Datuk Patinggi bejaku ngelansa pasal penyerakup bansa Iban ti udah di pun ka iya kenyau ari 1987 kelia, bepelasar ka "Segulai Sejalai".
Pelasar jaku nya udah diubah udah ditambah ngicha ka mai nambah ka pemujur nyadi "Segulai Sejalai Sepenemu", tuju ngubah ukai tegal pandai-pandai tang nitih ka maya (change with time).
Nasib ga sempat ngenatai ka diri ke Sibu lalu bisi enggau serumpu bela ninga ka sekeda randau bala kaban belayan ti MUJI SERETA BEBASA BESAI KA DATUK PATINGGI Alfred Jabu, tegal TI MAI SERETA NGULU SERETA NGEPUN KA PENEMU "Segulai Sejalai Sepenemu" ba lemai nya, iya nadai sekali-kali beanu ka pangan diri maya iya ngenatai ka jaku pesan/speech iya. Kenu ko sida ti sama bisi datai, tu meh maya kitai berubah nuju pemanah negut ka kaul, ukai nganu, ukai ngiga laya, ukai bebantah ka pangan sereta tu meh maya ngaul bala kaban sesama Dayak ti kala limpang serekang penemu.
Terima kasih ngagai Allah Taala, laban ti meri bala tuai Iban penemu ti ukai ngansak nembiak redak majak nuju jalai serekang tang nuju jalai "Segulai Sejalai Sepenemu".
No comments:
Post a Comment