Raun-Raun Matau Menua (Part 3 - Penudi)

1. Pasar Kanowit

Mulai ka pengingat, nemuai ke Pasar Kanowit laban deka ngurut mee kampua. Tepantup ga penenguk, udah nuduk ka diri ba kedai kopi. Nadai lama ga nganti lalu datai ga kampua..... rrrrrrrrrrrrrrrrrr, ha ha ha panjai derut, lingkup semangku.

Nadai bula ka kaban, gerinti mee kampua Kanowit nadai sebaka asai dini-dini mee kampua di Sibu, Bintulu , Miri tauka Kuching, enti ngumbai bula, tanya uhang Kanowit (Lady Anne) !!!!!

Pasar Kanowit, ari kanan alai panggung wayang kelia, kami kala meda cherita indostan (hindustan kini !!!!) teket 30 sen, kaki A peda nyau mesai batang engkabang

Kubu Emma, alai opis-opis perintah sebedau taun 1990, ampit ga ngaga surat pengada enggau tingki ditu, gap amat sida ke tuai pama pulai ari kubu laban udah betemu enggau Tuan Dio (DO)

2. Pasar Sibu

Mansang ke Kanowit, tekenyit amat meda kapal accident, nasib enda runtuh bangunan, betul-betul nuju alai kaban gawa seberai jalan taun 1997 suba.

Nama deh jampat ga jari lalu ngambi camera, kachit tungga kia, nasib ga Endun Belalai nadai mansa nurun ke opis lama sida iya. Engka lama enda mansa, nya kabuah Endun Belalai seduai Bujang Cmanggang nadai berati ka Kapal atas bangunan !!!

Kapal lekat udah "ngelantak" bangunan di Jalai Lanang Sibu

Makai ketam bai Apai Ampi (Gabriel Blassan)

3. Pasar Selangau

Ngetu di Pasar Selangau laban ngiga pemakai bulu babas tengahari. Nasib enda berapa manah nadai ga bulih utai tang semina pemakai biasa aja.

Lebuh beranti ka bala kaban segau-segau ba tamu, aku lalu ngelimpang ka diri nurun tangga jelatong, apuuuuu langkang amat ai Mukah maya nya. Kelia pama ai langkang, mayuh ikan enggau undang dili din, tang enda nemu diatu laban ai balat keruh tambah mega kamah ari ladang sawit nerusul sungai.

Jambatan Sg. Mukah ba Pasar Selangau

4. Pasar Miri

Lebuh nganti jam ke chukup mangkung pukul 2, bala kaban bebai duduk ngirup ba kedai kopi ba sukut. Maya ke duduk dia, nyau ulih kira enggau jari sepiak ga pemayuh bas ke datai enggau mupuk.

Akai dai, nadai mayuh meh mensia ngena bas diatu banding enggau sepuluh taun nyin suba, ukai nama, mensia nyau udah "mampu" meli kereta & motosikal. Kereta "Sapu" pan bisi tang enda meh mayuh.

Station bas Miri sunyi

Nama Runding diri?

Berasai gaga mega anak ati bebacha ka surat berita berebak enggau pengerami Gawai taun tu tadi. Taja surat berita enda datai di rumah panjai tang minta galau lalu bayar dulu kandang ke 3 tauka 4 hari ba kedai maya gawai.

Mayuh amat berita ti manah-manah ayan ba surat berita, tang sekeda berita ti narit ati bai aku kunsi enggau bala kitai baka ti di baruh tu, awak ka bisi nyadi ka tenggau sereta lalau kitai bansa.

1. Gawai Dayak

Ati ti gaga ukai ga ketegal utai bukai, tang ninga langgur Lee Lam Thye madah ka Gawai Dayak tau nyadi siti ari pengerami nyerakup ka Malaysia. Manah amat meh nya tang sebedau kena nyerakup ka Malaysia, manah agi ga enti Gawai tu nyadi alai nyerakup ka bansa Dayak serta menua Sarawak dulu, udah nya ba peringkat Malaysia.

Aku ngari ka kami sebuat & sebilik meri besai terima kasih ngagai nuan Tan Sri Lee Lam Thye ti mantai ka penemu ti ngemanah nya. Arap ka tuai-tuai Dayak ngemanjai ka penemu nya meh pagila lusa!!!

2. Iban Boleh

Berita siti tu mega amat ngasuh ati kitai gaga. Boleh tahan amat meh sekeda kitai Iban, udah macha berita ti ayan ba Surat Berita, kaban aku pan becherita, madah ka siko kitai Iban mujur amat ngaga dagang di menua Kamboja. Penatai iya ari Lubok Antu tang kerja lalu bebini di Kamboja. Nitih ka cherita kaban aku tu ti selalu kuang kuit gawa din, tudah tu mujur muka dagang motor sikal kelimpah ari mujur ba construction industry. Ngenatai ka pengaga ati ngagai nuan kaban, aku nyau enda ingat ka nama iya !!!

Siti da berita ti temu pun taun tu tadi, siko kaban ti datai ari menua Song Kapit, Dr. Simon Sale, mega mujur amat di menua England. Iya udah di England lebih 30 taun, bepun ari belajar ka law, nyadi part time lecturer ba siti University sebedau iya muka legal firm. Nitih ka berita, diatu iya udah ngepun ka law school ka diri empu. Manah amat meh berita tu kena ngeransing ka bala kitai rebak baru. Ngenatai ka pengaga ati ngagai nuan meh Dr. Simon Sale !!!!!

Pulai ngagai berita ti ayan ba surat berita, amat andal asai ati, ninga berita sekeda bala kitai Iban, nyau ka dini-dini alai di dunya tu endor bekerja. Enti pia, OK ga kena kitai ngepun ka pengidup chara baru. Kitai tau beteladan ka bala china 100 taun nyin suba ngiga pengawa seluruh dunya temasuk lombong emas di Bau, lombong tin di Kinta & Kuala Lumpur, betangkal ga getah di Rajang, begiga ka gaharu di Baram. Diatu, pemujur sida iya chukup nyata seluruh dunya ba pengawa dagang ti lalu megai kuasa ekonomi lebih agi ba menua Asia.

Berita madah ka Bansa Iban ulih gawa ba dini-dini endor di dunya ayan ba Borneo Post

Berita pemansang menua ari Borneo Post

Raun Raun Matau Menua (Part 2)

Bandar Sri Begawan Brunei

Pemulai kami sebuat ari Limbang, nguji ngetu di Bandar Sri Begawan laban sekeda bala nya keran amat deka mulai ka pengingat sida kala diau ba Kampung Sampah Kuala Belait kelimpah ari diau ba Bandar Sri Begawan dalam taun 1975 -1980.

Akai dai, keno ka iya 30 taun mayuh amat berubah utai di Bandar, tentulah kaban ko aku, peda kitai empu suba kering ehhhh handsome, diatu mina ukai apeeekk.

Em kelimpah ari nya, jenaka ga bala sebuat, nukar RM100 tak mina BD40+++. Takut enda chukup cash, makai tengahari, dulu bekira ka rega, hehehe takut enda chukup duit Brunei meh nya.

Round About di Kuala Belait enda jauh ari Kampung Sampah kelia



Jalai di Bandar Sri Begawan semampai sunyi

Makai tengahari di Bandar Sri Begawai

Mansa Brunai

Beluru Bakong Baram

Segau segau ke Beluru, umbas iya ga pengerichuh pasar nya maya pagi hari. Jako sema, baka ba Jalai Gambier di Kuching suba, empa pemayuh mensia enggau kereta. Hahahaha... pengerichuh Pasar Beluru enda lama tang semina pagi aja, semak jam 11 pagi udah sunyi baru.

Sempat ga kami sebuat mansa tamu lalu be ambi ka gambar sida ti bejual ka bulu babas. Siti pekara ti ngasuh ati aku semampai betanya, meda bala ti bedaja dia, mayuh agi ti semina bejual ka upa palah aja. Kati meh tak nadai terunding bedaja ka dua tiga bengkah bulu babas awak ka nambah ka jalai ngulih ka asil duit ringgit.

Nya meh, asai sepi aku tak enggai nyadi alang-alang bedaja baka nya, enda berasai mega aku lalu ngerandau sekeda sida ti bedaja dia. Aku ngenatai ka anak penemu ngagai sida, setuju mega sida nambah ka pemayuh utai di jual minggu baru ila.

Selamat bedaja sereta mujur dalam semua pengawa ngagai kita di Beluru Bakong !!!!!

Pasar Beluru penuh kereta pagi ujung minggu

Semua sama semina upa palah, kati meh nagang diri bedaja ka sekeda bulu babas bukai kini?

Ikan Toman agi idup ba Tamu di Beluru

Bejual upa wi

Sekeda utai di jual ba Pasar Tamu di Beluru Bakong

Raun Raun Matau Menua (Part1)

Limbang enggau Lawas

Nadai cherita bukai deka di tusui diatu. Arap ka sekeda gambar tu meh mai sereta madah ka berita ti nyadi ba sekeda menua ti kena pansa.

Kereta betusun nganti ferry ba Sungai Trusan

Jambatan Sungai Trusan benung di gaga

3 Kg Ketam di empa tubuh 4 di kena ngemantup ka penenguk

New and beautiful CIQ Office at Trusan but the road not properly tar seal

Market, Wharf sereta Waterfront ba Pasar Limbang

Kuku ketam besai ari sudu, rega ketam di Lawas & Limbang kira RM7/Kg

Lapangan Terbang Limbang sunyi laban ti ngena Last Flight ari Miri

Lapangan Terbang Limbang basah

Watt & Anggat nemuai ke KL

Nyamai enda ga diatu, mindah kin kia mayuh pilih ni bagi ti deka di kena, bas, express ai, bilun tau ka private transport (Van Sapu), nya pejalai ari Kuching ke Sibu, Sarikai enggau Saratok. Tang pejalai ke KL kitai mina bisi siti pilih, bilun aja. Bilun pan nasib kitai tau milih tambang murah tauka tambang biasa.

Tambang biasa MAS, tambang murah Airasia, bisi pedis bisi ga nyamai. Ari tegal bisi tambang murahlah kaban ulih nganjung 2 anak bujang nemuai ke KL ngambi semua barang Enduq ti tinggal ba sida Indai Ansam di KL.

Orang ke empu barang enda ulih ke KL laban udah masuk orientasi di Unimas. Nasib ga iya mujur masuk ba Unimas, bisi ngurang ka belanja ngena Airasia lebih agi maya bebai ka barang. Kala mayar tambang barang sampai RM300, nyau lebih ari tambang ti semina RM79 (2 bulan booked).

Emmm mulai ngagai cherita anak bujang ke KL, utai ti di target nadai utai bukai, semina deka ngemantup ka penenguk makai Sate Kajang. Nasib sida Apai Ansam ulih ngulu ke Kajang alai asal Sate Kajang. Nama deh endang tepantup meh tetenguk, Anggat ngerekod 25 batang, Watt ngerekod 19 batang, banding enggau rekod apai 32 batang dalam taun 1987 kira agi jauh amat, tang nadai hal agi mayuh peluang mechah ka rekod, amat belajar bendar dulu.

Ayos nganjung Watt seduai Anggat di KIA


W ari 19 batang sate rekod gaga Watt

A ari 25 batang sate rekod terubah Anggat



Indai seduai Apai Ansam ngulu ka Watt seduai Anggat makai Sate di Kajang

Makai ba "Pasar Semalam-malam" taja pan baru pulai makai sate Kajang



Macham-macham ulih gaga ngena camera U Tough



Watt bejalai nuju Bukit Bintang ari Jln Hang Tuah

Indai Ansam ngulu bejalai-jalai di Bukit Bintang mansa Pudu Jail

Sekeda berita ari SDNU

1. Forum Dayak

SDNU nerima berita manah ari Borneo Post/Sunday Post/Utusan Borneo /Borneo Post Online pagi 6/7/2009. Berita pagi nya minta SDNU nyadi Co-Organiser Forum alai berandau ka sekeda pekara lebih agi ka leka jaku "Dayak".

Semua bala raban Komiti besai SDNU chukup pengaga ati laban sida ari Borneo Post nadai sanggu mai SDNU begulai ngatur pengawa ti nguntung ka semua raban bansa Dayak.

Jangka aku bala kaban SDNU tau amat beterima kasih ka Borneo Post laban ti sanggup nyedia sereta ngepun ka randau nya ka bansa Dayak. Bala kitai Dayak patut amat nerima penemu nya lalu nyukong randau nya ukai ngena duit ukai mega ngena tulang tang ngenatai ka diri ba forum nya, awak ka sida enda nemu jera ngatur pengawa berandau ka sekeda penanggur ti suah nuntung kitai.

Barang sapa bala kitai ti ti deka enggau ngulu pengawa nya tau meh datai ngagai Tingkat 9 Crown Towers, Jln Pending Kuching kena 11/7/2009 jam 1 - 5 lemai. Berita ti silik tau peda mega ba Borneo Post tau ka betalipun ngagai 082-454111.

Associate Profesor Dr Andrew Aeria ari Faculty of Social Science Unimas di padu nyadi moderator. Nitih ka berita ia di padu nyadi moderator laban iya siko ari bansa "Euresian". Berita mega madah ka bisi 6 speakers ti landik sereta mayuh peneleba ba pasal history, adat enggau pengidup Dayak, 2 ari Iban, 2 ari Bidayuh sereta 2 ari Orang Ulu.

Berita ari Borneo Post

Berita ari Borneo Post

Berita terubah ari Borneo Post



Mr. William Langgong ti nyadi Vice President SDNU ngenatai ka bantu ngagai Komiti pengatur Forum, Mr. Churchill Edward

2. Cultural Safari

Nitih ka berita ari SDNU, Cultural Safari tu, siti ari pengawa ti besai deka di atur SDNU ba taun tu ila. Pengawa tu ukai semina deka di atur ba menua Sarawak aja, tang deka di sengkaum ngagai menua tungga ke Kalimantan.

Kertas Kerja langgur pengawa nya udah di serah ngagai Menteri Pembangunan Sosial dan Urbanisasi, YB Dato Sri William Mawan kena 1/7/2009 tu tadi. Raban Komiti SDNU betuai ka President Mr. Mengga Mikui ngenatai ka penerang ngagai Yang Berhormat, awak ka opis Menteri (Ministry) bisi nyukong sereta mantu pengawa nya ila ti di sadang deka di atur begulai.

Sekeda pekara ke silik di padah ngagai YB Dato Sri, baka (i) pejalai ari Kuching mansa Lubok Antu lalu rembus ke Pontianak sebedau mulai ka diri ke Kuching, (ii) Program adat main asal, Ceramah pelajar, ekonomi, pengerai & sport, (iii) Atur/syarat orang ti enggau, (iv) Belanja & bayar, (v) Komiti pengatur pengawa.

SDNU bersai temegah amat ati laban Yang Berhormat chukup gaga sereta nyukong program ti di langgur SDNU nya, kena ngangkat ka kaul semua raban Dayak di Borneo kelimpah ari kena ngangkat ka nama SDNU ba bansa Dayak.

YB Dato Sri William Mawan

Nemuai ke Singkawang

Ujung minggu tu tadi nasib ga bala kaban bepadah betesau mai nemuai ke sepiak kin. Tiga kali udah planning deka ke Singkawang tang di insur belama setegal bisi penanggul berat.

Pemuas betesau, semina 22 kaban nyadi, 3 ari Sibu, 1 ari Bintulu 1 ari Miri lalu 17 ari Kuching, ti ngena 6 buah double cabin.

Tuju pejalai kami sebuat kelimpah ari belelak ujung minggu laban ti deka matau menua sereta ngabas sekeda projek pemansang ti tau amat di tunda kitai ditu. Kelimpah ari nya deka nambah ka kaul enggau raban bansa "serumpun" ti diau di menua tungga ka Jagoi Babang, Bengkayang, Sanggau Ledo enggau Singkawang.

Lawatan ini telah pun dirancang oleh pihak SDNU sebagai salah satu aktiviti tahunan untuk ahli-ahli dan rakan-rakan seluruh Sarawak. Ribuan terima kasih kepada pihak SDNU kerana telah mengelolakan lawatan ke tempat tersebut.

Para peserta juga mengucapkan jutaan terima kasih kepada rakan Dewan Adat Dayak di Kalimantan terutamanya Bapak Walikota Singkawang, Bupati Bengkayang, Camat Jagoi Babang dan Bapak Libel kerana sudi menerima, menyambut melayani kedatangan kami dari 26 - 28/6/2009.

1. Kunjungan hormat ke atas Bapak Walikota Singkawang

Begambar bebala mayuh enggau Bapak Hasan Karman Walikota Singkawang

Menyampaikan Cenderamata kepada Bapak Walikota yang disaksikan Pak Libel dan Cr. Petrus Francis Pehang

Walikota Singkawang Bapak Hasan Karman sedang menyampaikan ucapan dan taklimat kepada rombongan

Ahli-ahli rombongan sedang mendengar ucapan aluan dari Pak Libel


Bergambar kenangan denga Bapak Walikota Singkawang

Sebahagian dari ahli rombongan bergambar di depan Hotel Paseban sebelum bertolak ke rumah Walikota

2. Jamuan Malam di Rumah Pak Libel

Sudah capek dan kekenyangan Michael Lias, Anthony Banyan dan Boniface Barau

Pak Stefanus di apit Roland Renggie seduai Francis Mancha

3. Lawatan ke Perusahaan Tanah Putih

Tanah putih yang sudah kering di simpan dalam beg untuk di hantar ke Jakarta

Mesin untuk membentuk tanah menjadi butiran atau ketulan

Francis Mancha, Anthony Banyan, Jonathan Bangau & Langkasty Narang di Pantai Samudra

Manis Lintang & Anthony Banyan di Pantai Samudra

4. Lawatan ke Kilang Air Aqua

Kepingan Plastik diproses menjadi botol air minuman

Ahli rombongan di depan kilang Aqua (For3)

Mesin Acuan botol plastik

Pembalutan dan penutupan botol air mineral

Rombongan bergambar bersama Pengurus Kilang Air Aqua

Bangunan sarang burung di tengah Kota Singkawang

5. Sekitar Singkawang

"SINGKAWANG" di atas bukit memanggil kedatangan pengunjung

Hotel Paseban kadar sewa bilik yang sederhana tetapi agak jauh dari pekan

Rehat selepas menjamu selera di rumah Pak Libel

Pak Libel memberitahu Anthony Banyan menyediakan panggang "ngut" special

Para ahli rombongan di rumah Pak Libel menunggu hidangan malam

Pak Aseong (pengusaha walet) bersama rakan melayani ahli-ahli rombongan

Sebahagian ahli-ahli rombongan dalam bas menuju ke rumah Pak Libel

Ketibaan rombongan di hotel

6. Melintasi dan Singgah di Bengkayang

Makan tengahari di Mess Pemerintahan di Bengkayang

7. Singgah dan melawat di Jagoi Babang

Salah satu pokok "daun sabung" saiz luar biasa di tanam di kebun

Bapak Camat turut sama melawat ke salah satu kebun jagong

Kebun sayur/terung panjang

Perjalanan kami diiringi oleh Polis Peronda Lebuhraya dari Sarikin ke Singkawang dan balik semula ke Sarikin (Pejalai kami sebuat di sempulang Bapak Bapak Polisi)

Pejalai kami belabuh ditu meraka antara menua