Lansa Pengawa Seminggu

1. World Forestry Day in Lawas

Sempat ngulu pengawa World Forestry Day di Lawas. Ari Kuching ngena bilun kira nadai penanggul, Boeing tauka Fokker tang ari Miri ke Lawas, salah maya asai asai nepan SPEEDBOAT ba Sungai Rajang, begedap begedap munyi utai sebelah tisi.

Kaban aku siku, ti nyaga transport ka bala ti datai ngena bilun ke Lawas, luchu amat cherita. Sida ari padang Bilun (Pegawai MAB Lawas) selalu amat call iya, lalu bejaku, salin ngagai jaku Iban "anang ngasuh pegawai kita ngelepas ka belun, lagi bilun enda ulih sangkai di Lawas ditu" Ha ha ha, amat ga nya enti belun lepas, nujo bilun ke atas nyu enda nurun, tentulah enda sangkai ga bilun !!!!!

Pulai ngagai berita pengerami, baka Pasar Kuching nya meh Lawas, jalai jam kin kia 2 hari nya. Bilun penuh Hotel pan penuh, sejam laun check-in, booking hotel terus kena cancel, balat ga "undang-undang hotel" di Lawas 2 hari nya. Nyau mutap kaban aku siku, laban ti andal ati hotel udah booked & confirmed 3 hari sebedau datai, lemai nya iya ngena bilun 2.10 pm ari Miri, kira jam 3.00 pm datai di Lawas.

Kaban ka check-in kira jam 4.00 pm, apuuuu tekenyit ninga, "Sori Encik, kami sudah cancel booking Encik sebab orang lain mau pakai bilik"

YB Datuk Amar Awang Tengah sereta YBhg. Datu Hj. Len ngulu ka bala VIPs bukai mutung ribin ngelepas ka belun nanda ka "World Forestry Day Celebration" ba peringkat Sarawak

YB. Datuk Amar Awang Tengah di apit Datu Hj Len (Pengarah Hutan/CEO SFC/Perm. Sec. Resource Planning Ministry) seduai Hj Sapuan Ahmad (Sr. AD Forest Depart) ari kanan, Datu Sarudu Hoklai (General Manager STIDC) seduai En. Maria Hasman (Resident Limbang) ari kiba


Siku ari Tuai Masyarakat nerima poster ari En. Edmund Renggie

Bala VIPs, Pemesai Perintah, Tuai Masyarakat, Tuai parti politik & bala mayuh ti sama ngulu pengerami pagi nya

Sekeda bala mayuh ti datai pagi nya

Ha ha ha silau amat

Anak mit siku ninuk meda poster, tang patut ka enda Apai iya ngambi poster ari Kaunter Pameran lalu terus meri anak mit nya poster? Poster ti di sadung kena ngenatai ka sekeda berita polisi/pemansang perintah, tang enggi anak mit tu, engka tak di basau iya tekala nya jangka aku

Pintu bilun TWIN OTTER - tanda bilun udah tuai meh nya, makin begedap ati tambah tepeda ka ai ujan nyau beketepak labuh ba mua pintu

Kaban ti sereta ngena Twin Otter

Anang nadai dalam gambar dalam Twin Otter


Berita ayan dalam Borneo Post 1/5/2010

2. Program Motivasi SIRA di Kampung Antayan

Nadai di kangau nadai di pesau, laban ti selalu ngetu, selalu mansa Kampung Antayan, nya alai nadai berunding dua tiga kali lalu nitih ka raban sida SIRA (Sarawak/Serian Iban Remun Association) ti deka ngtur program Motivasi kena pagi 25/4/2010 tu tadi.

Semina sempat kuntik(contact) Dr. Dusit Jaul, siku ari Speaker ti di kangau ka SIRA, mantu SIRA ngerak bala Iban Remun muka mata muka pending sereta muka runding nitih ka singkang pemansang bansa bukai.

Dr. Dusit sigi gaga ninga penatai aku, taja pan nitih dudi, sereta enda ulih lama. Mantai ka mua, kena nanda ka sukung ngagai SIRA pan udah chukup manah, pia ku jaku En. Elly Luntai, lebuh ti ngelalu ka penatai bala mayuh.

Bala Dayak Iban Remun di Kampung Antayan Keresik

Dr. Dusit Jaul ngenatai ka jaku peransang/motivasi


TR. Kpg Antayan Keresik, Presiden Sira En. Elly Luntai, En. Anthony Banyan & Dr. Thomas Buan

Pn. Diana Ningkan, Mrs Thomas Buan & En. Thomas Tegong Laka



Belabuh nungga pemakai tengahari

3. Polis Antarabangsa di Timur Leste

Berumban ngereja pengawa/berandau enggau bala pangan lemai nya, semadi udah semaya "aku datai meeting", udah semua utai confirmed sebedau dua tiga hari. Angkat pagi 22/4/2010, Apai Anna ari Pulapol telefon ............ "Ipar lemai tu datai ke rumah, sembiang berkat kami sebilik, sebedau mupuk ke Timur Leste". Pandak amat randau laban iya nemu aku benung driving nurun kerja.

Akai dai nadai utai asai nya, pergi salah enda pergi pan salah. Ehhh, nadai lah penyalah amat tang enda nyamai enda ngesah pangan diri lebuh ti bisi pengawa, lebih agi sembiang sebedau pergi jauh, siku ari 200 iku polis ngari ka Malaysia, siku ari mina 9 iku Dayak, pia ko berita ti di tampung aku.

Selamat bejalai ka pengawa di menua orang meh ngagai kita sebuat Ipar (Apai Anna), kira 6 bulan kita din, arap ka sekali dua ngirum berita ke menua. Taun tu kira ke enda enggau Gawai di menua begulai bini anak meh sida 9 iku nya.

Sgt. Klabu (Apai Anna) ngelalu ka semua temuai ti datai ngulu sembiang berkat

Sekeda bala indu nembiak

Tuai sembiang ka lemai nya

cda

Berita Gawai 2010

Diatu aku benung di Lawas, maya ti bisi lapang mimit, ninjau Penjurai enda lama, ingat ka bala kaban ti betanya pasal Gawai, nyau tetenguk ga deka bekunsi ka berita Gawai ba Penjurai.

Diatu, Gawai pan udah semak, mina nganti ngapus ka bulan, ngapus ka minggu, udah nya ngapus ka hari da.

Raban Komiti Besai SDNU tau sekali da ga nemuai ngagai Pengarah KPDN&HEP, ngicha ka rega barang maya musim Gawai terus ulih KONTROL baka taun 2009 nyin kemari.

Kelimpah ari nya, Raban Komiti SDNU mega tau nemuai ngagai Pengarah JPJ, Controller Lembaga Sungai-Sungai ngicha ka sida ingat bejalai ka pengawa diri maya rambau Gawai Dayak tu ila, cuti tau tang meri chance bala Dayak cuti.

Pegawai ti ukai Dayak betugas mega, laban ba taun taun ti udah, balat amat ga sekeda orang dagang niki ka rega barang, tambang bas, tambang express Boat, tambang taxi setegal excuse nadai chukup enforcement Officers !!!!!!!!!!! Ba taun 2009 tu tadi, baru SDNU/Bansa Dayak tetemu ka Gawai Dayak nadai kala di pasuk ka dalam SENARAI KAWALAN HARGA BARANG MUSIM PERAYAAN, MENURUT AKTA KAWALAN HARGA......

Ba taun tu, mayuh berita Gawai udah di temu bala kitai sebuat ti datai ari Limbang, Miri, Bintulu, Sibu, Kapit, Julau, Sarikei, Saratok, Sri Aman, Kuching enda di tinggal mega berita bala Dayak ari Sabah, Labuan enggau Pontianak. Ba taun-taun ti udah kala ga ninga berita sekeda bala kitai nguji sabotage Gawai ba siti siti endor, arap ka taun tu pekara nya enda nyadi agi meh.

Gawai ke temu ari bala pangan, arap ka enda berebak bepambak hari enggau jam:-

1. 8/5/2010 - Gawai Dayak Taman Malihah Kuching, GOH YB Dato Sri William Mawan

2. 14/5/2010 - Gawai SADIA Kuching

Serambau enggau Gawai tu, Sarawak Dayak Iban Association (SADIA) deka ngatur Pekit Kumang Iban, Kumang Bidayuh & Kumang OU kelimpah ari ngatur pameran sekeda barang/pengawa lama Dayak ba Telang Usan Hotel Kuching.

3. 15/5/2010 - Gawai Dayak SDNU Kuching

100 meja, Christian Ecunumical Centre, GOH YB Dato Sri William Mawan, 40 pengabang ari Kalimantan, 5 pengabang ari KadazanDusun KDCA, 3 pengabang ari Persatuan Dayak Labuan. Pekit Kumang Perais No. (1) RM5000.00, (2) RM3000.00 & (3) RM2000.00 sereta 10 Consolation RM400.00

Berita ayan dalam Borneo Post 1/5/2010

4. 19/5/2010 - Gawai Dayak Pontianak

Raban Dayak ari Sarawak, Sabah, Labuan & Brunei di kangau. SDNU berambu mai 30 pengabang ari Sarawak. Sapa bisi ati ka enggau ngabang tau betanya ba 082-570433.

Pengabang ari Kuching mupuk ke Pontianak 18/5/2010. Estimate belanja pulai mansang - Tambang bas, Hotel 3 malam kira RM580.00 siti tubuh.

5. 22/5/2010 - Gawai Dayak Sibu,

Ngelama tu, Gawai di Sibu diatur begulai SDNU, OUNA & DBNA ba Dewan Suarah, tang sekali tu nitih ka berita mina di atur SDNU lalu dibantu raban indu SIDS. Pekit Kumang Iban aja bisi diatur sekali tu.

6. 7/5/2010 - Gawai SIDS Sarikei

Selamat Gawai Dayak ngagai raban SIDS di Sarikei, arap raban SDNU di kangau ngabang !!!

Gawai dalam list tu deka di update dudi:-

7. Gawai Bintulu?

8. Gawai Miri

Sambutan PreGawai oleh Masyarakat Dayak di Dewan Suarah Miri pada 8/5/2010

SDNU Miri udah di padu ngatur Gawai Ngiling Bidai kena 19/5/2010. Sekali agi GOH YB Dato Sri William Mawan di sadang datai ngulu pengerami nya.

9. Gawai Betong?

10 Gawai Kapit

Sadia Kapit deka ngatur pengerami Gawai kena 22/5/2010 ba Dewan Suarah. GOH YB Dato Sri Dr. James Jemut Masing di sadang datai.


11. Gawai Saratok?

12. Gawai Kaban Facebook

Bala kaban Facebook di sadang deka ngatur SERUMPU GAWAI kena 4/6/2010.


13. Gawai Kaban RK?


cda

Raban Dayak Kampung Semerah Padi

Terima kasih ngagai En. Spencer Birai, laban ti mai nemuai ngagai Kampung Semerah Padi kena lemai 17/4/2010. Penemuai kami duai kia, laban di bai ngulu sida kampung nya meeting numbuh ka Pampang SDNU. Pun bulan tu tadi, Tuai Rumah udah nerima surat ari ROS ti udah ngemendar ka sida dia ngaga Pampang SDNU Semerah Padi.

Apu bala kaban, nadai kala aku terunding Kampung Semerah Padi dia, bisi tembung kitai Dayak, selama tu meh aku ngumbai menua nya semina di wan bala Melayu. Nitih ka berita ari TR Nili Tanlu Ak Mumong, sida udah ngentap ka pendiau diri ba Kampung nya kenyau ari 1985, naka ke diatu kira bisi 54 ruang bilik/Lot Dayak. Nemu kita, dini alai Kampung Semerah Padi? Anang tekenyit, Kampung Semerah Padi tungga ke belakang Normah Specialist Hospital, Petrajaya, Kuching.

Bala Dayak nitih ka cherita TR Nili, mayuh bengkah penatai, ari Lundu, Padawan, Undup, Malugu, Betong, Saratok, Kapit, Bintulu enggau Marudi. Enti kita ingat, Niang Henry Tabur, siku ari raban "TIGA SEBUAT" orang ke diau ba kampung nya, selalu pansut ba Radio Iban dalam kandang taun 1980han suba.

Emmmm, mulai ngagai batang pejalai kami duai En. Spencer, kira mujur mega sida baum numbuh ka Pampang SDNU, sereta milih Raban Komiti Pampang. Ngenatai ka pengaga ati ngagai semua bala Raban Komiti ti kena pilih. Arap ka kitai suah agi ga betemu, pagila lusa.

Raban Komiti ti terubah SDNU Pampang Kampung Semerah Padi betuai ka TR Nili Tanlu

Chairman SDNU Pampang Kampung Semerah Padi, TR Nili Tanlu

Sekeda raban ti bisi datai ngulu aum numbuh ka pampang SDNU Kpg Semerah Padi

aab

Insentif Pelajar SK Jln Arang

Selamat pagi cikgu, dengan penuh senyuman salam saya itu dijawab "Selamat pagi dan terima kasih kerana dapat datang ke Majlis kami pada pagi ini". Jawab saya kembali, terima kasih cikgu kerana menjemput kami ke majlis ini. Percakapan saya dengan Guru Besar sekejap saja kerana beliau memang sibuk pada pagi yang cukup bersejarah bagi SK Jalan Arang. Mana tidaknya, sekolah yang baru dibuka pada tahun 2003 telah mencatat rekod keputusan cemerlang UPSR pada tahun 2009 yang lepas, seramai 10 orang pelajar telah mencapai 5A.

Tetapi sebelum itu, kedatangan saya agak lewat sedikit, semua kerusi telah di penuhi walau bagaimanapun kehadiran saya dan teman saya dapat dikesan oleh salah seorang guru lelaki (saya lupa nama), maka dengan penuh hormatnya, beliau memberikan laluan untuk kita duduk dan saya melihat, beliau sendiri telah mencari tempat duduk yang agak jauh ke sebelah kanan barisan para guru. Terima kasih cikgu !!!

Setinggi-tinggi penghargaaan dan jutaan terima kasih kepada semua cikgu dan kakitangan sekolah, Guru Besar Cikgu Sharifah, Cikgu Kisun Kumbun, Cikgu Peter Lajang, Cikgu Toh, Cikgu Lia, Cikgu Loh dan lain-lain ke atas kejayaan sekolah menghasilkan 10 orang pelajar mencapai UPSR dengan CEMERLANG. Saya dan teman saya sebagai ibu bapa sangat bangga dengan kejayaan tersebut, sangat bangga dengan kejayaan sekolah tetapi lebih lagi bangga dan sangat terhutang budi kepada semua guru dan kakitangan sekolah, apabila melihat anak tergulung dalam kumpulan tersebut. Terima kasih kepada semua cikgu, semoga usaha dan penat lelah tuan-tuan dan puan-puan ke atas kejayaan anak kami itu akan mendapat berkat yang setimpal.

Carlson Dexter menerima INSENTIF PIBG dari Guru Besar Cikgu Sharifah

Sebahagian pelajar CEMERLANG bersama Guru Darjah Cikgu Peter Lajang dan para ibu bapa


Carlson Dexter bersama Cikgu Kisun Kumbun


Para murid SK Jalan Arang


Cikgu Toh bermesra dengan para penerima insentif


Guru Besar Cikgu Sharifah dan Cikgu Loh berpos dengan para bekas anak murid


Ceramah motivasi kepada para murid Tahun 6 selepas Majlis Penyampaian Insentif


Cikgu Kisun dan Cikgu Noriah menjemput para ibu bapa ke jamuan ringan

AE

Berita Manah

1. Insentif Pelajar

Ayos, tak nyau balat gagau ka diri, seminggu-minggu tu tadi. Ngasuh meda surat ti di beri siku cikgu ngagai iya ba klas taun 1. Ninting hari iya nagih, ngasuh Ujang macha surat nya, tang nyau beila-ila ga aku ngenatai ka surat nya ngagai Ujang ti diau ba Asrama, Kolej Abdillah. Kelimpah ari nya, Ayos empu pan minta 11 iti photostat, entah kapa kini ngemayuh nya?

Ukai nama, minggu tu tadi, dua pekara ti mai pengaga datai serentak taja minggu nyin tadi endang berasai kiruh, tang udah nyadi pekara biasa ga bala anak, maya sekula permisi apai sida pan mupuk ga bejegau. Bala anak agi mit suba, di anti permisi sekula, awak ka sama-sama mindah jauh sambil nemuai kin kia. Dua tiga taun tu, kira nadai kena pansa agi leka jaku mindah jauh, laban hari/jam bala anak permisi nadai kala serempak.

Dua perkara nya tadi, terubah endang utai ti di anti tudah Ujang, surat ti datai ari sekula lama iya, ngangau ka Ujang nerima Insentif pelajar sekula ari PIBG. Surat nya semina sempat di bacha tudah Ujang kena lemai 7/4/2010. Ukai anchi meh pengaga tudah Ujang, pagi 10/4/2010 ila iya deka datai ke sekula lama nerima insentif ari PIBG.

Surat ari PIBG, SK Jalan Arang

2. Tesau Interview

Perkara ke dua, tau kumbai kitai tau mai pemanah ga ngagai bala nembiak kitai di menua pesisir. Surat tawaran temuduga nampung pelajar sekula ngagai UiTM, engka ngambi Diploma kini. Pemanah iya dia, bala nembiak nadai apply bisi di kangau terus interview, arap ka nembiak di menua pesisir mega bisi nerima tawaran interview ti baka nya.

Tawaran Interview Diploma Kejururawatan Teknologi Makmal Perubatan

cda

Umai

Udah ngirup pagi kira jam 8.45 kami sebuat lalu Check out ari Kingwood Hotel. Kenu ko jaku, berumban ka pulai ke Kuching, nangi ka diri nurun gawa hari siti, nangi buntau enggau lelak. Berumban mega kami sebuat limpang ke Market, laban kala ninga berita, ikan ba market di Mukah agi baru bai ari tasik.

Kelimpah ari nya, ba market Mukah mega bisi mayuh umai udah di bela, mina angkat makai aja. Sigi enda muai peluang ga kami sebuat. Umai kira bisi 12 mangkuk kena jengkau kami sebuat, senyum panjai tudah ti bejual. Ransing amat iya mungkus umai ka siku-siku kami. Asai rangka mimit, nyau 6 mangkuk di tanggung laban nyangkung sekeda bala di Sibu.

Apu nyau teringat ka siti jenaka, "patut meh orang Iban nadai bulih padi laban umai nyau di empa orang Melanau" nya meh, Iban sigi mayuh ulah, madah diri nemu jaku Melanau, kenu ko iya, senang jaku Melanau "Nuau nadau medau akau ba kedau Kupau". Tudah kaban Melanau iya nyau rangap-rangap enda nemu utai ti ko iya nya.....jaku Iban, "nuan nadai meda aku ba kedai kupi" Ha ha ha ...... munyi orang Malaya madah diri nemu jaku Iban, panjang panjai, makan makai, pinggan pinggai, terbang terbai, petang petai, ikan ikai, parang parai, pantang pantai !!! Nya meh, enti enda nemu anang madah diri nemulah!!!!!

Ikan deka di gaga nyadi umai

En. Edmund Renggie milih umai ti deka bai pulai ke Kuching

Ikan sedia di iris nyadi umai

UMAI OH UMAI

Umai nyau ka lichin !!!!

Umai enggau sambal dah ready

Kami sebuat nelan liur nganti umai datai


cda

Teman-teman Pemberita dari Indonesia di Kuching

Pada awal pagi tadi, saya baru bangun dan jengguk ke belakang rumah, ingin memberi makan ikan-ikan dan ternakan yang lain. Tiba-tiba terima panggilan telefon, suara yang biasa kedengaran tetapi nombor nya 010. Saya tertanya-tanya nombor siapa kah ini?

"Aya aya, Jang Rangga tu, ari Kalimantan kami 5 diatu bisi di Kuching" suara Jang. Pastilah saya kenal suara Jang Rangga yang sering datang ke Sarawak, lebih-lebih lagi beliau yang ditugaskan memulakan siaran RRI di perbatasan Entikong, sejak bulan September 2009. Sebelum itu beliau bertugas di Bahagian Berita, TVRI di Pontianak untuk TV dan radio termasuk siaran radio bahasa Iban.

Kunjungan mereka ke Sarawak kali ini adalah mendapatkan bahan berita dan dokumentari mengenai penghijrahan Dayak Bidayuh dari Kalimantan ke Sarawak. Dokumentari tersebut akan disiarkan melalui TV1 Indonesia. Semoga misi mereka akan berjaya. Di harapkan juga mereka akan memberitahu tarikh dan jam siaran tersebut, manalah tau, jika ada peluang mungkin saya dan Pak Langkasty Narang bisa kunjung ke Entikong untuk menontonnya.

Pagi tadi, setelah menerima panggilan telefon dari Jang Rangga, saya dan Pak L. Narang terus segera menemui dan bersarapan dengan mereka di salah sebuah kedai Kopi berdekatan dengan Ariff Hotel. Seronok juga berbual dengan mereka kerana kumpulan mereka terdiri dari 1 orang Dayak Iban, 2 orang Dayak Bidayuh dan 2 orang Jawa dari Jakarta yang sama-sama bertugas sebagai pemberita sepenuh masa.

Duduk: Pak Impan Manuk, En. Lankasty Narang, Apaienduq

Bediri: Pak Deden M. Ramdan, Pak Jang Rangga, Pak Ahmad Syakur & Pak Helenus Fatah

cda