Sekeda Pengerami Gawai

Bala Dayak di Pulau Borneo nyau ka serebak nyambut Gawai. Di Sarawak Gawai udah di tetap ka kena 1/6 kenyau ari taun 1965. Di Sabah bala Dayak (?) mega netap ka Gawai (Keamatan) di intu bulan 5 ninting taun. Bala tekang Dayak di Kalimantan mega udah netap ka Gawai di intu ari bulan 5 ngagai tengah bulan 7 ninting taun. Kebuah pia, laban Gawai di intu sida iya be-renggat-renggat ba siti-siti menua.

Kena ujung minggu dulu nyin kemari, kami sebuat di kangau ngabang ngagai Sanggau. Tu kira kali ke dua udah ngabang ke menua nya. Pengerami Gawai sida sepiak nyin di intu enda kurang ari 4 hari. Mayuh program lumba enggau main asal bisi di atur ari pagi sampai ka malam.

Terima kasih ngagai Komiti Gawai Sanggau, lebih agi Dewan Adat Dayak ti betuai ka Bapak Thadeus Yus, laban ti ngangau ka SDNU taja pan surat pesau sida iya enda datai ba SDNU. Tudah ke selalu amat be kontek enggau mayuh bala kitai ditu, nya alai kami sebuat ngenatai ka diri mega atas nama SDNU. Tambah mega kena mandang ka bala Dayak ari Sarawak majak segulai makai enggau bala Dayak ari sepiak nya - jaku amat, kena negut ka kaul kitai meh nya.

Manah amat ukir Dayak ba mua gerai


Nampung randau enggau bala Pak Thadeus Yus (Pengerusi Dewan Adat Dayak Kalbar) ba Shafir Hotel Sanggau ba malam penudi rami Gawai

Nguji ngabas pengerai, kala ke bisi mansa seraya ke deka berandau enggau bala tudah ari Opis Pengerai

Tiang ukir, siti pekit ti di atur ka siti-siti sitak menua

Makai malam ba rumah Bupati(Resident) Sangau

Numpang sekaki poco-poco

Kumang/Dara Gawai Sanggau 2010

Tourism spot di Sanggau

Begulai enggau Aya Bujang Lembau matau menua

Jambatan Samuntai ti ngelayang Sungai Kapuas ari ulu Pasar Sanggau

Sekeda raban Adat Asal bejalai ba Pasar Sanggau

Sekeda Kereta berhias

cda