 7.15 pagi udah full uniform ngansak nurun takut "laun masuk kelas"