Peransang Pelajar ka Bala Anak kaban SIDS

Kenyau ari taun 1983, SIDS udah meri peransang pelajar ngagai bala anak serakup. Meri puji ngagai semua Komiti SIDS laban ti nyedia ka belanja ti besai meri peransang pelajar ninting taun. Ninting taun jangka ka enda kurang ari RM10,000.00 di ungkup ka ngagai peransang pelajar. Bala nembiak anak kaban SIDS ti nyulut aja bisi peluang nerima peransang tu. Ngenatai ka pengaga ati mega ngagai bala nembiak ti nyulut, lalu pengaga ati mega ngagai apai indai kita ti sama meri peransang kita mujur ba sekula.

 

Belanja ti mayuh nya tentu mega datai ari bantu bala pengari/YB sereta ari opis-opis perintah sereta kompeni luar ti bisi penyiru ngagai SIDS. Kitai berterima kasih mega ngagai orang ti meri belanja nya, arap ka sida enda ngetu meri taun dudi ila, awak ka bisi dikena SIDS ngadu ka pemansang pelajar sekula ka sekeda anak Dayak.

Nya alai bala bukai, ti indu ti ukai kaban SIDS, anang berunding dua tiga kali meh, masuk meh nyadi kaban SIDS awak ka lalu nyadi kaban SDNU. Kebuah pia, nya seiti ari jalai kitai begulai bekunsi ka penemu enggau bebagi ka pengeliat ati mantu anak kitai mujur ba sekula. Kitai begempung ngena SIDS dalam SDNU mega tau amat meri kitai peluang ngereja pengawa begulai ti tau nguntung ka bansa enggau menua, sema jaku ngelama tu bisi penemu pechah dua pechah tiga, nya ukai tegal SDNU tauka SIDS tang mensia ti di kearap nyadi tuai dia ti mai pechah belah pambar pepar.

Serempak enggau pengawa meri peransang pelajar sehari nya, SIDS mega bisi ngatur Ceramah Motivasi Pelajar ngagai bala nembiak ti ba Pom 3, Pom 5 enggau Pom 6. Dr Dusit Jaul ti nyadi President SDGA seduai Cikgu Jemali Sunang ngenatai ka jaku peransang ka bala nembiak.

YB Datuk Alexander Nanta Linggi begulai enggau Komiti SIDS

Mr. James Chabu nerima peransang pelajar ngari ka anak tunggal seduai iya Dr. Lullie Melling

YB Datuk Alex Nanta ti nyadi temuai begulai enggau raban Komiti Besai SIDS serta penceramah Dr. Dusit Jaul seduai Cikgu Jemali Sumang

Bala kaban SIDS ari mayuh pampang/Unit di Kuching

Sekeda temuai ti bisi datai ngulu pengawa meri peransang pelajar ngagai anak kaban SIDS

Pekara ti di bantai Dr. Dusit Jaul

cda

SEC SDNU Installation and Dayak Golf Tournament Dinner

Serambau enggau Gawai 2012 tu tadi, Komiti Besai SDNU bagi 2012-2015 ti betuai ka President SDNU, YB Tan Sri William Mawan ti lalu nyadi Menteri Pemansang Sosial Sarawak udah mujur ngatur pengawa angkat sumpah mangku pengawa ba mua YB Dato Sri Douglas Ugah Embas Menteri Sumber Asli Malaysia.

Kena 16/6/2012, pengerami makai serambau enggau angkat Sumpah Mangku Pengawa Komiti Besai SDNU ti udah di pilih kena 7/4/2012.  Pengerami nya di gulu bala kaban belayan ti main golf ti datai ari jauh enggau semak ari Kota Kinabalu, Labuan, Johor Baharu, Kuala Lumpur, Trengganu, Miri, Bintulu, Sibu, enggau Kapit kelimpah ari raban SDNU di Kuching ti ngemenuh ka kira 85 iti meja. Ari sukung bala mayuh ngagai SDNU, nya alai meja 20 iti ambis di jual enggau rega RM2,000.00 kelimpah ari rega RM750.00

Serebak enggau pengerami nya, SDNU mega terubah ngatur Pekit Main Golf di kena ngerami sereta ngiga belanja. Ari Pekit Golf duit ulih gumpul kira sepenyampau RM16,000.00 lalu kelimpah ari nya, sehari sebedau pengerami nya, bala komiti Besai SDNU mega mujur ngumpul kira RM35,000 wang sponsor ka Golden Voice.

Supreme Executive Committee Members SDNU (2012-2015)

 YB Tan Sri William Mawan

 Bala members Supreme Executive Committee SDNU

 Meja bala VIPs

YB Tan Sri William Mawan ngenatai ka tanda pengingat ngagai YB Dato Sri Douglas Uggah Menteri Sumber Asli Malaysia ti nyadi GOH malam nya

Tan Sri William Mawan Golf Championship Challenge Trophy

 Nerima tanggung pengawa nyadi Vice President 1 SDNU ari YB Dato Sri Douglas Uggah

 Dr. Elli Luhat seduai Jonathan Bangau

Tan Sri William Mawan begulai enggau bala pengajar Cikgu Mabong sereta bala bukai

Raban SDNU ari Sarikai betuai ka Pn Rossie Jita

 Bapak Agustinus Clarus bersama 3 rakan pemain golof dari Pontianak turut menyertai Perlumbaan Golof President SDNU 2012

 Mr. Thomas Tegong Laka ari Waifm Iban benung ngenatai ka berita pekit main golf terus ari Kelab Golf Unimas

Banner tisi jalai

SDNU President Challenge Trophy (Golf 2012)

cda

Gotong Royong SK Jalan Arang

SK Jalai Arang udah mujur amat ngatur pengawa gotong royong kena 23.6.2012 pagi hari Enam. Taja pan kiruh pengawa bukai, limpang mega ngulu gotong royong laban deka "mandang ka mua mata, awak ka semampai di kelala bala cikgu dia, aku tu meh apai, sanu anak sanu". Ha ha ha ukai jai runding nya deh bala cikgu, tang ngicha ka anak diri semak enggau kita. 

Ayos ti bendar amat ngansak apai iya mesti datai "guntung runyung", surat beri cikgu enda tau enda, pia kenu ko iya, nyau ransing ga tudah pangan nurun pagi nya, tambah mega bala cikgu SK Jln Arang nya friendly magang mina seiku dua aja ti enda bekelala.

Ngenatai ka pengaga ati ngagai Komiti Pengatur pengawa Gotong Royong SK Jalai Arang lebih agi Cikgu Kisun seduai Guru Besar ti di peda kiruh amat ngatur pengawa pagi nya.

Cikgu Kisun Kimbun benung meri penerang ka aktiviti gotong royong

Bala apai indai benung rejister taja pan nyau udah laun ari jam ti di letak ketegal cikgu ti mai list nya laun datai ari apai indai nembiak

Guru Besar Cikgu Thalasa Umi meri jaku pengelalu ngagai semua apai indai

Seiti ari kerja gotong royong - ngupas parit besai

cda

SK Ulu Engkari

SK Ulu Engkari enda jauh, ari ulu Rh. Jaong, kira pejalai kaki antara 20 - 30 minit. Jalai darat nembiak sekula seigi meruan tang maya sungai Engkeramoh bah, bala nembiak semina nurun ke sekula di anjung apai indai ngena perau. Tang diatu, penanggul nya kira udah teputar laban di bantu ITTO nengah sida Jabatan Hutan ngagai projek nya ka penguntung orang di menua pesisir.

Pekara pasal sekula tu,  enda tentu chukup silik temu laban nadai peluang berandau enggau bala cikgu, sida ia benung bejalai ka aktiviti general cleaning maya kami sebuat nemuai kia. Tang taja pia sekeda info ti di padah ka Guru Besar maya ti berandau ngerampas, sekula nya jarang/nadai kala di lawa temuai tau pemesai ari opis-opis perintah.

Nya kebuah bala nembiak sekula sereta apai indai sida ti ngelingi SK Ulu Engkari amat beguna ka "exposure" kena sida iya muka mata enggau runding nambah ka pengeransing sida iya nuju pemandai. Kira minta di motivate meh tudah sida iya.

Sinu ga ninga tudah Guru Besar ngenatai ka sebana utai ti munyi nya, nyau muka mulut ga pangan diri, kena ngelubang ka iya jalai. Kelimpah ari nya, nyau enda chechamang ga tudah pangan diri ngenatai ka sebana ari tudah Guru Besar nya ngagai Kaban Parliament Lubok Antu, YB William Nyallau sepengudah pengawa ti bejadi ka Sistem Tagang.

Peniki ngagai SK Ulu Engkari

Peluang berandau ngerampas enggau Guru Besar seduai Pemesai ari Opis Betanam Tom Sumok maya ti nemuai ngagai SK Ulu Engkari

Sekeda nembiak ba asrama SK Ulu Engkari, mantai ka tuchum taja empai nemu pengujung pejalai pengidup jemah ila.  Giga meh chara mantu sida tu, awak ka sida ia mansut ka diri ari penyeranta di ulu sungai/menua pesisir

Bala nembiak SK Ulu Engkari ti aus ari berita dunya luar, minta suah agi temuai datai ngiring sida nuju pemandai, pia jaku ari Guru Besar

 cda

Sistem Tagang Ulu Engkari - Projek ITTO

Nasip amat ga, bisi peluang nemuai ngagai Rh. Jaong, Lubok Pantu Ulu Engkari kena 12/7/2012 ngagai 13/7/2012 tu tadi. Nitih ka program mula, semina di Sri Aman aja alai bitau-bitau, udah nya nerima berita raun ke Ulu Engkari. Enda ga enggai laban ti nadai kala mudik Engkari. 

Pejalai merau ngena 15 kuda, ari Tekat Hydro Lubok Antu ngagai Rh Jaong ba Lubok Pantu enda kurang 4 jam. Di kira jampat amat meh nya laban ai Engkari sehari nya bisi dalam ari selama, nadai rantau ayan, kira nadai meh endur rindang bebatak ka perau.

Mupuk jam 10.45 pagi ari Tekat Ai,  lalu ngetu makai tengahari ba rantau jalai kira jam 12.03 tengahari, mupuk baru jam 12.27 pm lalu datai ba menua Rantau Kemayau Manis kira jam 1.02 pm. Mupuk baru ari Rantau Kemayau Manis kira jam 1.57 pm nuju Rh Jaong di Lubok Pantu lalu sangkai din kira jam 2.57 lemai.

Umbas ga pemenat/pengelelak duduk ba perau, tang bala di peda enjoy endar nengah/neresa menua ti ngemanah nya - ai Engkari beresi/chiru taja pan deras amat ba sekeda rantau ti nyau baka wong.

Peluang bejegau lalu enggau ngemata ka pengawa bejadi ka Sistem Tagang enggau bejadi ka seiti jematan pejalai kaki ari rumah panjai nuju SK Ulu Engkari.

YB Datu Len bejadi ka Sistem Tagang ba Lubok Pantu Ulu Engkari

YB William Nyallau Badak, kaban Parliament Lubok Antu ngenatai ka sekeda berita manah ngagai rakyat ba Rh Jaong enggau Rh Bada sereta SK Ulu Engkari sepengudah bejadi Sistem Tagang

Percik/chebuk bala ikan mantuk pemakai

Sekeda bala ari opis-opis perintah - Resident & District Office, Agric Dep, Police, Info Dept, Edu Dept, L & S Dept, ASB sereta Forestry Dept  ti datai ngulu bejadi Sistem Tagang,

YB Datu Len Talif ngenatai ka tanda pengingat Sistem Tagang ngagai TR Jaong ari Lubok Pantu, Engkari

YB Datu Len Talif ngenatai ka tanda pengingat Sistem Tagang ngagai TR Bada ari Ulu Engkari

Semua bala ti ngena 3 buah heli sebedau angkat ninggal ka SK Ulu Engkari

Angkat ari SK Ulu Engkari, nemu sinu ga "orang" meda tudah diri, agi belala di Ulu Engkari di "offer" orang pulai ngena heli, nadai jalai ga kaban muai peluang, saut malu-malu ati tuchum!!!...yeeeesss sir, TQ

Landing & ngisi minyak ba Sri Aman

Helicopter landing ba Simpang Gensurai Betong, ketegal hujan lebat sereta ribut balat ba Saratok enggau Betong

cda