Notis Pagi & Belakang kena Sundul

1 .Notis ba Pintu Bilik Tinduk

Tumu pagi tekenyit meda, mua pintu sekeda nyau bisi betampalka notis. Asai-asai tu meh terubah meda notis baka nya ba mua pintu.

Tanya kiba, tanya kanan, nemu nya bisi kebuah besai notis nya di lekat dia, laban lemai dulu sekeda orang bisi penyarut berinjau ka bup Kartun/komek enda disimpan pulai enggau kemas. Maya iya deka nginjau baru, orang ti empu bilik lalu nagang. Meda diri empu kena tagang ngambi bup malam nya, iya lalu nyedia ka notis, tulis ba kertas mit....benung betulis ka message nya, iya bisi kena peda indai iya, ari meh kami betelai bisi orang deka nampal notis tumu pagi hari seiti.

Tumu pagi meda notis tu, tulis manah, message pan boleh tahan, nadai nyadang iya(Ayos) bisi idea datai dia laban iya diatu ba primary 2

2. Mitshubishi kena Sundul

Umbas iya ga dalam 3 bulan tu, utai nyadi macham-macham tang mua agi "senyum". Ni nya ulih nganu deh, ukai utai ti nyadi nya dipinta tauka digiga????

Irau meh anak bujang pulai ke rumah takut kena pidat indai iya, madah ba telefon pan iya nangi diri, nyau dua tiga kali telefon ngagai apai iya. Ukai nama anak bujang deka nyereta apai iya pulai ke rumah.

Munyi ko kitai, nya ga udah selatan. Puji Tuhan laban anak bujang ti mai motor nya nadai kena penusah.

Lumpung besi kena ngaga nya, nya baru kering, ulih kena belantak kiba kanan baka ba pampe (fun fair)

Kena sundul ba Round About Simpang Tiga Kuching

cda