Niang Andri Ak Igo udah madam ka seput kena 17/8/2011 kira jam 9.15 malam ba Hospital Jantung Kuching. Ia madam ka seput ba mua bini, apai sereta kaban belayan ti bisi ngesah iya lemai nya. Pemarai ia udah kena sakit dalam kandang 5 minggu.
Ngenatai ka penyinu ati ngagai sida sebilik lebih agi nggagai Indai Saing enggau 2 anak indu (Sibu) sereta Saing (Tawau) ti udah ditinggal maya umur sida ti amat beguna ka pengerindu enggau penyayau apai.
Aku besampi ngagai Allah Taala, awakka seruran ngibun semengat Niang, sampi mega ka kita menyanak ti tinggal, awakka kita semampai ngengam semengat ti kering nuju pengidup ti baru taja pan Niang nadai segulai besehari-hari.
Ngetas Ulit sereta Ngupas Tebalu deka diatur kena 3/9/2011, arap ka semua kaban belayan sama limpang datai ke Kpg Usahajaya Fasa 2, Jalai Salim Sibu.
Niang Apai Saing nyambut penatai bala pengabang Gawai SDNU Sibu kena 20/5/2011
Cikgu Jadam ngenatai ka Pendiau Pengidup Niang Apai Saing
Bala kaban belayan
Bala ibu enggau petunggal Niang Apai Saing
Bala Ibu sereta petunggal Niang Apai Saing ti datai ari jauh enggau semak
Bala kaban belayan Niang Apai Saing
Pengawa ngubur ka Niang Apai Saing udah mujur
Kira 250 kaban belayan Niang Apai Saing nyempulang ia ke Pendam RC ba Jalai Salim Sibu
Niang Apai Saing deka disembiang sebedau disimpan dalam lubang pendam
Sama sembiang minta semengat ia segulai enggau orang Sante di surga
Pejalai ti penudi Niang Apai Saing nujung lot pendam
Pengelebus Niang Apai Saing ari rumah agi seruran di kemata ka bala Aki, Ini, petunggal sereta kaban belayan ti datai ari jauh enggau semak
Saing enggau sida sebilik sama enggau ati ti sinu ninggal ka pendam Niang Apai ti di kesayau, tang Allah Taala lebih sayau ka tubuh enggau semengat ia
cda
No comments:
Post a Comment