Komiti SDNU Saratok Angkat Sumpah

Ngenatai ka pengaga ati ngagai Raban Komiti baru SDNU Pampang Saratok sereta Selamat Bejalai ka Pengawa.

Komiti baru SDNU Saratok udah mujur amat di chiri ba Pengerami Makai Malam kena 25 Oct. 2008. YB Datuk Peter Nyarok nyadi ka Temuai ti di basa malam nya udah mega bejadi ka pengerami makai lalu ngemata ka pengawa Angkat Sumpah mangku pengawa ka Raban Komiti SDNU Pampang Saratok.


Berita manah ngagai SDNU Saratok, YB Datuk Peter Nyarok udah ngemendar ka RM9,000 ari MRP. Duit nya di ungkup ka SDNU kena bebeli ka perengka PA System ka Rumah Dayak kelimpah ari belanja bukai kena bejalai ka pengawa SDNU ba taun 2009 tu ila.

President SDNU Mr. Mengga Mikui sama bisi ngulu pengawa malam nya, kelimpah ari bala pemesai-pesai opis perintah, kompeni sereta bala Tuai-Tuai Masyarakat pelilih Saratok.


Pengerami nya mega bisi di gulu bala pampang SDNU sereta SIDS ari Sarikai, Sibu, Julau sereta Kanowit di kena negut ka kaul antara pampang.

President SDNU Mr. Mengga Mikui seduai YB Datuk Peter Nyarok

Raban Komiti Angkat Sumpah mangku pengawa besaksi ka semua temuai ti datai

Sain Janji mangku sereta bejalai ka pengawa SDNU

Terima kasih Yang Berhormat laban ti meri bantu MRP ngagai SDNU Pampang Saratok

Sekeda Komiti SDNU Saratok begulai enggau President SDNU

Datin Peter Nyarok, Spencer Birai sereta Mr. & Mrs Chambai Lindong

Bala Kaban SDNU & SIDS Pampang Kanowit

Sekeda Pengawa Pampang SDNU

1. Makai Malam SIDS Sibu

Pengerami Makai Malam SIDS Sibu udah mujur di atur. Pengawa nya di gulu mayuh pampang SDNU sereta pampang SIDS. YB Dato Sri Wong Soon Koh sereta YB Joseph Mauh mega bisi datai, ti lalu nyadi temuai ti di basa malam nya.

Pengerami makai malam, tu siti ari pengawa ninting taun ti di atur SIDS Sibu, di kena ngiga belanja ngisi tabung. Ba malam nya mega SIDS nerima berita manah laban YB Dato Sri Wong Soon Koh besemaya deka ngungkup RM10,000 ngagai Tabung pelajar SIDS setaun ari MRP fund.

Ngenatai ka pengaga ati ngagai Ir. Alice Jawan laban ti udah sekali agi di pilih nyadi chairperson SIDS Sibu.

Chairperson SIDS Sibu, Ir. Alice Jawan ngulu ka kaban SIDS lagu qoir

Chairman SDNU Sibu Mr. William Baja, President SDNU Mr. Mengga Mikui, Mr. Andrew S. Bangit & YBhg. Sir Temenggong Adrian Ringgau

Helloooooo.....tu meh ganding eMCee Makai Malam SIDS Sibu

Mr. Mathew Paran berimbai enggau Dr. John Brian

Raban SIDS Unit Kpg Sentosa Jln Salim Sibu

Cikgu Entalai Mambang, Cikgu Clement Nyanggau, Anthony Banyan, & Lankasty Narang

Bala Apai Alek (Mr. Augustine Merikan)

Anthony Banyan begulai enggau kaban baru Bujang Cmanggang Raymond Menjang

Dr John Brian, Mr. Mengga Mikui berandau enggau bala mayuh sebedau mulai ka diri

2. Tanah SDNU Sibu


Chairman SDNU Sibu Mr. William Baja sereta bala raban President SDNU Mr. Mengga Mikui udah di ulu nemuai ngabas tanah SDNU ti ba Airport Lama Jln Teku Sibu. Tanah nya pemesai 5 ekar, di beri perintah dalam taun 2002 laban di kena nganti tanah SDNU ti kena bungkur projek Sibu Town Square.

Mr. William Baja ngenatai ka berita, SDNU Sibu kenyau ari taun 2000 suba udah ngelanggur deka niri ka Rumah Dayak, tang nyau tetanggul setegal enda chukup belanja sereta tanah SDNU 1.75 ekar alai perintah ngaga projek ka mensia mayuh di Sibu. Nya meh siti ari "Pengorbanan" ti udah di tunjuk ka SDNU Sibu, kena mantu perintah ngemansang ka Pasar Sibu.

Lalu serambau enggau pengawa ngemansang ka semua tanah SDNU seluruh Sarawak, Supreme Executive Committee (SEC) SDNU, udah numbuh ka komiti siti ti betuai ka Dr. John Brian. Komiti nya deka berati chara ngemansang ka tanah SDNU ngena chara Commercial awak ka nyadi siti jalai/lubang pemisi ti tetap ngagai SDNU.

Tanah SDNU ba Airport Lama Jalai Teku Sibu

Chairman SDNU Sibu Mr. William Baja ngulu ka President SDNU Mr. Mengga Mikui ngabas tanah SDNU ba Airport Lama Jalai Teku Sibu

Sekeda Pengawa Perintah

Bala Pemesai opis perintah ari Opis Kampung Sarawak, Sabah enggau Semenanjung diatu benung bejurai ka pengawa ti bakaul enggau Ngatur Penusah Dunya ari pengawa Kampung Addressing Global Demands and Expectations in Forestry.

Pengawa nya di atur ba Hilton Hotel Kuching ari 20 - 24 Oct 2008 lalu udah di penyadi Ketua Menteri Sarawak, tang di ari YB Hj Nordin Majais.

Nitih ka berita, kira bisi 360 pemesai ari seluruh Malaysia bisi ngulu jurai nya. Mega bisi datai Dirctor General sereta Deputy Director opis Kampung Semenanjung Malaysia enggau Director sereta Deputy Director Opis Kampung Sabah. Datu Hj Len Salleh ti nyadi Director Opis Kampung Sarawak,CEO Sarawak Forestry Corporation enggau General Manager STIDC kelimpah ari Deputy Permanent Secretary ba Ministry of Resource Planning nyadi ka Organising Committee Chairman.

Mayuh pekara ti besangkut paut enggau kampung baka ekonomi asil kayu, dagang temuai, Nature and Biodiversity conservation, environment bisi di pejurai maya Conference seminggu nya kelimpah ari nerit ka adat nitih ka sekeda Forest Ordinances enggau Wildlife and Natural Reserved Ordinances.

Pekara ti besangkut paut enggau Local Community ti semak kampung mega bisi di kerandau awak ka pengawa perintah ngurus ka kampung nadai mayuh tuntung penanggul tang semampai meruan bisi kerjasama enggau mensia ti ngelilingi alai nya.

Berebak enggau Conference nya ti di atur begintir 3 taun sekali di Sarawak, Sabah enggau Semenanjung, pengawa ti nemuai ngagai sekeda alai ke manah mega bisi di atur. Ba hari penudi, bala Pemesai bisi di gaga Program nemuai ngagai Semenggok Wildlife Centre enggau Sarawak first Reefball project ti enda jauh ari Santubung.

YBhg. Datu Len Salleh, Director of Forest, CEO of SFCSB, Deputy Perm. Secretary (Resource Planning) & General Manager of STIDC

Mr. James Bali seduai Mr. Ricky Jonathan

Mr. Siali Aban berandau enggau John Kolek seduai En. George Anggapun ari Sabah

Sekeda bala ti enggau Conference

Sekeda bala kaban lama ari Semenanjung, Sabah & Sarawak gelumu makai lemai (Semilan Ripot, Anthony Banyan, Ridzuan, Ahmad Fauzi, Darawi, Hj. Ahmad Sonhaji & Azman Daan)

Anthony Banyan seduai En. Ahmad Fadzil (Pen. Pengarah Perhutanan Johor)

Apuuuuu nya iya bulih, lama parking mua Hilton Hotel

Menyadi Biak Dato Sri Tra Zehndra

Ngenatai ka penyinu ati ngagai YBhg Dato Sri Tra sereta kita sebilik setegal menyadi nuan Maydol udah ninggal minggu nyin kemari.

Kami besampi ka nuan bulih berkat ari Allah Taala, awak ka nuan semampai gerai sereta regas begulai lalu betemu bala kaban SDNU ti di pun ka kita kenyau ari taun 1956 kelia.

Kepala Menteri Sarawak ngenatai ka penyinu ngagai YBhg Dato Sri Tra

Sembiang ka niang SI Maydol sebedau mupuk ke St Joseph Cathedral

Niang SI Maydol di bai nuju ka St. Joseph Cathedral

Nuju St. Joseph Cathedral Jln Tun Oping Kuching

Sembiang penudi ka Niang Maydol ba St. Joseph Cathedral

Bala anak, Uchu sereta menantu Niang Maydol

Tanah SDNU Siol Kandis Kuching

YBhg. Dato Sri Tra

Pendam Niang Maydol

Lepa Pengawa Cuti Hari Raya (Part 2)

1. Industri Dagang Temuai di Tengah Menua Sarawak

Pasar Sibu enda kurang alai ngelantang ka ati, baik ka alai orang "muda" tauka diri sebilik. Tang taja pia, orang Sibu jarang amat ngena peluang maya lapang bebai ka diri sebilik nemuai ngagai alai ngelantang ka ati maya lepa ujung minggu. Alai ngelantang ka ati ti semak Sibu baka mandi sungai ke Machan, Meluan (kerangan, lubuk & Kubu Brooke), Merurun, Jikang, Pakan, Lasi, Sebangkoi, Brayang, Lichuk, Setapang tauka di Sekuau.

Enti kitai berati, pasar Sibu penuh sesak maya ujung minggu enti di banding ka enggau Pasar Kuching enggau Miri. Kebuah bukai sigi nadai tang alai ke tau ngelantang ka ati enda di kemansang ka enggau betul. Kelimpah ari nya kitai ti empu menua nya enda sedar diri empu bisi ngembuan "natural product" ti tau amat meri penguntung ba industri temuai.

Lebuh di Sibu tu tadi, kaban nguji ngabas Taman Bukit Aup tempat ti tebilang endor sekeda bala di Sibu "berniat". Tekenyit amat ga meda mensia ngamayuh nya bisi kia taja pan serempak enggau Hari Raya. Alai bala nembiak bemain nyadi ka peruan sekeda "temuai Indonesia" indu lelaki makai ngirup sereta bemain guiter. Siti pekara ti kurang ngasuh ati lantang, sampah kertas, kulit kuaci, kulit buah tak sebarang alai ngeleka taja pan tong sampah bisi meruan din dia.

Pegung Taman ti mayuh bengkah ikan, tekura sereta lelabi

Sekeda alai main enbiak ti rosak ba Bukit Aup

Telaga Kumang Bukit Aup



Tengan bukit Taman Bukit Aup

Pasar Julau

2. Belajar Idup di Tanah

Peluang ukai suah, kengka ke bisi awak, nya meh kena kitai mai bala nembiak belajar beridup di babas. Beridup di babas enda ibuh belabuh ari begiga ka utai ti tau di empa tang belabuh ari ngidup ka api ba kerangan tauka ba sebarang alai di tanah ngena daun tauka kayu mati. Ngiga kayu mati pan siti ari chara sida tau belajar ngena duku, kapak sereta ngelala bengkah kayu ti ulih empa api. Kelimpah ari nya nembiak mega bisi peluang belajar ngena sebarang utai ti bisi baka dan kayu sereta buluh kena betusuk ka sayap manuk, ngut sereta ikan ti di panggang.

Manggang pemakai ngena chara di babas



Manggang pemakai - manuk/dagin/ikan/jelu babas

Mandi muai lelak ba ai sungai ti senayau sereta beresi

3. Ngetu Nemuai ngagai kaban belayan

Bejalai jauh tu tadi sempat mega ngulu ka bala nembiak nemuai ngagai kaban belayan. Peluang tu ukai ga selalu, kengka ke mansa, lalu ngetu awak ka bala nembiak ingat sereta ngelala kaban belayan lebih agi enti bala alai nemuai nya petunggal ti agi semak tang pendiau kitai jauh ari pangan diri.

Nasib amat ga, bala ti di tuju nya bisi di rumah, terubah, nemuai ngagai Apai Robert (Dato Janting) ba pasar Julau, lalu ke dua, Apai Nini (Cikgu Jeffrey Jugah) ba Kerangan buluh kira pejalai 20 minit ari Pasar Julau.

Nemuai ngagai Apai Robert sebilik

Nemuai ngagai Apai Nini ba Rh Tujang Kerangan Buluh

Lepa Pengawa Cuti Hari Raya (Part 1)

1. Ngulu Watt Zacques Ngumbang Kawin

Ngenatai ka pengaga ati ngagai Mr. & Mrs. Frederick Taip di Salim Sibu, laban anak tuai seduai udah mujur ngepun niri ka rumah tangga. Kami sempat ngenatai ka diri ngulu pengawa Watt Zacques kawin ba Rh. Mengga, Ulu Salim.

Watt, kami menyanak ngenatai ka pengaga ati ngagai seduai, pia mega meri "Selamat Penganti baru"

Watt Zacques seduai EndunTommy

Apai Dom (Patrick Anong), Apaienduq sereta Apai Phill (Jonnidi Subib) seduai Ayob



Umang seduai Indai Adin

2. Makai mee ba Simpang Sri Aman

Apai Eva ngetu belelak ba bus stop enda jauh ari SMK Malugu, enda di sadang tepeda ka kereta siti datai ari Kuching. Tekenyit iya meda kami menyanak, lalu terus call. Nadai mayuh jaku, aku lalu mai iya nikal ngagai Simpang Sri Aman ngetu belalak kelimpah ari makai mee enggau ngirup "kopi wo kau" ngicha ka enda ngantuk.

Sida Apai Eva ari SMK DP Kedit Betong mansang deka nemuai ke Kuching ngabas rumah sereta nemuai ngagai Kpg Singai, Bau. Apai Eva, Selamat Bercuti ngagai kita menyanak.

Hahaha Watt, Apaienduq enggau Apai Eva, mee goreng empu pasal, chapak lichin

Ayos seduai Ujang kunsi sepinggai mee



Laichee nyadi favourate Ayos seduai Ujang

Eva seduai adik baru udah makai mee