Udah Labuh Dipanggung Lesung, Udah Aruk Dipukung Ngena Alung

Jaku tuai, "udah labuh dipanggung lesung, udah aruk dipukung ngena alung" nyangka amat mega semetap nuntung dalam sebulan tu.

Mayuh amat ga penanggul nuntung sebulan tu. Ba pengawa nyamai kira OK ga, tang tu mayuh pengawa nyadi ti nadai disadang, bala kaban belayan ti kena tinggang penusah, tua pan ngasai ka diri sama nanggung penusahnya mega. Utai nyadi baka tu, mayuh meh orang ngelarika diri tang asai sepi aku tak enggai nyadi sekali-kali, laban ba penemu diri, "enti aku enda, sapa agi deh dikandar ka iya?", "enti ukai diatu, kemaya agi tua meri tulung ngagai iya deh?" Ukai iya bepinta ka tulung ari tua belama-lama. Enti enda setegal penusah nadai ga orang nyau minta bantu ari kitai belama deh!!

Sebulan tu mega, berasai mayuh amat ga sekeda pengawa rama di ulu di ili, tu sigi "pemedis dipinta enggau pemedis digiga" ti nadai mulai ka penguntung tang semina nambah ka peneleba enggau kaul begulai enggau orang kin kia.

Engka ketegal udu bebitau, bekesegau sereta bekedayau ke ulu ke ili nya meh balat mai pengelelak lalu ngujung ka "angsa nguji mansai parit" kena dini hari 30/8/2011 tu tadi. Puji sereta terima kasih Tuhan laban ti nadai meri pemedis ba tubuh lebuh maya nya ti nyadi dalam sekelip mata.

"angsa udah mansai parit"

Anjung "angsa" ngagai Balai Polis

Polis madah "angsa patah sayap kanan" ba Balai Polis Simpang Tiga

"angsa buta mata sepiak" ba Balai Polis Simpang Tiga

Angsa ka nguji mansai parit semen tang parit rangkai

Anggat meresa alai Angsa "Landing"

Angsa di tarit iku pan enda kebap-kebap

Angsa benung nukung atas parit


Jalai luas sereta lurus tang Angsa merejuk ga ke parit!!!!

cda