1. Pasar Kanowit
Mulai ka pengingat, nemuai ke Pasar Kanowit laban deka ngurut mee kampua. Tepantup ga penenguk, udah nuduk ka diri ba kedai kopi. Nadai lama ga nganti lalu datai ga kampua..... rrrrrrrrrrrrrrrrrr, ha ha ha panjai derut, lingkup semangku.
Nadai bula ka kaban, gerinti mee kampua Kanowit nadai sebaka asai dini-dini mee kampua di Sibu, Bintulu , Miri tauka Kuching, enti ngumbai bula, tanya uhang Kanowit (Lady Anne) !!!!!
Nadai bula ka kaban, gerinti mee kampua Kanowit nadai sebaka asai dini-dini mee kampua di Sibu, Bintulu , Miri tauka Kuching, enti ngumbai bula, tanya uhang Kanowit (Lady Anne) !!!!!
Pasar Kanowit, ari kanan alai panggung wayang kelia, kami kala meda cherita indostan (hindustan kini !!!!) teket 30 sen, kaki A peda nyau mesai batang engkabang
Kubu Emma, alai opis-opis perintah sebedau taun 1990, ampit ga ngaga surat pengada enggau tingki ditu, gap amat sida ke tuai pama pulai ari kubu laban udah betemu enggau Tuan Dio (DO)2. Pasar Sibu
Mansang ke Kanowit, tekenyit amat meda kapal accident, nasib enda runtuh bangunan, betul-betul nuju alai kaban gawa seberai jalan taun 1997 suba.
Nama deh jampat ga jari lalu ngambi camera, kachit tungga kia, nasib ga Endun Belalai nadai mansa nurun ke opis lama sida iya. Engka lama enda mansa, nya kabuah Endun Belalai seduai Bujang Cmanggang nadai berati ka Kapal atas bangunan !!!
Nama deh jampat ga jari lalu ngambi camera, kachit tungga kia, nasib ga Endun Belalai nadai mansa nurun ke opis lama sida iya. Engka lama enda mansa, nya kabuah Endun Belalai seduai Bujang Cmanggang nadai berati ka Kapal atas bangunan !!!
Kapal lekat udah "ngelantak" bangunan di Jalai Lanang Sibu
Makai ketam bai Apai Ampi (Gabriel Blassan)3. Pasar Selangau
Ngetu di Pasar Selangau laban ngiga pemakai bulu babas tengahari. Nasib enda berapa manah nadai ga bulih utai tang semina pemakai biasa aja.
Lebuh beranti ka bala kaban segau-segau ba tamu, aku lalu ngelimpang ka diri nurun tangga jelatong, apuuuuu langkang amat ai Mukah maya nya. Kelia pama ai langkang, mayuh ikan enggau undang dili din, tang enda nemu diatu laban ai balat keruh tambah mega kamah ari ladang sawit nerusul sungai.
Lebuh beranti ka bala kaban segau-segau ba tamu, aku lalu ngelimpang ka diri nurun tangga jelatong, apuuuuu langkang amat ai Mukah maya nya. Kelia pama ai langkang, mayuh ikan enggau undang dili din, tang enda nemu diatu laban ai balat keruh tambah mega kamah ari ladang sawit nerusul sungai.
Jambatan Sg. Mukah ba Pasar Selangau4. Pasar Miri
Lebuh nganti jam ke chukup mangkung pukul 2, bala kaban bebai duduk ngirup ba kedai kopi ba sukut. Maya ke duduk dia, nyau ulih kira enggau jari sepiak ga pemayuh bas ke datai enggau mupuk.
Akai dai, nadai mayuh meh mensia ngena bas diatu banding enggau sepuluh taun nyin suba, ukai nama, mensia nyau udah "mampu" meli kereta & motosikal. Kereta "Sapu" pan bisi tang enda meh mayuh.
Akai dai, nadai mayuh meh mensia ngena bas diatu banding enggau sepuluh taun nyin suba, ukai nama, mensia nyau udah "mampu" meli kereta & motosikal. Kereta "Sapu" pan bisi tang enda meh mayuh.
Station bas Miri sunyi
.jpg)
4 comments:
hahaha ukai nama tua BujangC enda memunyi!! kapal udah dibasu enggau ai Sibau!!! :D
Apuuu EndunB, pia neh, balat ga ai Sibau, besai ampuh bah kita dia, heran ga diatu kemarau panjailah?
Salam
Kala ke mansa ruai nuan apai enduq enggai enda enggai pan nuduk ka diri ga aku.
Tepeda ka gambar Sungai Mukah ti diambi nuan, naka ga penyinu ati laban kelia udu penyiru ai Mukah ba senentang gambar ti diambi nuan nya. Endor kami betundi-bebuti lebuh mandi lemai.
Enda nemu aku agi madah, kemaya kitai tu sedar. Ai sungai udah ambis keruh. Tanah udah ambis rampas. Bisi pemandai enda dditerima kereja. Tak sebut aja utai semua mangka kitai magang.
Enda bula kitai agi ngembuan pikir iko sirat. Anang enggai kitai ninga lebuh urang nyema ka kitai. Enti enggai ninga tunjuk ka ngagai urang kitai udah jauh nyingkang.
Bah...apai enduq, ngangkat ka diri dulu aku. Ila ngetu baru ga aku lebuh mansa.
Aki Andan
Terima kasih kaban, maya mansa anang enda duduk.
Ba pendai masu kaki aja meh enti balat keruh, mua tau basu di rumah ngena ai ujan. Ai bukit balat amat langkang dinga aku. Kitai mina mulai ka pengingat aja, meda sungai meda babas tang enda nemu manding, kelia ukai bisi camera/video kitai.
Kaban, maya lantang bekangau ga kitai, nyau lelengau ka pangan diri. Apai Leonard di Sibu lama meh nadai ngangau, nama enda berita iya diatu neh !!!!
Ila nemuai baru kaban
Post a Comment