Aum Besai Sarakup Indu Dayak Sarawak (SIDS)

SIDS udah mujur ngatur aum 2 taun sekali kena 26.3.2011 tu tadi ba Kuching. Sekali agi Ex-Senator Datuk Sri Empiang di padu nyadi Tuai SIDS ka renggat 2011-2013. Ia udah di padu nyadi Tuai SIDS kenyau ari kira-kira 1991 nyin suba.

Ngenatai ka pengaga ati ngagai semua pengari/delegate SIDS ari semua pampang seluruh Sarawak, sereta arap ka SIDS terus ngerembai ka penemu ngagai semua bala indu Dayak, lebih agi ngagai sida ti tinggi pelajar sereta bala indu ti agi biak sama begulai dalam SIDS nadai ngira ideology politic.

Pangan diri enda sempat ngenatai ka diri maya YB Datuk Douglas Uggah bejadi ka aum pagi nya laban pangan diri ngulu pengawa ba endur bukai. Tang taja pia, sempat ngenatai ka diri kira jam 10.00 pagi sebedau aum belabuh.

Sempat ngetu ngirup lalu ngambi peluang berandau enggau YBhg. Dato Sri Tra Zehnda seduai anak iya. Randau ngenang sekeda pengawa SDNU/SIDS besaup ngangkat ka pendiau pengidup Dayak lebih agi di menua pesisir. Terima kasih ka YBhg Dato Sri Tra laban ti ngunsi mayuh amat peneleba iya kena ngangkat ka SDNU lalu kala di padu nyadi Tuai SIDS. Indu siku tu endang nadai kala rangka bebagi ka penemu kenyau mula bekelala enggau iya ari taun 1983 suba. Iya semampai ingat ka mua siku-siku mensia taja pan umur iya udah lebih 85 taun.

YBhg Dato Sri Tra, kami besampi ka nuan meruan gerai belama, awak ka nuan semampai ulih begulai enggau kami maya ngintu Gawai Dayak ninting taun. Kami nemu nuan meh orang ti merambu ka Gawai Dayak di intu ninting taun kena 1 haribulan Enam. kami nemu, nuan mula mai perambu nya ngagai Kunsil Nengeri dalam taun 1965, taja pan Gawai semina di kemendar, belabuh di intu dalam taun 1966.

Sekeda kaban SIDS ari Sibu

Pn. Rossie ari Sarikai nerima Chek RM10,000 ari Pengerusi IWCT

Pengerusi SIDS Sibu Ir. Alice Jawan nerima Chek

Kaban SIDS Sarikai

Numpang kaban SIDS Sarikai

Bala pengari/delegates SIDS Sibu udah sedia mupuk ngagai alai BGM

Sekeda kaban SIDS Sibu ti udah sedia beranti

Sekeda kaban SIDS Sibu ti udah sedia mupuk


Ayos ngambi peluang begambar enggau kaban SIDS Sibu (Ika-Indai Saying & Ibu-Indai Falicka)


Kaban SIDS Sibu mupuk ngagai alai Baum

bBerita ayan ba Borneo Post


Berita ayan ba Borneo Post

cda

Sarawak Dayak Graduate Association - AGM

Berita ayan ba Borneo Post 28.3.2011

Ngenatai ka pengaga ati ngagai semua kaban Komiti Besai SDGA ti betuai ka Dr. Dusit Jaul. SDGA udah mujur baum sereta milih kaban komiti baru kena 27.3.2011 tu kemari.

Aum SDGA sekali tu meh ti terubah nadai kena rindas enggau penemu politik, lalu ngujung ka pengawa bepilih mujur amat di pejalai ka nitih ka atur demokrasi. Ngenatai ka pengaga ati ngagai Dr. Dusit Jaul ti semampai megai penemu tengahari.

Nitih ka berita ari Report ti di bantai maya baum nya, SDGA udah mujur amat bejalai ka mayuh pengawa di kena ngangkat ka pelajar sekula ka bansa Dayak ke lebih agi di menua pesisir. Dalam kandang setun ti udah lalu, SDGA mega mayuh besaup ngereja pengawa begulai enggau SDNU, SADIA, DBNU, OUNA & SIRA ba pelajar sekula enggau Cultural.

Komiti baru SDGA 2011-2013


Sekeda kaban SDGA


Sekeda kaban SDGA


Dr. Dusit Jaul menang di pantai (uncontested) President SDGA ba renggat ke dua


Dr. Dripin siku ari Senior member SDGA ti bisi datai meri moral support ngagai kaban komiti SDGA ti baru


Dr. Elly Luhat, Vice President (Orang Ulu)


Dr. Dusit Jaul President SDGA ngenatai ka tanda pengingat ngagai siku ari Komiti Bepilih


Register Counter

aab

Tekat Ai Lubok Antu Langkang ari Selama

Taja udah buntau ngulu pengawa Igat Bujang Jegak ba Sri Aman malam sampai ka tumu pagi, enda ga ngelebu bala Ipar di SK Nanga Sekarok Lubok Antu. Nemuai kia laban pejalai ari Sri Aman ke Sekarok kira sejam setengah aja. Tambah mega bala Ipar udah nyangkung meli ngut enggau ikan sungai tumu-tumu pagi.

SK Nanga Sekarok, kira 10 minit pejalai kereta ari tekat ai Lubok Antu. Sema ka jaku, keching enggau rauh ai ari tekat pan ulih datai ba sekula nya.

Pemulai nemuai, limpang ga enda lama ngelawa tekat kia, laban sengaja mai Ayos meda utai ti di kumbai tekat ai, alai mansut ka kuasa karan ti di kena ngidup ka api, ngidup ka pam aquarium, ngidup ka computer, ngidup ka tv enggau VCD player ti di kena besari sari.

Emmm, jampat ga Ayos nemu laban kala meda gambar-gambar ti di ambi ba Bakun ngelama tu lalu suah ga becherita ka pasal karan ari solar. Ba rumah panjai din pan agi ngena karan ari solar maya siang tang generator maya malam.

Posing ngayan ka buah lemba udah belauk ka ikan baung rebus enggau ikan lulun (tunu dalam daun pisang)

Paras ai ba tekat Lubok Antu langkang ari selama

Alai bala kaki nginti beperuan

cda

Welly & Dianna Kawin di Sri Aman

Ngenatai ka pengaga ati ngagai Igat Welly Besi (Bujang Jegak/Tapoi) seduai Endun Dianna Bauk sereta apai enggau indai seduai laban ti udah mujur ngerami seduai ti baru jadi melaki bini niri ka rumah tangga.

Pesan sereta sampi ari kami sebilik, ngajih ka seduai terus beranak betelesak sereta ngembuan bilik ti likun sereta semampai nerima berkat ari Allah Taala sampai ka jemah ila.

Taja pan pengerami nya di atur ba restoran di Sri Aman tang mayuh amat mega bala kaban belayan sereta bala bakih seduai kelimpah ari bala kaban apai indai seduai ti datai ari jauh enggau semak. Sekeda datai ari Miri, Bintulu, Sibu, Machan, Saratok, Betong sereta Kuching kelimpah ari bala di Sri Aman dia empu.

Pengerami malam nya mega bisi di tampung ba rumah di Taman Vistago sampai ka pagi. Sempat ga enggau datai ke rumah tang semina dugau-dugau ngemata ka sida Igat Bujang Lemanak.

Selamat Melah Pinang ka Igat Welly Besi seduai Endun Dianna Bauk

Igat Welly Besi seduai Endun Dianna baru datai

Jaku pengelalu ari Indai Dianna

Manuk tangkap basah lalu di sabung bejaku ngari ka sida Igat Welly Besi sebilik


Cikgu, malam nya nyadi MC sereta penyanyi serba boleh!!!

Endun Dianna nyapi Ayos ngena Kek tikah

Raban temuai ti datai ari Bintulu, Sibu, Machan enggau Kuching

Peluang Apaienduq ngenatai ka pengaga ati ngagai Igat Welly seduai Endun Dianna

sIgat Welly seduai Endun Dianna nyadung ai tikah, ngagai meja Indai Du seduai Indai Enduq

Igat Welly seduai Endun Dianna begulai enggau sekeda raban Cyber ti datai ari Kuching

Apaienduq begulai enggau menyadi, Johnny Edward seduai Apai Abo


Cikgu MC belelak enda lama

Bala ibu & aya Igat Welly ti datai ari Miri enggau Machan

Ayos enggau disco kena nagang diri ari tinduk ba kerusi


Bala Uchu Putera ari Kuching


Bala Merkah Fajar @ Stephen Dass ari Kuching


Bujang Lemanak merindang bala mayuh

"Beduan" "P Welly seduai Dianna" ari Sri Aman

aab

Makmal Analisis Rangkakerja Lojik NRE Malaysia

Salam hormat kepada rakan-rakan yang telah sama-sama menyertai makmal tersebut selama 3 hari sehingga larut malam bermula dari 6/3 -8/2011 yang lepas.

Makmal tersebut bertujuan untuk menyediakan Kertas Rancangan masing-masing satu Projek bagi Semenanjung, Sabah dan Sarawak di bawah Kementerian Alam Sekitar dan Sumber Asli (NRE). NRE telah di beri Peruntukan tambahan dari Kerajaan bagi projek-projek baru pemeliharaan alam sekitar untuk tahun 2012 dan 2013.

Perbincangan 3 hari tersebut menjadi peluang bertemu rakan-rakan lama dari seluruh Semenanjung atau KL dan juga Sabah selain dari bertemu bekas pensyarah dalam tahun 1989, En. Awang Nor (Sekarang Profesor Dr.) selaku menjadi fasilitator makmal.

Terima kasih kepada "Boss" kerana memberi peluang kepada saya menyertai makmal tersebut.

Para Peserta Makmal datang dari berbagai Agensi Kerajaan dari Semenanjung Malaysia, Sabah dan Sarawak

Profesor Dr. Awang Nor Abd. Ghani Facilitator dari Fakulti Perhutanan UPM Serdang

YBhg. Dato Pengarah Perhutanan Semenanjung Malaysia

Kementerian Alam Sekitar & Sumber Asli Malaysia

Nya pengawa orang duduk di belakang

Pemandangan dari Grand Margaretta Hotel - Pemebersihan alam sekitar (sungai)

cda

Komiiti Pekit Badminton SDNU nemuai ngagai YB Dato Sri William Mawan

Raban Komiti pengatur Pekit badminton SDNU serambau enggau Gawai Dayak 2011 tu udah mujur nemuai ngagai Menteri Pembangunan Sosial dan Urbanisasi Sarawak, YB Dato Sri William Mawan kena 9/3/2011 nyin kemari.

Tuju penemuai nya tadi laban ti minta sukung ari Kementerian Pembangunan Sosial dan Urbanisasi Sarawak (KPSU) ngatur begulai Pekit Badminton ti terubah di ungkup ngagai semua raban Dayak ari semua agensi Perintah, Kompeni Luar sereta gerempung-gerempung NGO.

Terima kasih ngagai YB Dato Sri William Mawan laban ti ngemendar ka SDNU sekali da ngatur pengawa begulai enggau KPSU. YB Dato Sri udah ngenatai ka semaya mantu wang ti di kena ngatur pekit nya RMxx,xxx.00 ungkus kena nyedia ka Trophies, Tanda Pengingat, Sijil, publicity, saguhati sereta utai bukai ti bisi sangkut paut enggau pengawa nya ti deka di atur belabuh ari 30/4/2011 ngagai 2/5/2011.

Pekit tu di buka ngagai semua Team Badminton raban Dayak seluruh menua Sarawak/Malaysia. Berita ti silik bekaul enggau pekit nya tau tanya ari Secretariat/Opis SDNU 082-570433.

YB Dato Sri William Mawan begambar begulai enggau sekeda raban Komiti Pengatur Pekit Badminton Tertutup Dayak (En. Edmund Renggie, En. Anthony Banyan, En. Ngalih Tinggi & En. Simon)

Randau udah nyadi


Berita ti ayan ba Utusan Borneo


Berita ti ayan ba Borneo Post

aab