Pengawa Gotong Royong (Beduruk)

Pengawa di rumah panjai baik ka tusah baik ka senang, semua tau di kumbai kitai tau nyadi nyamai. Kebuah pia, kenyau ari kelia kitai sama bela ninga, pengawa bansa kitai Iban ti "beduruk" ngereja pengawa. Ba senentang tu, penguntung endang sigi lalu di peda kitai, laban utai berat semua nyadi lempung. Maya bumai, pengawa tau ngerumban hari, maya tauka bulan. Enti salah bulan, tau amat ngerusak hasil padi tauka sebarang utai di tanam kitai ari semua "antu", jelu enggau musin.

Ha ha ha ha dini bisi antu neh!!!! Tang eeem..... semua utai ti tau ngachau utai tanam kitai baka chit, kera, kulat, buntak enggau babi babas kumbai sida ke tuai kelia "antu" magang. Jaku Melayu "itu musuh tanaman" meh utai ke amat-amat.

Bepun ari nya pengawa beduruk sigi amat mujur ngerari ka penusah nyadi maya bumai betaun. Ba senentang pengawa begulai besari sari di rumah panjai enggau di nengeri, pengawa beduruk tu meh chara ti amat bekelimat ba belanja sereta alai kitai tau mantai ka pemanah kaul sereta pemereti ati begulai bebala mayuh.

Ba senentang tu aku sempat ngulu siti penusah ti udah nyadi, penusah pemati Ex-Cr Entan Ak Bugang (Apai Gerinang). Lebuh maya nya kemari aku begulai enggau bala mayuh ke nyedia mayuh bengkah pengawa ba rumah sereta di pendam.

Di rumah, bala amat kiruh nyedia ka pemakai lebih agi sida ti indu, laban ngering mensia semampai mayuh datai ari ulu ari ila. Bala kaban belayan mayuh datai ngulu penusah nya setegal pendiau sida niang Ex-Cr Entan berimbai enggau pasar kelimpah ari niang tu siko ari orang ti megai pengawa ba siti parti politik.

Di tanah (pendam), numbas ga peda aku pengawa sida ti nembiak di ulu sida ti tuai, nyedia ka lubang. Ukai nya ka nyadi 2 tauka 3 tubuh sereta megai changkur. Penanggul bukai kira ke nadai laban lubang nya ukai bebatu baka sekeda lubang ti berimbai dia. Mujur mega pengawa ti berumban nyedia ka lubang, tembu tumu ari ti di sadang, enda kena ujan enggau panas terit ngalih ka lemai.

Lalu ngena peluang tu mega, aku ngari ka kami sebilik ngenatai ka penyinu ati ngagai bala anak niang - Igat Jimmy(Gerinang), George, Willey sereta Endun ti agi sekula ba UPM Serdang. Mai kitai bela besampi meh ka semengat niang nya, awak ka iya likun sereta begulai enggau orang sante. Pesan ngagai kita semadi, besabar meh ngibun tudah indai kita, anang neju ka iya kelalu tusah ati kena nyaga pengerai tubuh enggau runding.

Sembiang berkat sebedau nyimpan ngagai santubung/lungun

Sedia deka bejalai niti pasar sebedau ke pendam


Pemanca Jantan, entua niang Ex-Cr. Entan, pengudah pengawa nanggam Ulit


Bala anak niang Ex-Cr. Entan pengudah pengawa nanggam ulit

Bala sama nganti idar diri

Mr. Spencer Kudang mega mantu pengawa tu

Idar seduai tu ngangkut tanah

Nemuai Serimbai enggau Ka Da Lefan, Ka da Ger

Kelia agi sekula, tau begawai besai, enti bisi apai indai bisi ngabas pendiau pengidup kitai ba sekula, tang dunya diatu jauh nyelai, bala nembiak bisi "meraya" ukai nama laban mayuh amat ga perengka/facilities ti mantu kitai diatu mindah kin kitu.

Nya alai ujung minggu tu tadi ngena peluang sida airasia"ngelala" kitai, mai nemuai mayar tambang RM3.00 siko KL/Kuching. Beduduk ari nya aku sempat bulih tempat tubuh 3 pulai mansang. Ari RM3.00 pulai mansang RM6.00 lalu penyampau kena bayar RM506.94. Enti di kira agi OK ga nyampau nya taja pan nyau 3 bulan nganti.

Nama deh, gaga amat meh anak bujang Apaienduq, keno ko iya "ka pan lon laju laju, ka da lefan (elephant), ka da ger (tiger)" sereta mayuh agi meh utai bukai sebut iya kelimpah ari nemuai ngagai Enduq di Kuala Lumpur. Amat asai di genggam semengat laban indu iya nadai enggau mindah, barang maya silap, nadai ngira jam tau mai pulai !!! Nasib ga manah, tudah Ayos rindang amat matau menua di KL, berasai suntuk amat ga jam kena kin kia.

Ayos (Carlos) enggau penuh pengaga ati mupuk ari rumah nuju Airport

Ayos confident ninggal ka Mum, deka masuk departure lounge KIA

Ayos seduai Ujang terubah nepan airasialah 5.9.2008, "nyapar peyut, mahal makai dad-dad-dad?"

Ayos, terubah ngindik ka kaki di tanah seberai (LCC Terminal, KLIA)

Ayos ngemantup ka pengelengau ngagai aka, Enduq, 2 bulan mina ninga nyawa ba talipon

Ayos, jauh perening terubah nepan Monorail, arap ka enda ingat ka Mum ke tinggal!!!


Ujang deka ngulu ka Ayos niki tingkat 41 Petronas Twin Tower, Ayos terubah tang Ujang kali kedua nemuai ke Tingkat 41

Ayos seduai Ujang mantai ka gaya diri enti bisi sayap terebai ari Tingkat 41


Ayos ngirum berita terus ngagai Mum ke Kuching ari KL Tower taja pan kiruh nilik KL nyeliah ka kabus tebal


Ayos seduai Ujang limpang belelak ba Low Yat


Enduq seduai Ujang ngulu ka Ayos nemuai ngagai Zoo Negara


Ayos temati kutu terubah meda "apai Lefan" jelu ti besai


Ayos tegenung meda "Kangayu"


Enduq, Ujang, Ayos sereta Apaienduq melakang ka Camel


Enduq nyadi Snake Lady



Proud Dad, Ujang sereta Ayos meda Enduq nyadi Snake Lady !!!!


Apai Ansam (Stephen) seduai Indai Ansam (Elizaberth) ti kiruh amat ngulu ka kami menyanak bejalai ke Zoo Negara (lisen memandu Apaienduq 2 jam bepusin ngiga jalai)



Gambar bukai deka di tambah sebarang maya !!