Sekeda Pengawa Ujung Minggu

1. Nemuai ke Bukit Kemuyang Sibu

Makai serumpu ba rumah kaban, unggal Umpi. Program ngejut di bai kaban aku Chambai Lindong seduai Augustine Merikan.

Nasib ga Cikgu Henry Igo sanggup nyadi driba nitih ke Bukit Kemuyang. Terima kasih ngagai sida unggal Umpi sebilik ti kiruh berumban ke Pasar Malam begiga ka utai ke nyamai. Arap ka anang jera maya aku datai baru ila meh kaban-kaban.

Chambai Lindong seduai Umpi ngulu ka Augustine, Cikgu Henry sereta bala bukai matah ka jari

Nya pansuh nyamai pia ko Mrs. Umpi !!!

2. Ayos nyadi Pilot

Lebuh ke bisi ngulu pengawa berantu di Machan, kami menyanak bemalam di Sibu. Machan ari Sibu kira pejalai 35 minit aja diatu. Ayos endang enda muai peluang mai ngagai alai main, laban "Ayos ka nyadi Pilot".

Duit siling sebelah teluk pintu kereta di gumpul magang. Tabung siling pan enda tau tinggal tang taja pia siling nya enda tau di kena, "galau ka mayuh"

Ayos as a young Pilot

Ayos as a young driver with Sarawak Locomotive Company - Keretapi Tanah Sarawak !!!

Ayos as a young "town, road and highway planner"

3. Ngetu di Nanga Pek

Pemulai ari Sibu kami sebuat limpang enda lama nyengguk ke Nanga Pek, ukai nama laban deka mandi sungai ai chiru tang enda mukai-mukai ai bah bekau ujan ngalih ka pagi.

Kelimpah ari nya, bisi ka kena pansa pending, berita sida Nanga Pek benung berambu deka berumah baru. Diatu baru deka nyungkur tapak rumah ba senentang rumah asal/lama.

Sebedau pengawa nyungkur nya belabuh, sida serumah ngepun ngena adat tuai, piring ading sereta biau ngiga chelap ngiga lindap, nya kebuah mayuh amat bala sida serumah ti ari jauh datai. Tambah mega chun amat ga maya nembiak permisi ujung taun.

Peluang ti manah endar ga nya, kami datai meda bala benung mayuh belelak di ruai, laku lalu nangkirlah enda lama.

Bala serumpu di ruai begulai enggau Apai ABJ ari Cats Radio

Apai Sidi kaban lama Anya Kedap ari Utusan Borneo



cda