Ehmm nasib meh bisi peluang nemuai ke Sanggau ujung minggu tu tadi. Penemuai kami sebuat laban bisi nerima kangau Pak Andeng ti nyadi Pegawai ba opis Pegawai Daerah Sanggau serta nyadi Chairman Dewan Adat Dayak pampang Sanggau.
Nadai mega nyengala berunding lama bala kami sebuat ngaga pemutus nemuai kin udah nerima "Kad Undangan" ari keluarga Pak Andeng. Kebuah nadai berunding panjai:- terubah setegal ti baru iya nerima "undangan", kedua laban deka meda chara pengawa bala din nikah kawin, lalu ketiga, laban deka ngena peluang nya bisi orang ngulu bejalai ngagai menua Sanggau serta pasar-pasar bukai baka di Balaikarangan, Sosok enggau Bodok.
Kami mega bisi peluang ngetu ba sekeda alai bala Dayak diau serta ngereja pengawa bedagang, terubah bertemu enggau bala Dayak ti benung Baum deka milih tuai nyadi pengari ba pengawa bepilih nyadi Residen 2008. Kami sebuat di kangau ka Chairman Dewan Adat Dayak Pontianak Pak Thadeus Yus, ti nemu berita penatai kami sebuat di Sanggau. Lemai nya kira bisi 300 Dayak begumpul ba Dewan siti sekula mission. Mayuh pekara sempat di kunsi enggau kami sebuat taja pan penatai kami ba ujung aum sida iya. Pasar Bodok kira 45 minit ari Pasar Sanggau.
Gambar begulai enggau Pak Andeng serta anak sida ti benung kawin ba atas pentas
Sempat begambar begulai enggau anak serta menantu Pak Andeng
Balai tau ka Dewan Gereja alai Pak Andeng ngatur pengerami kawin anak iya kena 5.1.2007 di Sanggau, Kalimantan
Presiden SDNU En. Mengga Mikui baru datai ngulu pengawa anak Pak Andeng ti kawin ba Balai Besai siti Gereja di Sanggau, ia benung nulis nama ba bup temuai
Pak Thadeus Yus, Chairman Dewan Adat Dayak Pontianak ngerah penatai raban SDNU ba Randau Tuai Adat Dayak ba Balai Gereja di Bodok.
Presiden SDNU, Mr. Mengga Mikui di beri peluang ngenatai ka berita ari SDNU ngagai bala Tuai Dewan Adat Dayak di Bodok
Raban SDNU betuai ka Presiden ngetu ba siti resort ba tebing Batang Kapuas ti enda jauh ari Pasar Sanggau, Pak Sahala duduk ba tengah
Credit Union, Koperasi bansa Dayak di Kalimantan kena nulung bala Dayak ba pengawa dagang enggau ekonomi serta pengawa bukai ti tau nguntung ka bansa
Presiden SDNU begulai enggau Pak Sahala nemuai ngagai siti workshop ngaga furniture di Sanggau
Ngetu ba Pasar SOSOK mansang ke Sanggau
Sekeda jelu siga baka ular sawa, ular ripung, kijang, rusa, serta tenggiling ti di jual nadai di sekat ba Balaikarangan
Bungai Rafflessia ti bedau ngerambai mega bisi di jual nyadi ka ubat tadisional enggau rega antara RM70.00 - RM90.00 sigi bunga di Balaikarangan. Bungai tu ba menua kitai ditu di jaga ngena undang-undang utai tumbuh nya alai nadai tau sekali di rosak, di jual serta di simpan
Pekara biasa kena rimbas mata, 5 tauka 6 penumpang nepan ba perabung bas
.jpg)
2 comments:
Ni jalai ngagai menua nya aya?
Sorry ka nuan hornbill, laun meda tanya nuan, aku jauh tepejuh dua tiga hari tu. Menua nya nyamai di gagai kitai ari Tebedu kira 3 jam. Pasar Sanggau kira tengah Batang Kapuas, pemesai kira baka Sarikai.
Post a Comment