Seiti Saup Ngerambai Ka Jaku Iban (Berita ari Press)

1. Forum Jaku Iban 2011 (Tandu Berita)

Forum Jaku Iban diatur begulai enggau Opis Menteri Pembangunan Sosial dan Urbanisasi Sarawak kena 17/9/2011.

Bala raban komiti datai ari sekeda gerempung NGO ti disukung penuh ari Kementerian Pembangunan Sosial dan Urbanisasi Sarawak (KPSU).

Forum Jaku Iban udah netap ka 4 iti Kertas Jurai ari bala ti landik nulis sereta ngajar dalam Jaku Iban ari UPSI, UITM, UNIMAS, Opis Pelajar, Tun Jugah Foundation enggau Majlis Adat Istiadat.

Komiti Pengatur Pengawa, mansutka berita madahka Sapit Kepala Menteri Sarawak, YB Datuk Patinggi Tan Sri Dr. Alfred Jabu Anak Numpang orang ti ngepun mai ngangkat ka Jaku Iban di sadang dikangau bejadi ka Forum Jaku Iban kena 17.9.2011 tu ila.

2. Pekit Ngarang Cherita Pandak (Cherpan) enggau Berita Pandak (Berpan)

Serimbai enggau Forum Jaku Iban Komiti mega ngatur Pekit Nulis Cherita Pandak (CHERPAN) enggau Berita Pandak (BERPAN).

Tuju Pekit Ngarang :-

1 Nambahka utai ti dibacha ba Jaku Iban,
2 Nyediaka palan alai mansut ka berita, runding sereta penemu ngena Jaku Iban,
3 Nelebaka diri nulis dalam Jaku Iban,
4 Meransang nulis ka sekeda cherita enggau berita ti bisi nyadi ba sekeda alai diau.

Atur Pekit Ngarang Cherita & Berita Pandak

Sekeda ari pekara ti nyadi lalau Pekit Ngarang dalam Jaku Iban:-

1 Pekit ngarang tu dibuka ngagai semua nembiak ti berumur antara 13 – 18 taun kena 16/9/2011,
2 Semua karang mesti dalam Jaku Iban ti ngena Sistem Sepil Jaku Iban ti dikena ba sekula,
3 Pemanjai karang siti-siti cherita/berita antara 1200-1500 leka jaku,
4 Semua Cherita & Berita mesti dikarang diri empu lalu nadai kala udah ditulis orang bukai,
5 Semua Cherita enggau Berita enda tau disalin ari jaku bukai,
6 Cherita enggau Berita ditulis ngena computer lalu disempulangka enggau nama, No. Talipaun sereta No. IC pengarang/pemekit,
7 Semua karang mesti dianjung ngena Hardcopy sereta CD ngagai Komiti Pekit sebedau jam 5 lemai, kena 5 September 2011 ngagai Opis SDNU:-

SARAWAK DAYAK NATIONAL UNION (SDNU)
Bn 208, 1^st Floor, Lot 2599, Block 217 KNLD
Batu Kawah New Township
93250 Kuching

Tel/Fax: 082-570433

8 Pemutus Pekit Ngarang, Nama enggau Batang Karang deka diayan ba Utusan Borneo enggau Borneo Post,
9 Semua CHERPAN enggau BERPAN mega nyangka deka dipansutka ba Utusan Borneo bepanggai ba pemanah karang enggau berita,
10 Pemutus bala Hakim/Pemeresa nadai ulih dibantah,
11 Pemekit ti menang ba numbor 1, 2 & 3 deka dikangau ngulu Forum Jaku Iban (Makai/Ngirup/tambang bas/Ekpres/alai diau mega ditanggung Komiti Forum Jaku Iban),
12 Siku Pemekit dikemendar nganjung satu/dua iti karang, siti karang ba CHERPAN tauka siti karang ba BERPAN,
13 Bala kaban belayan ti semak/bala diri sebilik Kaban Komiti pekit ditagang masuk pekit tu,
14 Komiti Pekit deka nyediaka DUA BENGKAH (2 Categories) Perais, CHERPAN & BERPAN ti sama penyampau:-

(i) Pemekit ti No. 1 deka nerima mata duit RM1,000.00, Tropi & Sijil,
(ii) Pemekit ti No. 2 deka nerima mata duit RM750.00, Tropi & Sijil,
(iii) Pemekit ti No. 3 deka nerima mata duit RM500.00, Tropi & Sijil,
(iv) Pemekit ti No. 4, 5, 6, 7, 8, 9 &10 deka nerima Pengaga Ati mata duit RM100.00 & Sijil,
(v) Semua Pemekit kelimpah ari 1 ngagai 10 deka nerima Sijil Masuk Pekit

Batang Cherita & Batang Berita (Topic)

Bala pemekit tau milih siti karang ba siti Bagi:-

A Bagi Cherita Pandak (CHERPAN)

(i) Cherita Lama/Jerita Tuai
(ii) Cherita Gaga/Ensera
(iii) Cherita Anak Mit

B Bagi Berita Pandak (BERPAN)

(i) Sekeda Pengawa ti nyadi ba menua pesisir/nengeri

(ii) Berita Pemansang Rumah Panjai/Menua/Pelajar/Bumai Bekebun/Ekonomi/Main Asal

(iii) Berita Pemansa Rampa Menua/Palan Temuai
(iv) Berita Pemujur enggau Penanggul sida ti nyadi Tuai
(v) Berita Pemujur Nembiak ba pelajar sekula/dagang/kontrak

Pekara silik pasal Forum Jaku Iban enggau Pekit Ngarang sereta Pengerami Makai Malam tau betanya terus ngagai;-

1. En. Churchill Edward (Borneo Post) 019-8279067
2. En. Spencer Birai (SDNU HQ) 010-8320433

Raban Komiti Forum Jaku Iban Baum ba Opis Borneo Post

YB Tan Sri William Mawan nerima Proposal Paper Forum Jaku Iban 2011

YB Tan Sri William Mawan meri sukung penuh ngagai Forum Jaku Iban

Raban Komiti Forum Jaku Iban Baum ba KPSU

Berita Pekit Ngarang Jaku Iban

Berita Forum Jaku Iban

Majlis Adat Istiadat mega nyukung taja pan nadai dalam Komiti Forum Jaku Iban

SADIA Pampang Kuching mega meri sukung Forum Jaku Iban

CDA