KAYA

Sebulan nembiak ninggal ka rumah, kini penungga, nama pengawa, sapa ngemata, nama pemakai, enda meh kitai nemu. Pengeras sida ti deka "pergi" ukai main, sebulan besun-sun kulu, besun-sun kili ninting hari minggu. Tagang, nadai daya ulih tagang, pengawa enggau runding nembiak, nya engka udah di atur "Petara/God/Allah (aku Iban tau ngena)"

Seminggu nyula taun 2010, kena 8/1/2010 lebih 100 nembiak "lari ari rumah" di seluruh Sarawak. Bala nembiak nya, indu enggau lelaki ti benung nganti pemutus peresa pom 5, di temu ba punggang pasar Batu 10 Kuching.

Anang irau, tu ukai berita sensasi tang berita chukup gaga sereta manah, laban program ti di atur ari Gereja Catholic ka bala nembiak ti abis pom 5, ngena Kuching Association of Youth Annual Gathering (KAYA). Program tu udah di atur 18 kali kenyau ari 18 taun nyin suba. Nembiak ti masuk program sebulan tu nadai bebayar taja pan pemakai, bas enggau alai tinduk meruan sereta manah.

Nitih ka berita, sekeda program tu, di kena mai bala nembiak ngagai "pengidup" orang ti seranta di nengeri/pesisir kelimpah ari belajar ka penemu enggau lebih silik pengawa Gereja ngerembai ka peneguh pengarap ba bala nembiak.

Ngenatai ka pengaga ati ngagai semua bala nembiak ti enggau program nya ke lebih agi bala "gang" Watt. Terima kasih mega ngagai Bala Padri, Brothers, Sisters & bala God Servant ba St. Lucas, Bt 10, laban ti enda bepampang ati meri penemu ngagai bala nembiak/anak kami kandang sebulan nya.

Aku ngari ka kami sebilik, minta ampun laban enda ulih suah enggau kita sebuat begulai enggau bala nembiak ba St Lucas sereta ba sekeda endur/kampung/palan pendiau ti udah di atur.

Taja pia, maya rami malam "Beserara" lemai 7.2.2010 tu tadi, sempat ga aku datai, beguai amat mulai ka diri ari Sibu tengahari nya.

Pun pengerami makai malam

Ngepan Watt seduai Kingston

Watt begulai enggau gangs

Watt ngulu ka Indai Kingston seduai Mum ngiga pemakai "kampung special"

Sekali dua ayan ga mua Apaienduq ba St Lucas neh !!!