Ngenatai ka pengaga ati ngagai semua kaban Serakup (SIDS), ti baru udah BGM kena 27/2/2009 tu tadi. Mayuh raban datai, ninga berita aja ga aku tu tadi laban ti nyau tepejuh ke Miri.
Berita manah di dinga aku, pengudah BGM tu, semua kaban SIDS di pinta nyadi kaban SDNU, enggau nya mega semua kaban SIDS, lalu SETUJU nitih ka atur ba Constitution SDNU laban SIDS nya siti ari pampang SDNU nitih ka rekod register ba ROS kenyau ari taun 1957 kelia.
Manah amat meh nya, awak ka semua kaban SDNU nadai bebagi nyitak diri. Ngelama tu berupai amat ga bala kitai BEBAGI DIRI, enda nyalah baka rumah panjai, bini anak ngurung diri di bilik (SIDS) magi diri ari orang ke lelaki, orang lelaki diau aja di ruai nadai tau masuk enggau nemu hal ba bilik ti di wan SIDS.
Sekali tu mujur amat ga di dinga, nyau pemuas muas President SDNU empu Mr. Mengga Mikui di saup bala komiti bukai ITUK amat nerang ngagai raban komiti SIDS pasal undang-undang ba Constitution.
Salam sereta gaga ati, ngagai semua kaban SIDS ari Lundu nyentuk ka Limbang.
Gambar ari Endun Belalai: YB Datuk Rohani di apit President SDNU Mr. Mengga Mikui seduai Ketuai SIDS YB Senator Dato Sri Empiang Jabu
Gambar ari Endun Belalai: Raban Pengari SIDS Sibu betuai ka Ir. Alice Jawan
Gambar ari Endun Belalai: Raban Pengari SIDS Sibu begulai enggau YB Dato Sri Empiang
Gambar ari Endun Belalai: Raban Pengari SIDS Miri
Gambar ari Sebugey: Raban Pengari SIDS Saratok
.jpg)
2 comments:
Tabi wai, enda tentu betul endal ngah berita nuan nya. Setuju ke enda bepecah charut etc etc; tang resolusi SIDS ianya nukar leka jako alam constitution ngambi ke bala SIDS enda iboh berisi pom & bebayar ie automatik kaban. Supreme council SDNU diarap ke duduk lalu berunding ke nya, En. Mengga bisi ninga senentang nya, enggau jampat. Peminta siti ianya (sementara ke nganti pemendal ROS ke amendment constitution) Supreme Council ngemendal ke bayar taun di waive ngagai bala SIDS dua taun. Agi pen ko President, duit bayar taun tu diengkak aba SIDS pampang nya empu, just accounting record aja. Tambah ari nya, SIDS deka ngadu ke ngisi borang sampai ke 31.12.09 ke bala ke kaban diatu ke sementik aja nadai bebayar. Kaban SIDS 12,230+ lalu enda senang beisi ke borang. Minta sukong meh alam pekara tu ari semua kita. SEGULAI SEJALAI SEPENMU.
Ohh EndunB, terima kasih laban ulih limpang nyenguk. Sori lalu ngabas kumin nuan nya.
Pasal berita padah nuan nya bisi ga aku ninga tang berita ari SEC SDNU munyi ke sebut aku nya meh. Peminta SIDS ngagai SEC munyi sebut nuan bisi aku ninga tang pemutus nitih ka AUM SEC ti dulu, mina bisi flexible siti dua. Arap ka semua Sepenemu ngujung ka Dayak ulih Segulai Sejalai meh EndunB.
Post a Comment