Ngapus ka taun 2010 - Taman Negara Bako

Selamat Taun Baru !!!!

Bala anak selalu ninga "Taman Negara Bako", tang sida nadai kala kin taja pan Bako enda jauh ari Bandar Kuching. Dua tiga kali kala ga ngabas penyangkai ba Kampung Bako setegal nyangka bisi tetemu ka ikan agi fresh ti di bai orang kampung.

Bala nembiak puas ga udah ngumbuk mai meda menua ti di kumbai "Taman Negara Bako", ujung-ujung ngalah ka diri ga kaban, kala ka lepa mimit ngapus ka taun. Awak ka nyamai di ingat sereta di kena nanda ka ujung taun 2010 nadai belampung ati, lalu meh tepejuh kin pagi nya.

Terima kasih ngagai kaban lama aku, Brada (Bro) Siali Aban laban ti mai bala kami menyanak numpang perau sida ia ke Bako. Diri empu suah amat ga udah ke Bako, tang bala anak, kira 31/12/2010 meh hari terubah sida iya merau ngena SPEEDBOAT mansa tasik, nuju Taman Negara Bako.

Sekali tu semina pulai hari tang sekali da kin udah nyedia ka diri empu bemalam bala anak laban deka bejalai ngasai ka dalam babas sereta bukit enggau deka mandi ba wong. Kira nadai ga mantah, awak ka sida menyadi neleba ka diri sereta mulai ka pengingat apai sida iya diau dalam babas kelia.

Bala "temuai" nuju ke Taman Negara Bako



Terubah merau di tasik

Terubah ngindik tanah Taman Negara Bako

Bala "temuai" berumban ka nuju chalet

Bala temuai enda di sambut enggau manah tang di sui ka buuuriiiiiitttt

Bela ngati ka diri

Ngiga alai begambar

Muang ka sekeda bekal

Lelak sereta madah ka diri lebu enda meda "Rasung besai idung"

Bala kera ngelawa ngelalu ka penatai madah ka pengaga meda plastik di binching kumbai nyangkung mai pemakai

Bahhhhhh nya iya, "Rasung besai idung" belalai di puchuk kayu......lanjut amat !!!!

Akai dai nya pengujung, mansang ukai main rigang-rigang duduk di luan, terubah nengah tasik, pulai lelak lalu tinduk !!!!!!

cda

Note: Berita Safari deka di tampung baru udah tu ila