Nemuai ke Sibu & Ngabang Gawai di Sarikai

1. Randau Tiga Pampang SDNU Sibu

Sempat nemuai ngunjung bala di Sibu kena 21/5/2009 tu kemari. Sori amat laban ti laun amat mansut ka berita tu ba Penjurai, ukai nama laban penanggul dunya siber ba rumah bisi nyadi. Maya ti segau-segau enda ga tegaga ka pengawa.

Ngenatai ka pengaga ati ngagai bala menyadi kitai di Sibu laban ti udah ngatur randau antara 3 iti pampang SDNU di Sibu. Randau nya tadi lalu di serebak enggau pengawa sida ti benung belatih choir, lagu SDNU.

Taja pia minta ampun amat-amat laban nyau enda sempat ngabang Gawai SDNU Sibu kena 23/5/2009, setegal bisi ngulu pengawa anak petunggal nikah ba Grand Palace Hotel di Miri ba jam enggau haribulan ti sama.

IR Alice Jawan pengerusi SIDS Sibu

Mr Chambai Lindong Chairman SDNU Sibu

Bala Komiti ari 3 Pampang SDNU Sibu

Bala kaban Choir SDNU Sibu

Belatih belagu Gawai enggau lagu SDNU

2. Gawai SDNU Pampang Sarikai

Selamat Gawai ngagai bala kita di Sarikai, taja pan udah laun tang pengerami Gawai kita suba boleh tahan. Ngenatai ka pengaga ati mega ngagai bala komiti Gawai taja pan mayuh nyau udah tuai tang rami mega pengawa di atur.

Taun dudi ila arap ka bala nembiak baru meh nyadi komiti pengatur Gawai kita di Sarikai, awak ka bala ti nyau umur belelak duduk nengkila ka pengawa rebak baru.

Siti pekara ti nyelai, jangka aku enda tentu "chun", anang sekali-kali ngambi bala bukai miring ka kitai, laban asai sepi aku nyau enda tentu betul amat iya ba nya. Minta ampun meh enti komen aku enda patut di pansut ka ba tu.

YB Ding seduai President SDNU Mengga Mikui di basa ngulu miring Gawai

Bala pengabang mayuh

Bala pengabang mayuh

Kaban SDNU ari Sibu & Kuching

Augustine Merikan pengari SDNU ari Kuching benung belagu

Nyeradak ka ai pengayu

Begulai enggau bala Kumang Gawai Sarikai

Kumang Gawai Sarikai 2009