Rami Kawin Musim Gawai

Kandang seminggu Gawai tu tadi, enda kurang ari 5 bengkah endur bala anak petunggal sereta bala anak Ipar ti kawin. Sekeda serentak baka ti berebut ka hari, sebedau Gawai, engka ngicha ka bisi sulu bai pulai Gawai kini? Tanya sida Bujang Jegak di Miri, Andy di Bakun enggau Igat Saban di Sibu, nama kebuah milih hari nya.

Enti enda bepambak hari engka ga ulih lawa magang, Bujang Jegak di Pantu di pansa ga jalai ari Kuching, tang nyau lawit amat ga, laban pagi 29/5/2010 ngelawa bala Ipar di Matop Paku. Lemai nya patut ngelawa bala Ipar siko da di Ulu Derau tang enda mukai mukai ga nyau sakit...engka sakit lelak kini???

Minta ampun ngagai seduai Umang lebih agi ngagai Daddy seduai Mummy nuan ti udah dulu ke Ulu Derau, laban kami sebilik nya enda dapat ngelawa penggawa seduai. Ngagai Bujang Jegak mega kami sebilik minta ampun, tang sebut baik agi, laban nyau pengawa tau di kumbai maliq...hehehe.

Di Jikang Julau, kena 3/6/2010 pan enda ulih lawa setegal berumban beranjung ka bala budak pulai ke Kuching. Minta ampun ngagai seduai Andy Stephen, ukai aya nuan tu ka ngelaung ka diri tang laban Enduq deka nyedia ka diri empu napi pengawa kena 6/6/2010.

Sekeda pengawa pengerami ti sempat lawa sekumbang dalam 2 minggu:-

1. Finlayson Ludan

Ngenatai ka pengaga ati ngagai seduai Igat, laban ti udah mujur ngepun ka pengawa niri ka rumah tangga kena 5/6/2010 tu tadi. Ngagai Apai nuan (Ludan Ekom) enggau Indai nuan mega kami menyanak ngenatai ka pengaga ati.

Sempat mega limpang ngenatai ka diri, laban ti udah bisi pengawa ba menua tungga ka Debak lemai dulu.

Taja pia, kami sebilik minta ampun laban enda ulih datai maya kita berami di rumah panjai di Selangau.

Baka pinang di belah dua, Igat seduai "kawan"


Ngenatai ka pengaga ati ngagai seduai Endun


Indai Falicka baru bekelala enggau bala tanah menantu ari Kuching


Ninon, Indai Eva, Chandi seduai Indai Enduq begulai enggai Indai Nyawin ari Julau, Ayos ngambi peluang ngambi gambar begulai enggau bala Auntie


Kasak amat TR Sijah, kala ka Indai Igat udah ka !!!!

2. Ipar, Nuga Ak Majat Kawin di Blassau, Jalai Pusa

Mega ngenatai ka pengaga ati ngagai nuan Ipar Nuga, ti udah mujur ngepun ka rumah tangga taja pan umur udah ka buya-buya ngelebus. Ukai nama, Ipar aku siku tu kelalu lama pegi, maya umur agi biak. Nyangka lebuh ti pegi, nadai utai kena pansa kini? Tauka sigi nganti kaban belayan diri ti mansa.

Anang tekenyit kita Indai Sian seduai Endun Angel di Labuan, meda kaban kita Nuga di Debak Betong udah bisi "kawan". Enti iya rembus ke Labuan baru, tentu iya mai "kawan", nadai jalai di tinggal ka lama.....faham aja lah.

Penatai Raban Lelaki di Blassau di sambut ngena Kota Penamaq

Pemayuh Raban ari Ng Pek benung di lalu ba rummah panjai

Bepeluh bala mayuh nganti ba penyangkai, janji niki jam 2 tang di tiki jam 4.30 lemai ba Blassau setegal nganti bala ari Jerai

Ayos sempat mega enggau meda aya iya, Nuga kawin taja pan apin nemu utai ulu ili

3. Anak Mikul Kawin di Matop Paku

Ngenatai ka pengaga ati ngagai Ipar aku, En. Mikul Ak Kedit di Matop, laban anak iya udah mujur niri ka rumah tangga sebedau Gawai tu tadi. Sempat ngenatai ka diri, tang ngirit diri empu ti benung kurang regas maya nya kemari.

Bala insan ari Sri Aman, umbas iya ga, gap magang laban ti ngena "uniform JKKK". Sayau amat laban pengerami nya semina siang hari, nadai sempat alai sida iya ngayan ka tanda "pucu pucu"

Endun anak Ipar, Mikul Ak Kedit

Mikul ninga ka jaku pengelalu ari Tuai Rumah

Madi apai Mikul pan datai ngulu pengawa Uchu kawin, nadai ngira penjauh


Tuai Rumah ngemata ka pengawa beberi ka derian


Watt seduai Anggat sedia nyadi Cameraman, ngetu ba simpang Sri Aman

cda