SELAMAT GAWAI DAYAK

3G + N

ngagai
semua bala kita
ti semak enggau ti jauh

ari

kami sebilik



(3G+N = Gayu Guru Gerai Nyamai)

Pakan Julau

Note: ** "Gambar deka di upload dudi"




1. Makan Malam Gawai Dayak




SDNU udah mujur muka pampang ke 33 di Pakan. Menteri Pemansang Sosial dan Urbanisasi Sarawak, YB Dato Sri William Mawan Ikom udah bejadi serta nyiri ka komiti pampang nya, serambau enggau Pengerami Makai Malam Gawai Dayak 2008 kena 24.5.2008 ba Dewan Masyarakat Pakan. Pengawa nya mega bisi di gulu YB Dato Joseph Sallang, Sapit Menteri Perintah Besai Malaysia serta di gulu bala Supreme Executive Committee SDNU, enggau pampang-pampang SDNU ari Sarikei, Bintangor, Julau enggau Bintulu.

Maya bejako ba pengerami nya, Dato sri William Mawan minta rakyak mayoh di Pakan "segulai, Sejalai sereta Sepenemu" nyukung pengawa SDNU, laban keno ko iya, enti SDNU enda di sukung bala kitai Dayak, deka ngujung ka SDNU enda kering ba jako, enda kering ba ngatur pengawa ti tau nguntung ka bansa enggau menua ke jemah ila.

Yang Berhormat Datuk Sri William Mawan
seduai YB Joseph Sallang Gandum

Raban SDNU ari Supreme Executive Committee, Kuching

Nerima Tanda Pengingat

Sekeda bala temuai ti jauh

*
Bala temuai SDNU




*
Raban SIDS Sarikai




*
Raban SDNU Julau




*
Raban SDNU Bintangor




*
Raban SDNU Bintulu





2. Randau Kementerian Perdagangan Dalam Negeri dan Hal Ehwal Pengguna


Bala Tuai-tuai raban bansa pelilih Pakan udah chukup benasib laban sempat berandau enggau balapemesai ari Kementerian Perdagangan dalam Negeri danHal Ehwal Pengguna.

Randau nya ti di atur SDNU di kena mantu nagang regang barang sereta perengka pengangkut serambau enggau pengerami Gawai Dayak tu.

Kira bisi 50 bala Tuai raban bansa, Tuai Politik, bala kounselor sereta Tuai-Tuai rumah pelilih di kangau magang awak ka besaup nabur berita ngagai bala mayuh di pesisir.

Mr. Anthony Banyan nerang ka pengawa sereta ngelalu
ka penatai bala ti bisi datai mending ka randau

Pegawai KPDN & HEP En. Rizal ngenatai ka sekeda berita

Pegawai Penguatkuasa KPDN & HEP

Penerang ari SDNU pasal Randau rega barang perlu,musim gawai

Sekeda bala Raban SDNU Kuching, ti bisi datai

SDNU Pampang Pakan

Selamat Gawai Dayak sereta ngenatai ka pengaga ati ngagai kita di Pakan. Kebuah pia laban beserambau enggau Makai Malam Gawai Dayak kena lemai 24.5.2008 YB Dato Sri William Mawan ti nyadi Menteri Pemansang Sosial enggau Urbanisasi deka bejadi ka pampang SDNU ti ke 33.

Berebak enggau pengawa ti nyadi ka siti cherita pemansang pengerembai SDNU di Pakan, pengawa ngatur Randau Penerang ari Opis Kementerian Perdagangan Dalam Negeri dan Hal Ehwal Pengguna ngagai bala Tuai-Tuai Masyarakat, Tuai-Tuai Rumah sereta bala Counsellor mega bisi di atur SDNU ari Indu Opis bekau penemuai Raban Komiti Besai SDNU ngagai Pengarah Kem. Perdagangan Dalam Negeri dan Hal Ehwal Pengguna kena pagi 20 Mei 2008.

Dalam randau nya, SDNU minta Opis sereta Menteri ke nguasa ngemasuk ka Gawai Dayak tu dalam Skim Kawalan Harga Barang nitih ka Akta Kawalan Harga Barang 1966. Enti Gawai Dayak tu udah di pasuk ka dalam SKIM nya, tau amat meri penguntung ka bansa Dayak lebuh maya ngintu Gawai, setegal opis perintah ulih ngena KUASA ba betagang rega barang di tiki ka bala orang dagang nadai beradat sereta tatak baka ti kala nyadi ninting Gawai Dayak kandang ke 45 taun tu ke udah.

Apuuuuuu jauh amat meh perejuk orang, sampai ka Gawai Dayak kena "langkah" !!!!!!! Bala tuai-tuai kitai pan nadai sekali-kali tepeda ka pekara ti nyadi tak semina "Hari Raya, Tahun Baru China sereta Deepavali aja kena pasuk dalam Skim Kawalan Harga Barang 1966". Dini alai Akta Kawalan Harga Barang tu di Gubal ba runding kita? Kati iya di gubal ba padang bol? Kati iya di kerandau ba resturan mamak? Kati iya di gubal ba Pulau Langkawi tauka di gubal ba padang golf?

Hahhhhh, anak mit pan nemu, semua undang-undang tauka AKTA di gubal ba Parliament!!!! Tang bala kaban Parliament kitai Dayak maya AKTA tu di gubal kelia engka meh nyau cuti Gawai magang. Nya meh kebuah kitai nadai siko nemu SKIM KAWALAN HARGA BARANG nadai nyengkaum musim GAWAI DAYAK !!!!!!!!

Terima kasih ka SDNU laban ti muka mata, ari pemuas beserungkai ka utai di sebelah teluk lalu TETEMU ka "SKIM KAWALAN HARGA BARANG musim perayaan NADAI NYENGKAUM GAWAI DAYAK"

Kumang Gawai Pakan 2008

Berita Nemuai ke Labuan

Berita Pejalai ke Kota Kinabalu sereta Labuan kenyauari 9 - 16 May 2008 tu suba. Batang pejalai endang baka selama semampai nguji ngiga penemu di kena ngangkat ka pengidup jemah ila.

Maya mupuk ari Airport Kuching, Mata Enduq berupai tuchum, enggau ati ti andal sereta penuh pengaga taja pan bechampur ati ti tusah deka beserara enggau apai indai lebih agi bala menyadi iya ti tinggal di menua. Berupai mega ati iya ngering ka diri, negap ka semengat "Iban Boleh" bebekal ka lalau sereta meda pemerinsa bala kaban belayan iya di menua pesisir. Pejalai iya tu nuju Utara Borneo ukai deka "makai angin" tang di beri peluang masuk ngagai Kolej Matrikulasi Labuan. Tang taja pia, Enduq nerima berita baru "mendapat tawaran Asasi Sains" ari UiTM. Peluang Enduq nitih ka program nuju "Manang Sepital". Enggau berita nya, ngujung ka Enduq ngaga pemutus enda nyadi Ngerista diri ba Kolej Matrikulasi Labuan lalu iya mulai ke diri ke Kuching kena 14.5.2008

Terima kasih ngagai semua kaban belayan di Labuan lebih agi ngagai nuan Endun Angel, Apai Sian seduai Indai Sian, Chulin Serang, Sgt Busu Bidi, Sgt Lanyau serta bala bukai ti enda alah rintai ditu. Selamat betemu baru jemah ila.



1. Bandaraya KK

Semengat bedaja bala Kadazan-Dusun taja pan di JambatanPejalai Kaki

Sekeda ari tanda Jalai di peda ari Jambatan PejKaki ari Pejabat Pos ngagai Market Besai KK

Begiga ka Market Philipine, lalu tepansa kamarket Sayur ba KK

2. Pulau Labuan

Nepan Express KK - Labuan



Chelap angat dalam Express Boat



Perening jauh Enduq, deka ngejang ka diri ari Apai Indai sereta bala menyadi iya



Endauq begambar enggau Indai Sian seduai Angel

Apaienduq begambar enggau Apai Sian lalu di belakang Angel seduai Indai Sian



Enduq seduai Kakak iya Angel



Enduq enggau kaban baru iya Sandra Andrew di Asrama Puteri



Kolej Matrikulasi Labuan



Chimney alai lombong arang batu British kelia



Semina Taman Burung di Labuan



Kolej Antarabangsa Universiti Malaysia Sabah di Labuan




Selamat tinggal Kota Kinabalu

Note: Gambar bukai deka di tambahmaya lepa pengawa

Gawai Dayak 2008

Makai Malam Gawai Dayak SDNU

1. SDNU Kuching

Pengerami makai malam di atur ba Dewan Suarah Kuching kena 17/5/2008. Menteri Pemansang Sosial enggau Urbanisasi YB dato Sri William Mawan nyadi Tuai Pengabang sereta kira bisi 760 bala pengabang bukai ari semuapupuraban bansa bisi datai. Bala Tuai-tuai bukai ti bisi datai mega YB Snowdan Lawan, YBhg. Temenggong James Jimbun, YBhg. Dato Sri Edmund Langgu, YBhg. Dato Sri Tra Zehndra sereta bala tuai tuai opis perintah enggau kompeni.

Mayuh pengawa di atur di kena ngerami malam nya. Sekeda ari pengerami ti meri pemerindang ka bala pengabang ti datai baka pekit Kumang, Chabut tikit benasip enggau pekit pemanah ai Tuak.

Ngajat nyambut penatai Tuai Pengabang

Tuai Pengabang datai lalu di simpulang YB Snowdan Lawan

Presiden SDNU benung berandau enggau
Tuai Pengabang Yang Berhormat Dato Sri William Mawan



Tuai Hakim pekit Kumang Mr. Dunstan Melling seduai Mdm Janet Noel

Sekeda bala Akim Kumang Mr. Valentine Tawi, Puan ... sereta Pn .........Emian

Dr Dusit Jaul seduai Dato Sri Tra

Mr Ambrose Jarat sereta family begulai enggau Mr Ellie Lawai

Kaban lama Mr Sudin Manja segulai Mr. Roy Lawan,
Mr. Polycarp sereta YB Snowdan Lawan

Bala pampang SDNU BDC

2. SDNU Sibu

Nitih ka berita, sekali tu Bagi Indu SDNU (SIDS) udah mujur nyadi tuai pengatur pengawa Makai Malam Gawai Dayak di Sibu kena 17/5/2008. Ngenatai ka pengaga ati ngagai Menyadi Alice Jawan di Sibu. Ngenatai ka Selamat Gawai mega ngagai semua bala SDNU, OUNA & DBNA di Sibu.

Diatu kita nyedia ka Gawai tang enda lama da kita kiruh enggau ngatur Borneo Cultural Festival ti bepun ari pengerami PEKIT MAIN ASAL SERETA PEMAKAI DAYAK ti di atur SDNU dalam taun 1999 - 2001.

Berita Gawai di Sibu ayan ba Borneo Post kena 19/5/2008

3. SDNU Bintulu


ila agi nangkir III.........

Labuan Sabah (Wilayah Persekutuan Labuan)

Minggu dudi tu ila, belabuh ari 10 - 16.5.2008 Labuan di sadang nerima penatai bala "temuai sekula (Educational Tourrist)" ari seluruh Malaysia lebih agi ari Sabah enggau Sarawak. Kebuah pia, laban Sabah enggau Sarawak nadai agi Pusat Matrikulasi tauka Asasi Sains. Nitih ka berita, 15 buah hotel di Labuan diatu udah penuh magang.

Bala apai indai tentu mega datai beranjung sereta ngulu ka anak sida iya ngerista diri ba Kolej Matrikulasi Labuan. Sambil nganjung anak, peluang bejalai mega maya nya.

Ngenatai ka pengaga ati ngagai semua apai indai Dayak, lebih agi bala apai indai ti datai ari menua pesisir, setegal anak sida iya bulih masuk ngagai Kolej Matrikulasi Labuan.

Selamat Mansang ba pelajar ngagai kita ke nembiak, ngagai apai indai kita, selamat maju sereta "Selamat Gawai Dayak". Ari setegal anak ti besekula nya, nguji mega kitai ngena jalai bejimat chermat ba belanja maya Gawai Dayak taun tu.

Gawai Dayak SDNU Julau

"Selamat Gawai Dayak ka Kita di Julau"

SDNU Pampang Julau udah mujur ngatur malam Gawai Dayak 2008 kena 3/5/2008 ba Dewan Masyarakat Julau. Ngenatai ka pengaga ati ngagai bala raban komiti pengatur pengawa, ketegal pengawa kita ke udah mujur sereta di gulu kira 400 bala pengabang ti datai ari jauh enggau semak.

Pengarami malam nya di betuai ka Mr. Desmond Sunok ti nyadi Chairman SDNU Pampang Julau. YB Dato Joseph Sallang Gandom ti nyadi Sapit Menteri ba Perintah Besai udah nyadi Tuai Pengabang.

Pengerami malam nya mega bisi di gulu bala Komiti Besai SDNU ari Kuching ti betuai ka President SDNU Mr. Mengga Mikui.

Kelimpah ari nya, bala pampang SDNU ari Bintangor, Sarikai sereta Bintulu mega bisi datai kena mandang ka SDNU diatu udah 3S "Segulai, Sejalai & Sepenemu" dalam semua pengawa.

Pekit Kumang serta Pekit bukai bisi di atur kena ngerami malam nya. Pekit belagu mega bisi di atur malam dulu ari nya. Maya malam nya, Tuai Pengabang mega bisi nyua ka Insentif pelajar ari SDNU.

Penatai Tuai Pengabang YB Dato Joseph Sallang di Sambut Mr. Inting Nyami
Acting DO Pakan sereta Mr. Mengga Mikui President SDNU

Tuai Pengabang mantar ka pengerami makai lemai Gawai Dayak SDNU Julau

Tuai Pengabang YB Dato Joseph Sallang berandau enggau Mr. Mengga Mikui

Tuai Pengabang ngenatai ka insentif pelajar ngagai apai siko nembiak (Cikgu Jang)



Mr. Inting Nyami nerang ka pemutus Pekit Kumang ngagai Bala Komiti Gawai

Mr. Donald Latit, Mr. Inting Nyami sereta Mr. Mengga Mikui maya
ti nganti penatai Tuai Pengabang

Cikgu Jeffrey Jugah enggau bala kaban ti bisi sama datai lemai nya

Dr. Dusit Jaul, Mr. Anthony Kiai, Mr. Anthony Banyan, Mr. & Mrs. Stephen Randi
maya ti baru datai ba Dewan Masyarakat Julau